Chloesin1013的个人专页

轉戰西營盤😋開始有地鐵站後，我就知道西營盤同堅尼地城開左好多食店～～好多外國人聚集～因為又寧靜又有舒服。今次試左一間美式餐廳～High Street Grill 環境好靚，暗暗的真係好有美國餐廳feel，雖然坐滿人，但唔會好似旺區咁嘈～～而且外國人居多。環境幾好～我地叫Lamb rump羊排～個羊排唔多，但真係中間有少少紅肉，口感超好，而且嗰汁好特別，我唔識講😂，好好味，配菜都食哂～個海鮮飯我以為要好乾身先好味，原來佢濕濕地都好正，兩個人剛剛好，全部K.O.哂，～～😋😋雜果沙冰正呀，唔會太甜😋今次兩個人都好滿意，價錢唔會太貴而且味道真係唔錯～～有貴餐廳味道但感覺好舒服有啲外國人坐係門口位置飲酒傾計～～…查看更多

豬手好難整得好食，不過呢間真係好正～超級超級香脆，入面又夠哂味～～朋友話加埋德國啤酒真係好正～真係好香口又入味～脆到隔離都聽到😂朋友叫左1L，仲大過我塊面😂呢個芝士麵團啱哂鍾意芝士嘅人好香好濃芝士味，而且我鍾意佢口感，好似小丸子咁～～環境我都好鍾意，無限時而且寧靜有氣氛好啱一大班朋友去～因為可以試過大併盤而且可以傾計飲下啤哂，坐出面又舒服～～…查看更多

有時候口痕痕～～晚飯前肚餓想食野但又怕太飽，食完飯又想食下小食～～呢間手卷啱哂丫全部都好新鮮而且唔貴～～全部$15起～～我去左三次就試左半板馬糞海膽～～葱吞拿魚三文魚腩三樣都好新鮮好正～～食少少就係幾回味㗎～～不過又真係好多人排隊～～記得買嘅時候同佢講要唔要wasabi啦～～正呀～～好鮮味～～我至愛嘅葱吞拿魚腩4片三文魚腩～～唔錯幾好味～～真係好多款式我見最多人叫炸天婦羅下次要試下先～～真係長期都咁多人㗎～～～近期出左好多手卷店～希望間間都足料啦～～呢間係推薦👍🏻👍🏻…查看更多

呢間真係高質素嘅牛肉燒肉店～～夜晚食都唔平，至少$600一個人，所以要試當然食午餐啦～～就係因為午餐又抵又高質素，一班同事已經變成例行嘅生日午餐😋😋我地最常叫就係「伊呂波」餐+加大份量$30。加大後有10-11塊左右～唔好睇少佢得10小塊，佢呢個餐係包括好多野食㗎～～1，前菜沙律2，麵豉湯3，三文魚4塊刺身4，什錦炸天婦羅4-5件5，一杯蒸蛋，一碗白飯6，主菜-牛肉7，甜品我地試過其他午餐～～貴嘅都試過，最好味都係伊呂波餐仲一定要加大～～另加$30會多幾塊㗎～上齊～～我唔客氣啦～～講真，刺身，天婦羅每碟都幾蚊啦～仲要咁新鮮，咁脆咁好味～～蒸蛋又係超滑滑～～呢三樣都值一半價錢，仲有主菜牛肉呢？呢碟牛食到個個都有讚冇彈～～超正呀～～慢慢嘆其實燒牛肉唔好太耐，好快熟，食幾多燒幾多。一燒起即食先最正～～我地會另加燒牛舌～～真係超級香好好味丫最後係甜品，呢個紅豆雪糕真係冇得彈😍😍😍嚟多個丫唔該😋😋夜晚真係好貴，要試牛肉嘅朋友可以嚟食午餐試下。而且近期出左夜晚放題，朋友話質素一樣超正有$298/52款$398/60款我下次會嚟試😍😍…查看更多

多年前試過已經愛上王家沙嘅蟹粉小籠包～～今次嚟到旺角分店，水準依然幾好。8點半到，唔需要等位，太好啦。先食「蟹粉小籠包」，咁多年依然都我最愛，必食嘅～～皮又薄，又勁多汁，最重要啲肉係好香蟹粉味，真係食多幾籠都得呀～上海話梅骨，肉都幾彈牙，最重要啲汁係好正，甜甜酸酸，全部汁好平均咁沾上去，真係太美味～～記得試埋粒話梅～～真係好酸甜～正呀甜粢飯～～我以前食咸的，係勁正，糯米勁好咬感，入面啲肉鬆好好味。但呢個甜就一般了，入面太少了。下次都係食返咸～～炒年糕，都可以，每一塊都會有味，炒得好平均，不過味道就般，好似出食到嘅差不多。～～～擔擔麵，唔會好濃，啲湯底係幾正，不過我叫左唔辣，朋友話擔擔麵微辣先好味～～所以大家要試辣呀～～～價錢唔貴蟹粉小籠包都係$55下次我會叫兩籠…查看更多

朋友生日～揀左呢間舒服嘅cafe食晚飯～兩個女人最好就係食呢啲～呢間位大坑入面，簡簡單單嘅裝修又舒服，我地首先叫左法式油浸鴨腿配窩夫要趁早食，我地掛住影相，隻蛋熟哂😂，不過個鴨腿真係幾好味呀～～鹹鹹鮮味，味道香口。個皮我最愛，因為皮最有鴨油香味而且好脆口，朋友唔食皮，唔緊要我K.O.哂正～～～呢個真係大讚，一上碟時已經好香龍蝦味，侍應叫我地快啲食左先，個龍蝦肉真係勁鮮味，連埋蘑菇放係麵包條上面真係正。我朋友連啲腳都唔放過唔好以為係甜嘅燉蛋，上面係焦糖，其實入面係龍蝦湯，感覺我好鍾意，因為好特別，兩樣原來好夾。推介milk shake 因為奶係餐廳自家製作～～真係好好好味～我至愛朋友嗰杯青蘋果好正，唔會淡味，好清甜餐廳冇得book位，雖然只有數張枱，但環境清靜，好啱情侶或一班女仔聚會傾計～～～食物味道值得推介…查看更多

因為新開,做優惠....二人同行一人價錢,一月份既時候要SEND MSG留位,嗰日我地book嘅時間唔太夜，但啲食物得返好少 海鮮餐廳,但海鮮,只得4款, 海蝦,螺,蟹,青口,海鮮味唔重,只係一般,我同朋友攞左一兩次就放棄了~~ 沙律,熟食食物味道正常.SUSHI款式只有幾款,味道都OK最正係,即場煮既海鮮飯或意粉就好濃郁,呢個推介~~~~我ORDER左兩次甜品有十幾款,都係一啲正常款式,最好是雪糕～～有哂三款皇牌味道Dreyer's D-Collection，Triple chocolate, 開心果和藍莓 最正應該是個view,天氣好,好多人出去睇,又係幾靚既不過一月份勁凍....==" …查看更多

食過好多間放題～～要搵平靚正嘅日式放題真係好難。呢間算係唔錯$248加一，4送一。服務幾好，有時候太多真係好難應付，其實叫多次，佢地一定回應你。當然最重要食物質素啦～～刺身，唔好期望係高級餐廳嘅味道，但絕對唔係差，反而每樣都會有鮮味～～枱枱客都叫幾轉刺身～～而我就鍾意火灸燒物 最欣賞梅酒清酒日本啤酒都任飲，甜品都十幾款，最正係每人限一個嘅Movenpick 雪糕去片～刺身算幾新鮮～～值得叫多兩轉～～呢個不得了～必叫，推介火灸牛肉，左口魚❤️啲牛肉燒得勁香，啲燒汁好好味。左口魚係板前都係咁嘅味道，呢度任食，仲要勁好味，魚油好多❤️海膽係唔差，可以放心叫。 呢啲味道正常～～好欣賞，好少有放題係梅酒啤酒任飲，出面都幾廿蚊一杯啦～～連清酒都有 嘩，佢有張甜品已經任叫，馬卡龍、糯米糍、雪條、芒果甜品、等等...係有十幾款。但呢款Movenpick雪糕只限每人一個，但真係好好味。剩係雪糕+梅酒都值哂值得再去～～～～P.S.生日日子，佢會安排熄燈播生日歌可以俾驚喜你地嘅朋友 …查看更多

奧地利麵包品牌於亞洲區第一間分店, 傳統方法烘焙及用天然酵母發酵，每日限量800個。新開店要排長龍，我就等放工時間去，等左20分鐘就買到。奧地利五層流心芝士軟包 一個個包好，攞上手仲好軟～～～$25一個 其層只係兩層cream cheese +麵包變五層 一打開有好香芝士+淡淡檸檬味，芝士味唔太濃幾啱當早餐👍🏻👍🏻雖然$25有啲貴，但愛cream cheese嘅人點都要嘗試一次～～～…查看更多

已經第二次嚟呢間～因為食物味道，價錢，服務都好好。記得第一次book左枱，因為佢嘅誤會令到我地係出面等左30分鐘以上，佢即刻送返一個小食拍青瓜俾我地，仲講唔好意思。今次再嚟，門口多一張告示，如果齊人等超過15分鐘會贈送小食。其實咁嘅服務係香港好少有👍🏻服務真係幾好。仲有wifi服務👍🏻兩次嚟都7-8個人。拍青瓜，爽口，餐前小食一流。👍🏻 醬汁外觀不討好，但味道跟出面唔同，唔會剩係得花生味，朋友嗰個都👍🏻 醉雞，好香酒味凍凍的雞肉，唔錯唔錯 紅油抄手，朋友喜歡辣，但我唔食辣都試左一舊。喜歡麻辣味嘅朋友會鍾意😊 酸辣湯，真係幾好。酸又唔太辣，味道好足。 主菜到啦，8個人叫左1隻，佢好好分開兩碟俾我地，提大家唔好顧住影相，啲皮好快凍，係勁快。我真係覺得填鴨係要一半皮一半肉先好味，朋友都話皮好脆👍🏻每人食左4件😂（填鴨要訂座時訂埋） 必叫必叫，牛犇麵。好似台灣啲牛肉麵咁，牛肉味好重，啲湯好濃味，真係出面食唔到，朋友連湯都飲哂😂推介👍🏻兩次都叫，好食好食農家炒飯，粒粒都上色。味道唔錯好香好夠味👍🏻甜品到啦拔絲蘋果，記住要即刻放入冰水度，因為糖漿係熱，一放入冰水就凝固變得好脆身。所以放遲左會一舊舊貼住，好難分開好難夾。朋友個個都鍾意👍🏻香甜好玩好好食😂 甜品仲有叫呢個，可以因應人數叫數量。外面最鍾意多糖粉，金黃脆脆入面軟軟仲係好熱。唔錯唔錯。7-8人叫左10幾個餸，連埋北京填鴨$1000都唔駛，都係每人$125真係又好食又抵，呢間長期都好多人，門口長期排隊，記得預早訂位，訂埋北京填鴨呀我建議多人先去，因為太多款要食，兩個人選擇太小😂😂…查看更多

真係超級超級超級好味😍😍～生蠔超級推介，間店係美國有自己嘅生蠔場，仲供應俾好多香港嘅酒店，所以有廿幾三十種生蠔。 餐廳兩層，我揀左高椅窗邊位。望住出面好似係外國嘅感覺。☺️ 佢地好細心，會慢慢講解不同國家嘅生蠔，又會跟你嘅需要提議邊款啱你口味。 我今晚就試左香港好少食得到嘅生蠔～法國嘅「皇御」「紅寶石」「水中花」同愛爾蘭生蠔～痴線㗎，真係同平時食嘅好唔同，呢間可以滿足你唔同嘅口感～「紅寶石」週邊係爽口但中心係厚肉質感，全部after taste好強😋😋 最後真係要叫個Fish and Chips呀，我揀左青衣魚，肥美厚肉。加杯白酒完美呀。有咩需要店主好細心介紹俾你～有時唔需要高級貴餐廳，要食到好好好新鮮生蠔又要環境靜，呢間真係已經可以滿足到你。 我一定會再嚟。😍😍 …查看更多

肯定會再嚟既烤雞店… 呢間韓國第一烤雞品牌,真係試下先,不過呢間真係超超多人,我地大約8點攞位,大約8:30入得,因為有限時,而且佢真係90分鐘就叫你埋單.我地坐到9:45出面都仲有人等位,真係好受歡迎 由於得我地兩個人,所以叫左咖哩蜜糖烤雞,雞蛋卷,兩杯飲品柚子沙冰,鯊魚特飲. 兩杯飲品都幾好,朋友揀左柚子,柚子味重,又清甜,用嚟送烤雞就最啱,鯊魚特飲,味道有點似利賓納加橙味咁...啲冰溶左沬道反而好啲我下次應該會揀柚子…. 先嚟個蛋卷,我本身唔太好韓國蛋卷,但佢呢個真係好好味,可能因為佢啲醬汁,本身上面有蜜糖芥末同茄汁,而因為芥末醬係有HONEY,所以只會有淡淡芥末味,最正係佢另上既醬汁,外表似千島醬,但味道完全唔同,仲啲少少辣,好正兩個人快速咁清哂,醤一滴都冇剩, 等左一陣,主角嚟啦,嘩,好多架,唔係平時啲炸雞咁,得一舊舊雞球,佢係有雞髀,雞翼, 雞翼尖,雞肋骨,雞球各2,所以都有大半隻原雞呀,可以試到唔同肉質,正呀,我地就鍾意雞脾同雞翼,因為位有皮,啲皮超級脆,蜜糖汁好正,啲肉入面又有淡淡咖哩香味,又滑,,一定要加埋咖哩醬呀,超正,(本人唔好咖哩都愛上呢道菜),不過雞球就冇乜皮,…所以食炸雞一定要有皮有肉,唔可以剩係得肉……由於佢地啲烤雞係不經油炸呀，但可以令外層超香脆，但入面肉質嫩滑充滿肉汁，而且佢標榜雞的油份從烤焗過程中迫出來，有效做到低熱量、低膽固醇、低鈉、無反式脂肪，啱哂我地又要KEEP FIT既我地丫…必定再嚟  …查看更多