happyBEEBEE的个人专页

星期五晚難得有得早收工，另外為左慶祝成功抽到iPhone X決定食餐好嘅！本來想來食札幌，點知佢地原來轉左名，仲要轉埋做九州拉麵樓面啲職員就無變到，老闆娘就話請咗個日本師傅來煮麵。同友人叫左兩碗拉麵一個細嘅三文魚飯。一，黑蒜拉麵味道幾好，黑蒜味十足，但個人覺得碗麵有啲細碗。男仔唔係好夠食。二，海老拉麵相對之下無咁黑蒜咁油，有三隻大蝦同一堆櫻花蝦仲有塊叉燒。感覺好似抵食啲。三，火炙牛油果三文魚飯撈埋芥末豉油一齊食，但三文魚唔係太火炙過。所以味道還好，如果可以火炙多一陣會更好…查看更多

今日一支公來到荃灣做野, 唔知食咩好, 見間舖頭裝修OK就唸住食個快飯。平日12點幾, 唔洗排隊，即刻有位坐。入到去，原本想食咖哩飯，但果日喉嚨唔太舒服，唔想食得太Heavy，所以叫左個親子Don來食。雖然間舖頭好似係專食咖哩，但我覺得個親子Don都ok wo。雞肉好滑，滑蛋加埋nam曬ge洋蔥好香，上面好豪邁甘加左好多紫菜絲。原本唸住唔升級，但Waitress姐姐話唔洗加$12要兩樣野，可以淨加$7要一樣野，覺得都抵，即刻加杯柚子蜜來潤下喉嚨。由坐低到食完，只係用左15分鐘，快到無朋友。如果唔趕時間，可以叫多個雪糕來嘆下。…查看更多

講真, 將軍澳中心真係無咩好ge野食, 難得開左間元氣壽司, 幾乎成為左我地ge飯堂~每次夜晚來到, 都肯定係大排長龍, 原因都只係一個, 呢度係將中日本餐的唯一選擇!:(叫下叫下, 唔覺唔覺叫左300幾蚊~哈哈, 都算大食! 整體來講d壽司ge材料係新鮮ge~真係抵比錢佢搵 :)…查看更多

以前都成日同屋企人去龍皇食飯，個叉燒真係無得彈，今次簡直係非常期待，好在都無令我失望。環境一流，難得中餐可以用甘現代化ge設計都唔覺得唔合襯，再加上望出去，個景真係好正。用西餐上碟方式，感覺好新鮮，每碟ge份量雖然唔多，但比起傳統中餐一大碟一大碟甘上，絕對係可以試多好多唔同ge菜式。:)老京蜜餞吊叉燒水準依舊，非常入味，口感非常好香草烤羊鞍香草ge香味完全深入羊肉內，而且又唔會酥～花膠燉響螺女士最愛花膠!個湯非常鮮甜，可以飲得出用足最上等ge食材，好養顏阿～～～～～竹笙杞子浸青蔬雖然話百幾蚊個菜真係好唔捨得，不過菜同個湯底真係配合得好好！雖然呢餐真係幾貴，不過間唔食下，都值得一試嘅！…查看更多

尋日考完地理完成了自己的高考,為了慶祝 第一時間想起了這裡!和老朋友相約在尖沙嘴相見,首要的不是去行街.而是來醫肚!因為考高考的關係,很久沒來這裡吃.本來以為這間愛店也會像其他日本餐一樣受到很大影響.但看來並沒有,6點30已經沒什麼空位.一進門口就受到了服務生們的熱情歡迎!他們還是一樣給人一種很熱血的感覺.意外的是老闆娘竟然記得我這個小熟客,感覺好窩心.和朋友點了一個$188的兩人套餐,點了3個小吃,炸南瓜餅,餃子和串燒.小吃過了一會就送上,南瓜餅的味道有些變了,問了老闆娘才知道原來因為地震的關係他們換了另一個地區的南瓜餅.哈哈 反應真快!!餃子一樣還是那麼好吃,水準一樣那麼高,每一次來都要必點的小吃.串燒水準還是普普通通正常水平很快主角就登場了,我要了一個螃蟹拉麵+牛油.朋友要了一個招牌牛油拉麵.可能因為太久沒吃了吧,感覺真的很棒.分量也很足夠.兩個人都很滿意.這種水準以這種價錢來說真的很抵!食物和服務方面都很好,可惜的是...和朋友不好意思坐太久.因為客人不斷進來,吃完只好早早離開,和朋友去海邊繼續聊天…查看更多

那天放學去到北角,因為沒吃午餐的關係,一班人肚子都很餓.最後決定了譚仔,4個人叫了兩個套餐,還有兩個皮蛋個人覺得其實如果不是吃這個套餐的話..其實還滿貴的.哈哈 學生消費能力低嘛!出東西的速度很快,很快就又得開餐.米線不用說了,套餐的料很多.麵條也很彈牙.值得推薦的是皮蛋,辣椒很香很開胃!…查看更多

聽講札幌拉麵分左家～Miso No.1老細話為左堅持自己煮麵ge原則要自立品牌～講真我真係好欣賞佢呢份執著！:)為左幫個愛死拉麵ge frd慶祝生日，裝修後第一次幫襯～雖然係星期三，但係ｄ客好似仲多過以前！不過ｄ員工依然好有禮貌甘介紹d招牌菜比我地。今時今日呢種服務態度先係gama～我地兩個人食左個二人套餐。我要左個招牌牛油麵鼓拉麵，個frd要左個螃蟹拉麵，個湯底好正，叉燒入味得來又唔肥，我地幾乎飲曬ｄ湯！可以話係拍得住我去日本食果d拉麵！我同個frd都一致認為呢間老字號ge師傅手法依然係最正宗！而小食我地就要左自家製餃子，吉列蝦同埋凍番茄～個自家製餃子可以話係出面食唔到，香口得來又多汁，無得彈XDXD我真係好中意～而凍番茄亦比我想像中鮮甜美味，食得出絕對唔係本地貨色總而言之　個質素依然係保持水準！支持老細自創天地！招牌菜…查看更多