clintonlala的个人专页

今日同朋友放工後想食辣野過一過口癮黎左麻辣Doi! 一總共叫左三樣野食蒜泥白肉 雖然佢係凍食 但作為小食又幾開胃薄薄一片 唔會好快有飽肚既感覺蒜味勁濃😋另外叫左個滑雞香鍋(自選六樣配料)豬皮、餐肉、牛栢葉、肥牛、娃娃菜同蟹柳佢成個鍋會有火一直熱住 都擔心會唔會令d雞變得唔滑 但係食落入味之餘 都好滑 岩岩好！D配料同個鍋又好夾 豬皮同牛栢葉好爽口！肥肥的肥腸又係我最愛佢炸到脆卜卜勁香 同佢個辣度係perfect match!雖然成餐都係辣野 但係佢辣得黎完全仲保留到佢原本食物既味道下次希望可以試埋其他野…查看更多

同朋友襯轉涼就去打下邊爐🫕卡位位置闊落 坐得都幾舒服我同朋友揀左雞煲 小辣雞肉都幾滑 份量都好多不過如果再惹味d就更好另外佢有個點心拼盤都幾得意有蝦餃 燒賣 粉果 桂花糕等等蝦餃包薄 蝦有口感 〰️熱辣辣 ！佢配料有芝士腸 芝士丸 龍蝦丸 蟹柳 等等最特別莫過於流心奶皇牛角包 外脆內軟食左2個🤣🤣 仲有炸饅頭同芝士撻今好少打邊爐既地方有呢d野食 所以都幾驚喜！餐前小食有炸雞粒 洋蔥圈仲有6款醬比你選擇甜品同飲品選擇都多，岩晒三心兩意既你荔枝烏龍 仲有新出既有氣檸檬茶🤭如果配料再多d選擇就更加好🤣…查看更多

打邊爐好去處又點少得一鍋堂呢同男朋友諗住晏就打邊爐無咁肥就book左一鍋堂去狂食一番100分鐘任食 仲有13個湯底揀今次試咗個套餐B我哋揀左蕃茄牛仔粒同麻辣湯底🤣蕃茄勁甜 麻辣又好香！一清一濃🥰特選安格斯牛，任嗌美國安格斯牛肉，封門柳，牛利心托同埋牛板腱其他配料都有好多選擇，平時有得嗌既食材都有得嗌，不過因為套餐關係唔係所有野都有得選擇，牛肉非常新鮮，色水唔錯，安格斯牛肉雖然切得薄，但係牛味濃郁，灼一灼就可以釀自行調配的醬汁，好快就食曬一碟，封門柳口感韌少少，牛利心就爽口啲，麻辣湯底唔會太辣，啲牛肉灼一灼好惹味，蕃茄湯就比較清淡，啱曬唔慣重口味既人！另外都想讚下佢d飲品選擇超多紙包飲品，罐裝汽水，仲有自家出品既一d茶😍…查看更多

今日同男朋友放工去荃灣食飯見到好光猛既招牌《火山燒》比佢餐牌吸引到 感覺上選擇好多😋就決定一於試試！同男朋友一人揀左一個餐我就試左佢個🍝香煎北海道帶子鮮野菌忌廉意大利麵$118入面有好多洋蔥🧅味道好濃 口感都適中不過如果鐘意淡味既 可能會有少少鹹但我比較重口味就覺得好入味！另外男朋友就叫左燒千層安格斯肋腰背忌廉滑蛋珍珠米丼$128呢個飯上面佈滿滑蛋 真係好滑可以每一啖飯都食到個滑蛋！牛既份量都好多 如果牛味再重就更加好😍我哋跟餐$29都有飲品&串燒&湯&沙律忌廉粟米🌽湯雞肉串燒 作為餐前小食…查看更多

呢間聽個名以為只係一間食串燒既鋪頭，原來入面有一樣我覺得十分出色既美食，就係沙鍋粥。今次嗌咗個沙鍋粥二人套餐，包括一鍋海鮮沙鍋粥、六款串燒同野飲。個沙鍋粥係用海鮮熬製，可以自選兩款海鮮，今次嗌咗鮑魚同蝦，本身諗住話會唔會唔夠入味，但係結果令人喜出望外，鮮味十分香濃，一啲都唔淡茂茂，而且海鮮料十分足，鮑魚同蝦既份量非常之多，一啲都唔慳料，佢有提供香蔥同芫茜，撈埋落去一流。粥既份量都算多，兩人食夠曬飽，唔會話食完無野落過肚咁。不過因為新鮮熬製既關係等待既時間會稍長一啲，要比少少耐性。另外串燒方面，今次嗌咗雞肉，雞軟骨，腸仔肥牛卷，海蝦，菠蘿同鹽燒豆卜，串燒味道方面十分惹味，調味恰到好處，唔會話好咸，要係咁飲野解渴，雖然嗌咗六串，但分量比較少，兩個人食感覺到喉不到肺，不過因為今次既主食係沙鍋粥，如果係只食串燒，下次可以再嗌多啲唔同款🥳…查看更多

雖然天氣好熱 但成日心思思想食雞煲就黎左食‘米走雞’😋我地兩個女仔就叫左2-3人份量叫左小辣（都好辣下，下次應該叫微辣）店員都好nice 時不時都會留意我地有咩需要份量好足 價錢又唔算貴👍🏻👍🏻熱辣辣食雞煲絕對要配凍飲😂鹹檸七係我至愛！ 配料就叫左餐肉、烏冬、芝士丸、韭菜餃、響鈴、仲有肥牛😍d份量太多 響鈴配個雞煲既辣汁 好入味！韭菜水餃🥟大大粒d牛質素都幾高 搞到我食唔停口係配料入面最愛🤣🤣下次黎一定再叫…查看更多

荃灣大鴻輝食店多到數之不盡今日同朋友揀左呢間一鍋堂試試因為聽朋友講佢好抵食 所以就來了😋佢用電話落單好方便 📲佢湯底選擇極為豐富 一共有16款我同朋友貪心所以選擇鴛鴦鍋（麻辣湯和豬骨粟米湯）一個重口味 一個清甜 滿足兩個需要☺️麻辣鍋味道濃又香 豬骨湯底入邊嘅豬骨我比100分😋👏🏻好清甜！！配料都唔錯 芝心丸同蝦好值得推介因為會食唔停口😂 蝦肉夠彈牙！仲有呢個豚肉都係必點🤣佢除左有清新既密瓜味雪糕仲有乳酪雪糕揀 兩個都好食打完邊爐可以食返d甜野中和返個味覺🤣仲有好多好多飲品任君選擇😍整體質素都好滿意，會再來！…查看更多

今日同朋友行完廟街就黎左丼瀛食飯之前12月黎食過一次，佢d壽司都幾高質所以今次就打算試其他野呢個爆丼飯有兩層，下面係冷麵，上面就係丼飯，我自己就比較喜歡丼飯，因為冷麵味道比較傳統，唔太符合我口味 🙈 丼飯上面既刺身好新鮮，仲好足料，海膽鮮甜，吞拿魚厚身，口感滑膩！ 伴飯一流👍🏻👍🏻香桃蟹籽沙律 🥗，我同朋友都好滿意，因為佢比較多沙律醬，味道好fresh，份量亦好大。牛肉壽喜燒好香，好濃味紫薯餅配沙律醬，脆卜卜😋雞軟骨都燒得好香😊最後仲叫左呢個軟殼蟹卷🙈飽到傻…查看更多

今日同朋友係尖沙咀行街突然想打邊爐就黎左養心殿😋一坐低睇餐牌已經覺得好多款選擇d湯底又特別，我地最後揀左酸菜白肉鍋同麻辣鍋 ，兩個鍋都好好食！酸菜白肉鍋入面有好多白肉仲有寬粉條酸酸甜甜 d湯就咁飲都不錯👍🏻麻辣鍋味道都好濃但又唔算好油膩！佢既響鈴同炸餐肉真係每次黎必點輕輕放一放落湯底 又吸到湯底既味又保持住脆卜卜😍！！魚皮餃同黑松露蝦丸都好推介因為魚皮餃既餡好多肉汁，而黑松露蝦丸就好彈牙，都好重黑松露香👍🏻雪花肥牛份量好多，質素都算高兩個女仔真係食到好飽🤣…查看更多

同朋友係元朗行街攰攰地想食返餐勁既滿足自己 就黎左呢間放題🙈除左平時既刺身、壽司、炸物呢度仲可以打邊爐🍲而湯底既選擇都好多有芝士、蕃茄、豬骨等等我地就試左壽喜燒🍲除左湯底多選擇 ，配料一樣滿足到心大心細既你，丸類同蔬菜類應有盡有，連麵既選擇都多，我地就試左魚皮、響鈴 都仲幾脆👍🏻佢既壽司都幾唔錯、size細小而火炙系列都燒得幾好食，重芝士味羊架都幾淋，唔會好硬d天婦羅熱辣辣 脆卜卜刺身如果大件d就更好😋呢度既飲品好特別有士多啤梨蘆薈同菠蘿🍍同埋員工完全無漏單情況，值得一讚👍🏻…查看更多

黎到石澳食咩好呢☺️3個女仔決定走入石澳泰食泰國大餐 （意思係想食什麼叫什麼🤣）整體來說質素係不錯的 夠Chill同有風味，好多旅客同本地人都黎食味道比較突出既係香葉肉碎炒飯佢唔會好辣 鹹味適中 夠惹味佢既豬頸肉夠厚身 但個醬汁太鹹生菜包無咩芫茜味 但都幾香薄餅再脆d就更好軟殻蟹米紙卷好重裡面d蔬菜味雖然軟殻蟹變得無咁突出但食落都幾Fresh!!菠蘿冰好好飲 原汁原味但芒果冰可能因為本身芒果太酸 所以就酸左d🙈…查看更多

最近好喜歡同男朋友到佐敦覓食，發現呢度有好多不太顯眼，寧靜既食店。今次呢間好方便，就係佐敦B2出口看到starbucks向左轉就到了～一進店內，四處已一早佈置好聖誕裝飾🎄而且仲有香噴噴既燒肉味～磯煮鮑魚超級淋，同我幻想既有出入，好好食！兩個燒肉控決定點牛魔再現 二人前$580入面分別有日本國產A4和牛肉眼、美國Prime 牛小排、牛角切。店員都很細心介紹，叫我地首先食左牛小排和牛角切，因為牛肉眼比較肥膩。可以睇到佢既油脂分佈好平均，食落有入口即融既感覺，令我馬上回想到日本的燒肉店。😝牛肉拉麵比較清淡鰻魚飯燒得幾香👍🏻👍🏻黑松露雜菌👅好濃味，可以用埋黎送飯！…查看更多

今日黎到廟街就search下附近有咩食就比呢間吸引到，一入到去發現9點之後有兩張半價既Menu！半價左之後勁抵食，忍唔住叫左幾款壽司食火灸三文魚腩、火灸劍魚腩、油甘魚同火灸帶子，想讚讚佢d壽司🍣火灸系列燒得好香好厚身之餘仲有種入口即溶既感覺，而我第一次食既油甘魚都好滿意，味道不錯👍🏻卷物我地就試左炸蝦卷，我好欣賞佢地做到入面既炸蝦都係熱辣辣脆卜卜😍，好少鋪頭會咁好，好多時其他鋪頭入面既炸蝦已經凍晒、淋晒。d串燒味道可以再進步多d，因為無加入太多調味，味道可以再濃一點，因為個種比燒過既味道仲出過d調味🙈軟殻蟹炸得好香口，入面既蟹味好濃。蒜香一口牛份量可以更足😚d牛都好淋。上面既海膽同黑松露都勁香，但係個炒飯太重黑椒味，喜歡黑椒味既你應該會中意，對我黎講就太濃。食埋甜品就滿足晒！ 泡芺唔會太硬👍🏻食完個陣侍應都有問我地食物質素如何希望拎下意見 所以我都希望佢地會越黎越進步😆🙈下次再光顧😋…查看更多

同男朋友講左好耐話我想食炸雞，終於佢就帶左我黎啦！☺️睇到Sodam chicken出左季節限定芝士火鍋覺得好吸引就叫黎試試！ 佢有經典芝士火鍋同特級芝士火鍋，因為我地得兩個人所以叫左經典芝士火鍋，佢係有配農夫包粒😋再叫左原味炸雞配呢個濃濃既芝士🙈 炸雞份量都好多，熱辣辣脆卜卜！ 芝士煲到熱辣辣用黎點炸雞好match呀👍🏻 好濃芝士味配脆卜卜既麵包粒👅👅雖然好熱氣，但好爽呀因為d炸雞啖啖肉！外脆內軟！…查看更多

同男朋友去長沙灣搵食，睇到呢間六十六十火鍋店，唔係任食形式而係海鮮套餐，覺得幾吸引就入左黎試試。哇，海鮮total可以揀8款，有鮑魚、肉蟹、鮮魷、海蝦等等，款式選擇都好多。雖然海鮮唔係話最高質但係份量、生猛程度都係不錯👍🏻蟹肉都幾彈牙，仲有少少膏，啖啖肉！d蝦食落口都好香！魷魚🦑份量都好多，2個人差d食唔晒，同埋海鮮既材料都好乾淨。呢個蕃茄薯仔都好重蕃茄味，d薯仔又淋又入味。配料方面就叫左肥牛、豚肉、餐肉、響鈴、公仔麵同埋娃娃菜。每款配料都好多，要小心選擇，因為最後會變成泡飯，可能會食唔晒。唔太建議叫公仔麵因為公仔麵索晒d湯底既精華會令泡飯未能做到最佳效果。不過我認為呢個脆米泡飯都幾入味，濃濃既蕃茄配少少脆米，食法新奇，幾特別。…查看更多