iceckm88的个人专页

字號嘅上海菜，好耐好耐冇食過，平日夜晚嚟都算多人，留意到幾多外國遊客幫襯~🔘小籠包 $55非常熱辣辣，皮薄一咬落去有湯汁爆出~🔘北京烤鴨(半隻) $238全晚最好味係佢，隻鴨幾肥美，真係做到皮脆肉嫩，好有油香，半隻嚟講份量算幾多，鍾意佢個皮熱辣辣有少少煙韌感，大約有10片~🔘雞絲粉皮 $92個汁好加分，偏杰身而好有花生醬味，好香口，加咗好多青瓜絲增加口感，粉皮口感啱啱好~🔘蒜子上湯浸翡翠苗 $113翡翠苗保持爽口翠綠，仲加咗粉絲，個湯清清地有蒜香味~🔘高力豆沙 $58甜品反而唔算太特別，正正常常，夠熱亦有滿滿紅豆餡料~🔘法國香梨冰茶 $45 有汽嘅雪梨茶，幾特別，夠晒大杯，飲到最後有果肉~食物質素中上，尤其片皮鴨令人一試難忘，價錢都唔太貴幾實惠，可以回訪~…查看更多

成日會掛住呢度嘅燒味飯最最推薦叉燒同乳豬叉燒肉質軟腍少少燶邊就算偏瘦嘅叉燒都一樣腍身印象中冇食到過又乾又硬果啲叉燒呢度嘅乳豬令我諗起西班牙菜嘅suckling pig係厚身dd嘅乳豬中間有一層肥膏我通常唔食每件乳豬皮都真係超級脆茶餐廳環境茶餐廳服務燒味真係做得幾好價錢合理朋友第一次食都覺得好食外賣飯盒大約平～$10所以外面成日有人等緊外賣🔘乳豬三寶飯 (乳豬/叉燒/豉油雞)🔘燒味雙拼飯 (叉燒/燒鴨) (lucky俾咗鴨髀我哋😋😋)…查看更多

天氣悶熱，喺outdoor行兩行就想坐低飲杯咖啡，呢度嘅裝修幾有品味，最特別係張枱，一開始冇留意到，原來有隻龜🐢喺下面，幾得意呀~ Weekend呢個位冇乜人，可以靜靜地嘆杯咖啡!! 🔘Americano 🔘Iced Latte 因為冇攪勻，一入口有非常濃郁嘅咖啡味，口味偏酸，慢慢等啲冰融左之後就覺得好好飲!! …查看更多

每次嚟都有一啲新品可以試到，點心有質素又抵食，趁未有旅客嚟真係要食多幾次!! 平時食開必點嘅🔘陳皮牛肉球🔘酥皮焗叉燒包🔘潮州蒸粉果新品🔘脆皮沙律醬海鮮荔茸球外皮酥脆但有少少硬，裏面係芋頭蓉同沙律醬海鮮，幾特別幾好食!! 🔘臘味鯪魚茸燒賣賣相不似預期，望落似唔好食但食落又OK喎，臘味有油香加芫荽魚肉都幾夾!! …查看更多

越開越多分店，嚟緊荃灣會有第二間分店，呢日試吓午市套餐，跟沙律同味增湯!! 刺身整體唔錯，壽司飯已預先調味，壽司set嘅飯偏細，可能食完會覺得唔夠飽，海鰻有少少失望，唔算厚身唔夠肥美冇想像中咁好味!! 🔘特選刺身丼 $148🔘原條海鰻壽司盛盒 $158…查看更多

長期都多人等位嘅餐廳，第二次食佢嘅Pizza，依舊覺得好食，呢日好想食魷魚圈所以order左兩樣嘢都有魷魚圈!!😆😆🔸Maru紫蘇炸魷魚圈 $83見到紫蘇葉但食落冇咩紫蘇葉嘅味，魷魚圈大隻炸到好酥脆，容易咬開一d都唔韌，睇返相都覺得好味想encore!! 👍👍🔸香芒海洋Pizza $148冇order嗰啲好fancy嘅手工批邊，感覺太邪惡同埋普通批邊已經足夠好味，餅底做得幾好有煙韌感，即使係普通批邊咬落都覺得脆唔會好硬實，上面都多海鮮仲有芒果，食落酸酸甜甜好開胃!! 想食pizza嘅時候，呢間暫時係我嘅首選!! …查看更多

來自沖繩嘅冬甩試過堂食跟雪糕又試過外賣當然堂食係好味好多每個冬甩都跟一粒Shisa朱古力(粒朱古力當然係好睇唔好食😆)如果掛住Mister Donut嘅煙韌口感食呢個頂住先都可以…查看更多

呢個冬天第二次嚟食呢度嘅午市一人鍋，食材新鮮，種類都夠多，唔使煩唔使諗食乜，覺得幾抵食!! 主食、肉類、湯底同飲品有得揀，一人鍋可以揀鴛鴦湯底非常好，寫低有咩食先:最推薦-》大蝦、嫩牛肉、魚麵丸類-》 蟹柳、牛丸、芝士腸、芝心丸、餐肉蔬菜-》娃娃菜、生菜、芋頭、萵筍、凍豆腐、腐皮、金菇、粟米雖然每款份量都好少，但整體食落好滿足亦都夠飽，最後order半份紅糖糍粑，外脆內軟糯，每次來必點!! 食完出去睇返個menu先發現只有三間分店(銅鑼灣、尖沙咀同荃灣提供一人午市火鍋!! …查看更多

嘗試食頭輪但唔成功的一次🙈🙈🔘大切日本產油甘魚腩🔘油甘魚🔘油甘魚天身天身係油甘魚背骨周圍冇筋嘅部位，數量稀少，喺Menu係冇相睇懶神秘咁😆😆，我哋覺得三碟油甘魚質素都好好!! 🔘六選刺身盛🔘蝦三味呢兩款係平時食開嘅，有人形容蝦三味為男人的浪漫，因為夠抵食夠飽肚!! 😆😆🔘巴斯克芝士蛋糕🔘特盛紅楚蟹海苔包🔘鮟鱇魚肝軍艦應該係新品/期間限定，芝士蛋糕係expect嘅味道，幾好味!! 紅楚蟹肉冇咩鮮味可以話係冇咩味，蟹膏反而味道濃郁，所以整體麻麻地!! 鮟鱇魚肝絕對好食過鰻魚肝🔘海膽軍艦嚟咁多次都冇食過今次膽粗粗試吓，果然係唔好食，唔使試!! 同埋軍艦嘅紫菜普遍都偏淋，所以軍艦類我都麻麻哋!! 今次抽獎係豉油碟呀...🙈🙈…查看更多

去葵廣好幾次經過地下呢間茶餐廳見有唔少人排隊等位冇做任何功課唔知佢咩嘢出名見到門口有新鮮出爐嘅酥皮蛋撻諗住試吓第一次attempt俾姐姐成功擊退😝😝佢話: 我緊三打蛋撻嘅外賣，pack完先可以招呼你心諗有冇咁多人幫襯呀😣😣第二次再attempt終於成功食到蛋撻新鮮滾熱辣出爐酥皮非常鬆化咬一啖唔使點咀嚼就食完嘅感覺蛋漿未係完全凝固晒幾滑仲好熱又幾好食喎利申我平時鍾意食曲奇皮蛋撻多啲去開葵廣不妨試一試之後仲有一次食左早餐沙嗲牛肉麵幾好食麵質彈牙另外有一個早餐set係跟菠蘿油菠蘿油超級大都幾抵食…查看更多

🔸全自助玩法，自己搵位自己斟茶自己攞嘢食🔸有點心出爐會嗌咪，最好target呢啲嚟攞🔸點心質素一般，坐露天位啲嘢食凍得好快，我覺得豆腐花最好味幾滑，另外西洋菜都係必食因為隔離就有個西洋菜田🔸山上空氣一流，一路食點心一路聽住無數雀仔吱吱吱吱嘅叫聲🔸目測都幾多老人家鍾意晨早嚟呢度飲茶🔸停車場情況混亂，引起唔少爭執，茶客不停食花生，搭公共交通上嚟會方便d🔸兩個人食咗$15x🔸食左乜？!🔘鮮蝦韭菜餃🔘蓮蓉包🔘牛肉球🔘蝦米腸粉🔘山水豆腐花🔘西洋菜…查看更多

飲完早茶行完山都未夠11am咁不如飲埋杯咖啡先返屋企啦😃😃價錢幾親民🔘Americano $32🔘Flat white $34咖啡味道夠香醇沒有酸澀味表面有看得到的油脂水準依舊幾好飲坐得舒適朝早唔算太多人黑色真係好型格咖啡店會與不同藝術家合作下次嚟可能會係另一個主題…查看更多

2022年由一杯好啡開始!! ☕️ ☕️ 朝早11點到達，唔使排隊直入太開心， 12點左右已經開始要排隊!! 出名精品咖啡，但香草包和伯爵茶窩夫同樣出色，作為2022年的第一餐係個好選擇!! 🥰🥰🔸雞雞雞雞雞香草包 $53🔸全份窩夫伯爵忌廉 $88🔸Latte (mint) $38🔸Laurina (虹吸) $88窩夫上次食半份會覺得好味d，可能少食多滋味，朋友十分喜愛呢度嘅伯爵茶忌廉!! 有限用餐時間90分鐘!! …查看更多

以前有遊客嘅時候，每次來都必定大排長龍，近呢一年嚟都唔使排隊，點心抵食又好味，佢不時會推出一啲新點心，但感覺都係原本有嘅點心好味啲!! 今次兩個人都食咗好多嘢，每人只係$100鬆啲，唔收加一，茶位只係$5一位，真係幾抵食，每次諗起想食點心就會嚟呢度食，侍應服務態度都唔錯!!好味點心-🔸鮮蝦燒賣🔸陳皮牛肉球🔸酥皮焗叉燒包🔸潮州蒸粉果味道正常-🔹黃沙豬膶腸🔹鮮肉韭菜蝦薄餅🔹懷舊蝦多士🔹蛋煎臘味糯米飯…查看更多

🔸白胡椒豬骨湯出名，非常啱冬天飲，個湯幾好飲!!🔸有豬什食幾特別，我唔係每款豬內臟都食，但記憶中豬膶豬肚豬脷都唔錯，豬雜本身冇咩味，要靠個湯一齊食先至夠味!!🔸我最鍾意喺呢度嘅皺皮腸粉，腸粉皮嘅厚薄同煙韌程度都啱我心水，仲有自家製豉油都調味得宜，每次都係食豬肉腸粉或者豬潤腸粉!!🔸豬手唔係煮到好淋，係有咬口有嚼勁嗰隻，但真係十個有八個客人都叫豬手，我諗都幾出名!!🔸好早閂門，夜晚七點就收舖，唔係成日食到!!…查看更多