iliveingalaxy的个人专页

我叫一兜翅, 一兜魚肉, 個男仔以為我話兩溝..我話唔係, 係兩碗, 唔係一個人食, 兩個人食, 即係$35+$35..佢都唔明我講乜, 入面個阿姐搭咀問係咪鴨翅同魚肉湯….係咪我每次都要講全名? 唔通以為我兩溝要求分開上? 個阿姐仲話我講到佢地唔明…哈哈好攪笑講返正題…火鴨魚肉湯無咩期望…味精味濃, 個鴨係去左湯底? 真心唔明 招牌火鴨翅一來杰得滯, 二來唔鐘意佢調較個味, 有D似加瑤柱汁溝出黎但無鮮味可言.其實之前試過一次伏, 隔一年又唔記得左, 真係要記住咁都做得住真心佩服…查看更多

食咗好多次中環中心附近既牛扖沙律悶悶地諗起呢間野糾結左好耐, 食唔食Carb好, 因為由呢間野開嗰陣已經好鐘意食佢牛面肉同Carbonara 同埋佢有椰菜花揀, 我呢D肥中女緊係鐘意, 又要健康, 又要減肥><見到有蕃茄車厘茄金不換沙律, 我又係香葉怪, 就試吓, 終於叫自己忍吓口因為要high protein, 叫左2個A+ 1個B, 本身$65 for A+B, +$15(for extra A) 包熱drink ,  所以total係$80, 盲槽魚唔洗講(有3件), keep 住水準呢個沙律原本係full 兩格, 我影之前食咁D, 牛面肉又無影, 因為超餓, 同埋相信唔陌生, 份量大概6-7舊左右我想多謝呢間野個沙律拯救左我呢件肥野 haha  因為原本都唔期望咁多茄會頂得順, 原來咁好味, D 生紅蔥又唔會攻鼻喎又多個食譜可以參考以後唔洗淨係食牛扖/雞扖/豬扖沙律lu…查看更多

認識呢間野係因為認識荃灣分店先, 好慶幸公司附近開咗呢間. 星期日3點呢去到, 人唔多, 佢有樓上, 有3枱客左右, 好矛盾, 人少固然好, 但好味嘅野如果捱唔住中環租金點算, 所以要上黎寫一寫。呢個班堡真係好食到不得了, 個蛋超厚, 之前見過日本有pancake漢堡已經好想食, 但D旅遊page成日出曬圖話有新口味又唔係香港, 唔通即刻飛去食咩. 入返正題, 我好鐘意佢個pancake質感包, 個蛋厚到要咬好多啖先食完.. 平時食M記豬柳蛋漢堡好鬼咸, 呢個又唔會覺得好咸. 一啖接一啖, 出去食個pancake鬼咁貴, 依度食個班堡餐$48配高質薯條去邊度搵. M記個薯條越黎越幼又乾. 其實本身我係附近”5個男人”fans . 不過真係唔平.我想比個渺小建議, 可唔可以配埋”5個男人”嗰種辣粉薯條, 如果再玩埋shake shake,不得了.貪心地如果整埋milk shake, 我可以日日食. 仲有, 之前睇其他食評D女仔話食唔曬薯條只食到一半, 心諗有無咁細食呀, 等我KO佢, 點知我食完個班堡都飽, 只KO大半份薯條要拎返屋企哈哈…查看更多

重陽公眾假期5點幾去無咩人, 在場顧客多數飲野, 食野多是遊客。住喺梅窩2年都無去過, 未住之前反而有試過一次, 感覺一般, 太耐無去就試吓。主要因為想食嗰間餐廳要等位。2人點了Fish and Chips, 8 oz US Angus Stripioin, Small Pepperoni Pizza. 首先講一講佢3樣野係可以同一時間上的, 有可能係整定又或者佢廚房真係時間較得咁準啦. Fish and Chips之前comment都比較多人點, 賣相就唔錯,不過食落就……個粉漿皮好厚好厚好硬, 我食咗兩舊連粉漿皮就唔想再食喇, 用支叉敲佢kok kok聲, 最後飛曬D粉漿皮..薯條呢, 薯條控表示係翻炸的, 呢個食唔曬。到老公個Stripioin, 都知道係纖維較粗, 叫咗5成熟, 呢個價錢不過不失, 再熟D就真係好鞋好鞋。Stripioin跟薯角, 薯角還可以, 唔會好乾。由於一齊上菜關係, 唔知邊樣會跟多個好耐之前KFC有既菜絲沙律, 即椰菜絲撈沙律醬。最後講個Pizza, 呢個唔錯, 雖然無另一間同區成日要等位嘅西餐咁好食。整體覺得價錢上係有優勢, 因為免加一, 有海景, 不過對於梅窩居民黎講唔會再幫襯。論質素同區有更好選擇。對於遊客依然是推薦因為佢個位置優勢, 感覺係好Relax. 外藉居民最鐘意叫杯啤吹水。…查看更多