kiki5252的個人專頁

成日都話食添好運但係今次先係第一次食入到去坐低先至第一次睇餐牌選擇畀想像中少， 有啲想食嘅嘢都冇 不過坐低咗就照食兩個人叫咗一個飯+三個點心燒賣有四粒，味道不過不失冇乜驚喜牛肉球重陳皮味覺得都好食鹹水角係成餐我覺得最好食嘅因為真係啱啱炸起熱，辣辣面脆卜卜外層又脆又煙煙靭靭裏面嘅餡料都算好食蒸飯，飯粒 算係粒粒分明，有咬口上面肉汁都有落到啲飯嗰度， 略嫌份量比想像中細兜整體感覺都ok， 係有啲想食嘅嘢冇，所以下次都會食再下其他…查看更多

想食古早蛋糕， 見到foodpanda有呢一間， 就落單返嚟想寫返個食評 竟然見到好多食評都話有香港有乜乜乜，香港有乜乜但係我感覺店舖同食物都唔係一個香港嘅地道店舖由走入去，拎食物都唔會聽到一句廣東話店舖感覺係服侍遊客的香港手信店，但係乜嘢香港嘅手信？我真係唔係好明白， 點解曲奇係香港嘅手信？古早蛋糕份量比想像中細， 正正方方一件味道正常，冇古早蛋糕嘅濕潤綿密 感覺都係似海綿蛋糕但係都重蛋味嘅， 味道偏甜， 覺得都比想像中好食…查看更多

感覺喺觀塘想食素食好似唔係咁容易 想同食素嘅同事一齊食晏晝，都唔係咁易搵到地方今日跟佢嚟咗這一間素食餐廳老實說餐牌選擇真係唔多， 真係諗咗好耐先至 揀到想食乜最尾揀咗這一個麻婆豆腐感覺麻婆豆腐都好大兜，另外都好有心可以揀大中小辣味道就…都明白始終係同平時麻婆豆腐會有一啲分別， 食完會覺得應該係健康嘅略嫌作為紅米飯紅米嘅份量真係太少同事話飯可以免費添加，但餐牌冇寫，正常都食唔到太多飯另外仲有碗湯足料好味， 完全飲到紅蘿蔔嘅甜味有陣時覺得食肉獸嚟食素食，口味同心態都要調節一下…查看更多

已經有好耐好耐冇食過蘇媽蘇媽 記得高峰期嘅時候排隊排咗個半鐘先食到今日星期日嘅下晝兩點嚟到食，等5至10分鐘，兩三張枱就入到因為叫一份肉骨茶就可以無限添飲肉骨茶湯， 所以叫咗份三層肉第一次叫呢一個，之前次次都係叫一字骨感覺呢份量比較少， 圖片只供參考， 同餐牌張相有啲出入另外上面有幾粒杞子，但係杞子係後尾先放去上去，所以係硬心嘅朋友就不斷不斷不斷講話要咖央多士，就叫咗一份，都幾好食，感覺有啲似奶油多叫咗一個老鼠粉， 個煲仔唧唧聲響非常之熱侍應提醒我哋要將上面隻雞蛋快撈打開應該係怕黐底，不過食到最尾點都係有啲黐底整體滿意，兩個人叫咗三樣嘢價錢大約一百八十幾蚊 唔算太平都唔算特別貴咁唔到嚟食下都幾過癮…查看更多

太子其實有好多間點心店我哋平時就食嚟食去都係彌敦道嗰間今日就試下行入兩條街食下第二間兩個人食咗四個點心加一個飯， 份量還好蝦春捲、叉燒餐包、 燒賣、菜苗餃、 章魚肉餅飯點心應該唔係即叫即整，因為一叫完唔使一分鐘就已經上菜🤔感覺整體點心味道偏鹹價錢都同平時嗰啲差唔多茶錢每位六蚊， 茶完全冇味，淨係得個色，純粹倒茶入去茶壺，裏面茶包都冇但係唔使畀加一感覺這間比店舖比較遊客，左左右右都是外國遊客，而且餐牌都有英文版太子地鐵站A 出口都有好幾間點心店目標係食勻睇下邊間最好食…查看更多

一直好想食鐵板餐 ，但係又唔想堂食怕揾位我都未試過叫鐵板餐外賣睇相就畀嗰個嗰條薯塔吸引咗就喺佢個apps就叫外賣拎返去食睇相就知道係爭幾遠， 脹卜卜的酥皮湯都已經 塌下，而且我覺得係一開始就冇佢咁嘅樣囉令人最期待的薯塔竟然變到好似就咁吉住啲薯片咁樣， 同埋份量少咗一圈唯一覺得不錯係 牛扒唔會太過乾硬雖然都知係醃得好勁下但係都係覺得好食嘅而且塊扒都起碼係有個盒咁大整體嚟講下次都可能會試下堂食始終冇咗個鐵板感覺就唔係好似食緊鐵板餐…查看更多

知道有十八件麥樂雞就好想食但係一個人又食唔曬， 趁今日超級肚餓就即刻要嚟食18件麥樂雞依家有優惠做緊44蚊，非常抵食六件麥樂雞都要28蚊喇依家配曬四個醬包括有「煙燻芝士醬」、「蜜糖芥末醬」、「星洲咖喱醬」和「蒜辣蛋黃醬」煙燻芝士食落真係有煙燻味而且芝士味濃郁星洲咖哩醬真係有咖哩味， 同事就最鍾意呢一個蒜辣蛋黃醬係唯一一個辣嘅，我自己最鍾意食呢個蜜糖芥末醬就有少少似芝麻醬整體覺得今次四個醬都好好食，十八件麥樂雞食完之後真係覺得大滿足…查看更多

心血來潮想食一份公司三文治，就去大家樂睇一睇，見到依家做緊39蚊連嘢飲，咁啱八達通又有一個優惠減8蚊咁,就食一個一份全份公司三文治輕鬆一下還好今日竟然好輕鬆就搵到位呢個大家樂嘅公司治同平時嗰啲有少少唔同呢個公司字裏面係火腿唔係午餐肉完全唔啱曬我嘅好味，最憎食午餐肉今次烘底都算好得好夠，食落包面都脆身分量尚算可以接受 生菜、番茄都算新鮮另外要讚一讚今日杯檸茶，茶味濃，有回香今次覺得環境都算好乾淨，阿姐收餐盤嗰啲都好快非常滿意…查看更多

已經有一排冇食南記心裏面仲係食緊招牌河係堂食30蚊原來依家招牌河已經33蚊我自己就食招牌河三樣嘢33蚊都可以接受嘅最好食始終係春捲， 加辣椒醬一絕朋友食大什錦河53蚊畀招牌河多兩樣餸春捲、墨魚丸、牛丸、魚片、魚皮餃多兩樣餸多廿蚊，抵唔抵就見仁見智啦友人就認為牛丸好食，覺得牛丸有牛味味道同份量都係同以前差唔多唔想諗食乜，簡簡單單食碗粉麵呢個都係好選擇整體環境座位都算乾淨，而且服務員收枱亦都收得好快， 感覺都坐得舒服…查看更多

今次係落單叫外賣， 拎外賣先發現原來已經搬咗鋪不過新舖同以前舖頭嘅位置都好近，所以都好易搵到新鋪比以前剛猛乾淨同埋好整齊， 由於是日舖頭比較多人等外賣，所以我就不影門面本來都係想食芋泥肉鬆，但係又係緣份唔到，又已經買曬，又食唔到芫茜味超多蛋又超滑， 三文治又係口厚麵包， 而且鬆軟可口今次唔記得咗 揀烘底， 應該烘底會仲好食芫茜味係重到，食完後幾個鐘仍然感覺到有嗰種芫茜嘅香味今次而家都加咗$要樽仔奶茶， 茶味香濃，值得一試…查看更多

今日有慶回歸優惠11蚊兩個菠蘿吉士批感覺都真係幾平嘅， 之前去麥當勞食嘢嗰陣都想試下，不過覺得嗰批好似有啲貴，就冇試，今次真係把握機會點都要叫返兩隻感覺成個批比以前啲蘋果批好似細咗啲咬開裏面見到一邊係吉士一邊係菠蘿吉士嗰邊偏甜 ， 菠蘿嗰邊偏酸兩邊夾埋一齊食竟然有一種中和嘅感覺， 有一點似菠蘿加牛奶呢個批都真係幾特別，好似有食咗三種唔同味咁樣兩邊夾埋一齊食味道最好另外批皮夠脆，出奇地冇以前嗰種油膩感覺最後一人一隻，作為晚餐的甜品…查看更多

之前食過好多次西瓜蛋糕都係不錯，但係覺得個杏仁餅底真係好難食朋友見到有蜜柑，就話想試一試我自己就因為超唔鍾意食嗰個杏仁餅底所以揀咗一個冇杏仁底嘅咁啱就見到呢個榴槤芝士蛋糕， 餅底係椰子蜜柑西瓜蛋糕面嘅蜜柑係冇乜味，裏面嘅西瓜反而係有一點驚喜，因為西瓜仲係脆口， 西瓜清甜 ，但係嗰個杏仁底一樣係好難食， 覺得總係好似好鞋口咁樣可能有人覺得好食嘅但我就不了榴槤芝士蛋糕其實我唔明點解榴槤要配椰子呢個蛋糕面嗰度有好多椰子但係嗰啲椰子真係超難食，畀我哋撥走曬，脆又唔係脆，但又唔係硬，味道非常古怪撥開曬嗰啲難食嘅椰子之後，全個正方形嘅部分都非常非常好食，榴槤味非常重，同芝士非常配搭，有一種好似就咁食緊榴槤嘅感覺下次會再食這個榴槤蛋糕，但係都係整走嗰啲唔好食嘅椰子另外值得一提係店務員服務非常非常好，買咗之後可以暫存蛋糕，收舖前黎拎走得， 真係非常非常有禮貌…查看更多

今日一個人食飯就嚟到灣仔， 試一試呢個脆皮燒春雞首先一坐低侍應已經好細心咁放低膠手套， 另外仲畀咗張凳我放袋，服務要加一加分畀佢目測好多人都係食呢個餐咁當然我就叫呢個餐啦咁我今次就揀咗意粉雞脾拎上手勁大隻真正做到皮脆肉嫩有酒樓炸子雞嘅感覺跟餐羅宋湯不過不失意粉用蒜蓉炒過，食落香口，都算係用心製造整體唯一係覺得餐廳環境比較迫夾另外加錢就唔算特別平又唔算話太貴，加埋凍檸茶整最後埋單104作為一支公男人的浪漫，感到非常滿意…查看更多

我覺得係完全去咗深圳一樣一坐低大部分客人都係講普通話然後啲人又玩骰盅又飲啤酒， 嘈過街市完全聽唔到自己講乜一坐低就好想快啲食完快啲走隔離大陸同胞玩骰盅又係咁拍枱真係唔明點解一間餐廳會嚟喺度係咁拍枱玩骰盅每次拍枱都嚇咗成間餐廳嘅顧客一下，直情係恐怖， 而且嘈喧巴閉最恐怖係見到個骰盅竟然係餐廳提供， 睇到個骰盅上面個logo我真係呆咗仲有一大壺兩升嘅啤酒飲完一次又加一次，真係個都唔知自己去咗酒吧定去咗串燒店不過估計都係深圳嗰啲可能都係咁樣最最神奇係睇餐牌完全冇呢個啤酒任飲嘅選擇喎到底這種瘋狂飲啤酒嘅選擇係幾多錢呢？可惜店鋪上菜極慢，所以留咗一個鐘頭多啲整體因為上菜慢，食完都不知吃了什麼最後等咗好耐先嚟嘅炸饅頭，成為成餐最好食嘅東西埋單走出餐廳反而覺得鬆一口氣，終於感覺到片刻的寧靜…查看更多

簡簡單單食碗粉南記其實係一個唔錯嘅選擇三十一/二蚊食一個招牌河有三款餸相比四十幾五十蚊嘅魚蛋河呢度真係一個平靚正嘅選擇今日買外賣返公司食之前食係兩粒牛丸、兩粒魚蛋、兩條春捲今次唔知係咪冇魚蛋所以畀咗兩個魚片我覺得魚蛋好食啲，魚片就冇咁好食不過重點係呢個春捲，春捲係值回票價另外南記粉麵都有一個好幾好嘅位，係佢啲河粉唔會好似 一般街嗰啲咁碎，可以 一條條夾返上嚟，但係要留意，如果你係隔得太耐嘅話，成個河都黐埋一嚿， 感覺就冇咁好食…查看更多