siiri's Profile

新開張幫襯下初開張嗰時有街坊話外賣要捱住寒風等成個鐘，不過見今日唔算多人就即管一試。原本外賣左個照燒汁鰻魚蛋包飯返到屋企打開先見到佢俾錯左個雜菌南瓜雞飯⋯⋯入面啲雜菜都硬倔倔，好有咬口而啲汁真係好膩，食左半碗已經覺得好漏不過我原本都唔係諗住食呢個飯，所以唔岩我口味都正常但係食落發現舊雞係生嘅，仲要唔止一舊係未煮熟到呢一刻已經要棄飯杯奶茶都好難飲，入口好淡冇茶味，似乎落得太多奶要考慮下係咪再俾機會佢。…Read More

星期日午市(11:00左右)拿飛，等左幾個字先有得入座，安排一張四人枱。不過等候過程眼見攞3-4人枱會快好多，唔知佢點安排。首先係酒樓環境欠佳，餐枱上面的冷氣機岀風位滴水！滴左落啲食物度，起初唔為意。但滴第二次時才抬頭發覺有冷氣機滴水問題，食物已經食左落肚，真係十分嘔心。重點係食物味道差，點心選擇少。蝦餃燒賣改個貴格名，例如：$18.8兩粒的松露燒賣。食物質素亦麻麻地，叉燒腸的皮甚厚，料卻很少。牛肉球只食到喼汁的味道，唔知食緊乜肉。唯一能讚的是，其中一個樓面侍應服務友善，不過都係得唯一一個姐姐係咁。…Read More

早餐和車仔麵都食過。主打的車仔麵當然好食過早餐，如果食早餐真是唔好有期望。服務方面，堂食的樓面服務還好，主要係外賣時個收銀岀事。話說有一晚收工去醫肚，嗌外賣點左「招牌車仔麵」，揀好麵條之後收銀阿姐(中短髮)問要咩湯底。我的自然反應係反問，「有咩湯底可以揀？」。點知個阿姐竟覺得我好似問左個弱智問題，不耐煩地話我「你唔識反轉張紙睇架咩？」。原來湯底係寫喺餐牌既另一面。難道食客會熟知左你個menu有咩選項？佢咁既趕客態度，我已經唔會再想去俾佢串。而且想食車仔麵既話，行去利基嗰條巷，幫襯間老字號仲好。…Read More

晚上七點，隔離金滿庭既二人枱要等位，於是去左呢間好多空枱既酒樓食飯，果然係中伏既先兆。大概7:15落單，叫左個龍蝦孖寶，1.芝士焗龍蝦伊麵底2.清湯浸時蔬，價值$348。問題一：伙計冇認真跟單揀呢間餐廳，係因為唔想等位，期望能快快醫肚。但愈等愈唔對路，連碟簡單既烚菜都冇影。於是催左幾次，喺半個鐘後先有個女經理跟進，發現原來冇落過單。問題二：價錢貴、分量少接近八點先上菜，發現碟芝士焗龍蝦的分量好少！雖然佢賣$348，但我懷疑佢只有半隻，或者一隻迷你龍蝦仔！食到龍蝦殼多過食到啲肉。伊麵則勉強分到四碗。至於碟青菜，如佢既菜名一樣係普通野，冇期望。埋單連茶位加一盛惠408元。而我只食左一碗半伊麵同幾條菜。同樣價錢，喺同一個商場已經有好多選擇，絕對冇下次。…Read More

星期五晚閒逛，發現商場裡各食肆都滿座，唯此間甚多吉枱，抱著一試無妨既心態入去。餐牌種類有唔少老北京既風味，連驢打滾都有。其中有個$388二人餐(茶芥、加一另計)，有羹、烤鴨、烤豬、黃花魚等等都相當豐富，不過實在眼闊肚窄，於是散嗌。點左個烤豬桂花糕、健康素卷、宮保雞丁、炒飯，同埋聲稱like FB同打卡就會送的高力豆沙。首先個烤豬桂花糕真心只能用恐怖黎形容。由上至下配搭係，烤豬一塊、沙律醬青瓜兩小條、桂花糕一片、餅乾一塊。我實在無法理解有啲人會覺得呢味菜係感覺清新，可能口味不同，我覺得係不倫不類。或者係設計菜式既問題，正正常常既炒飯同健康素卷味道係ok的。炒飯都幾大碟，可以添到五至六碗架。碟宮保雞丁好麻辣，幾好味，呢味菜既味道、賣相同喺內地餐廳食到既好相似，唔知大廚係咪國內既廚師呢？最後就係等極都等唔到既高力豆沙。由於佢枱面有牌仔宣傳，食客like FB或者打卡，都有一客高力豆沙送。當詢問侍應阿姐時，佢猛咁叫我按like、叫我快啲post打卡，幾乎搶左我部電話黎幫我禁，『熱情』到以為我是愚鈍到連FB都唔識用。完全滿足阿姐要求之後，等左好耐，隔離枱已經都上左高力豆沙，我地都仲未有。追個阿姐，佢仲問我地『做乜咁心急？』。算啦，免費野，唔怨得咁多。埋單走人，dislike返佢個FB page。總括，純粹食小炒既話係ok，試fusion菜就唔好搏。如果亦接受到佢服務得過且過，咁都係一試無妨既。…Read More

在朗豪坊行街累了, 可以上來這裡食件cake休息一下本來被他們放在cashier前面的cake+drink combo $48吸引可是點餐時侍應話已經沒有這些combo, 唔知點解佢地一直繼續讓個牌放在當眼處...最後唯有分開叫,杯朱古力十分濃, 忌廉亦十分多雖然好濃, 但味道又唔會太甜 件芝士蛋糕既賣相有心思, 淋左d焦糖糖漿喺上面下面既紅色點綴係用士多啤梨味糖漿整出黎呢度都係人少少靜靜地, 歇下腳既好地方下次可以再黎過…Read More

第一次幫襯冬蔭公公, 因每次都怕等位而放棄今次來到坐低已經是差不多打烊的時間, 所以好多空枱, 舒舒服服唔洗逼先來一碗冬蔭功酸酸辣辣都幾好食湯底有兩隻大蝦、有草菇和一些香草都叫做足料一邊食一邊睇住佢地部電視,就係不停sell佢地既肉骨茶,用左獨特既烹調秘方煮出來,個人覺得味道好似鹵水汁, 好咸!!與真正的肉骨茶味道好唔同另外亦叫左海南雞飯,只是不過不失, 沒有特別呢呢餐價錢都不算平喎, 兩個飯每碟都接近$60, 但也是不過不失的水平…Read More

在德福到處都是人..已經八點半都仲係周圍都要排隊入座,所以去了鄰近的megabox, 又突然想起高樓層有間動畫主題的日式料理一直都知道佢有宵夜時段, 但係從未試過等左一陣9:00就準時入座~頭50位客人還有免費三文魚刺生兩片呢, 不過免費既野都係唔好咁高期望...第一碟黎到既係芝士黃金蝦卷,亦係全晚最欣賞的壽司, 由於第一碟上菜表現不錯, 對後來既壽司自然都有期望但係結果真係嚇親人對於點左海膽玻璃蝦真覺得後悔,海膽味道好怪, 勉強食落肚玻璃蝦霉霉地, 感覺唔太新鮮...以為應該好穩陣既玉子細卷, 賣相係整得好靚, 成朵花咁但係d飯壓得太實, 令米飯變得唔好食也好後悔叫左咁多件三文魚, 因為上面既魚生好唔新鮮,食落有陣腥味火灸系列既壽司係最正常...但係可能因為燒過, 所以掩蓋左魚生唔新鮮既味道結論係,如果以正價來食既話, 呢個水準係負分表現..今次係五折宵夜時段, 一分錢一分貨...俾盡值個"OK"話時話, 宵夜埋單都人均$85架囉!…Read More

有關季季紅既食評大多數都係食乳豬, 今次係俾佢地既海鮮孖寶宣傳海報吸引而來而且也沒有令人失望!宵夜時段海鮮都是$68呢碟鳥頭蒸得剛剛好,肉質嫩滑條魚仲相當大條~另一個孖寶就係勁蒜蒸聖子, 真係勁多蒜, 聖子都係大大隻, 粉絲入味, 送飯一流還有部長推介的燉湯~我對食湯渣(豬肺)就一般般,勝在夠平、夠抵飲啦 …Read More

閒日晚市人流少, 清靜地食晚飯這裡是個好選擇點了兩個菜分別係窩貼蝦同瑤柱百花蒸釀玉環本來怕窩貼蝦會好油膩, 不過食落又無咩多餘的油, 師傅亦能熱辣辣上碟配埋沙律醬仲好好食添釀玉環個茨汁夠惹味, 節瓜中間釀既係蝦肉, 抵讚 食完窩貼蝦食返味清清地平衡一下兩個人食量唔多,兩味菜岩岩好…Read More

點了四道菜，除了小籠包值得推介之外其餘三味餸都唔OK可能太喜歡拔絲香蕉、拔絲蘋果的關係，呢味"拔絲咕嚕肉"真係令人失望，其實都係改返名做"咕嚕肉"會好D!盛惠$88的河蝦仁更不值一提...賣相唔得、蝦無蝦味湯無鮮味想撈飯都唔掂!至於"醉雞"，酒係甜的無酒味, 雞既肉質好硬$150/人的價錢，呢個質素真係唔值。以前來食好欣賞呢間食店的，可是水準下降驚人！…Read More

星期六晚即晚訂位，10:30準時入座。熱食也有驚喜，座位關係可以捕捉廚師在什麼時候即場烹煮好菜式(例如干燒e麵同魷魚等等)，新鮮炒起所以味道都很讚燉湯也很讚，喝了好幾盅~刺身方面，厚切三文魚夠肥美甜品種類一般般，不過朱古力噴泉同佢地既馬卡龍都值得一讚~埋單信用卡有85折, 每位$185左右值回票價…Read More

因為有優惠卷，早幾日訂枱打算去high tea，訂座時已問過職員是否需要說明優惠卷編號，該職員表示不需要。結果，去到既時候唔知佢地內部咩溝通問題，個外藉男經理竟然責怪我地無講優惠卷編號，話廚房無預咁多set喎，又話唔擔保一定有...安排左我地坐廁所附近角落既枱等一陣雖然最後都可以食到個tea set，不過未食就已經滿肚不快~~坐在廁所附近的角落，視線被阻擋，餐廳環境真係無辦法欣賞！只覺得人來人往，一點都感覺不到清靜。食物方面味道亦普通，較喜歡既係mushrooms in pastry，其他都一般尤其個rhubarb-lemon custard tart真係太甜了。點了杯coffee&blueberry既summer smoothies，呢個就幾好呢種檔次格調的餐廳，真係期望有更好的服務來用餐的客人不是付酒店價錢來享受茶餐廳的服務。…Read More