LingLingTse的个人专页

朗豪坊就去過好多好多次，但呢間小台北就第一次食，第一次亦係最後一次，因為真係好難食！點了一個黑椒牛柳絲石窩飯，轉配一杯珍珠奶茶。齋睇賣相還可以，氣味亦係正常既，食落口先知出事。牛柳絲好韌好難咬開，而且冇牛肉味，黑椒太多，成個飯淨係食到黑椒味，本來想死頂食埋佢，但食左四分三之後真係頂唔順，係我第一次咁冇衣食。同行既人話我去賣台灣野食既舖頭買石窩飯梗係唔好食啦，我話唔係囉，因為佢連杯珍珠奶茶都做得唔好，奶茶味道可以，出事既係佢既珍珠，明顯存放得唔好，珍珠冇咬感，連少少彈牙都冇，完全成舊粉團咁，冇錯，係成舊粉團，佢啲珍珠全部痴埋一齊成抽提子咁，佢又冇比匙羹我，淨係得條飲管，啜極都啜唔到。…查看更多

唔知係咪因為天氣凍又加上係平日，店內客人唔太多，完全唔洗等位。迴轉帶上面既壽司廖廖可數，基本上都要搵服務員落單，不過客人唔太多，所以好快就會有服務員過黎。環境都算係咁，除左張枱未抹乾淨，仲殘留上手客人食剩既食物屑之外。兩個人食左二百六十幾蚊連加一，好飽。食物既質素不過不失，唔算好食，但起碼唔難食，覺得還可以接受啦，純粹用黎填肚還ok，但唔會有一種好好味好正好幸福既感覺。佢個炸雞中翼係覺得比較出色既，第一樣到既食物就係佢，但我地冇即時食，放到好後期至食，但仍然好脆，裡面仲竟然有少少肉汁。其他叫既食物，包括有玉子壽司、芝麻八爪魚、花之戀、芝士鰻魚卷、吉列豬扒手卷、日式炸芝士年糕、炙燒辛辣三文魚腩壽司、鵝肝壽司、日式燉蛋、蟹柳沙律船、炸雞軍艦等。日式燉蛋同平時食開既蒸水蛋冇分別。花之戀既三文魚唔夠新鮮。整體黎講還可以啦，可以有下次，當我諗唔到食乜而佢又係附近既時候可以再去既，但唔會專登去食，因為真係好普通既質素。…查看更多

見佢成日坐到滿哂人咁，諗住啲嘢食應該都ok，點知原來唔係囉！環境： 佢地方都算大，但係座位之間好迫，而且好污糟，就連佢拎黎果杯奶茶個杯都好多未洗乾淨既漬。服務： 我從來都唔會要求茶餐廳有好好嘅服務，但係佢同我地落單，問佢野又唔答，未落完單就走左去就真係唔掂囉！食物： 我地兩個人，叫左一個豬扒飯配香蒜汁跟熱奶茶，同一個雞扒公仔麵（竟然24蚊一碗雞扒公），豬扒有兩塊，兩塊唔同，一塊ok冇問題，另一塊啲肉質好＂鞋＂同好乾，可以用難食黎形容，好彩有個蒜汁救一救，唔係都幾難食入口，奶茶都幾大杯，可惜奶同茶既比例唔啱，奶落得太多！而且個杯好污糟，根本未洗乾淨！試完今次之後我相信我唔會再去啦！P.S.本來有影相想upload，但我用iphone寫呢篇食評，系統唔比我up相~ ＞,＜＂…查看更多

年初二同屋企人去（六人），基本上枱枱都滿，但係冇人等位～金珠鹹水角：皮太韌，傳菜員一送到嚟就即食都已經唔脆，有d難咬，但味道尚算ok；香芋肉碎炸春卷：同樣係皮太韌，好難咬，芋頭唔香唔粉仲有d硬，唔好食；快樂蝦餃皇：蒸到乾哂水，但最離譜係佢送嚟ge時候我地冇睇清楚，之後發現其中一隻蝦餃ge皮甩咗一半，d蝦肉都露哂出嚟；蠔皇叉燒包：ok；金牌流沙包：完全唔配流沙包呢個名，佢根本唔係流沙包，因為裡面d餡都係餬狀，流唔郁，而且餡太少，皮厚，蛋黃粒太大而令到食落去覺得好硬；香煎蘿蔔糕：中上，一般酒樓ge水準，對於佢其他食物ge水準嚟講，我覺得已經好難得；蜜汁叉燒腸：似乎佢呢度d點心都有皮過厚呢個問題，叉燒腸亦唔例外，而且係厚得好恐怖，食落口ge時候我以為自己淨係食緊一舊粉；荷香珍珠雞：呢個真係完全接受唔到，爆咸，超級差；蠔皇鮮竹卷：還可以接受；蟹籽燒賣皇：唔好食；豉汁蒸鳳爪：味道都可以，只係賣相差咗d，望落去好似放咗好耐咁樣；瑤柱權湯餃：中下作品；蘿蔔絲酥餅：呢個好味，係成桌點心中唯一一樣值得讚ge點心（我本來仲以為佢最好食ge係白灼菜心），蘿蔔絲同佢個酥皮配合得幾好，正；蒜香蒸肉排：其實即係蒸排骨，唔知點解命名為肉排，佢冇特別多肉，根本係一籠排骨，但味道都還可以．整體嚟講，佢d 嘢食係彈多過讚，但係喺柴灣，酒樓ge選擇實在太少，如果係同屋企人食ge話，或者都仲係會去，因為有老人家唔適宜去太遠ge地方，但係如果有得比我揀ge話，我唔會太想去lo~…查看更多

講真佢d食物其實只係一般,其中個肉醬意粉仲要係勁唔好食添,不過佢個環境就真係幾ok ge~呢間pizza hut我覺得係食佢ge環境氣氛同服務lo,食物就一般般咁咋~只不過等位就耐咗d,最好就book 定la~…查看更多

首先一提,我係超鍾意有芝士ge嘢ga~所以有加芝士ge壽司我都覺得超正ar~佢個香芒三文魚芝士卷同蒜牛肉芝士卷我都超鍾意~個花之戀都ok~但最差係個炒飯,但我唔記得係個全名la~好似係咩和牛炒飯嚟ga~d牛肉勁韌ar,而且又冇味道ga wo~…查看更多

佢個環境係ok ge~不過d位就好鬼逼~而且仲好混亂添,d傳菜員根本就唔記得d枱號,好多都拎住d點心周圍搵枱,又不停問你有冇叫呢樣嘢,仲落錯單同重單,有個講普通話ge傳菜員仲問我地張枱係幾號枱(但個牌明明就好明顯咁放咗響枱),d服務員又唔多濕你,講哂唔該咁遞張點心紙比佢,望下你就走咗去,仲一定要自己拎張單去收銀台埋單~至於食物方面,d味道總體嚟講都尚算ok ge,食得落口咁la~但係個賣相就真係令人o哂嘴ar~鮮蝦腐皮卷同牛肉球就係其中ge代表,從來都未見過一間茶樓可以將個腐皮卷包到咁肉酸ga~牛肉球......可能我見識少,真係未試過牛肉球發生水浸ge情況ga~糯米卷勁唔好食,冇味道唔單止,個賣相亦都好肉酸,蝦腸塊皮好厚~超厚~勁厚ar = ="以佢ge服務加上佢d食物ge品質,佢咁ge價錢真係接受唔到~~佢ge價錢仲分好多種....分哂日期,時段,就連成張枱同搭枱ge茶位都有分ar....以星期一至五去食同星期日去食ge價錢嚟分,每籠點心ge價錢可以差成五至七蚊~試一次就好la~之後都唔諗住再去la ><"…查看更多

叫咗唔少嘢食,包括蝦餃,燒賣,三文魚春卷,咸水角,蒸排骨,鳳爪,馬拉糕,肥牛金菇卷,蟲草花鮮竹卷,碧綠帶子餃,牛肉球,叉燒腸,xo醬咸薄罉,黃金餅,藍莓香芒亮晶晶......等等 (有d唔記得叫咩名)其中蝦餃,咸水角我都鍾意~~但係個咸薄罉同黃金餅就唔推介la~~服務方面,d傳菜員真係好唔掂,我地已經幫佢地移開哂d嘢嚟方便佢地擺嘢,點不知佢地都係求其放喺枱邊就走咗去~~最爆ge一個係明明放唔落,仲死要塞入去,搞到差d倒瀉杯茶落我個妹度~~環境同食物就都ok ge~~…查看更多

今次冇上次ge感覺咁好~~一去到,見到佢真係枱枱都有人ga~~服務方面就差咗d~~好多時候都冇人理~食物方面:個南瓜露超稠ar~同漿糊冇咩分別~~蛋撻同榴槤酥都ok~鳳爪超肥~第一次見到咁肥ge鳳爪~~…查看更多

其實佢唯一ge好處係唔理你坐幾耐都冇人會話你~~但如果附近有人食煙就恭喜你~~d食物都ok~~唔會難食~但有進步ge空間~d咖喱有時會太辣~~最近佢推出咗d有營餐~但個三色飯做得唔好,d飯都硬鬼哂~~…查看更多

最鍾意佢個鰻魚芝士卷,超正ar~~我一個人就食咗差唔多十件d刺身都好新鮮~去之前睇過其他人ge評價,佢地勁推薦個北海道牛乳海鮮鍋,雖然都ok,但唔啱我~我好鍾意食肉ga~~素食ge比較少食,但佢個什果沙律竟然令到我忍唔住食咗好多~佢d串燒~燒牛肉~芝士焗蠔~帶子~全部都好正ar~~d款式超多~真係試唔哂~~決定咗la~一定一定要再去食過ar~…查看更多

蝦餃都幾大隻吓~蝦又多,汁唔夠~但整體上都唔錯,塊皮唔會太厚~一品腸,牛肉球,灌湯餃同流沙包都OK~但個芋蓉卷就超甜,佢落糖落多得滯~黑椒牛柳絲炒麵GE味道唔錯,D牛肉唔會"銀"而且又多,略嫌不足GE係D汁唔夠~至於個吞拿魚椰菜卷,原本諗住想睇下有幾特別,點不知,根本就係炸過GE吞拿魚三文治,佢將吞拿魚醬同椰菜混合一齊,茶喺方包上面再卷住,然後拎去炸.不過整體上對呢間酒樓GE感覺都唔錯,會再去~D食物唔算太貴,味道同份量都OK~…查看更多

佢d雲吞幾好食ga~佢地包ge雲吞係呈扁ge橢圓形狀.個豬扒包,佢塊豬扒係炸ga,塊豬扒好薄,上下果兩層炸粉就好厚,所以基本上食唔出豬扒味,反而有好重ge粉味~亦由於佢扒薄粉皮過厚ge關係,咬落去ge時候你唔會覺得自己係食緊豬扒,淨係感覺到食咗"劈"嘢入口.所以佢個豬扒包係強烈唔建議食ga~至於其他嘢都ok ge~屬於一般茶餐廳ge水準~(即唔係特別好)…查看更多

呢間店係以北京人開ge正宗北京水餃,同價廉物美作為賣點.有六款超值套餐比你揀,全部都係14蚊咋~我食ge果款有:一碗麻醬雞絲麵(其實係烏冬嚟ga,但係可能北京人同廣東人ge叫法啩~),韭菜豬肉餃5隻(都幾大隻下,肉ge份量好少,主要係韭菜,但係味道唔錯wo),豆漿一杯(佢自己磨ga)烏冬+以菜為主ge水餃+豆漿,其實幾適合想要健康同keep fit ge人,中午ge時候我胃口都幾好,但係食佢呢一個14蚊ge餐我可以飽足成日,到收工都未想食嘢~佢個舖面比較細,每枱之間ge距離亦都幾窄~但其實只要你唔係肥到二百磅咁誇ge話,坐喺果度唔成問題.佢仲有好多其他ge食物,例如鍋貼,狗不理等等,但我暫時未試過,不作評論.…查看更多

第一次去呢君怡入面呢間華倫西餐廳度食嘢~食佢個復活節海鮮自助晚餐~雖然復活節呢幾日周圍都好旺,但佢個廳只係半滿~食物的種類真係好少~有好迷你ge蟹仔同蝦,鮮果沙律,牛油麵包,鳳爪,打邊爐(芝心丸,魚蛋,芝士腸,金針菇,生菜......),格仔餅,燒牛肉眼扒,蒜蓉火腿焗扇貝(青口),蒜蓉中蝦,仲有d我都唔知係乜,因為連牌仔都冇.D三文魚唔新鮮GA,負責切GE果位師傅亦唔識切,而且仲成日蛇咗去第度,搞到大家攞唔到三文魚~同佢講D三文魚唔新鮮,佢仲話全部係咁GA LA WO~(服務方面除咗佢一個係咁之外全部都好好GE,而且當個主廚企響呢位負責切三文魚GE師傅隔離GE時候佢會變得非常之好人兼勤力)第一次食Buffet竟然有打邊爐ge~佢個蒜蓉扇貝同青口都仲ok ge~但就凍冰冰,d火腿都硬哂~手握壽司:佢舊飯好明顯被嚴重壓迫~由賣相到味道,出面十蚊四件果d羸佢十條街~甜品方面,除咗上面放咗片奇異果同淋咗d草莓汁ge果杯嘢好味d之外全部都唔合格~最好食ge算係佢個格仔餅~…查看更多