Karenyumyum的个人专页

唔知點解仲係好多人覺得日本師父做嘅omakase 先至好食，但我覺得好唔好食都係原自食材同對食物嘅態度，香港師父都可以做得好出色。今次第一次嚟鮨定山，裝修唔算特別，但感覺舒適，有兩張Sushi bar 枱，一張可以坐8位，另一張坐6位，佢哋晚餐價格係$1788位，出品對得起呢個價格，佢哋嘅Sake 杯係非常靚的，唔係一般嘅sake 杯而本人係非常喜歡同師父傾計的，搵到個啱傾嘅師父，即刻覺得成個晚餐係物超所值，飲飽食醉，食埋個焙茶雪糕，真係好滿足…查看更多

一大班人食飯，一定有返一，兩個識飲識食嘅人負責搵餐廳，今日就嚟咗呢間新開咗兩個月左右明記潮鍋，就喺係佢哋嘅明記潮館附近。一入門口，就見到佢哋嘅餐牌，晚餐有三款套餐，價格分別係$238, $338 同$438, 雖然套餐抵食同包羅萬有，但係經過魚缸見到象拔同龍蝦向我哋招手，我哋最終都係散叫，店員姐姐仲推介咗令和生蠔同北海道小川海膽俾我哋，本身覺得呢啲嘢去返日本餐廳食先會有質素，但係事實勝於雄辯，生蠔係好嫩滑同鮮味，而海膽係超鮮甜同好味，真係估佢唔到餐前小食就淨係叫咗個醬油河蝦仔送吓酒，湯底就係花膠雞湯，開爐之前就梗係飲咗湯先啦，個湯好足料呀，飲完即刻覺得啲骨膠原BB返晒嚟,之後向我哋招手嘅象拔同龍蝦出場喇，見到佢哋嘅擺盤已經覺得好吸引，當然都係不出所料嘅新鮮彈牙啦，仲有手切牛肉，見到樣都知佢乜嘢料其他火鍋配料都係中上評價(食到相都唔記得影),不過海鮮類真心係比較出色的飲飽食醉之後，可以飲返支佢哋自家製嘅檸檬百香果茶refresh 吓，超級大滿足…查看更多

又試新餐廳，本身對屋苑餐廳無乜期望，但原來都有驚喜，同屋企人一行十二人，原本想book食中菜，但見有間日本餐新開張就去支持(鮨池)吓，餐廳好體貼，留咗個中間位置，泊咗張長枱俾我哋仲有BB櫈，而且仲俾我哋帶酒，真係無得輸，不過我哋都有叫咗兩支Sake,始終人哋新開張經開一輪小食，沙律之後就開始sashimi, sushi同串燒，sashimi 同sushi嘅賣相一啲都唔求其同埋都好新鮮，即刻眼前一亮，串燒都好夠味，燒得啱啱好，唔會乾，感覺好juicy, 以屋苑嘅價錢，食到噤嘅質素，真係喜出望外。人均消費連酒水@$500用餐時段:晚餐…查看更多

真係好鍾意嚟和三昧食鐵板燒，每次都飲飽食醉笑住走，食物保持優質水準，呢度嘅鐵板師傅雖然唔會好似外國噤耍雜耍，但態度專業，同客人有講有笑，每次都食得好開心，好有賓至如歸嘅感覺。…查看更多

一落機就同朋友過嚟試新餐廳，因為太耐無見，朋友心知我哋係吹水多過食飯，所以電話book枱嘅時候，問定職員可以坐到幾點，驚佢哋Lunch Time有限時，職員回答，可以坐到15:00，之後佢仲有問想坐卡位定tatami, 但tatami 要除鞋，感覺呢個位幾細心。十二點正，終於可以入座了，目測加埋我哋大概有三枱客人，我哋Order 咗玉子燒，銀鱈魚西京燒同Sukiyaki，比較差嘅係銀鱈魚，食唔到有味噌味，只有腥味，所以我哋食咗三份一就無食。由於食物無乜特別，之後我哋就進入咗忘我吹水境界，大概兩點,有職員行過嚟問last order, 順便叫我哋埋單，我哋先環顧四周，原來只淨返我哋一枱，之後問返職員，係咪仲可以坐到15:00, 但佢話唔可以，因為佢哋今日少人返工，要早啲食飯，Umm…雖然唔知呢個係乜嘢原因，但都費事阻人收工，埋完單就走人。…查看更多

試新嘢，自己緊係要做足準備，專登訂定位過嚟試吓，雖然餐廳不太就腳，但勝在門口有得泊車😆😆😆入到餐廳見到都差不多出滿晒人，心諗，好彩有訂位，雖然坐位不太寬敞，但裝修都好有心思，望返個menu，食物種類唔算多，我同朋友兩個人，order 咗龍蝦湯，龍蝦配粗薯條，日式炸魚漢堡走薯條(因為想留肚食甜品), 同埋個點朱古力波波甜品share 食，order 完，waitress 就派條圍裙俾我哋，話驚我哋食龍蝦嗰陣會整dirty 件衫，真係好細心，啲嘢食樣樣都好味，真係飽到上頸，好滿足。不過要提提大家如果想去食龍蝦的話，最好訂枱嗰陣講聲，叫佢留定，因為都好快賣晒，話晒人哋食新鮮龍蝦，訂枱嗰陣講多句，好過去到想食又無得食，攪到自己唔開心。食嘢最緊要開心嘛😁😁…查看更多

今晚兩個人食飯，想食麻辣鷄煲，但又唔係火鍋，喺open rice 搵咗間呢間麻辣館，因招牌沒什麼閃燈，所以坐喺車度都好難見到，去到見到間舖頭，都估唔到會有噤多嘢食，仲以為係就噤食麻辣米線的。去到坐低，當然係叫咗個雞煲先，之後就叫咗個水煮桂花魚(係侍應介紹的), 辣子蝦同個菜。上菜了，見到都覺得兩個人係食唔晒的，但最後都竟然食晒，仲叫咗個白飯Tim. 因個雞煲叫咗少辣，所以所有嘢都係少辣的。首先試咗個辣子蝦，蝦好入味，好脆，水煮桂花魚，超滑呀, 不過辣啲會好味啲，最後雞煲就無乜特別了。食嘢期間，侍應都有問吓啲餸啱唔啱食，有提及過水煮魚不太辣，侍應即時同廚師反映，廚師亦有出來解釋，因我們的雞煲叫了少辣，所以她也不敢放得太辣，怕我們吃不來！以一間小小嘅菜館，服務態度可算是中上了，食物水準也很好，下次一定會再來幫襯呀!…查看更多

朋友仔約食飯，佢話之前嚟過，覺得幾好坐，所以呢次聚會就揀咗呢度！入到餐廳，感覺都好舒服，唔會太逼，傾計最啱！打開menu, 見到啲價錢都唔貴，同以前"魚一丁"差不多！我哋order剌身先，叫咗海膽(超like)，三文魚腩(好肥)，帆立貝(普通) ，之後就係拉麵沙律(拉麵"林"咗啲)，但都好食，再嚟就係葱吞拿魚腩卷同天婦羅炸蝦卷(整同切得太舊了),味道普通,之後order 熱嘢，叫咗幾串串燒，有蕃茄煙肉，雞翼，雞軟骨，雞腎，帆立貝(好乾),仲叫咗個免治雞肉，已經超飽了！最後叫埋甜品，布甸雲呢拿雪糕(好好味)，再share綠茶雪糕(唔creamy, 好綠茶味)同芝麻雪糕(有粒粒芝麻)，雪糕真係超抵($10球),仲要係北海道雪糕, 所以再order!!! 整餐都好滿意，下次一定再嚟…查看更多