apple pie yummy的个人专页

幾年前佢係一間寂寂無名嘅燒臘小店，剛剛開張嘅時候個個街坊都話好食又唔貴，於是我都去試吓，覺得好食過中環嗰間名店，呢幾年間，不斷介紹朋友去食，過時過節又買嚟送禮，又有不斷幫襯，覺得越來越退步，直至今日，我終於要爆了；頭先去買個叉鵝飯，一打開個盒見到燒鵝皮仲係脆嘅，好開心啦！點知全部燒鵝都係肥膏同埋骨位，得層皮可以食，至於叉燒明明叫咗佢比瘦啲，最終係比半肥瘦我，都算啦！起碼有一半可以食下，不過我以後都唔會再去幫襯，我亦會叫朋友唔好再去食，完。…查看更多

❤️味菜胡椒豬肚豬潤米線 $45湯好夠味，又夠辣，仲幾好飲添；豬肚超級多，豬潤煮到啱啱熟，但份量少；味菜好貴，一條都冇 😑🖤黃金墨魚餅 $8 三件好實、好彈牙、好假，真心覺得唔好食❤️蜂巢豆腐 $8 三件唔係普通豆腐咁簡單，已經好少舖頭有得食呢個餸，索哂D湯，豆腐好有質感，超級好食😍❤️鴨血 $8 得兩件少少辣，好細件，都算都幾好味❤️舖頭冷氣夠凍，地方尚算乾淨，食完有少少口渴，但整體都OK嘅，都會再去嘅。…查看更多

減肥首選原本西灣河有一間真材實料好好味嘅上海餃子店，唔知咩原因已經結業，於是就試吓呢間吉祥餛飩，點知味道令人大失所望，仲搞到肚痛添。晚上八點幾，一入舖頭店員就擺低一杯暖嘅豆漿，應該係免費嘅，我睇完餐牌就點左一碗招牌薺菜大餛飩 $35/8隻、香伴腐竹 $20。等咗一陣店員送上腐竹，賣相、味道完全唔吸引，個涼拌汁唔係酸、唔係喊、唔係辣，有少少蒜味，怪怪嘅都唔知點樣形容。然後到碗招牌薺菜大餛飩，諗住叫得「招牌」應該唔差，我第一啖咬落去，成個口都係濃烈嘅豬肉味，唔係豬肉嘅香味，係騷臭味，當然仲有薺菜嘅味道，但仍然蓋唔過嗰陣騷臭豬味；於是我就自己調一個醬汁諗住可以蓋過陣騷臭豬味食埋剩餘嗰七隻餛飩，但係個醋唔酸，豉油唔喊，辣椒油亦唔辣，我再將份量加倍，結果一樣，我最後食淨兩隻頂唔順離開了。返到屋企半夜兩三點開始肚痛到醒咗，然後去咗幾次廁所，直至天光肚空空就冇事了。…查看更多

同朋友去太古城搵食 🤤我之前見呢間餐廳成日有人排隊 🙆🏻‍♀️今晚有位就立即入去試 🏃🏻‍♀️🏃🏻‍♀️🏃🏻‍♀️價錢適中，食物、服務都交足貨 😍叫咗 2️⃣ 個套餐首先係兩支 Fruit Smoothie 😋🍎🍐🍋🍒🍏🍍🍑🥝🍌🍇🍈健康飲品，味道唔錯，足料 👍🏻然後係沙律同埋小食 😁沙律菜新鮮 🥗 個汁亦不錯芝麻雞翼外脆內軟 🐓 好 Juicy炸餃子都好味，唔油 🥟🐮 和牛 🍳 溫泉蛋飯 🍚牛肉半熟，味重，帶油香 🐄 圍邊有炭燒香味少少燶，非常好食，飯份量都幾多 😎🦐 虎蝦 🥬 菠菜汁燴飯 🍚虎蝦大隻新鮮彈牙 🍤菠菜汁香 🍀 燴飯非常夾好味整體有九十分，會再幫襯！🤗…查看更多

騙徒手法層出不窮🤬🤬🤬同朋友一行四人都想食羊肉於是訂咗 7:30 枱我哋齊人準時 7:30 到達佢話要等一陣，叫我地坐低先仲話我哋係等第一張枱，有客埋緊單🙄🙄🙄於是一直等等等。中間都有客人不停出出入入，有叫號碼但係從來都冇叫過我哋...7:45 走去問佢，佢又係話第一張係我哋，頭先叫嗰啲係二人枱同埋六人枱，未有四人枱所以仲未輪到我哋，叫我地耐心等候，中間亦有請我哋飲酸梅湯，擾擾攘攘又過咗半個鐘...🌚🌚🌚8:15 我哋發現有 walk in 後過我哋入嚟，都上咗去食，再問佢佢居然話我哋訂 7:30 枱，之前客人全部係 6:00 入座，咁客未埋單，佢哋又唔可以趕客走，但又冇同客講話有限交枱時間，又話應該差唔多埋單，氹我哋等多一陣，應該好快有枱了，心諗...6:00 食到 8:15 都應該差唔多食完啦！於是又俾佢氹到又傻傻等...😤😤😤8:30 有乜理由成個鐘都冇一張四人枱埋單走㗎！分明吹水啦！再問，佢話個客埋咗單，執緊枱，等執好枱就可以叫你哋上去啦！🔥🔥🔥最後要等到 8:50 終於上到去啦！但張枱仲執緊，響旁邊等左一陣終於可以坐低叫嘢食啦！大家等咗咁耐，一定覺得再難食嘅嘢都係人間美食啦！點知...😪😪😪🌶🌶🌶叫咗鴛鴦鍋。一個辣湯一個清湯，辣湯好油，夠辣，清湯好鹹，味道還可以...🐑🐑🐑羊肉串 --- 中間得少少肉，有大量肥膏夾雜中間，比例大約係三分肉七分肥，冇乜羊膻味，又唔辣。牛肉串 --- 冇乜牛味，冇咁肥。冰豆腐 --- 非常普通，同硬豆腐根本冇乜分別🤦🏻‍♀️🤦🏻‍♀️🤦🏻‍♀️咁多樣嘢食，覺得最好食係玫瑰花造型嗰個羊肉，因為終於知道自己係食緊真羊肉，其他全部都好鞋冇羊膻味，真心覺得唔掂。🤢🤢🤢其實如果好味嘅餐廳等一個鐘頭係可以接受嘅，但係佢唔老實，不停氹我哋，浪費我哋時間，如果佢直接同我地講話 8:30 先有枱我哋會再作打算，最慘係食物又唔好食真係好嬲好嬲！🤬🤬🤬…查看更多

在香港想搵一間比較正宗嘅台式火鍋店比較難，見到有朋友推介，於是去試吓，真係幾好。🤩🤩🤩叫咗個二人套餐，都幾多嘢食，未食完已經覺得好飽，最後要打包返屋企。🤤🤤🤤湯底揀咗麻辣同埋酸菜白肉鴛鴦鍋，味道非常濃郁，由頭打到落尾店員不停加湯，食到最後都仲係好濃味。麻辣湯底裏面有蜂巢豆腐、鴨血同埋其他好多麻辣香料，分量十足。至於酸菜白肉鍋裏面嗰啲豬腩肉、酸菜、水晶粉真係超多，酸菜亦非常夠味，好正。😍😍😍小食係麻辣牛肚絲，又麻又辣，只係牛肚絲略嫌硬左少少，但都好有咬口，好味。🍤🍤🍤🍤海鮮食材貴妃蚌同埋海蝦都新鮮彈牙爽甜，好好味。🐮🐄🐮🐄個安格斯雪花肥牛，以為一卷裏面只得一塊，但原來裏面有兩塊，其實個份量都幾多，但略嫌肥咗少少但都好重牛味，好食。🦑個鵝肝墨魚丸其實冇鵝肝味，但墨魚丸爽口彈牙，裏面有粒粒墨魚，唔錯。🐷🐖到個鹹蛋豬肉丸，嘩！裏面有好大粒鹹蛋黃，所以覺得好鹹，唔好食。🥟🥟🥟水餃、韭菜餃，魚皮餃三款都好好味。🥢🥢🥢千張豆葉紙係一張非常薄嘅豆類製品，真係薄到好似一張紙咁，放落麻辣湯喥索晒啲味，超正。🥬🍅🥦啲菜同埋新竹米粉食唔晒要打包返屋企。🥤🥤🥤個烏梅汁裏面有梅肉㗎！好好飲啊！👍🏻👍🏻👍🏻…查看更多

星期六下午 1:25 排到 2:05 入座，午餐時段其實算快，用餐時間有 1 小時 45 分鐘，環境唔迫，亦唔太嘈，服務亦幾好。🍝🍝🍝點了明太子醬海膽意粉海膽好新鮮 Creamy三文魚子亦不錯意粉幼身，每一條都沾上了明太子醬汁，十分好味。🍓🍌🥞甜品係法式焦糖 Pancake士多啤梨比較酸焦糖搽上 Pancake 面，上菜後仲係脆口，好好食。🍋🧀🥞第二個甜品係檸檬芝士 Pancake檸檬唔酸，帶少少甜，感覺非常清新，都好味。👍🏻🤤😋整體感覺幾好，上次去希慎分店食過，在有比較之下，九龍塘分店做得比較好，雖然多人排隊，但係水準不變，同去日本食感覺差唔多，值得推薦。…查看更多

呢間小店由一開店幫襯到而家當時老闆娘仍有在鋪頭坐鎮仲問我啲碗麵好唔好食？我話妳睇好食到連湯都飲埋呀！🤤由當初排隊排成個鐘到今時今日晚市時段冷冷清清我仍然忠心支持因為真係覺得幾好食搵唔到其他鋪頭可以取代間中都會想返去回味下所以我已經食過好多好多好多次👍🏻由初初第一次覺得非常好食連湯都飲埋到今時今日覺得已經不外如是份量又少咗，服務又差咗原本個心成日諗住去支持小店但經過今日真係唔想再去😑事緣係我今晚七點幾晚市時段，鋪頭得我一枱客，出面冇人等位，我食完碗麵啱啱放低對筷子，攞部手機出嚟都未夠三分鐘，已經有人嚟收走我啲啱啱食完嘅碟，同埋我張未用完嘅紙巾，事先完全冇講話幫我收嘢，我話我張紙巾未用完㗎！雖然佢有話比番張新嘅我，但我覺得佢好似趕我走咁，我咪順吓佢意即刻走囉！😤其實食飽咗休息一陣先埋單好過份咩？唔想我留咪即刻起走囉！我立即埋單起身走人...以後都唔會再幫襯！🤬🤬🤬🤬🤬🤬🤬🤬🤬🤬…查看更多

香港有水準嘅小店已經因租金日漸上升而買少見少，呢間日本嘢已經食過好幾次，次次嚟食都 keep 到高水準，服務又唔錯，真係好難得。老闆 Jack 係韓國人，廣東話只係識少少，但熱情款待；老闆娘會間唔中都岀山幫手，佢更加倍熱情款待，鬼死咁好傾，又笑容滿面，嘢食又唔錯，好新鮮，係一間用心經營嘅小店！值得推薦，一去再去！PS 舖頭因為坐位較少，最好預先訂枱，預著繁忙時間，walk in 多數都冇得食，非繁忙時間都可以快食嘅！…查看更多

呢間餐廳已經食過好幾次，真係要俾個 like 佢表揚下用心製作嘅食物品質同埋貼心嘅服務態度。星期六 lunch，唔洗等位，一入到餐廳；女侍應叫我隨便坐，我揀好位置之後又再換位，佢不但冇黑面仲笑容滿面好殷勤咁招呼我，我之後揀咗個比目魚炒椰菜洋蔥茄子蓉套餐配沙律；個沙律啲菜非常新鮮，比目魚皮煎得非常脆，炒椰菜切得好細，調味亦好好，茄子蓉雖然落咗好多油，但都幾好味；甜品係朱古力蛋糕，朱古力味濃郁，整體非常好，侍應亦問我覺得今次用餐感覺好唔好，我當然讚不絕口啦！所以要寫個好評表揚一下。…查看更多

餐廳送嘅麵包，同埋松露牛油。麵包有三款，每款各有特色，松露味亦不太重，恰到好處，正！ 呢Jar係什果特飲 $118(梳打）$168(酒）可以揀混入紅酒、白酒、或者好似我哋咁，唔飲酒揀混入梳打，有少少氣，裡面仲有好多生果食，飲落充滿熱情果味，味道好清新，正！ 焦糖蘋果果仁沙律 $82內有幾款沙律菜、合桃、松子仁、蘋果粒、少量芝士，份量都幾多，味道清新，用焦糖做沙律汁幾特別又好味，合桃、松子亦非常鬆脆，唔錯！ 海膽忌廉汁手造意大利濶麵 $198有好大塊嘅加拿大海膽，配合勁多又 creamy 嘅忌廉汁，撈匀海膽一齊食，加上彈性十足嘅手造意大利濶麵，忌廉汁均勻地佈滿在毎一條麵上，感覺實在太正啦！ 慢煮比目魚配紅菜頭薯蓉火箭菜 $248底部有大量薯蓉溝紅菜頭汁，上部放兩大塊煎香比目魚，冇油膩感，皮脆肉嫩，味道清新健康，好好味！ 餐廳環境較暗，由於當晚係星期六晚繁忙時間，餐廳比較嘈雜，侍應們落單時態度不錯，仍然耐心解答問題及介紹菜式，係一間值得推薦嘅餐廳，會再去！…查看更多

 團購買咗晩餐卷，諗住海南雞飯好難㑹唔好食， 點知......海南雞飯 ~~~ 雞有雞味，OK嘅，但係個飯好爛，可能用咗太多水煮，一 pat pat 咁。青咖哩肉片飯 ~~~ 個青咖哩D顏色好似染色咁，又咸，肉片好硬，又鞋，差。椰汁珍多冰 ~~~ 加 $8 要特飲，好後悔加咗，珍多冰內D料好硬，感覺好似擺咗好耐咁，不過好彩椰汁味濃。…查看更多