billysung的个人专页

我特登搭車去兩次, 2人唔畀book位, walkin又冇位, 我今日未夠6點去, 都未入得場, 就話今日d位book晒冇位!!! 之後我講乜都當我透明! 服務奇差!  一個walkin 位都唔留黎做街客?! 我見佢對上一次團購都賣左萬幾張, 佢咁少位真係想幫襯都難, 淨做團購都夠佢做幾個月....…查看更多

香草忌廉磨菇湯 + 白酒香草吞拿魚意粉 + 凍咖啡 $29+ 玫瑰伯爵cheese cake +$15 <- cake一般竟然有高級野食~~味道都幾高級!冇加一, 服務係麻麻, ok啦!環境幾靚白湯超好飲!…查看更多

去開尖東, 慕蔡生而去...餃子, 係我食過咁多日式餃子中最好味, 好有肉鮮感覺, 亦有菜香, 唔點醬油好食d, 醬油會遮晒d味...湯, 幾正, 溶左舊牛油, 會多左種味, 但呢種味其實要唔要都罷, 因為好快就吃不出了...拉麵, 麵質好, 但冇乜味道, 飲過湯的話, d味完全畀d湯搶晒!價錢, 好很勁貴, 午餐 $68+10%=$75, 麵+小食+汽水/熱咖啡, 真係可一不可再...食半自助餐都冇咁貴...服務, 痴線! 等左十幾分鐘位, 論次序下一個到我, 有兩人走, 咁畀遲黎過我的兩人入去先, fine...不知不覺原來又十分鐘, 有三人走, 當時次序係 我->2人->2人->3人, 佢夠膽死叫3人入去!我即刻發老脾鬧佢! 佢話果張係三人檯唔畀得我一個人坐! <- 白痴! 我話我搭跟住果2人咪0岩囉! 全場都係咁搭檯架啦! 就係咁佢一句"係喎...咁又得喎!" 跟住就安排左我同2人入去....我點野食, 都係帶位果個, 點完, 佢夠膽死話"你應該多謝我, 係我咁安排你先入到黎坐!"條友兜口兜面又畀我鬧多劑.....呢間野我以後唔會再去!…查看更多

呢間我直情當飯堂, 曾經每星期都有四五次幫襯...午餐跟火腿奄列都有叉燒餐包食, 因為佢本身都係麵包舖, 佢d沙嗲牛肉又正, 只係$22晚餐都有常餐, 都係食呢d野, 係貴過午餐, 但多一款送, 同埋可配鮑片同豬柳漢堡扒! 晚飯都係$30-$34有湯有野飲, 呢區真係最平喇! 個湯都好好飲!還是鐵板餐$43真係大件夾抵食, 送任配, 有大大蝦添呀! …查看更多

本身的魚湯米線也很有水準, 整體食物也不錯! 可惜午市係冇午餐得學生餐, 焗住要叫全日都有既餐索價$38, 相對在茶記午餐呢樣黎講算貴...仲有...前排食早餐時見到有老鼠在地上狂奔....…查看更多

午市冇午餐得學生餐, d麵質本身幾好, 但整體食物一般, 但價錢都很貴, 食碗麵都三十幾冇飲品...…查看更多

很多食物多接近馬拉式而非泰式, 如咖喱蟹及海南雞飯, 睇餐牌係唔知的...價錢都幾貴, 午餐要$39-$52(海南雞飯要$48), 咖喱蟹$188...…查看更多

我是常客, 一飲他們的忌廉湯便分得出手勢了! 飲咁耐我都未加過任何調味! 就算東港城的紅樹林(椰林閣化身)都不及呢間! 一上口就要加胡椒粉!服務係麻麻, 但唔會畀氣你受, 料間間分店一樣, 係手勢真係不得了! 用心製作, 就算$32午餐上的牛扒至夜晚$58的西冷扒餐, 真係煎到外脆內軟夠juicy! 午餐上的意粉有時只是白色而不是茄汁撈, 失望之際竟食出滋味, 原來落過蒜油炒, 很香口!呢間係我食過咁多間分店中最好味既一間! 響坑口搵間平平地既西餐廳真係冇, 呢間環境唔錯! 人客嘈冇得好講...…查看更多

幫襯過三次, 三次都有食物殘渣痴住碗筷, 係全套! 第三次時自己出去揀過套, 好恐佈! 十隻有九隻都有食物殘渣痴住! 將廣果間又係咁! 衛生管理好有問題!另一次任食火鍋, 兩人去, 竟然畀一斤菜, 每樣丸十二粒! 叫佢收番唔肯! 食剩竟然給我們說教, 話食唔晒唔好嗌咁多野, 家陣皇恩浩蕩經理話算數! 否則每兩收你地五蚊! 云云......雖然很就腳又平, 但無論如何我點都唔會再幫襯呢度!…查看更多

食過烏冬, 味道ok啦, 但唔係平, 味道環境服務價錢都不及樓上的五十嵐…查看更多

呢間有別於其他壇島茶記, 呢間係食西餐食cake, 食過一次晚餐, 出奇意外地好食, 雖然每日只係一款湯, 我飲的是磨菇忌廉湯, 比較稀, 但味道濃郁, 亦很香忌廉味, pasta 汁料也很香口! 還可以對住東港城的大電視!…查看更多

雖唔係近日去食, 但小炒佢真係炒得唔錯, 算平又大碟, 有幾款幾有特色, 尤其京蔥炒魚柳勁香口!…查看更多

依然都係$118/人包一支水一款無酒精飲品, 但差左...果個無酒精飲品, 以前好多款揀, 而家得可樂一款揀以前有成三個雪櫃(一個肉類, 一個丸腸類+魷筒+煙肉, 一個沙律類+麵包), 而家得番兩個(一個肉類, 一個丸腸類+煙肉+沙律類+麵包), 生熟野同一個雪櫃, 本身唔係咁好, 仲要唔知d人有冇亂用夾黎夾沙律類, 所以冇食....我覺得, 咁既樣, 我唔會再去囉....…查看更多

清湯腩特別貴, 大拿拿$18 一碗, 但係冇乜特別, 同大利差天拱地…查看更多

事實上都成年都冇幫襯, 因為唔敢去兼唔想去, 只係後補評語, 好污糟!未見過一間食肆可以污糟成咁, 不論將廣果間同南豐果間都係, 兩間分店共去四次, 每次差唔多全部杯碗匙筷都有殘餘食物粒痴住, 自己出去囉過新, 嘩! 十隻先有一隻係乾淨! 離普! 服務差到不得了, 趕客, 夠膽死同d客訓話, 火鍋兩人任食, 點果陣寫明一人, 結果樣樣都好大碟, 菜都有半斤, 丸都有十二粒, 咁當然食唔晒啦! 我地埋單畀服務生白眼同話我地0徒野, 我地講左係佢d野大碟, 佢地仲0係度訓話"係經理好人渣, 呢次唔追究, 如果唔係要依個牌每兩要畀五蚊, 下次食唔晒唔好嗌咁多喇嘛! ......" …查看更多