abcdefg1的个人专页

今日想飲杯咖啡，見到長沙灣呢間裝修OK，咖啡好似幾特別咁，所以入去買杯外賣試吓。餐牌上有兩隻 Flat White, 我話我要叫magic嗰個Fat white，個店員好冇禮貌咁同我講，你要magic定flat white，我話我要magic嗰個flat white，因為你哋有兩隻flat white. 佢再repeat多次，你要magic定Fat white，跟住我問佢咁兩隻有咩分別，佢先解釋俾我聽magic其實係Double shot，由於現在已經是下午5:00 ，我唔需要Double shot, 所以我叫咗一杯Regular嘅flat white。當我攞咗個coffee之後，我問佢喺我隔籬嘅店員邊度有brown Sugar，點知企響個coffee枱裏便嘅一個女人，好大聲咁同我講，隻杯已經係兩層㗎啦。我眼光光望住佢唔知佢講乜，跟住企喺我隔籬嘅店員同返佢講，唔係呀，佢問邊度有外賣嘅堂。呢間店我真係一定唔會再去。…查看更多