Footpanda的个人专页

返工太辛苦, 星期三已經頂唔住, 決定同朋友收工健完身去尖咀飲返杯, 小下老細, 小下同事!!!!朋友介紹, 小弟第一次黎呢間酒吧, 位置算係尖咀入面, 旺中帶靜, 適合同朋友傾心事, 同伴侶摸下手仔。咁健完身又鬼咁餓, 決定叫埋小食, 諗住小食多滋味, 點知食左一份又幾好食, 結果叫左4份小食為大家介紹, 水牛城雞翼, 薯蓉腸, 迷你漢堡, 炸魷魚圈水牛城雞翼:夠入味, 少少辣, 食到停唔到口, 搞到我地愈叫愈多薯蓉腸:腸仔夠香口, 皮都夠脆, 配埋薯蓉當醬黎點, 一流!迷你漢堡:包皮夠香, 肉汁都夠, 薯條係粗薯果款, 真心唔差炸魷魚圈:唔記得影相, 香脆可口MOJITO:略嫌舊冰大左少少 LOL最後我地2個麻甩佬, 飲左3杯啤酒, 一杯MOJITO, TOTAL埋單$680, 人均消費$340聽朋友講平時呢度仲有LIVE BAND, 不過小弟呢晚就唔見, 希望下次再黎時候會遇到…查看更多

終於黎到HAPPY FRIDAY, 決定同同事食好少少! 九龍灣工商區呢邊其實有好多唔同既選擇, 近MTR有德福商場, 近工商區又有MEGA BOX, 但今次為大家介紹既係位於九龍灣國際交易中心既SPAKLING HOUSE!!!位於交易中心既2樓, 其實呢度地下至2樓都有唔同既餐廳, 但今日想食西餐, 於是我就12點中午打電話訂位, 1點鐘拎位, 得返OUTSIDE AREA, 好彩都有做有位~餐牌既野我唔影啦, 今次為大家介紹既係龍蝦包配薯條、青口配蒜蓉包、漢堡包配薯條龍蝦包:包皮夠香, 龍蝦夠滑, 有龍蝦味薯條:香脆粗薯, 而且連皮, 識食就一定連皮食青口配蒜蓉包:青口夠肥美, 夠多汁, 唔會煮到太熟, 剛剛好, 令到原隻青口保持肉汁同形狀, 夠肥美, 夠多汁漢堡包薯條:薯條上面講左, 唔重覆啦~~至於個漢堡包真心唔差, 肉汁夠, 包皮又香, 一路食, 一路流汁,  配埋旁邊既配菜清新可口LUNCH人均消費大家$150, 計埋加當$170, 價錢係九龍灣區算中上, 但價錢亦反映食物及環境質素…查看更多

一份美味而飽肚既早餐係非常之咁重要, 尤其我呢類苦命打工仔。每次上山頂工作前, 我都會到金鐘海富中心食個KFC早餐先。由於前一晚天氣太熱, 搞到我飲太多水, 食得唔夠, 所以我一朝早就叫個珍寶早餐全餐, 盛惠$38, 仲用KFC會員儲埋積分咁話。咁我就用自助收銀機比錢啦, 比完錢坐低等個MON叫號碼, 我就1745。鬼整佢, 1744, 1746, 1747, 係無1745, 我出到櫃檯諗住搵個靚女姐姐理論架啦, 點知原來我個餐一早到左, 真係差D吹雞CALL馬, 咁我見自己唔岩, 緊係即刻笠水拎餐走人啦。好啦, 入到正題, 食個午餐肉通粉, 再食件多士, 再食薯餅同腸仔, 最後埋牙食炸雞扒。KFC我就食到大既, 連佢落幾多炸粉份量我都食得出, 不過今次條腸仔太咸, 唔知係咪金鐘外國人多, D腸仔都要迎合返外國人既咸口味, 其他野都KEEP到水準。…查看更多