lolor的个人专页

架舖好搞笑，門口係燒烤檔招牌。又有賣雞蛋仔？？見個名幾好，啲人影相幾靚，就入左去試。估唔到有驚喜～你以為無料到，但又做到幾好。芋圓有芋香，糖水可揀選甜度，豆花有豆香， 幾好友人點左麻薯gogo糕佢話個麻薯唔錯👍🏼 同埋有得揀榴連雪糕食落都好味！…查看更多

餐廳位於25樓，但晚上外觀四圍湊黑一片，咩都睇唔到一去到服務員好主動咁介紹佢出名既菜式比我地！豬手，牛肋骨都話係推介黎！仲話豬手好搶手，好快賣曬。咁我地柯打左個豬手，佢堅稱個豬手要一大班人先好叫，因為好大件….但現場黎個舊，切開都係一人兩件/一件手快有手慢無…….炸得好脆.. 係好食既，但都貴。同樣都係炸豬手，但唔知點解隔離枱個份大件好多意大利飯普通，不過不失牛肉蔥油餅同薯條都好好食熱辣辣甜品 必食我地揀左最平個個窩夫🧇入面有麻薯～ 好好味同埋個甜品好頂胃，本來打算續攤～～ 但最後放棄左！因為好飽…查看更多

日日經過都好多野，今日終於有機會一試啦！自助取票，但只限四人更多人數要同店員講，佢會叫你分開兩張飛㩒… 勁奇怪🤔看似好多人，但你嚇唔到我既，等左一陣，都入得好快。枱面上面寫住限時45分鐘，叫左個芋圓4號再加個麻薯點心，個麻薯有黑白兩色，黑色似係黑糖，偏甜，白色友人話無咁甜好味啲。芋圓4號可揀刨冰或者紅豆湯做底，我揀左前者，有甜芋頭、珍珠、芋圓、紅豆🫘全部食物正常發揮$45 都大碗 食唔曬～～但如果要排一個小時食… 就唔建議啦因為都係普普通通咁～ 我見好多人都係三/四人食一個大冰都幾開心🥳…查看更多

我真係唔明點解咁多人排隊…價錢唔係平，食品質素仲唔係高。砵仔糕一個$9香蕉糕20蚊三件個香蕉糕真係甜到……好似食緊砂糖入口唔食識欣賞….. 咬左一啖真係想吐番出黎…真係好甜好甜…. 同埋個口感同我想像中有啲出入😅😅😅口味既野都好個人，不喜勿插。…查看更多

綠豆水就真….. 好稀….甜度正常老實講$16 我都唔希望有幾特別…我只係想平平淡淡食碗綠豆沙… 下次可唔可以洗完個煲過曬水先煲綠豆呀.堂食係好多人….. 唔知味道如何啦佢啲麵食..但呢碗野我真心唔建議大家再博…查看更多

請原諒我無影張靚相就開餐，因為食麵好驚快淋！今日想食台灣野，本來想去揾阿元，不過夏天熱熱，唔想走太遠，圠左駱駝漆揾食，位於工業大廈之中，1:40 上去，樓下排隊都要等兩轉𨋢，好驚上到去無位….一出𨋢都好驚喜，好多名店係度喎～間間都有位，不過都係貫徹始終食五星月。係門口諗緊食咩時有個店員熱情招呼我哋～埋邊有位！$78 一個餐有主食，小食同飲品先來小吃，放心，真係好小😂味道正常～ 之後黎左飲杯，青蘋果綠茶（係青春既味道），老公叫左青蘋果益力多..佢話好好飲，雙眼發光紅燒牛肉麵，湯頭好濃郁，佢堅稱無味精，我飲左半碗～只係有少少渴…個麵爽口彈牙，都大碗，食到好飽！蘿蔔炆到好入味！個牛都好軟林林…真心覺得佢好食過春水堂☺️😂價錢都好合理呀⋯⋯不過工業大廈等𨋢最麻煩…查看更多

呢排係石門出沒，間間都試下，就咁睇個餐牌幾吸引，無睇到openrice就入左去。無骨海雞，無雞味，又唔滑…..個小菜.. 我未食已經係咁小….真係好小器…個湯跟飯有埋，好鹹。仲有杯凍飲薏米水，無香茅味😮‍💨😮‍💨…查看更多

八月費用718 加10%因為可以用消費券所以都座無虛席。一入到見到個位放左張Bb椅，同阿姐講我地無小朋友，佢話放張椅係度比你地放袋，我好好奇，放袋點解唔比張正常椅？佢話咁你宜家要唔要？之後叫左個男人黎，個男人黎到我問佢，點解唔比張大人椅我放袋丫？唔係放得仲多咩？佢先話，無曬椅架啦，一係用BB椅一係拎走張椅⋯ok小風波。 沙律區好多菜既款式（羅馬，火箭，羽衣甘藍等）有巴馬火腿有火腿，芝士等仲有多款前菜小吃，唔錯唔錯！刺生區，有三文魚油甘魚帶子….. 有冷麵有壽司有魚生飯海鮮區，入面有龍蝦有蝦有蜆有麵包蟹但就無生蠔。龍蝦好食，仲有剝好既蟹鉗！中式食品，有燒味檔，乳豬好正！有點心有蝦餃燒賣小籠包，但次次去小籠包都吉曬，每次只係蒸三籠….. 又少又慢！我排第三已拎唔到。有個鮑魚花膠盅，又係要排，真係要問佢幾點出爐先得！隔離有個粉麵檔，可以省略。燒物檔，有多士鵝肝、燒牛肉（好柴）、羊架（推介，唔un軟林林）、天婦羅🍤（唔好浪費quota)仲有泰式風味，冬陰公湯、泰國成日比人釣個隻蝦。之後去揾牛扒食！牛扒（好食😋唔會太生太熟，對我黎講岩岩好！）但個豬脾就成舊差燒咁… 唔建議！仲有咖喱，魚丫其他都無食到～～～講到呢度已經七成飽啦⋯⋯最後最後要留肚食甜品都好多款，基本雪糕窩夫都有，仲有少少榴連產品。 我食左士多啤梨同朱古力味雪糕，雪糕唔似係大牌子，出面無痴野，朱古力味太啖，反正士多啤梨🍓味酸酸地還好。心太軟細細舊，食左兩粒，tiramisu我食左兩次，真係好好味咖啡味好香，食落海棉吸左咖啡，好軟好棉，有少少甘苦但又好快中和左，同個cream配合度好高，正呀！水果有菠蘿西瓜（唔甜）同哈密瓜（甜）仲有士多啤梨（酸）黎到時送左杯果汁，最尾仲有杯餐茶，唔建議餐茶最後叫，因為人多要等好耐，隔離個枱等唔到走埋..我張枱都等左成四五個字，問阿姐話太多人叫要排隊…..所以早叫早享受，遲到等多陣。最後講埋個廁所，有陣臭味…總結：今餐飽到瞓唔着 …查看更多

名過於實，我諗大家都係為左揾番去旅行既味道。今日用openrice外賣自取，叫左shark shark 雞同埋冬粉（加底）配鴨血、大豆皮、豬耳同埋高麗菜埋單$103⋯⋯一去到都有條小龍排緊，好彩一早落左，去到有得拎。車程大約一小時，冬粉索曬啲汁好鹹……鴨血少得可憐，又鞋….高麗菜加埋既量應該係由一片菜剪碎…大豆皮，一塊要$10 …..雞都好鹹，繼光香香雞好味啲…總括而言，食一次夠皮。其實食車仔面都唔錯丫…查看更多

早兩日下午4點去左海潮潮聖，柯打左一份蔥花蛋治同魔鬼薄脆，老公就叫左個特餐。招牌菜果然招牌，蔥蛋好厚，個包好脆，的確好味道！個魔鬼薄脆又係好好食，華田加煉奶同少少牛油，好邪惡！——————————————有讚有彈，特餐叫左個沙嗲牛肉麵，塊牛肉好似腐屍咁，入口溶曬.... 應該係鬆肉粉過度....——————————————老闆好熱心，不錯👍🏼…查看更多

名聞已久的牛大人，今日放工馬上衝了去排隊。 4:10 到達，排到4:45安排入座。地方都好闊落，感覺唔太逼夾。做會員有九折，馬上做！吃了最貴的極上和牛，點了牛骨及麻辣鍋兩種口味牛肉到牛骨湯味濃，麻辣大辣都可接受。牛肉方面款式好多，M5 最好食，又有牛味！你食左就唔會想食其他款既牛！好多台式小食，為左水蓮而來，可惜因供貨問題，暫停供應。食到5:30 都仲見到有空枱,同有人客入。除了餐牌上面既食物夠特別之外，係外面都好多新鮮正菜拎！有蕃薯葉/皇帝菜/淮山/萵筍/仲有牛栢葉/ 水魷/ 王子麵飲品方面選擇都好多，自家製冷泡茶/汽水/呢個價錢真係好抵食！去到最後仲有名牌雪糕🍦一盒！…查看更多

今日去左食lunch set叫左兩個$83 既set 一個係豬扒飯 一個係松露意粉，飲薑母茶同薏仁紅豆水。首先，坐底叫完食物，隔離唔知噴殺蟲定點，成陣味飄過黎，其實有食客係度，你一係安排客人調走，一係你就無人時先做！隔離枱首先舉手要調位！我跟:(之後飲品先到，黑糖薑母茶好夠薑，正！薏仁紅豆水就有問題啦，同我印象中既味道唔同，有少少酸味，怕變壞無再飲，但見到隔離左右既人都照飲，咁可能我問題！之後豬扒飯，豬扒夠軟身，不錯👍🏼手工意粉都不錯，個汁好惹味！ 但食食下有隻大烏蠅係度飛下飛下！影響曬胃口，佢仲有幾次低飛想食嘢！食飯時間，為免要搭枱，食完快快手啦！張相影唔到但拍左短片，歡迎餐廳同我對質…查看更多

16:13 落柯打 ，即叫即做，大約十五分鐘。收銀個妹妹同我講，其中一份，因為煎得生得濟，叫我食住面前呢舊，話重新煎過份比我，我話比番一塊我可以啦，太多我食唔曬。 咁我就食住等.....煎得太熟，似食緊蛋糕😭咁我就其待下一塊會更好，等到16:50 另一塊終於出爐，一放入口，完全唔值得等待，太熟啦都唔creamy 我仲好記得第一次食個時既感動。請問係唔係換左廚房呀？無可否認佢個伯爵茶係好味，同埋都幾抵係個口感唔得…查看更多

星期日6:00 入座不用等位，三人食，叫了一個王者牛肋骨，有25cm 長，可請店員代為燒，因為真係好難燒，又有條大骨，都係交比專業既好，如果唔係就好浪費舊肉架啦～用左韓式醃法，好似燒汁咁，甜甜地，有少少筋但唔係太un,唔錯唔錯架，每人都食到4-5 塊肉。有點似韓國個間站著吃燒肉既味同質感。又叫左個厚切五花腩，普普通通，不過不失，當然食韓式燒肉五花腩係不可或缺既。試左半份韓牛前胸肉，果真有肉味，食得出韓牛既香，小妹覺得好濟，同行友人就覺得正過牛肋骨，因為佢係唔醃，好重牛香係真既。最後點左甜辣無骨炸雞🍗有薯條伴碟。正正常常啦～讚：前菜同爐邊蛋任fill 個蛋小妹覺得CP值高～怕比友人笑，所以都唔係道道菜有影。…查看更多

本來想食隔離間蘇記面店，點知無開，又好肚餓，見新開左入左黎，大約下午3點幾，全場得一枱食客，睇一睇餐牌叫左個雞絲煨麵。個雞丁好似杯面既雞粒咁，湯底一d奶油香都無，個面太爽，不喜歡👎！ 加$5 叫左杯豆漿，正正常常，呢個價錢呢碗麵，真係唔會再食！ 店入面有兩個樓面員工，一個長期煲電話粥，我食左咁耐佢煲咁耐，另一個係就係有禮貌，但勁無公德心，開大個口就咳，佢仲要咳得好密下！ 真心快d食完快d走。 勁唔衛生，感覺好差！ …查看更多