瑪格斯的个人专页

之前聽親戚講話呢間好味，本身好想去試，難得放假，疫情放寛之後，約咗七位家人前去，真係有分兩台㗎！茶位係貴咗D，不過食物嘅質素尚算中上！介紹嘅有：蒸腸粉～皮薄夠滑炸鹹水角、炸芋角～餡料夠多、熱辣辣！火鴨絲湯米～夠鑊氣、少油！最正嘅就係有個午市套餐，任揀兩味廚味$58，三味$78，因為分兩台嘅關係，叫咗兩套$78嘅，而口水雞就叫咗兩碟（自己諗吓啦）😏只有最差嘅係脆皮豆腐,唔脆唔咸又無豆腐香！由於全部都係長輩，都唔好意思影相🙈…查看更多

裝修後第—次黎食，之前話裝修，休咗好耐息，但今日所見，又好似無乜分别呢度嘅餐實在係太多，花多眼亂，而本人就見到～鲜茄焗雞扒飯，有D特別，因每日都會轉餐，但呢個餐毎日都在餐單之上，心諗可能係信心之選及較穩陣，所以就叫咗呢個，$32，跟凍0茶加$3等咗唔洗7分鐘，到咗，焗飯黎講係快得離奇好細皃，面頭有塊似微微"燒燶"嘅芝士(比$0.1更細小)，係完全唔似焗飯，芝士係淡到無芝士味嘅，D汁就少到近乎無咁，只夠撈三分之—飯食，雞扒有D味道，無特別，不過不失，而杯0茶就淡而無味，無茶香又唔夠甜，唔通放假後轉咗厨師?總感覺比之前差好遠………查看更多

上星期受到住起香港區嘅家人所托，去呢家餅店買嘢，而自已又住在同區，無所謂啦，加上自己都有好幾年無食過呢度嘅厚切方包(每磅5片)……是日於下午三點四十分到達，成條村只有幾家店未關，到該店時第—時問有無厚切方包，老闆娘話無，於是第二曰早上再去，都只不過係為咗厚切方包，可惜老闆娘再一次話"無"，認真失望……，於是就買咗兩包芝麻餅及—包迷你合桃蘇(已包裝好的)芝麻餅:不俗，咸香帶甜，夠脆口，不過顏色偏深，就好似燶燶地咁合桃蘇:唔算太多油，Size剛好，可惜有少少通風，腍咗……而覺得有待改善嘅係老闆娘嘅態度，無嘅，咪講聲唔好意思囉，收錢後都應講聲多謝吧，這是基本禮貎吧是次消費$37…查看更多

是日放假，路經呢個屋邨，要走好遠路先至有第二個選擇，所以就唔行啦求其入咗個冬菇亭食野要咗個精選粉麵餐:柱候牛腩麵跟凍O茶$27凍飲加$1牛腩肥瘦適中，夠腍，帯有淡淡牛味，而湯底就太咸及極重味丹，一入口已食得出，佩菜都無半條……凍O茶加$1無錯係底，但係就少咗—啖(八成半滿)及超甜…查看更多

聽住起附近嘅朋友講，呢度嘅牛腩都0k架，今日路經此地，特登走多幾分鐘路—試叫咗碗牛腩河跟杯凍檸茶，粉麵套餐黎架，連凍飲$30…凍檸茶，完全唔掂無茶香、無檸檬香(可能用較平價嘅中國或南非貨)，又超甜牛腩:0k，太諗，諗到碎果隻，無乜口感就似碎午餐肉咁，而味道就係標準嘅柱候味，可惜…湯底:調味無過火，唔咸唔淡，味精唔多，加咗腩汁就剛好夠味河粉:略粗小小啦，唔夠滑遮…查看更多

剛從深圳轉車返港至青衣城，見有時間就走去稻香飲茶，好彩避開午飯及早茶時間唔洗等位，約11:40！一坐低就狂點點心，要了個點心拼盤，廿蚊唔洗就可以試到六件點心，個蒸籠沙煲咁大個，六件點心就細件兼普通。田園鮮蝦腸，賣相唔錯，腸粉夠滑，夾有翠肉瓜及南瓜，可惜上枱即食都只係微暖…。沙薑雞腳，好細隻，有好香嘅沙薑味，食咗—啖就無食，因為淡而無味，其中更有兩隻連腳甲都未剪，倒胃！！蒸釀節瓜甫，算係最熱嘅，味道最淸，略淡！叫部長冲茶，重惨過爭佢錢未還，面黑黑的！成餐茶就影响整日嘅心情，差！…查看更多

路過呢條街有兩間魚蛋王，於是就揀咗間門面較乾淨嘅一間試食，點咗個淨雲吞、一碗牛什麵，凍檸茶—杯，淨雲吞湯底佩小量芽菜，每粒雲吞都有兩隻90至120—斤嘅虾，—碗有七粒賣$21，都算合理，而值得一讚嘅係肥肉極小，可惜香味不足，湯底則太重胡椒味。雜麵，有四舊牛肚、粉腸2舊、牛肺2舊、一片都算幾厚嘅牛膀，加凍檸茶$29算當係餐，個雜麵—上枱己聞到好濃嘅沙茶醬味，味道食落有五香味，麵夠爽口，可惜嘅係湯底太多油喇，於寫食評期間加六蚊飲多支細可樂，應該係味精過多吧!埋單$56，都唔算太貴。…查看更多