Ashin Lo的个人专页

聽同事講之前間茶餐廳轉咗手，見喺附近就腳就去幫襯，第一次嘅幫襯經驗不算好，叫了個理應最快可取嘅lunch set. 咁就企喺門口等咗足足15分鐘，其間比我外賣單號要後嘅客人都取走食物，唯獨我傻傻地繼續等。中途詢問咗一次，答覆係嚟緊 好快。如果食物要等咁耐；下單時可否提醒而選擇另一款呢。12:10 下的單 結果12:25終於出場了。希望唔好嘅經驗唔再有。…查看更多

主要會幫襯食沙律🥗 2-3款輪流食；沙律菜非常新鮮脆脆的。如果肚餓嗰日，會換成三文治 或是pizza。味道品質一樣好👍🏻 pizza 雖然小小一個，但即制熱辣辣。總體這間小店非常值得推介。 只係近日發現沙律嘅份量越來越細份了 ………查看更多

最近同事介紹公司附近有一間號稱越南人主理嘅越南餐廳唔錯可以去試。今日想起呢間餐廳就去拜訪一下。難怪我平時行過都唔覺有間餐廳啦，門口細 招牌細 完全唔顯眼。午餐時段 一個人。唔需要等候直接有位。後來逐漸多客。一張4人枱，坐了3組客人。香港餐廳一般自己幫自己落單，呢間都一樣。選好炒豬肉湯檬餐，選了走蔥，其他標準無特別要求。餐上得快嘅，一睇芫茜不見了，問一位男士樓面，反映我無要求走芫茜喎，佢就話打咗走蔥啦，我即時反應對啊，但我要芫茜嘛，佢話蔥同芫茜係一齊嘅，咁點解我落單時仍可選芫茜？佢仲怪我唔知咩？我答真係唔知喎，第一次嚟見識。食第一口嘅炒豬肉片，賴嘢；又硬又鞋。坐隔離枱有位唔識睇中文字嘅男仔要落單，當然叫佢自己搞掂啦，直至知道客人唔懂中文，才幫忙下單，點到飲品，男仔唔知道有飲品，個樓面一直用粵語問佢飲乜，個男仔好茫然，雞同鴨講咗一輪，男仔終於點咗餐飲。我坐旁邊都覺得服務極不友善。另一方兩位客人走後，另3位客人被安排坐兩位座。我連坐旁邊男生身上嘅汗味都聞到，因為餐廳冷氣開唔夠大。有客人已經坐低咗等上餐，被要求轉位，問題係好似無得say no, 扯住走🫣本以為3人坐兩人枱已經好迫，連食物都唔夠位放。點知到我到門口位置付錢先睇到更誇張，一家6口旅客被安排坐一張4人枱。有夠友善，有夠良心的餐廳。…查看更多

平安夜早咗放工 想食炸雲吞 想起呢間小店 為咗不只幫襯兩只炸雲吞 多叫了一碗豬扒麵 奈何豬扒外觀已經看出又乾又硬 結果口感也是又乾又硬 真的無法嚥下 無奈浪費食物 反映給店員女仕 換來說我今天運氣不佳 😓 食客們 下次有機會幫襯 除非想測試運氣 否則點別樣吧😝…查看更多