Kenniswg的个人专页

今日放假特登同老公嚟呢度食甜品。點解咁神心！因為之前揾地方食tea時，無意見這cafe的食評好得意，所以決定一試。我地到呢到時大約三點半，鋪內只有一、兩張枱有人。這裏的裝修好雅緻，簡簡單單的木桌木椅，鋪內還有幾顆植物，見到盤內有雞蛋殼，看得出係崇尚自然的有心人。一場嚟到，這裏的“tiramsu”(HK$45) 就一定要試啦！一上枱根本點睇都係一本盆栽但一匙就看見底蘊面層既泥其係朱古力脆脆，而下面的芝士可能因為加了壓縮氣，所以好滑。底層的蛋糕好鬆軟。但美中不足的就係唔夠咖啡味！另外因為貪靚就叫左個“玻璃花瓣玫瑰 Mousse”(HK$75) 面層的氣泡入口帶著輕柔的 vanilla味，內裡是由花茶啫喱、玫瑰慕絲及玫瑰牛奶奶凍組合而成。女侍應提醒最好一次過食各層，細嚐一口，淡淡的玫瑰味好天然，奶凍同慕絲都好滑。反而在旁的脆身花瓣就只係花巧而己，味道一般。山長水遠嚟到，決定追加另一signature dessert “紅白心太軟”(HK$75) 紅色既係紅桑子雪糕，白色就係雲呢喱雪糕，中間就係心太軟啦！一上枱一縷縷白煙，感覺好浪漫。全因雪糕加入液態氮，變得冰咁凍。心太軟做到流心的效果，連同雪糕一齊食，味道好夾，而且唔會俾雪糕燒傷。雖然這裡的甜品味道唔算太特出，但chef 的心思令這些甜品變得眼前一亮，的確值得欣賞。另外侍應會為你講解每一個甜品的特點及如何食用，這樣的服務質素亦應記一功！…查看更多

朋友從英國返港，特意同佢嚟呢度食中菜。我地一行三人，大約八點到都唔駛等位，可能因為係平日啦！鹹肉松子炒飯：炒得唔錯，少油，但味偏淡。甜辣雞塊：上枱熱辣辣，味道唔係好辣，普普通通豬扒擔擔麵：擔擔麵的湯底好一般，反而豬扒就幾鬆化而最大期望的杏汁高力：味道比平是既高力豆沙淡，但可惜既係太少杏汁埋單接近四百，總括嚟講：環境唔錯，不過以食物質素同價錢嚟講，我就覺得有更好既選擇。…查看更多

朋友係邊爐怪，而呢度就係佢飯堂，差唔多每星期都嚟幫襯一次！佢介紹左我嚟呢度好多次，但成日都約唔齊人，今日終於一行8人嚟呢度試吓！呢度有三層，如果上二或者三樓就去側門有升降機。由於朋友一早book 位，所以我地有間房座，空間尚可，但勝在有大電視同張枱夠寬落，8-10人枱可以擺三個爐。呢度有自家魚場，所以最出名食海鮮。我地一座低，佢地就介紹今日有乜新鮮海鮮。朋友熟行情，所以就叫左兩條立魚嘩！真係好鮮味，而且佢地除左芥辣之外，仲可以點個青檸汁，酸酸的好開胃，好有泰式生蝦的感覺。食完之後，朋友介叫佢地攞條魚骨椒鹽嘩！好好味呀！個粉漿好薄，又唔會太鹹，而且可能因為新鮮，啲魚肉椒鹽之後仲好滑，原來條魚骨仲有好多肉，大家記住唔好浪費呀！到主角火煱喇！我地要左個皮蛋同醉雞煱，醉雞個湯底好足料，仲有好多元肉，落料之前一定要飲番啖呀！之後叫左唔少火煱料！呢度啲野份量都好足吓！而煱料最推介就係佢地既墨魚丸，真係超彈牙！但佢個海上飄飄(即魚肚包墨魚滑)就可以不試唔係唔好食，而係齋叫佢個墨魚丸仲好食！至於佢地啲本地肥牛都好正有肉味唔太肥！我最鍾意食。我地埋單都係每人三百多，去小肥牛都要啦！但呢度啲質素高好多囉！…查看更多

去完PizzaZaZa食完飯就轉個街口去小甜谷食甜品，可能因為時間早既關係，居然大把位。店鋪的環境不是太好，但牆上掛滿很多明星的相片。我叫左個荔枝奶凍(右中)，奶凍很香很滑，荔枝味淡淡的，唔會搶左個奶味，配合得啱啱好！朋友的朱古力三重奏有朱古力奶凍、朱古力啫喱同朱古力脆片，朱古力味好奶，特出唔到北海道牛奶的香，但質地仍然幼滑，而且三重質感的朱古力令口感層次增加，正！朋友的燉雪梨好似普普通通，嚟呢度食野都係溗食新款甜品好啲！…查看更多

今日同朋友去大坑揾食，嚟左PizzaZaZa，真係一試難忘。鋪面不是太特出，如果唔係特意揾都唔係好覺眼雖然鋪不大，但位置但唔會太窄，全鋪大約有十多張枱，所以最好預先book 定枱一座低，侍應居然好細心俾個雅緻的掛勾我掛我的手提包，咁既服務我真係第一次見呀！加分:)跟住佢地就會同你推介當日的廚師推介同好多餐廳唔同，他們的麵包籃不是點菜後免費送的，可能因為太好食。我地四個人叫左兩份，每份$5，真係好抵！有兩款包係佢地自家製，配合佢地三款醬(蕃茄、油醋及香草)，真係好好味！但我地要留肚食主菜。我地頭盤要左個流心蛋薯蓉同白酒煮蜆個薯蓉蛋內有黑松露，味道香濃幼滑，薯蓉比其他餐廳的稀身，所以唔會太飽，做頭盤啱哂！至於個蜆相較之下就無咁出色，味道鹹左少少，但香草味好香濃，可能因為佢地用新鮮香草，而且蜆肉好大有鮮味，都讚！佢地既全麥pizza都係signature之一，我地就要左個牛肝菌，PIZZA的餅底好薄好脆身，而且因為上全麥粉，所以有陣麥香味，牛肝菌味道雖然唔突出，但芝士同蕃茄醬的味道非常濃郁，而且佢地仲俾我地自己批芝士上去。今另晚另一主角就係海膽意大利飯了，睇番之前的食評，這飯絕對是這裡的熱賣菜式，據侍應介紹個汁是淨用海膽做的，這裡的意大利飯也做得很出色，軟硬度啱啱好，有咬口。而且海膽雖然係熱食但都好鮮味，百分百「無得輸」，絶對超值！但全晚我最欣賞的是碟扁意粉，意粉煮得非常好不硬不軟，出面的餐店甚少可以做到。個龍蝦汁味道香濃，加入鮮果皮，令汁多一份果香，有創意！而且汁的濃稠度剛剛好，緊緊的黏著意粉，食完唔會見到有汁留低喺個碟度。蝦很大隻，有鮮蝦味又夠爽口。雖然他們每碟菜的份量看似不多，但以我地兩男兩女，食完這餐後再去小甜谷食甜品就啱啱好！這餐每人盛惠300大元，比起好多大型連鎖食店，真係物有所值，極度推介！…查看更多

每個星期同男友去粉嶺耕田都見到村口有間小店好多人，但我地塊田的位置好入，所以我地次次都淨係搭小巴經過，無特登落車去試。難得今日男友借到車，所以我地即刻去試下。原來呢間小店已經有年歷史，而呢度出名就係紅豆冰我男友要左個雞扒包餐，個雞扒好香草味，而且啲沙律菜都好新鮮。而我就貪得意叫左佢地既菠蘿包同雞尾包，其實只係將個菠蘿包同雞尾包煎一煎，我個人覺得不值一試，因為個包壓到一啲都唔鬆軟。反而個friend 叫嗰個柱候牛楠飯就好正，牛楠入味又淋。至於個紅豆冰都值得推介，啲紅豆好大粒，而且個底係有紅豆味，唔係淨係得個樣。我覺得好味過上次係上食嗰間冰室…查看更多

朋友想喺尖沙咀揾地方靜靜地食餐飯，但又唔想太貴。Search Open Rice之後決定去千福大少試吓。呢度環璄真係完全唔似喺尖沙咀，可能因為佢地的位置不是在大街。餐牌的選擇不多一場嚟到梗係要食海南雞飯一上枱，嘩！一set餐具，湯用茶壺裝着，碗中有蘿蔔同雪耳，我未見過海南雞飯咁雅緻。雞好滑同有雞味，唯獨個飯唔夠香。以呢個價錢真係唔錯。另外我仲叫左個香草海鮮意粉，蝦冇味，意粉太乾，味太淡。嚟呢度都係食海南雞飯好喇…查看更多

魂開業不久己經成為開飯的熱門推介,所以一直都好想去試下,但係去過兩次都食閉門羮.今日約朋友去銅鑼灣行街,諗住試吓運氣,去到居然見只係有四五個人排隊(可能因為落雨既關係),所以即管等吓啦結果等左大約廿分鐘,終於到我地喇一入去就知道點解要等咁耐喇!因為入面真係好鬼細,得大約20個位,我地好好彩被安排座喺bar 枱,可以近距離睇到師傅煮麵,感覺真係好似喺日本這小店没有太多的選擇,但正所謂貴精不貴多.拉麵有四款,分別係魂,火魂,太極同青龍其他可以配玉子或小食朋友要左火魂,三文魚不是太多,個湯亦唔太辣,我個人覺得要魂抵啲.义燒的味道好好,唔會太肥,湯底亦好好味.而我就要左青龍,個湯底係菠菜汁,味道特別,冇平常既拉麵湯底咁濃,蟹肉亦不分鮮味,最正係隻玉子,生熟啱啱好,蛋黃不流汁,滑滑的,好正以這個價錢在銅鑼灣真係唔貴,唔怪得可以咁紅啦!等都係值得既…查看更多

以前喺粉嶺番工時，已經聽人講過呢間豬手麵好正，但一直都無去試。直至近日搬左去粉嶺住，終於dick起手肝去試吓。門外看只是小店一間，没有搶眼的招牌，但人流不斷。一入去嘩！今時今日食肆仲可以無冷氣，一於少理。一座低，叫碗細豬手麵試吓先，阿姐即刻放低碟辣椒油正想同佢講我唔食辣，點知見到幾張有關辣椒油的告示，仲好多人出去添，好即管試吓先。豬手麵送到，嘩！23蚊一碗細麵，估唔到都有咁多豬手喎一咬落去，皮好爽口，但豬肉又夠淋喎，而且又唔係好多骨。再試吓點個辣椒油，嘩好香但又唔太辣，配白鹵水豬手一流，最後我唔食辣，都食哂成碟辣椒油。在這裏體驗到做食肆的根本，唔駛花巧，只求貨真價實，食客會懂得欣賞…查看更多

週未去沙田新城市食飯真係多人到爆，就算朋友已經book左位，我地都要等佢地揾到位擺多張枱。呢度啲小菜味道唔錯，但唔知係咪將貨就價，啲size就真係好鬼細，所以我地7個人都叫左成11個餸。首先嚟四小碟(前菜)先糖醋小排骨：糖醋味唔夠，排骨太鞋紹興花雕醉雞：酒味可以濃啲，份量ok，但雞肉唔夠滑雞絲拌粉皮：呢個整得出色，醬汁夠，又用沙律菜伴食，比齋用青瓜爽口四喜烤麩：份量少，但味道好正，烤麩無怪味食完四小碟，再嚟四主菜干煸四季豆：味道唔錯特色松子魚：呢個好正，魚炸得香脆，配埋個汁，正！如果個汁酸啲仲好义子鬆：义子啲肉鬆味道淡左啲，义子唔夠香脆蔥爆牛肉：加多左雜菇炒，啲菇吸左啲汁好好味。炒牛肉火候啱啱好。最後三個主食生拆蟹粉小籠包：皮薄多汁紅油抄手：個紅油唔香唔辣，唔推介菜肉大餛飩：味道普通總括嚟講，如果唔怕多人，呢度都係開飯好地方。食物質素中規中距，空間迫，但勝在服務唔錯，唔會趕人走，而且上菜亦有分前後(唔知係咪咁啱咋)，唔會將啲前菜後上。…查看更多

今日番舊公司同同事食飯,但金鐘附近午飯好鬼多人,諗嚟諗去都唔知食乜好,最終有人提議試吓Jack's Terrazza.佢喺盧押道Pacific Coffee對面大廈的一樓,所以一直都無留意佢我被安排座在露台位,望住下面十字路口的人來人住,感覺好特別我地點完菜後,侍應就送上一籃麵包每人都有兩款,麵包暖暖的,味道亦唔錯佢地的lunch set大約有六至七款,但我地居然個個都揀牛扒牛扒送到侍應禮貌的問我們要唔要pepper and mustard我要的是medium,果然啱啱好,唔會太熟咬下去一陣炭香味,好juicy,水準絶對比好多食店做得好最後仲有芝士蛋糕雖然味道不算特出,總算為這餐畫上一個完整的句號真係估唔到一間不起眼的小店,食物質素可以咁好,真後悔以前番工無嚟過…查看更多

Weekday 放假又去尖沙咀揾朋友食晏，但好多地方都full booked，一係就無得book 位。朋友介紹彩星大廈有好多食肆，唔多人質素又高最後揀左Fandango。呢度既lunch set有5 courses ($138) 同 3 courses ($98) 揀，分別係3個courses只可喺沙律同餐湯二揀一，同無甜品。我地兩個女仔，點食到5個dishes，所以最終都係揀左3 dishes。朋友就揀左Seafood Soup味道好鮮甜，亦不同於一般西湯咁creamy，所以味道唔會太膩而我就揀左個Mediterranean Salad，蔬菜新鮮，唔少吞拿魚，隻蛋亦唔會太熟，算唔錯我主菜要左Roasted Suckling Pig in Segovia Way唔好睇得三舊肉咁少，其實好飽肚。我地兩個食完呢個主菜都7成飽喇！乳豬的皮好脆口，但肉依然好滑，又有肉味，超讚呀！而且配菜亦一啲都唔馬虎。到朋友既主菜Chicken Truffle Rice啲雞肉鞋左啲，但個sauce 就幾好味，飯粒有咬口總括嚟講呢度真係食飯既好地方，食物質素好，環境又寧靜闊落…查看更多

同朋友山長水遠去上水耕田之後,佢話一定要嚟食度既紅豆冰一嚟到,門口已經好多人,朋友話平時仲多,因為今日熱,所以已經少左人一入到去,好似番去六,七十年代咁,仲有吊扇,好懷舊,座低睇餐牌,果然係老店,選擇甚少.叫好多人都叫常餐,但係個餐飲又唔可以加錢轉紅豆冰.最後男友叫個常餐一齊食,我就單叫紅豆冰常餐有牛通同蛋治,個牛通係我鐘意的質感,通粉厚厚的,啲牛肉就麻麻地,不過菜餐廳牛肉係咁架喇反而個蛋治就有驚喜麵包雖然都係來貨,但好軟熟.個蛋又厚厚的,仲有蛋汁仲有杯奶茶好有茶味,又滑,正!以今日的物價指數,這個餐$28就唔係好貴,比好多連鎖菜餐廳抵食架喇而我個紅豆冰都冇令的失望,紅豆味好濃,而且佢地用冰柱,飲到味條冰柱都溶哂咁濟,唔會好似平時啲紅豆冰俾啲冰粒阻住食啲豆.但要成廿幾蚊杯,都唔平宜呀而同行朋友的公司通雖然多料,但味道就真係一般,可以不試…查看更多

近日愛上私房菜,貪佢地的菜式有特色.為左今年週年聚會,特登上龍泉試下.呢度都幾難揾架,好多friend 都問個大廈入口喺邊.上到上,我地一行15人,被安排座喺房,但真係好鬼迫,基本上個個都係貼牆座我地要左個鮑參翅肚餐, $248/位.無加一,茶水全包.一上枱,嚟個花雕蛋白蒸海紅蟹:啲蟹無鮮味,但啲蛋白就好味招牌三式蝦: 蝦唔新鮮,但個蝦丸同黃金蝦都ok原隻魚扣山珍海味:味道普通,同去飲食嗰啲差唔多生拆蟹肉扒金山勾翅:食唔到有蟹肉,有啲群翅,質感又係豆粉水.一啲鮮味都無清蒸游水海班:條魚就蒸得唔錯,都算新鮮天下第一雞:一定係冰鮮雞,所以雞味久奉,但上枱仲熱辣辣,而且炸得個皮卜卜脆,唔錯金銀蒜粉絲蒸元貝:呢個菜無功夫可言,但我覺得可以蒸得短時間啲瑤柱扒西蘭花:呢碟看似簡單的菜,我覺得係全晚最差,個汁太杰,啲西蘭花又煮得大熟飄香炒飯:個飯就炒得唔錯,夠乾身,不過味道太淡,而且好少料總括而言, 以呢個價錢一定有更好的選擇,環境又差,食物又無質素,去普通酒樓都好過佢.駛鬼嚟食私房菜咩…查看更多

去會展睇展覽之前想揾食,經過謝斐道見這間店之前無食過所以就去食吓我要左個炒飯(好似係蝦醬炒飯)上面個兩件好似台灣腸,味道唔,個飯炒得乾身,而且好足料男友要左個乾炒河味道唔錯,但略為普通反而我要既龍眼冰就有驚喜,味道清甜,而且仲有好多龍眼,正總括嚟講,這間越式飯店的食品雖然唔係好有特色,但味道又唔錯,都可以一試架…查看更多