ainos的個人專頁

屋企樓下開左依間餐廳，見朋友試過話好味所以情人節落左黎食。（遲來的食評😂）當日早放所以5:30pm左右落到黎唔洗等就有位！本身打算散叫，但見個情人節set八百幾兩個人有頭盤main couse甜品仲有香檳幾抵所以叫左黎試。頭盤係生蠔，雖然唔係好大隻但係幾清香，又夠新鮮，唔錯。之後有個紅汁嘅肉丸，味道正常，我鍾意上面D芝士😂同埋勝在好大舊，食完已經有少少飽肚感。之後main couse有塊牛同mac and cheese。牛我叫medium rare，算拿捏得幾好，mac and cheese又夠香，食到依到已經好滿足。本身好期待個甜品，但黎到試左一啖覺得太甜，食唔晒。。。連相最後都無影。。。整體黎講好滿意，無論價錢、環境、食物質素都好出色，情人節依個節日試到依個set我覺得物超所值👍🏻…查看更多

好姐妹bridal shower，打算喺開左無耐嘅k11 musea搵間餐廳慶祝，就俾我地搵左依度喇～當日餐廳好好咁俾左粉紅花花牆隔離嘅一個area我地，好有自己嘅空間，啱晒我地不斷咁傾計😂😂我地每人叫左杯花茶，一個主食，同埋D小食share。我就叫左個pasta，味道ok。鍾意個花茶係會連埋個爐😂😂一定夠熱，啱晒我。依度佈置同餐具都好靚，好多微細位做到出黎可以影到好多靚相，打卡一流👍🏻👍🏻…查看更多

幾個朋友元朗附近踩完單車話去食，6點幾黎到唔洗等位好快有得坐。地點雖然遠離大街但係都算近地鐵站，唔錯。首先叫左個瑕刺身，驚喜在於個汁，好惹味好開胃，正😍之後好大路咁叫左個海鮮冬陰功湯，好足料，每人好似有一隻蝦或以上🥳之後青咖喱味道符合預期，另外串燒都ok。我地都叫左一條好似松子魚嘅一道餸，味道酸酸甜甜，好多配菜調味，鍾意濃味嘅人應該會食唔停😂好適合一大班人黎食，可以試好多唔同種類嘅食物小菜👍🏻👍🏻…查看更多

中環返工如果唔介意行上少少就可以黎到pmq嘅喵一下食lunch🤤可以用openrice app book位，所以以中環lunch time度度都好多人黎講算係賣點之一，非常方便。我黎過五六次，次次都只係叫同一款：茶燻雞佐烏龍茶漬飯！！因為真係好味到唔捨得叫另一款😂😂😂我最鍾意係燻雞！！真係好香！！配埋mustard無得輸！！而且份量夠多，女仔黎講一定夠飽！！不過我見過其他朋友食嘅鹽水雞飯呀䐁肉燒飯呀賣相都好似唔錯咁。加上餐會送埋一碟小青瓜，清清地，好味道。仲有個冬瓜茶甜甜地，好好味。不過近排好似越黎越多人知道依度有咁好味嘅台灣嘢。以前可以好清淨悠閒咁食飯，依家雖然都依然好舒服，但會見到店員非常忙好急促咁走黎走去😂不過都唔會影響我對依度嘅喜愛。…查看更多

朋友生日8個人黎食。樓下搭lift排左一陣先上到黎，不過無影響我食放題嘅心情😂依度用自己電話online去點菜，我自己覺得幾好，我自己成日覺得放題D點菜簿好污糟😂😂所以今次點得好暢快，仲可以好容易知道自己叫左咩同邊D未黎，正。首先就當然叫左刺身先，幾多選擇，黎得幾快添。之後出左去自助區睇下有咩食。竟然有個中湯，好唔錯添。依度有我最鍾意嘅炸榴槤，好好味呀。土匪雞翼都係我嘅至愛，依度都有😍仲有好香口嘅燒魚添，好開心。依度好多我鍾意食嘅嘢，下次想再黎👍🏻…查看更多

無諗過素菜有咁多配搭，仲咁好味😍同事推介，所以屋企人生日去左食。好似私房菜咁，餐廳每個月晚餐都有一款指定餐單，免卻點菜諗食乜的煩惱，仲保證可以食到餐廳的拿手好菜。好鍾意個前菜拼盤，好有心思。之後道道菜都好有驚喜。因為我好少食素菜，估唔到咁有驚喜。講到驚喜，都唔夠餐廳老闆員工俾食客的驚喜，不過賣個關子先，大家去試下就會知道幾咁特別，仲好窩心添～～屋企人好鍾意食，過左一個好開心的生日，依度俾到一種高質素用心服務的感覺我☺️…查看更多

終於有機會去試喇！見之前好多人排隊都未有機會去食！好開心終於可以book到同朋友食brunch慶祝生日😍當然有食最出名嘅duck & waffle 啦☺️鴨同waffle味道幾夾，仲好香添！仲試左個colombian eggs！有toast有scrambled egg，健康又好食。我地兩個人仲叫左個seasoble vegetables添～食完好滿足☺️環境仲好靚好舒服。之間英國試過，今次香港食無令我失望☺️…查看更多