Aprilfifth45的个人专页

近日周圍都開左好多新餐廳，係奧海城行到悶就搵下附近有咩好食～行左過去大角咀多好多選擇又平好多～係OP見到呢間石燒牛好似幾抵，一於試下！呢度地方唔大，不過裝修好日式風格。自己買完野之後坐低，姐姐就會送餐俾你。外面有免費任添嘅自助bar可以飲湯+生菜沙律，見好多人排隊飲糖，一於試下佢個羅宋湯！湯入面好足料，仲有好多牛腩同蘿蔔，同埋個湯好濃郁，唔係味精湯，我朋友飲咗兩大碗。大概等咗10分鐘，牛扒終於到啦～朋友叫左牛柳$115/180g，睇落去唔係好大嚿，但係非常厚身，石燒牛扒最好嘅就係可以控制鍾意食幾成熟，想要medium又得需要medium well又得想要well done都可以。牛扒食落去唔似有加工咗好多醃料，加少少海鹽同埋胡椒就已經好夠味，肉質鮮嫩。我嘅係牛肩排$85/180g，呢個價錢性價比真係好高，而且睇落去都非常之大舊，呢款扁身啲大塊啲，應該燒一陣可以更加快就食得，牛肩嘅肉比較彈牙，牛味比牛柳重好多，兩款牛肉都各有唔同嘅特性，燒到非常之熟都好好味。燒晒啲牛之後我哋再去拎咗好多生菜沙律消膩。今餐平平地都幾滿足😎…查看更多

呢排經常落雨，唔落雨又熱，真係要食返d好野對自己好d！今日早收工係尖沙嘴行街，順便同男朋友食下西餐～經過尖東搵野食，見呢間餐廳唔洗等位（因為係文華中心內），決定試下新野～裝修好有格調～特別係餐具，好靚好有西班牙風味～仲有少許浪漫🌹Menu上選擇都好多，而且價錢都好適宜～Main嘅價錢都唔會太貴～有龍蝦都係$388～Starter：香辣蒜香橄欖油大蝦（$58），好香蒜味而且熱辣辣即刻出爐的～足足有6-7隻大蝦，非常新鮮又爽口～Starter：水牛芝士沙律（$88）男朋友好鍾意水牛芝士，所以叫左呢個沙律，我係第一次食，芝士質感好特別，唔會太漏，加上蕃茄好開胃！Main：燉自家煙燻安格斯牛小排（$188）牛肉煮到好淋好入味，隔離配上薯蓉好夾～中和返個煙燻嘅牛肉味，整體好夾！雖然份量唔係好多，但安格斯牛肉黎講呢個價錢係抵嘅！Main：蟹肉蟹膏闊條麵（$268）見openrice好多人都推薦食呢個闊條麵～試左真係唔會後悔！好濃嘅蟹膏味，仲加上好多蟹肉撈埋一齊，一d都唔腥，仲有個溫泉蛋撈勻d麵，好好味～忍唔住食左好多～Drink：Tequila Sunrise 我突然好想飲返杯cocktail～呢度沖嘅Tequila Sunrise都幾有水準，下次試下LongIsland先～餐廳環境好靜，可以慢慢坐下同朋友傾計～好cozy好chill～下次會再黎～…查看更多

近日尖沙咀嘅大部分酒吧都換咗同轉手，前幾日經過赫德道見到有間新開酒吧餐廳，之前已經係ig見到朋友打卡，一於同男朋友試下😎上左樓上坐，已經見到有大型270度巨幕，不斷轉唔同嘅景，好chili好舒服～我地坐低之後waiter都非常好service,唔會催我地落單~Starter叫左“博大霧”($168) 擺盤太吸引了！ waiter上菜時會幫我地慢慢拎起個蓋，好多乾冰噴出黎好夢幻好高級，好似好大霧咁~ 三文魚Carpaccio配埋酸酸酸甜辣嘅泰式香草汁好夾好開胃仲有少少辣辣地~三文魚都好肥美~入口融化!飲品我地試左cocktail：Thai & Base ($108)，有朱古力，泰國奶茶同Rum酒，甜甜地好好入口～打開又有乾冰，好好feel呀～大蝦冬陰公湯($128)，雖然價錢有少貴，但絕對對得住個質素！入面有大蝦，菇，非常濃味，比九龍城嘅泰國菜更加正宗。我地叫多左一個湯，南瓜忌廉湯($108)，有塊烘過的吐司放係上面，用黎yim住個湯食，好夾好好味，南瓜令個湯甜甜地，好好飲。黃咖哩軟殼蟹($268)，咖哩好香，軟殼蟹炸到好香脆，而且有好多舊，我同男朋友兩個人都係勉強食得晒，我地另外叫左蒜蓉包用黎dim個咖喱嘅，蒜蓉包好脆好好味！芒果斑蘭糯米飯（$168），最好叫左甜品，但呢個甜品擺盤簡直係好似高級酒店嘅甜品咁，好靚睇住簡直唔捨得食呀！芒果甜同埋個糯米飯仲係熱熱地好軟熟的，簡直100分！全部菜色都好精緻而且好濃味，個人黎講好鍾意❤️下次會再黎試下其他菜色！…查看更多

熱烈地慶祝堂食延長到12點，一於book日本燒肉慢慢食唔洗10點就被趕走🤣🤣今次二訪燒肉King，就用消費券食豪d！我地兩個人叫咗和牛二人前set，非常豐富，可以一次過試晒唔同部位嘅牛肉同豬肉～仲有兩個沙律、御飯、同麵豉湯。沙律係煙三文魚配蕃茄油醋汁沙律，煙三文魚好大塊非常有誠意～另外一款沙律就係胡麻醬豆腐仿蟹柳沙律，兩款沙律味道都好唔一樣，感覺好fresh～肉的話款式都有6款，分別有 A5日本黑毛和牛肉眼/ A5日本黑毛和牛西冷（二選一）～澳洲和牛封門柳、A4日本黑毛和牛牛小排品牛板腱、日本黑豚腩肉、日本雞頸肉、牛油什菇，配上燒肉汁，好好餸飯～我地坐嘅位係類似bar台好舒服好有私隱度，仲對住好大嘅OOHA 教主宣傳牆，啱晒鏡粉打卡～黎一小塊澳洲和牛封門柳先～個爐火候好夠～肥美嘅黑豚腩肉，燒一燒d油脂爆晒出黎，都係入口即融～呢餐最正嘅地方就係可以揀肉眼/西冷，有一大塊A4黑毛和牛肉眼，雪花分佈平均，燒一陣就可以即刻放入口，食入口嫩滑同即融嘅感覺！可能今日係平日，餐廳冇限時，可以慢慢燒慢慢食，一次過燒好然後鋪晒上去個飯度，太正了！最後仲有甜品雪❄️米糍～呢餐性價比好高～…查看更多

很久沒有認真寫一篇日本Omakase的食評，因為每次都食都很多款刺身/壽司，要整理寫一次詳細介紹都需要很多時間～上個月試了這間日本師傅駐場的Omakase，主題是炸物，有別於一般的刺身食材，炸物是主角都是第一次試呢！店鋪不大，最好提前預約，整個店給人很乾淨的感覺，好似去了日本那樣！聽著師傅全部講日文，以為自己在日本呢。午市有三個選擇，分別是北$480、斗$680及極$980，我選擇了中間價錢的斗～食物包括前菜、湯、刺身、串揚、合肴、食事和甜品。非常期待！不得不讚的是這裡的設計，從口罩信封，到醬油碟，及各樣的茶杯，碗蝶，都好像經過精心挑選的，好有藝術的氣息，有點像在觀看日本店鋪賣陶瓷工藝品的櫥窗。我們坐下等了一下，前菜就來了。哇！前菜是海膽豆腐配白海老，擺設就像一件藝術品，味道也同外表成正比。海膽味道鮮甜，配上芝麻醬特顯鮮味。湯是梅子清湯，熱辣辣的清湯配搭有一點咸的梅子，真特別。後面的茶杯真想帶回家啊！好好好看！！來到我最喜歡的環節-刺身～這個是北海道活帆立貝，雖然份量有點小，但是味道卻一點都不簡單。肉質比較脆口，不像一般的帆立貝，加上柚子醬，很清新。第二款刺身是深海池魚，這個就沒有太大的驚喜，保持一般池魚的口感。如果份量能大點就好了！這個火炙大拖羅是我這一餐的最愛，看來還是太喜歡拖羅了！燒的拖羅入口即融化，如果有多一件就好了！想不到Omakase都有生蠔食，這是岩手蠔，肥美鮮甜。今天的主角來了！開始有炸物登場了！這個是沙椎魚，平時很少食，味道沒有很特別。可以沾不同的醬汁，而且底下放了一塊麵包是用來吸油的，很貼心。第二款炸物是希靈魚，上面鋪滿了蝦乾，個人很喜歡熟的炸希靈魚，原來味道也很不錯。接著是松葉蟹鉗下配小川海膽，炸粉剛剛好，不多不少，上面的海膽也是很新鮮。最後是日本煙鴨胸，鴨胸熱辣辣的，第一次發現原來鴨胸都可以這麼好食！我選擇了茶漬飯，裡面有玄米茶做茶底，加上明太子、紫菜碎、芝麻等，忘記拍照了。最後吃了一個很滑的日本雪糕作結尾。這個午餐應該是2021年我最難忘的午餐，原來炸物的廚師發辦都可以這樣出息！…查看更多

在openrice看了很久心心念念很想來Poseidon食海神海鮮船終於有時間約了男朋友過來試試了！我們一早就預訂了位，而且要坐在室外，氣氛很好登登登～浪漫的海神海鮮船來了！真的很不錯！見到好多人來食，今次終於輪到我了海鮮船$588雖然感覺少貴，但食落才知道性價比非常高！最上是生蠔，有8隻，很鮮甜又爽口而且生蠔有配搭Wasabi汁，whisky汁和清酒汁一起吃，非常有創意！whisky汁我還是第一次試的！右邊是魚子醬蟹肉沙律配牛油果，我還真是第一次吃這個配搭，男朋友讚不絕口，一口氣食了三杯！還有大蝦，都有4隻，兩個人吃的話每個人都有2份，其實是很滿足！最下面的是醬油鮑魚，也是很濃味，上面還有一朵很可愛的小花飲品叫了一杯拍照感很足的cocktail-Poseidon‘s Treasure，酒base是Rum，加上Lemon，Sprite和Fresh Fruit，口感清新，而且一打開是會冒煙的Main Course我們叫了炭烤10安士美國肉眼扒烤雜菜，10安士完全夠兩個人食，而且擺盤也是非常好看，牛肉多汁而且Medium煮得剛剛好。坐著在浪漫的室外食到心心念念的海神海鮮船，實在太滿足了…查看更多

真係太耐沒有食放題了！疫情開始就再沒有到過日式放題的店鋪，因為怕食物不夠衛生之類的。最近終於忍不住，真的好想食刺身見滿屋最近有特價放題價錢非常相宜，一於放膽一試！雖然是疫情的關係，但壽司放題一樣人山人海，看來大家已經和病毒共存了！餐廳的防疫措施都做得很好，安心出行消毒體溫樣樣都有，而且外拎食物都一定要帶口罩，外面食物全部有蓋子蓋著。一坐下我就馬上點了一盤刺身熱身😋😋簡直太美味了！刺身選擇很多，有三文魚，甜蝦，帆立貝，油甘魚，雪場蟹棒，希靈魚，吞拿魚等等好多。我全部都試了一遍，當中出色的包括油甘魚，帆立貝，甜蝦等。很甜很新鮮，等下會再encore來到熟食了，這個燒雞軟骨也是熱辣辣的很不錯，加上檸檬更加解膩朋友到外面的食物櫃拿回了一些menu上面沒有的食物，右邊這個是豬軟骨和鴨胸肉，兩款都很入味很不錯，算是比較特別的放題食物。值得一提的是這個鰻魚非常好味，令我想起在日本食的鰻魚飯🥲壽司我們也叫了幾款，有帆立貝壽司等等，款式都好多。這個肥牛粉絲是在外面自助bar拿的，非常入味，和朋友幾乎拿了兩三轉。炸物我們叫了少部份，有天婦羅番薯，天婦羅南瓜，天婦羅炸蝦等等，食物都是即炸的所以要等一陣先到。最後最後我們在ancore了一次刺身，當然是食我最愛的甜蝦，希靈魚和帶子今日的刺身放題之旅很滿足！…查看更多

朋友介紹了這間港式打邊爐，趁放工，一於來一試。地點就在朗豪坊附近，非常容易搵。幸好我們有預約了，七點多都全場滿座。火鍋醬料都好齊全，自己調製。我們見到隔離枱都有叫這款即炸響鈴。我們都不執輸，也叫了試一試。響鈴果然特大，而且是即炸的，非常脆！我們兩個人，叫了安格斯牛天梯。這個擺盤設計真的非常好看，都不捨得食了牛天梯內有四款牛肉，每一款的份量都很多，我個人最喜歡食安格斯牛頸脊，那個雪花看上去真的令人流口水，牛肉關注組應該要關注下這裡的牛頸脊牛肉的味道也是無可挑剔，我個人喜歡煮一下就馬上食，剛剛好熟就是最完美如果人多，下次可以選擇叫牛魔王塔，有更加多不同部位的牛肉選擇除了牛肉之外，這裏最多人叫的就是海鮮拼盤。我們叫了一個時令海鮮拼盤，裏面的海鮮，基本的都配套都有。特大帶子令人回味無窮非常鮮味，食完後我們再單獨叫了帶子…查看更多

本來疫情已經好少出去食飯，但係公司OT夜走都要係附近搵食完先返屋企，如果唔係真係會餓死啊！係公司附近有間唔錯嘅泰國野，成日見d人等外賣多，今次就入去堂食試下！而且oepnrice訂座仲有折扣！咁抵食都可以一試！『泰式珍多冰』- 叫咗少冰果然好飲好濃椰子奶味，都夠大杯抵飲！『泰式燒豬頸肉』-豬頸肉燒得好均勻，而且冇豬果陣騷味，最值得讚嘅係個泰式甜酸醬，又酸又辣好開胃！個醬係精髓啊！『粉絲豆腐肉碎湯』- 同事話清淡d，所以叫咗個粉絲清湯煲，分量都好多，而且有瓜有玉子豆腐，健康推介！『泰式蝦膏炒飯』-呢個炒飯真係不得不推介！上面的炒蛋好食，而且成個飯色香味俱全！真係可以一直食一直食一直食！『迷你椰汁芒果糯米飯』- 飯後甜品，我地3個人share咗呢個芒果糯米飯～仲熱架好新鮮！芒果好甜，真係覺得呢度嘅質素好過九龍城泰國菜好多！！！！『香辣肉碎生菜包』-最後我地再加咗一個生菜包，因為想食酸辣嘢，佢d肉碎真係炒得好有鍋氣！仲可以選擇小辣/唔辣，非常周到！會再黎呢度試其他嘢！又抵食又大碟，中環都有好嘢平嘢架原來！…查看更多

疫情下心情實在很差，唯有食返點好食的美食令心情好點！這次第一次食私房菜，在觀塘這邊，地鐵站行5-10分鐘，都很方便！我們在晚市禁止堂食前來的，餐廳人不多，坐得好舒服！而且提早訂位後不用等，很快入座！脆皮風沙雞先來就是這裡的招牌風沙雞半隻，雞皮很脆，雞不肥，適合健康人士！再來就是溏心蛋而且均勻切開，擺盤太美了啦！味道很不錯。豬油渣粉絲煲這個真的好吃到一個點🥰🥰🥰很多雞蛋炒的粉絲，豬油渣味道很香。原隻蒜蓉粉絲蒸聖子大件又抵食！老闆有推薦今日有咩新鮮的海鮮，下次來可以試試其他呢！最後我們還吃了甜品🍮，好滿足啊🤰🏻…查看更多

以前就已經很喜歡幫親社企的餐廳，最近聽聞在尖沙咀附近開了一間，覺得和朋友一起支持支持下~這次餐廳也很容易找，這邊的侍應有部分是聾啞人士，所以在周圍都會有些手語教學的餐牌，讓客人方便點餐。我可以學到些實用的手語也不錯！Set Dinner很多選擇！室内裝修很簡約自然~坐得很舒服！侍應都是弱聽或失聰人士，餐牌上亦有基本點餐手語介紹~非常體貼~先叫一杯凍檸茶解渴先！這個蒜蓉法包外脆内軟，真的非常好吃！餐湯都非常有誠意！賣相很高分！味道多不錯~煙三文魚田園沙律，賣相又係好高分！三文魚捲成玫瑰花型好靚唔捨得食呀！而且好別緻，果然用心製作！到了今晚主角出場啦！新鮮空運美國安格斯肉眼配紅酒汁~哇哇哇~不得了~非常香噴噴啊~而且我們叫了5成~肉汁剛剛好~不需要dim紅酒汁都很夠味~牛肉控一定要點這個！哈哈！甜品都很出色~藍莓芝士蛋糕洽到好處~泡芙令人食完再想食！omg~好滿足啊呢餐~…查看更多

平時好少出去港島區，今日難得放假，諗住喺港島搵一間可以打卡影相嘅cafe，仲可以同男朋友放鬆下。通常星期六日港島區灣仔金鐘呢啲地方都冇咩人，喺OpenRice搵左一下就見到呢一間純白色嘅coffee shop，仲要成間都係人手畫嘅圖案，最適合就係過嚟打卡啦上到嚟真係全間野都係白色嘅，我哋比安排坐咗喺窗邊嘅位置地方好闊落好舒服我嘅右手邊仲有一個小露台，食完可以出去感受下~我哋分別叫咗兩個set，男朋友叫咗一杯凍檸茶，雖然係普通嘅凍檸茶，但係賣相都非常靚，最特別就係支飲筒，係紙質嘅，非常環保。可能配合左餐廳純白色嘅設計同埋波浪形嘅枱紙，非常文青feel。話咁快主菜就上咗，揀咗C餐就係軟殼蟹蝦肉配意大利飯。估唔到會係甘高質，意大利飯烟烟韌韌，軟殼蟹炸得好鬆脆，撈埋一齊食真係好match！男朋友叫左傳統意式培根意大利粉配溫泉蛋，分量其實都好大架，個溫泉蛋督爆之後d蛋汁漏曬落個意粉度，好想好好食。而且培根都唔小~果然都係好match~成間餐廳真係好多打卡位~staff話我地食完可以隨便打卡~…查看更多

終於達成打工仔的其中一個願望－在中環上班做OL打工一族～當每個人都以為係中環食飯好貴既時候，其實中環都有好多高質素但又唔係太貴既各式各樣餐廳~而我既最愛梗係炸雞同啤酒啦～不過Goobne既烤雞令我發現左原來雞唔一定係炸先好食既～今日帶同事黎試下呢度既烤雞有幾特別～平日人唔太多～地點仲好方便wo～一黎就梗係叫野飲先拉～芒果特飲&士多啤梨特飲～夠晒冰又解渴～主菜叫左Half-half烤雞－ 原味烤雞&火山烤雞～好大盤～兩個人食真係好夠～而且一上黎仲係熱辣辣的～烤雞既口感食落去感覺無咁熱氣，原味烤雞一口咬落去非常Juicy，肉質同普通炸雞唔一樣～鮮嫩多汁～連埋皮一齊食呀辣雞果然好辣，我地食到噴火啦～因為兩個都唔食得辣但又辣地好過癮～唯有叫多杯野飲啦～再叫左個side dishes：蟹籽沙津醬芝士雞蛋卷，好似係新菜式，之前食都無既，梗係要試下啦～入面夾住cheese好濃郁，上面鋪滿蟹籽～加埋微熱既蛋，好正好滋味…查看更多

好耐無約大學同學gathering～都成年無見啦今次終於約到可以食晚餐！尖沙咀係大家最就腳的地方～朋友介紹左呢間係諾士佛檯既樓上餐廳～食印度菜～非常新鮮～之前都未試過～就將第一次既印度菜初體驗比左呢度啦～餐廳環境好好feel～燈光好暗好有情調餐牌好多選擇～全部都未試過～真係眼花撩亂啊～飲品都好多選擇～可惜第二日要返工所以都無叫酒類飲～House Salad～有生菜、雞蛋、蔬菜、麵包碎、牛油果同蜂蜜芥末醬～好豐富wo～全部都係salad會有既野～用料都幾好～最緊要夠新鮮～Tandoori Chicken － 香烤雞塊～本來以為係無骨，原來係有骨的～加上印度草料即烤的雞肉，味道好特別，一定要dim佢個醬汁先夠味～而且香烤美食都會配上印度烤餅～唔洗另外再叫～非常滋味！Due Salami （12吋）－雙腸薄餅，有意式香腸同沙樂美腸，再加上辣椒片同濃厚芝士～好夾好好味～餅底又唔會太厚～岩岩好～呢餐都幾滿足，加上又唔會太嘈，可以傾好耐計～…查看更多

又到咗同朋友約食飯唔知食咩嘅時候喇，大家都係港島收工就約咗人小小嘅北角之前已經嚟過一次食午餐，啲嘢都幾高水準所以今次我哋食晚餐八點鐘嚟到都已經全場滿座呢度啲裝修真係好精緻，坐喺度好舒服😌一坐低就有一個甜酸嘅青瓜，辣辣地酸酸地都幾好食，食完仲好開胃添我真係超級無敵鍾意食口水雞D辣粒好好食omg直情可以用呢個口水雞嘅醬汁撈飯食我哋仲叫咗呢度嘅招牌紅燒乳鴿， $28.1隻真係好抵呀個皮好脆，咬落去好多汁juicy跟住到咗今日嘅重頭戲就係我最愛食嘅小籠包呢度嘅小籠包整得好好，肉汁鮮嫩，啲汁都好甜真係可以一人食一籠整體來講晚餐都好滿意，而且唔會太貴…查看更多