eveli的个人专页

餐廳裝修多時，一直留意開幕消息，開幕後發現open rice 可以外賣自取，噚日收工就2樣一齊試吧先講外賣自取功能，可選食物款式比堂食少好多，不過都總算揀到想食的，包括煙肉菠菜、雞翼同埋雙色pizza。由於第一次用呢個功能，仲有＄20優惠。落單是簡單的，仲可以睇到整好未。攞得又會有通知。可惜揀唔到攞外賣時間，只可選擇預設的30分鐘後。最後系統25分鐘左右提示整好。食物方面，菠菜份量比平時堂食的多，雞翼正常水準，pizza 可能因為放左一陣，凍左淋左，不過味道是正常的。…查看更多

酷熱天氣警告下的週末，傍晚6點幾由中環返到尖沙咀，原本想食另一間火熱新餐廳的，但服務員話要等45分鐘拎等位機，再等1個小時之後至可以入座，就惟有放棄啦好彩前一晚有做定功課，搵定幾間餐廳响袋，就即時打嚟呢度試下訂位啦，結果成功訂到7點半，即刻衝過嚟啦熱到咁，飲啤酒是常識吧，啤酒杯預先冰過，冇得輸雞翼揀左蜜糖味同水牛味，正常囉之前睇食評，見到炸蕃薯條好吸，就加1個試下囉，果然好味，新鮮熱辣，重點係配埋千島醬，正!主角蒸龍蝦終於出場，份量ok係，原來龍蝦係包1份蕃薯條的，我同友人都覺得，點解落單時侍應唔提我地有嘢重覆左呢？唔係 錢嘅問題，咁最少都可以提我，蕃薯條龍蝦已包左，會唔會散叫嗰個要薯條呀…不過既然嚟左，就算吧言歸正傳，龍蝦映完相，就麻煩侍應幫手剪開2邊吧，龍蝦肉相當飽滿，亦好鮮甜，就咁食都好好食，跟配的牛油汁就變左可有可無嘞最後仲有黑松露意粉，菌味十足食物質素同性價比都甚高，但檯貼檯嘅情況就要留意下，我同友人坐响一行2人檯嘅正中間，左邊有一對小情侶，右邊有另外1檯3位的食客，我地完全聽到晒2邊嘅食客講咩囉，如果大班朋友嚟食飯飲嘢係絕對ok的結果，係一輪努力之下，仍然食剩半份蕃薯條呀…查看更多

6月好多人生日呢…早排見有人推介呢間餐廳，食物又好似好精緻咁，一於又試下啦~黃金涼瓜……好味道，不過食到抵就比較油嘞虎咬豬……即係刈包，豬肉夠晒淋，又夠肚quota 有限，食半件好嘞仲有金色奶皇包同餃子拼盤奶皇包我冇食，不過見到好流心……拼盤就冇咩特別，朋友食柚子蝦餃，話好有柚子味，我應該食左賽旁蟹餃，但我淨係食到好大舊蝦膠咋，唔覺有蟹值得研究嘅係……芋泥包我到當晚食到個饀係有雪氣的，以為係特別安排但前幾日睇電視節目介紹，話係熱嗰喎醉蝦，唔太醉，不過唔知係咪落左好多花椒，勁麻呀特價乳鴿$25蚊隻，咁就1人1隻啦，好味道醉蝦之外仲有醉蟹，呢個就真係醉嘞，仲好多膏添冷盤豬手，補充骨膠原之選，都好味道話明玩味中菜，好多菜名都好特別的，我冇特別記住呢，不過水準都好平均，可以再嚟…查看更多

好朋友生日，見到有網誌介紹呢度有龍蝦主題的自助餐，就一行5人嚟食吧蒸龍蝦隻隻爆膏鵝肝同牛扒都係即叫即煎，好味!不過份量好大，食完都飽左7成1人1隻燒大蝦，感覺中間好似未熟，淋淋的值得一提，刺身類都係大大塊的，厚切三文魚同大大隻牡丹蝦不容錯過!其餘掛住食，冇映相……沙律菜夠新鮮同煙三文魚都好味道冷盤海鮮有蟹腳，蝦，青口同翡翠螺，正常囉熱盤牛脷可以，焗蠔加左菠蘿，朋友覺得怪怪地，仲有燒味部，乳豬麻麻，叉燒就太乾太瘦了甜品方面，蛋糕款式都多，雪糕有軟雪糕同 movenpick 仲有我最鍾意嘅楓糖合桃味總括嚟講，係水準之上的响酒店網頁預先買餐券仲有75折添~…查看更多

之前每次經過都人山人海, 今次經過居然有位, 盲梗係要試下啦!3姊妹食得太飽, 所以決定3個人share 2件蛋糕 --- 千層特濃朱古力 + 千層栗子總括而言, 特濃朱古力唔濃, 栗子亦都唔太栗子...初出茅廬嘅時候好喜歡金龍船的千層芒果蛋糕, 本來以為可以尋回少少相關感覺, 可惜...…查看更多

新年時同外國回來渡假嘅表妹過嚟旺角行街, 撞啱金華已經啟市,所以帶表妹嚟試下...餐廳裡面十分擠湧, 好似門口剛好有兩個位, 正, 唔駛等表妹試左蛋撻, 覺得好香同好好味, 而我就叫左沙爹牛治, 另外我地仲share左一個菠蘿油...先講菠蘿油, 個飽夠熱, 不過牛油唔夠凍, 好快就溶晒嘞.另外可能太嘈嘞, 沙爹牛治換左碎牛治...咪一件正常嘅碎牛治囉, no comment總括嚟講, 係一間正常嘅茶餐廳囉…查看更多

之前見過電視介紹已經想嚟試下，趁今日同朋友仔去婚紗展買餅咭就順路試下啦～去到已經接近九點嘞，不過仍然要等位喎，好彩都只係等左十五分鐘，期間職員向我地介紹公平貿易貨品，俾左ｄ朱古力同曲奇我地試食，最後買左一罐可可粉以示支持．好啦，終於有位嘞．．．我地叫左例湯，煎梅菜餃（蕃茄流沙餃沽清！），秋葵雙耳，咕嚕古菇例湯係木瓜湯，見唔到木瓜亦飲唔到木瓜味，不過仍然有一種瓜果類嘅清甜煎梅菜餃相當爽口，不過唔係好覺梅菜味秋葵雙耳有好多芝麻，碟頭亦頗大，ｏｋ朋友仔因為鍾意食菇，而本人亦對酸甜的小菜有偏好，所以叫左咕嚕古菇，豈料到上菜的時候，至發現原來係鍚紙焗巨形冬菇同什菇．．．點知，到埋單嘅時候至發現原來呢個巨菇要 $2xx一碟喎，其實叫嘢食時我地冇諗過會有ｄ咁嘅價位嘅小菜ｇａ，　下次都係要睇清楚價錢嘞...…查看更多

星期六的late lunch, 到達時已經係13:45, 要等3-4張枱, 結果等咗半個鐘鬆d...現場所見得1個樓面, 派飛係佢, 落單執枱係佢, 加水都係佢, 所以每個部份都要等...當日食咗個和牛拉麵, 牛骨湯底確係有牛肉味, 但略淡. 而嗰塊和牛...餐牌所見係好大件的, 但當拉麵上枱的時候, 和牛size有如平時大x樂早餐牛扒, 實在令人失望...惟有寄望味道可以啦, 可惜, 牛肉質地勒, 而且牛味欠奉, 更遑論有油花呢...總括嚟講, 味道只可說是ok, 加上擠迫的進餐環境, 等位的時間和位置, 是否再次光顧實在值得思考.…查看更多

由銅鑼灣店開張開始, 一直都好想試下crumbs嘅鬆餅, 可惜一路都就唔啱, 到到旺角分店都開咗咁耐之後...終於可以試到嘞 ~係星期六嘅傍晚6點幾...條隊大概排到隔離雞飯門口呀...本來淨係諗住試鬆餅, 結果都係受唔住引誘, 試埋乳酪...三款鬆餅都有試, 以芝士味最好味, 咸咸香香的, 而提子味同朱古力味就真係食唔出囉...而乳酪就要咗士多啤梨, ganola, 加上免費的餅碎...士多啤梨 --> 就是正常的士多啤梨ganola --> 麥粒十分脆, 有咬口, 但相對提子乾就太乾嘞, 攪到又硬又痴牙餅碎 --> 已經同ganola混合咗...乳酪都夠滑, 但係如果再"乳酸"d就好嘞…查看更多

昨晚為舊上司補祝生日, 她尤其喜歡中國風, 故特別選擇咗呢個咁有中國特色的蛋糕給她.中午致電店家留起一個芒果慕思蛋糕, 店家提議將 "生日快樂" 畫成圖章模樣, 有心思!下班立即由中環飛奔去天后拎蛋糕, 勉強才趕及準時七時半出席飯局...蛋糕本身只係一個正常的芒果慕思, 芒果夠甜, 慕思亦夠輕, 已做足本份, 但加上手繪的圖案登時升價十倍.…查看更多

由店舖開張之始, 媒體已經爭先報導名人新開甜品舖, 有創意, 有heart... bla bla bla...然後大家又一窩蜂咁去試新嘢, 跟住大家都彈到一文不值...响間嘢開咗咁耐之後, 終於一試~細妹叫咗個焦糖蛋白, 焦糖都夠脆, 蛋白都算滑溜, 不過就實咗少少而我就因為想試多幾款, 所以嗌咗個三心兩意, 選擇咗堤拉米蘇, 焦糖吉士+蘋果撻堤拉米蘇 - 冇咩特別焦糖吉士 - 即係焦糖燉蛋, ok吖蘋果撻 - 做法十分簡單的一道甜品, 勝在烘得熱辣辣總括嚟講, 係一間普普通通的甜品舖, 唔係十分出色, 但係又未至於難食囉, 我諗要怪就只怪佢係"名人之後"囉...…查看更多

之前見openrice貼出優惠, 即時同幾個同事組隊去試囉~一行5個女仔, 食第一輪...普遍大部份食物都ok, 掛住食, 有好多都冇映相...以$240/人嚟講, 都十分可接受, 可惜時間比較短, 食得好急, 食得嚟又傾唔到計囉.…查看更多

之前响某團購網站買咗$20等於$40的優惠券, 所以又去試下啦 ~$40的優惠券只要加$2就可以有中size的frozen yogurt及3款toppings我要咗"扭紋"味的frozen yogurt, 而toppings就要咗brownies, 水蜜桃 & Granolafrozen yogurt的味道算ok啦, 水蜜桃就一般罐頭貨式, brownies就只係似d海綿蛋糕碎囉, 都唔知有咩特別...反而Granola就比較特別, 有d咬口有優惠就ok嘅, 但係如果要用$42去食就真係要認真考慮嘞…查看更多

响好耐好耐以前就已經聽過中環有一檔十分出名的番茄麵, 不過, 因為一向都唔出開中環, 所以一路都未能幫襯...終於依家响中環番工, 就同班同事一齊去食啦, 可惜, 由於維修工程的關係, 我哋結果要"三顧草蘆"至可以食當日天氣依然非常炎熱, 太陽伯伯心情大好, 實在係又曬又熱 @@我哋結果嗌咗:咁啱坐正簷篷旁邊, 太陽伯伯無情的曬到背部熱辣辣, 食完之後真係成身汗呀~相信天氣涼d真係會好d!!!…查看更多

幾個同事相約嚟蘭芳園食晏, 試過奶油豬, 蕃茄蛋豬扒麵&牛脷喇沙...先講食物... 奶油豬 - 咁晒脆, 熱辣辣! 蕃茄蛋豬扒麵 - 茄味ok, 仲有薯仔, 不過如果隻蛋係半生熟, 有蛋汁就更好:) 牛脷喇沙 - 喇沙偏淡, 牛脷亦相當麻麻, 不過都ok嘅但係...凍飲勁甜, 都係少甜為妙!之前都試過尖沙咀的分店, 不過原本的陳舊比起硬來的扮有情懷簡直有天壤之別!…查看更多