jasminepangpang的个人专页

小小嘅街坊店，一睇到佢嘅食評相就已經好吸引，好特色嘅蛋包治，蛋包飯，完全係心機之作。店舖細細地，得兩張枱最多坐到六個人，但係嘢食嘅款式同埋奶茶嘅款式可以話五臟俱全俱。 都可以話係第一次見到一間賣咁多唔同茶底特色奶茶咖啡，食物嘅價錢同質素都算係高質！！燒汁牛肉飯，牛肉嘅口感比較似腩肉，炆得好腍好入味之餘，仲會炙燒，嫩滑嘅炒蛋，再配上用燒汁會過同埋炙燒既飯，一啖飯加紫菜加雞蛋加牛肉，完全係層次豐富。 黑松露啡菇蛋包飯，素食都可以好好食，配上香濃嘅忌廉汁，而佢嘅飯呢亦都係仍risotto 既做法，一d都唔hea 架！ 唔係全部蛋包飯都係同一個飯底。 如果鍾意食咗口語嘅朋友，呢個都唔可以錯過，好好食，仲要佢個飯係應該落咗壽司豉油。 好彩幾個朋友，我先可以試到唔同味嘅嘢😘成餐飯好有驚喜，亦都睇得出老細對食物嘅用心同埋創意嘅諗法😆大讚！！ 唔好比小店消失😛…查看更多

之前都食過呢間天天， 第一次黎太古既分店，已經變左我最愛分店之一。 餐廳地方好闊，門面都好grand ～ 飲品方面，必叫既豆花奶茶， 豆花嫩滑茶味香濃而唔會好甜😆減肥飲完都冇罪惡感食物方面，兩個人叫左3個菜 超級大滿足！ 通菜鐵板上，鑊氣充足，熱辣辣，keep住個溫度～份量好足喔😘必叫去骨海南雞， 雞皮爽，雞肉嫰滑，啖啖肉，加埋醬汁好juicy !!!唔經唔覺食左大半碗飯！ 醬汁新鮮，薑汁好香， 唔係好多油個隻。叉燒，比我想像既有嘅唔同 ，佢係腩肉，中意肥叉既你就岩哂，味道佢唔似我地港式，俾我感覺有啲似糖醋🤣但好入味 又係食超多飯…查看更多

店內同埋店內嘅裝修都好日式，俾人一種舒適嘅感覺又不失高級感。但係價錢則是貼地實惠作為餐前小食，超鍾意呢一個山藥魚乾🫶🏻敲到脆卜卜，配上面頭上面嘅山藥同埋蟹肉，超級好食！仲要一定趁熱食串燒種類都好特別，試咗呢一個雞軟骨串，香脆有咬口配上滿滿嘅蜜糖，而且餐廳用嘅碟具都好靚，幫食物增添咗唔少三文魚丼淡淡魚肉，飯粒分明，在灑上芝麻～配搭岩哂！ 啱晒鍾意食三文魚既你然後當你想去日式餐廳食啲熱嘢嘅時候，佢竟然同時有西式嘢食，有pizza!! 但今次我就選擇咗呢一個白汁雞肉配蒜蓉包，份量兩個人啱啱好～最後叫返個甜品作結，嚟到估唔到咁得意即刻打卡，雪葩滿滿嘅蘋果味，好清新！Ps!!!! 如果多人cwb店內仲有房間可以Book!! 個人都幾鍾意銅鑼灣分店嘅裝修同埋環境…查看更多

唔睇都唔知原來裕民坊上面咁多間餐廳，今日約咗呢間西餐出名抵食，味道都唔差💗 餐廳環境氣氛都幾熱鬧，可能唔少人都係book左同fd食～ 服務方面職員都友善今次叫咗二人餐，份量嚟講我覺得直頭可以三個人食有多🤣 小食揀咗魷魚鬚本身諗住都係細細地，黎到😂大大筒！牛排都係大大塊🤣叫左medium ,配菜都好豐富，有酸忌廉焗薯仔，沙律菜意粉帶子煎的岩岩好，配上松露雜菇～ 意粉滿滿嘅汁，啖啖都creamy 最後真係好滿足地離開，蛋糕就要打包💗好彩芝士蛋糕就係細細件比較迷你，可以返屋企再食…查看更多

記得好耐以前都曾經食過，咁諗住附近冇咩糖水舖，咁就入去試吓啦叫咗一個熱嘅鮮奶燉蛋，叫咗熱嘅但係送到嚟係凍嘅，摸落去個碗係常溫，食落去是凍的。 當日仲要人流唔多，對於餐廳感到失望第二碗糖水，我叫咗桃膠燉杏仁霜，成碗嘢好似食粉漿，好差。希望餐廳檢討一下…查看更多

餐廳位置嚟講可能要俾多少少眼力，原來旺角東出口，新世紀廣場行過去係最近。店內裝修的確幾吸引，睇得出係有花過心機去設計嘅，成個氣氛都好60年代嘅Vintage feel，打卡都係唔錯嘅選擇位置方面枱同枱之間都唔會逼夾，所以都係坐得舒適。 今日同男朋友兩個因為懶得諗，所以叫咗二人set, 價錢都算抵食嘅，因為包嘢飲小食仲有甜品。嘢飲比我想像中有驚喜，奶昔超好飲🤣食物方面，叫咗黑松露雜菇長通粉同埋牛小排，意粉煮得啱啱好，而且黑松露醬汁好濃，係一個唔錯嘅選擇，可惜牛小排冇得揀熟成度，但係牛肉容易入口💗 但牛肉可以熱啲小食方面揀咗柚子雞翼，超級香脆，再多啲柚子醬仲perfect 柚子牛角包窩夫，作最後晚餐嘅點綴，完全係可以解膩嘅甜品，牛角包酥脆配上雪糕💗…查看更多

今日嚟到圓方食天天海南雞 💗我記得喺新加坡都有，但係款式就比較簡單地道。呢一間可以食到地道海南雞之外，亦都有好多唔同嘅fusion菜式。 幾特別🫣 入到去餐廳環境座位舒適，員工都好有禮貌，餐牌方面都好多選擇同埋出邊未必食得到嘅菜式，fusion得來又好食! 兩個人今次都食咗好多嘢，叫咗海南雞，炸饅頭，豆腐粉絲煲，岩鹽牛肉粒。全部都好有驚喜，而且食物最重要就係調味，味道啱啱好唔會好鹹。 炸饅頭好特別啊，揸得香脆之餘，佢嘅醬汁唔係煉奶係感覺似蓮蓉，但係又出奇地好夾，唔會太甜岩鹽牛肉粒，蒜片香脆配上一粒再放入口好好食豆腐送飯一流，配上肉碎同埋粉絲我好鍾意，佢係有豆腐花喺底㗎，叫咗一杯咖啡一杯奶茶，兩杯都唔會太甜，而且豆腐花好滑…查看更多

想搵一間多選擇又啱食嘅日本嘢，我覺得係唔容易！仲要樣樣嘢都好食！ 首先講吓呢一間嘅環境我覺得都唔錯，好啱同三五知己一齊飲酒吹水，餐牌除咗煮食都好多唔同嘅小食俾你送酒。 好驚喜嘅就係我哋兩個人食咗好多嘢都唔使$600埋單 ，臨走發現原來仲有一間房，如果比較多人嚟食嘅話可以預約。舖頭仲要開到夜晚11點。嘢食方面，嗌咗三色迷你丼，包括山藥蟹肉，海膽魚子，蛋黃吞拿，三款都好好食，好新鮮，啱晒想試晒唔同味，但係又唔想食到好飽，因為仲要食其他嘢！壽司方面，海膽右口魚天婦羅蝦，感覺好fresh同埋炸蒜片灼燒三文魚天婦羅蝦，兩款都好出色，食物層次分明，完全唔會膩，配搭得啱啱好！送酒小食嗌咗蟹肉鱈魚片，雞泡魚片，串燒方面我覺得啲選擇都好特別，韭菜豚肉片，炸咖喱飯，紫蘇梅醬軟骨雞肉，沙律醬炸帶子，每一件份量都好足超抵食💕嘢飲方面，嗌咗朱古力抹茶牛奶，加一杯有酒精嘅荔梳打果酒，兩款嘢飲都唔會好甜，而抹茶牛奶抹茶粉夠晒濃❤️❤️ 今餐食得好滿足，絕對係會再encore嘅餐廳🫶🏼…查看更多

今日做完gym，唔想夜晚食得咁罪惡，聽教練話搵啲蛋白質同精緻澱粉🤣就去咗呢間cafe !! 好surprise 係性價比好好，都幾多健康選擇，呢個價位大家都唔要求咁高🙈 香港衣家做食肆唔容易，大家多支持唔同小店。 環境同餐具都好睇得出老細想行簡約型格， 主要黑白為主。 職員都好nice 😆 今次叫左牛扒🥩配薯蓉， 薯蓉好滑好夠cream，唔係溝麵粉，係有誠意嘅薯蓉。牛扒五成熟，呢個價錢百零蚊都已經好好。 擺盤都好精緻❤️🥰 超岩約會同fd黎食！ 意粉方面，叫咗明太子蟹肉扁意粉，朋友超鍾意，表示下次可以再encore ! 意粉好掛汁，又唔會好膩，岩岩好，超足料蟹肉！ …查看更多

本身冇乜期望，諗住簡單經過簡單間泰國餐廳食🥸 入到去覺得性價比都幾高，價錢嚟講唔算好貴，環境好舒適，而且都好大有兩層，多啲朋友去都冇問題！ 豬頸肉炭燒，燒得好香脆 好正！ 菠蘿炒飯，份量好足，配料都好多，超級抵食，兩個人share 超級足夠！！ 不過我自己就唔鍾意菠蘿炒飯入邊有提子乾 通菜都好食，不過鑊氣呢我覺得就可以再多少少最後就嗌多個芒果糯米飯，黑白糯米都有滿足我兩個願望，其實糯米飯都好香好軟熟，配上暖暖嘅椰汁，好食！…查看更多

邊打卡邊食！🥹食物新鮮🫶🏼湯底鮮甜呢間打邊爐設計以旅行為主，人數多仲可以選擇預約房間，房間有不同主題， 私隱度高呀！又可以打卡湯地， 原隻雞椰子🥥湯，肉嫩先甜，餐廳係用左肉亂嘅椰子，所以要食完全冇問題！ 正丫！ 牛肉嗌咗兩碟手切牛頸脊，牛脊邊，好香牛肉味，而且好容易入口！鴛鴦蚌，脆肉鯇，全部都好新鮮，同埋價錢來講我覺得好抵食！ 小食嗌咗椒鹽粟米條，同埋椒鹽豆腐，估唔到份量咁大份😹😹粟米好甜，椒鹽豆腐，亦都炸得啱啱好！ 小店仲有自製涼茶，我揀咗菊花茶同埋夏枯草，一啲都唔甜，打邊爐下火一流🙌🏻總結來講，一定要再去食🥹不過由於佢間鋪係要行樓梯落去㗎，所以大家未必好容易見得到。…查看更多

我又捐窿捐罅試下新野食，呢間串燒店之前喺將軍澳嘅時候都已經好想試，今日就同朋友去旺角食飯。咁就梗係即刻試吓好唔好食。餐牌上入邊有好多唔同種類嘅串燒，同出邊串燒店嘅風格就有少少唔同，呢間比較西式小小，包括餐廳外型都似。我哋叫咗麻辣雞全翼，味道都唔錯，上面佈滿左麻辣粉仲有少少孜然粉味道，我同朋友都好鍾意❤️另外，仲叫咗一個炸芝士，外脆內軟但係佢唔係拉斯芝士，係一個流心芝士黎。之後我哋仲叫咗蒜蓉蒸蠔🤩有驚喜，熟咗嘅蠔原來都幾好食，之前通常都係生食😆。另外，金菇肥牛卷同樣都有麻辣味，我哋叫咗小辣都唔會好辣。仲有，牛肉串燒同埋魷魚串燒都同麻辣粉好夾，整體水準都唔錯。而且價錢適中，仲可以好chill 飲返杯Cocktail、其他酒！下次會再幫襯。…查看更多

之前食過銅鑼灣分店，原來圓方嘅分店同銅鑼灣嘅餐牌都會有少少分別。 環境方面個人比較鍾意圓方呢一間🤪 螺頭蜜瓜湯 呢個真係冇得輸，好鮮甜，飲完亦都好滋潤好舒服🫶🏼火焰叉燒，呢個好有驚喜，竟然係我好鍾意嘅腩肉叉燒，肥瘦合宜，啖啖叉燒汁再加上炙燒，10分惹味亦都好好送飯。炒通菜，翠綠色嘅通菜配上炸左嘅魚乾❤正另外再嗌咗個石鍋雞油飯❤香噴噴熱辣辣，口感亦都唔會好油膩，分量我認為絕對夠三至四個人🫣🫣今次兩個人食唔晒呀飲品方面都係最鍾意嘅招牌美祿豆腐花，淡淡豆腐花口感同埋香濃嘅美祿溝埋一齊真係好正。…查看更多

不嬲都好鍾意食烤魚，曾經都中伏左幾間，去開觀塘今日就試吓呢間小店❤環境方面，入到去比想像中大好多，位置都坐得舒適小店位於工廈附近，價錢相對上比起出邊實惠，配菜大件夾抵食，烤魚時價錢都係二百幾蚊！！！真係好抵！ 烤魚一上枱都幾驚喜，好少有廚師咁俾心機煎到條魚黃金香脆🥹🥹🥹食落去好惹味，就算冇麻辣汁都好好食，朋友們對條魚都讚不絕口認真！🤣同埋原來呢間舖頭外賣嘅話會有埋盤同埋爐，都好方便！！ 喺屋企同朋友聚會食呢個一流！…查看更多

工業區既世外桃源🍑由觀塘地鐵站沿路行過嚟話近唔近話遠唔遠都需要10分鐘左右。 餐廳林立於工業區中心附近，行過都眼前一亮，一定必試。餐廳用QR CODE落單，店面職員吾算多，門口都好多打卡位，打卡一流！不過就好近隔離枱食飯，所謂只要你唔尷尬就人地尷尬。🤣🤣🤌🏻講反野食，不過不失，但可一試❤ 叫左coffee latte, 好香濃又帶點酸❤ 野食方面，叫咗一個帶子意大利飯，豬胺扒，小食拼盤❤食到好滿足，小食拼盤有雞翼炸洋蔥圈炸魚蛋，特別想講佢個醬汁好正好香！開胃！ 意大利飯就不過不失啦，可以味再出d❤但係夠晒大碟包你飽，帶子都煎得啱啱好。豬胺扒都好多配菜有沙律之餘亦都有牛油果🥑～ 咁健康都係減肥首選嚟！ 可惜扒無味令我有點失望。環境來講的確係唔錯幾靚，可以一來打卡！！ …查看更多