Chiu Ngai的个人专页

大圍隱世越南fine dinning🍤炸香菇蝦春卷 $88酥香嘅春卷皮包住唔同嘅材料包括蝦香菇蔬菜等等，將佢油炸成為香口嘅春卷皮包住下低嘅菜一齊食可以中和油炸出來嘅油膩感，配上魚魚露特調醬汁十分開胃，係一道超水準嘅前菜👍🏼🥩火魔牛肉 $68呢道菜相比起佢嘅味道更加搶眼嘅係佢上菜嘅方式。首先係碟邊淋入烈酒，然後點着形成一道道藍色嘅火焰十分之搶眼，打卡嘅朋友唔可以錯過！而裏面嘅牛肉亦都係十分之軟嫩，配上跟嘅蝦餅進食，味道濃郁，饒有風味。🐂生牛河粉 $98跟住係跟餐其中一道主菜生牛肉河。呢度主菜相比起前菜就顯得略為失色牛肉都係遠嫩，但河粉嘅湯汁就比較唔自然，似係用調味料調出嚟冇牛肉湯嘅鮮甜味，略為可惜。🐖燒豬排鴨蛋飯 $98跟住係豬扒飯賣相睇落頗為單調，一團白得一塊孤伶伶嘅豬扒，旁邊配有佢哋出名嘅鴨旦炒蛋，同埋幾種蔬菜。豬扒加上香茅略為炸過但有啲overcooked，相對較韌。而且白飯本身冇配咩醬汁成件事食到有啲乾。個鴨蛋ok，係比較特別嘅菜式因為好少食到炒鴨蛋。整體而言，性價比就真係mamaday ;(整體用餐環境都係行比較優雅嘅路線，昏暗的燈光，加上木藤製傢俬，混合現代同越南傳統元素，頗有格調。唔似一般越南餐廳會比較噏耷，如果係周年紀念或者慶祝節日過嚟食都絕對唔失禮…查看更多

係網上見到呢間米芝蓮推介良心餐廳，毫不猶豫bookmark左😎😎提早一個月book位，順利book到weekend lunch慶祝拍拖紀念日>.<每次上菜前侍應都會簡單介紹個餐點，令食客更加了解食物嘅內容同大廚嘅心思。座位可以清楚睇到廚房嘅運作，可以望住食物由製作到送到眼前，唔單止賞心悅目，好似參與左整個過程，令食客感覺更加投入;P🥖 🥖🥖一點完菜侍應隨即上左我嘅至愛——餐包🥰 呢個餐包就唔係一啲正宗嘅酸種麵包，而係比較軟身香口嘅麵包，比較符合大多數香港人嘅口味，同埋有跟啲香草Sour cream同埋好常見嘅橄欖油加黑醋， 兩隻同個麵包都好夾。🥗Garden Salad $88呢個係田園沙律，換言之即係一啲肉都冇 全部都係菜==但以$88呢個價錢來講個性價比就唔夠高啦，佢個醬汁亦都唔係特別濃郁相對比較清淡，適合一啲keep fit人士 ;P是日餐湯 ＄38呢個薯仔忌廉湯可以食得出好香嘅薯蓉味道，入口順滑，味道濃厚，調味唔會過鹹過淡。過關😆😆🍤Handmade Tagliolini with Half Boston Lobster, Seafood Sauce $298終於到今日嘅大佬！！呢個龍蝦意粉餐廳前一日會問你會唔會預訂所以如果要嘅話呢就要前一日book定㗎喇 首先一上菜已經俾佢嘅香味吸引。入口佢個手工意粉就係比較香港人嘅口味，唔算特別al dente，但係都十分有質感，彈牙有麵粉香。 佢個意粉汁係用濃厚嘅海鮮湯底熬製再加上酸酸味味嘅小蕃茄食，好鬼開胃。套餐嘅半隻龍蝦都都處理得十分之恰當，但係略嫌龍蝦肉有少少overcooked。不過味道搭救，整體上都有係有驚喜嘅！！嗚依家睇返好想食T.T🍝Homemade Tagliolini Carbonara $168面身都係同龍蝦意粉嘅面一樣，亦都係未夠al dente比較啱香港人口味啦。 但佢個汁就十分之濃郁用咗蛋汁同埋芝士調製而成，再加上鹹香味十足嘅豬面頰肉，組成左道正宗而令人難忘嘅卡邦尼意粉。🍋檸檬蛋白撻 +$58薄薄一塵檸檬餡，面頭加上燒焦的蛋白，酸度啱啱好。撻皮唔算特別香脆，但整體配合起來都在水準之上。 甜品仲會跟埋椰汁sorbet，呢個就相當特別，鍾意椰汁嘅朋友一定唔好錯過🥰…查看更多

朋友食過一次呢度嘅酥皮叉燒包一試難忘，仲話一定要去試下，今日去旺角都特登過黎黎朝聖。上網睇原來係人氣食店，但好彩我地去嘅時間唔係繁忙時間唔使排隊就食到。🍍酥皮叉燒包朋友推介必食！果然冇令我失望，上黎仲係暖粒粒，皮薄餡多，薄薄一層酥皮，有啲似墨西哥包，但唔會過甜，香甜帶奶香。包身鬆軟，啖啖叉燒餡，外脆內軟，令人回味無窮🤤🦐晶瑩鮮蝦餃 $30大大隻摺摺分明，餡料鮮蝦彈牙有咬口，但餃皮懷疑蒸太耐淋曬，同埋都有啲厚，頗為失分。🍚土魷馬蹄肉餅飯 $27肉餅滑嫩，但份量真係頗少，食到下面啲飯已經冇曬肉餅送。鮮蝦腐皮卷 $28炸腐皮方面，腐皮炸得剛剛好，咬落口唔會成啖油。餡料方面，每粒都有半隻蝦。唯一不足份量偏少，價錢過於進取。鮮蝦燒賣王$29大大粒，豬肉魚肉比例均勻。燒賣皮唔會過軟，有杞子係面頭畫龍點睛都幾有睇頭。服務方面，樓面姐姐都幾快手，10分鐘之內就沖好茶落埋單，上點心速度都好快，密密食。4蚊一位茶錢真係難得地平！總體黎講，酥皮叉燒包係添好運生招牌，其他點心就不過不失，但如果要等位黎講我會選擇外賣個酥皮叉燒包哈哈哈！…查看更多

假期冇得出國，去愉景灣感受下去異國渡假嘅感覺！咁啱又係discount app book位見到有50% off，即刻試試佢！-環境-一入門口就感受到濃濃嘅歐陸風情。門口右手邊有張桌球台，前面係bar台，裝修係英國bar風格。侍應安排咗我地坐係個壁爐隔離，上面擺滿咗好多足球比賽嘅戰利品，牆上嘅投影機又放緊足球比賽，男朋友話黎呢度睇波都真係不得了。加上附近幾台時刻都係外國人一家大細，得我地一台係local，更加有種去咗歐洲旅行錯覺。🥗香煎三文魚柑橘沙律 $148三文魚係容煮難精嘅食材，好容易就會煮到乾柴。但驚喜地呢個三文魚柳煎得香脆得黎又嫩滑。西柚同橙肉一酸一甜再配些利醋汁令整個沙律味道非常豐富，夏天食呢啲清爽嘅味道超正！🐥Masala Chicken with naan bread $176個咖哩好香夠哂濃味，雞柳分量唔算好多勝在肉質都好滑，薄餅夾住雞柳超級夾！🐠招牌炸魚薯條 $170有2大塊魚柳同一大籃粗薯條，炸漿好薄，魚柳唔算好嫩滑，質地偏有𡁻口，正宗英式食法配他他醬，蛋黃醬及麥芽醋，印象中仲好食過我係英國食果次😋粗薯條夠哂脆有薯香食得出係新鮮薯仔即製。🍔德州燒烤漢堡 $170BBQ source好有驚喜！濃得黎唔會蓋過漢堡扒嘅肉味，包係有烘過，外脆內軟，feel到製作者嘅用心，但肉就普通唔算好嫩滑同香。🍺Hong Kong Yau Draught Beer $55去bar點可以冇酒精。叫左杯「友」香港手工啤，好有麥香味，連我唔係好好啤酒都好鍾意～如果鍾意手工啤嘅朋友真係要試試！呢間餐廳真係全部嘢食都好大份🤣🤣大家唔好好似我地咁眼闊肚窄！…查看更多