milycircle的个人专页

新蒲崗雲川米線好出名，發現原來仲有烤魚食勁鍾意食烤魚嘅我哋，決定試一試先我哋揀咗胡椒湯烤魚套餐 $298套餐會有雞肉、牛肉、娃娃菜同米線跟埋烤魚份量比較少 湯底味道有啲淡感覺不過不失 性價比不高可以有更好嘅選擇值得讚嘅喺 同行朋友都覺得米線好食所以去雲川都係建議食返米線為主…查看更多

幾次經過旺角呢間韓式餐廳，都見到好多人排隊食飯，難得今次見到冇乜人排隊，一於試一試先！上餐嘅時候意想不到，每個餐份量都好足料喎！清雞麵套餐，小食嗌咗泡菜餃子，有半隻雞喺碗麵入面，餃子又大大隻，超抵食！辣炒小章魚蓋飯，一邊有好多小章魚，溫馨提示，真係幾辣嘅，食得辣先好嗌！如果冇咁辣更好羅州牛肉湯飯平時食得比較清嘅，呢一個啱晒啦，牛湯清而不淡，湯飯口感正，最鍾意呢種軟綿綿嘅米！呢個份量呢個價錢，絕對會encore再去！…查看更多

今年朋友幫我慶祝生日，揀咗旺角T.O.P商場LA B餐廳，OpenRice訂座仲有折扣優惠，如果生日同慶祝紀念日可提早通知，仲有佈置添！我哋兩個人總共嗌咗五樣食物：海膽多士 $136 👍🏻海膽多士幾好食，多士外脆內軟，海膽鮮甜。油封法國鵪鶉髀 $188鵪鶉髀稍為有點失望，略鹹且較瘦弱，冇口感。龍蝦尾意大利飯 $288啖啖肉嘅龍蝦尾，意大利飯嘅Creamy，滿意。蕃茄海鮮意粉 $198稍微有啲乾，如果多啲蕃茄醬會更加好味。炭燒西班牙黑毛豬鞍 $368黑毛豬鞍配醬汁幾好食，好評！📍#旺角｜#LabLAB EAT Restaurant & Bar旺角T.O.P 5樓502號舖…查看更多

臨上深圳之前，先係上水廣場搵嘢食醫下肚先，上到去5樓，全部都係食肆，最後揀咗宮丼食日式料理 ♥️ 兩個人揀咗兩個餐同三款小食，每樣食物都超有驚喜！而且價錢平，性價比極高！必定回頭！我揀咗醬汁牛漢堡丼 + $10配前菜同味噌湯醬汁牛漢堡真係值得一讚！一咬啲醬汁必晒出嚟！真係好好食！而且口感好鬆軟！好Juicy！仲有特色丼，選擇困難症必選！飯同烏冬雙拼！屋企人點咗雞丼飯+腐皮湯烏冬！另外仲揀咗三款小食，海苔薯條、雞皮餃子同牛油北海道粟米粒，小食值得一讚！完全唔馬虎！海苔薯條一上枱熱烘烘，脆卜卜，好好味！雞皮餃子一致好評，極速吃清光！薄薄嘅雞皮，一咬勁多肉餡！真係好好食！牛油北海道粟米粒，牛油味香濃，好食！…查看更多

揀咗全港首間意大利餐廳慶祝生日，裝修佈置好有格調，平日晚上都坐滿顧客，所以建議要提早訂位。前菜揀咗大蝦沙律都幾好味，個醬料好滋味。白酒蜆扁意粉，有少少苦澀味，略為失望。炭燒肉眼扒，揀咗五成熟，雖然賣相不揚，但出乎意料之外好味，肉質鮮嫩入味，加埋個胡椒醬好開胃，朋友都大贊！整體嚟講，食物質素還好，但性價比確實偏低。裝修環境有格調，服務態度亦不錯，整體嚟講合格有餘，所以7分啦，滿意！但如果問會唔會再去嘅話，咁就未必。…查看更多

今次嚟到大圍老字號懷舊特色酒家，就連唔係住喺沙田大圍附近嘅長輩都聽過——- 「沙田新強記」 ♥️▫️菠蘿生炒骨 $108 👍🏻確實有驚喜！外酥內軟，甜酸度剛剛好，好開胃！▫️椒鹽九肚魚 $128外皮香脆可口，魚肉鮮嫩乾身！▫️南乳吊燒雞（半隻）$128燒雞皮好香好脆！南乳味突出！夠入口！▫️新強記招牌雞粥（例）$138👍🏻遠道而來就係為咗招牌雞粥！真係不枉此行，一定要食雞粥呀！雞粥入口綿密，唔需要額外再加胡椒粉，成鍋粥都好入味！推薦！.📍#大圍｜#沙田新強記燒鵝海鮮酒家大圍海福花園商場地下…查看更多

星期六買完波鞋轉入登打士街見到有烤魚工房嘅招牌，之前朋友曾經介紹過好食，但成日都排長龍，咁就上去一探究竟啦！星期六 9PM 餐廳好冷清，完全唔使排隊，眼見全場得三枱客，經濟低迷，個個都北上食喝玩樂我哋揀咗鹹蛋蒜香酸菜江團魚辣度/麻度/油度都可以自行選擇而我哋第一次試就「小辣小麻小油」啦！店員一拎上枱，我哋都嚇親，條魚超大條，兩個人係食唔晒嘅😆跟住嗌咗個烤茄子送飯，綿密多汁，送飯一流！好食！然後在嗌多咗個錫紙娃娃菜～多汁入味！至於飲品，我哋試咗金桔檸檬特飲同芒果沙冰，芒果沙冰係真係有果肉，都幾大杯，好飲！…查看更多

落雨濕濕，夜晚一家人食飯，唔想走到去咁遠，去咗彩雲好彩酒樓食晚飯，一共嗌咗四個餸，包括上湯龍蝦、片皮鴨、白灼海蝦同甜酸咕嚕肉，上湯龍蝦同甜酸咕嚕肉絕對有驚喜，食物質素有所提升，值得一讚，一家人都食得好滿意！♥️四個菜、五碗飯同兩支啤酒，埋單約$750。…查看更多

生日朋友約咗我去米芝蓮餐廳慶祝第一次食米芝蓮餐廳 超期待 入到去環境好靚，服務都好好，但食物質素真的要加強，每碟份量都好「精緻」，食完之後依然覺得好肚餓，而且價錢都唔平，性價比比預期低:(…查看更多

今次去咗九龍城懷舊火鍋店，入面有好多懷舊擺設，坐低之後，店員就會即場喺面前清潔餐具，座位環境闊落，店員服務態度好，除咗單點火鍋配料之外，亦有海鮮套餐可供選擇，完場仲有免費甜品（遮仔啫喱/糖不甩）送。.胡椒豬肚少爺雞湯 $258安格斯牛肉（細） $208 👍🏻梅花黑豚肉 $108肥美鵝腸 $98 👍🏻蟹籽蝦滑、手打墨魚滑 $98鱔片 $108水魷 $58灌湯小籠包 $38 👍🏻鵪鶉蛋燒賣 $48唐生菜、娃娃菜、金菇 $38蕃茄 $28老油條 $28稻庭烏冬 $38…查看更多

去九龍城梗係要食泰國菜啦！泰國朋友推薦去試九龍城街市入面嘅泰國餐廳下午六點去到已經爆場咁濟好彩仲有一張枱唔使等位遲少少都要排隊雖然環境比較迫夾，好彩冷氣足夠。金邊粉值得一讚，好入味好好食！可惜份量有啲少，要即刻再叫多碟！…查看更多

原來荔枝角有間7000尺嘅貓貓Cafe所以晏晝即刻去做貓奴先雖然主要目的都係為咗玩貓貓，估唔到食物方便有驚喜喎！真係一啲都唔馬虎！價錢相宜，又可以玩貓，性價比極高！下次會去埋觀塘分店…查看更多

今次係第二次嚟呢間泰國餐廳第一次覺得好好食，同朋友決定反啅今次都冇失望，依然覺得好好食 如果想睇海景嘅話，建議日頭去。因為夜晚食嘅話睇唔到海景 只係睇到夜景記得訂位嘅時候同職員講要坐窗邊位置…查看更多

今日去咗西貢食泰國菜呢間餐廳環境好靚，室外就係海邊。夏天怕熱？唔使驚，每張枱都有風機提供。環境雖然好靚，但價錢性價比不高，而且食物質素需要加強喔其他菜式不過不失但明爐魚真係不敢恭維成條魚一上枱已經溶溶爛爛感覺廚房職員用粉絲刻意遮蓋…查看更多

眾所周知食泰國菜最多選擇嘅一定係九龍城既然係咁決定唔做資料蒐集盲舂舂試吓唔同嘅泰國菜餐廳而今次試呢間價錢相宜 味道不過不失 泰式生蝦泰式豬肉生菜包明爐魚 雖然其貌不揚但好食煎薄餅 有啲過油炸蝦餅 脆卜卜好好味…查看更多