angie_cpy的个人专页

朋友介紹喱間餐廳嘅燒味性價比高，去到新蒲崗要去試一試。果然冇介紹錯燒味水準好好，肉質鮮美唔會太硬好多時最怕燒味冇硬冇汁乾淨淨，但喱間嘅燒味唔會有喱件事發生🤤最正係個日食到乳豬~聽講乳豬好搶手好快俾人買哂。好少燒味舖會有乳豬食就算有都唔太好食啲皮會好硬冇硊嘅感覺。當食完你會愛上佢嘅乳豬，皮薄餡靚肥瘦適中🤤唔單止燒味好食連燉湯都一樣正！真材實料！係好多料同飲得出唔會有味精。其他舖頭聲稱話冇落味精但經常飲完都會好口乾但喱到嘅燉湯飲完一啲口渴都冇~值得推介~…查看更多

夏天太熱冇咩胃口，平時食太多肉食到肚滯滯又唔想食咁多肉，不如轉下食素食清下腸胃~食完絕對有驚喜!今次食dinner set 個set會包含一款花茶而今次就有蝶豆花甜菊葉茶，蝶豆花茶入口甘甜，帶有餘香，令人心曠神怡。當花茶配合前菜嘅芝麻高麗菜既酸爽，真係又健康又開胃。接下來有五色蔬菜水晶凍，有著五種蔬菜既顏色，加上外層係透明既啫喱，賣相十分吸引。口感亦十分出色，蔬菜新鮮爽脆再加上粟米既香甜簡直係天作之合。要讚一下日式蕃茄豆苗沙律，第一口既印象係十分清新。蕃茄非常新鮮多汁加上微酸既汁配合，仲有新鮮既豆苗點綴令到整個口感提升。黑松露芝士炸薯球，咬落完全唔會太膩，外面同普通既炸薯球無異但咬落去就知道分別係很大。鬆脆既外殼柔軟既薯蓉，再加上黑松露同芝士簡直係完美配搭。亞麻籽南瓜甘荀湯望落去已經覺得南瓜好足料，湯水同南瓜既比例亦好好，每一啖都有「糊」入口，加上甘荀既香配埋呢個口感，真係想嚟多碗。主菜就係四川麻辣擔擔拌麵，拌麵最怕就係太乾令到麵質唔好，而呢個麵就無呢個問題。煙韌既麵條加上適當既秘製辣油食落唔會乾。辣油不是只有辣味，佢帶有應有既辣香以及擁有令人上癮既辣味，就算係辣都唔會辣得好辛苦。辣既時間飲一啖蝶豆花茶，又可以繼續食，簡直係爽！最後以椰汁哈蜜瓜桃膠露作甜品，椰汁唔會太甜及太膩。有淡淡既椰香，哈蜜瓜絲同桃膠露作為口感既配撘令到成個甜品又香又甜又爽，好容易令人沉醉係美食當中。…查看更多

今晚食咩好？今次介紹喱間火鍋一入到去好似進入咗時光隧道倒流番去七十八十年代一樣，有涼茶舖，銀號，雜貨舖。枱面上嘅餐具都係向懷舊嘅公雞碗，餐廳內亦會播放懷舊嘅金曲，成個氣氛充滿懷舊風情及足跡。考慮咗好耐要咩湯底最後決定叫鴛鴦戲水鍋，一邊係麻辣一邊係松茸菌。一嚟到首先飲咗啖松茸菌，湯底好清甜唔會有青草味。而麻辣湯底麻辣香味十分濃郁，先辣後麻有陣陣花椒香，麻勁辣勁兼備!要推薦下風塵三俠，三俠分別係鮮蝦滑，墨魚滑及牛肉滑。鮮蝦滑及墨魚滑口感彈牙鮮甜，而牛肉滑肉味濃郁肉質爽嫩食得出以新鮮食材打成。黑毛豬腩片肉質鮮嫩肥瘦適中，放咗落去一段時間肉質都唔會變得好硬。而牛胸爽入口爽口，而且仲有陣陣香濃牛味味道非常突出。整體來說很滿意。這間餐廳性格比較高，菜品選擇種類亦多，值得推薦。…查看更多

係香港生活咁繁忙節奏咁快既城市，想搵到一間cafe放鬆下差差電，真係好難得。好多食肆都依靠裝潢去吸引客人入黎，但一入到喱間cafe你會覺得同其他食肆唔同，會有温馨嘅感覺佢以家庭作主題所有配撘都好協調唔會喧賓奪主。所以一入到去會有放鬆嘅感覺，令到平時嘅煩惱一掃而空。今次叫咗白汁挪威三文魚意粉，意粉口感彈牙佈滿白汁及三文魚碎，三文魚食落唔會太乾。有啲舖頭會整到三文魚冇哂水粉會太過乾，但喱到就冇喱個問題。再加上白汁及芝士令到成個意粉好creamy，令意粉口感上有所提升。温泉蛋牛油果沙律口感亦不錯。牛油果沙律味道調配得啱啱好，唔會太酸或太膩食落會有種清新嘅感覺。整體來講店內都好relax最適合俾自己放空下，性價比高，可以感受到慢活嘅感覺!…查看更多

早前去會展參加展覽，喺會展附近好難搵到好嘢食，會展裏便嘅餐廳呢，質素真係有返咁上下麻麻。又貴又唔好食。行出會展行遠幾步呢去到藝術中心有一間專賣花膠雞湯米線嘅鋪頭，每日淨係開到六點。但係花膠米線兩點幾就賣曬。所以今次去會展之前特登過嚟食飯碗。花膠雞除咗有原片花膠仲有滑脫脫嘅嫩雞。湯底用杞子鮮雞龍眼等等精製而成膠質重。除左媽咪煲嘅湯好少會飲得晒出邊街嘅湯。真係連一滴汁都唔會浪費。略嫌米線過硬如果鍾意食淋米線嘅朋友要落班先講聲啦。到嘅青檸梳打都好好飲，下午一點呢就會爆曬長龍，好似我咁11點幾到食個early lunch 就啱啱好啦！正！…查看更多