chocolateholic的个人专页

呢間台灣牛肉麵去過幾次都見到門口排曬長隊，所以最後都一直未試到，難得終於有次佢臨收工前去到，可能太夜了先唔使排隊😃麵方面佢有得揀手工麵同幼面，手工麵就韌性大d，厚薄不均，有d似刀削麵，個人認為偏厚左d，唔太吸湯汁，幼面好食好多！原味牛肉手工麵 $84湯汁同牛肉都好好味，牛肉好軟腍腍，唔韌，但手工麵就偏厚左d，太有咬口，吸唔到湯汁燉番茄腱心半筋半肉細面 $88呢個都同樣好好味！蕃茄湯濃郁，牛肉同牛筋都好腍，唯一有少少失望既係台灣牛肉麵好多店都必有既蘿蔔，佢呢間係無既，得一條菜整體黎講係好味既，會再食之選👍🏻最後附上menu…查看更多

餐廳係諾士佛臺較入，有d唔容易搵到既樓上餐廳係韓國人主理，好有韓國氣氛前菜個泡菜好好味😋鐵板雞肉年糕 $158味道可以，辣，年糕好味炸八爪魚雞 $288份量好大，賣相吸引，但味道有點失望，炸雞唔脆，係全餐飯最唔得既一味紅燒牛排 $228呢個好味😋味道偏甜，但份量唔算多，價錢偏貴辣泡菜湯 $98好辣，味道正常整體價錢上相比尖沙咀韓國街既韓國餐廳偏貴，而味道亦唔算特別好食，炸雞就更加失望，所以整體性價比偏低…查看更多

裝修期時已經好期待，終於等到朋友都得閒一齊去試！weekday lunch time去食lunch menu：試左黑松露牛肝菌會意大利飯 $148味道都幾好，偏日式味，但份量偏細跟餐有個細salad，+$9 有杯latte，但味道麻麻地食完個set lunch，最期待就係佢最出名既pancake宇治抹茶soufflé pancake $138個樣係靚既，但味道好普通，叫左宇治抹茶味，但唔係好有抹茶味，嶡餅亦唔太新鮮值得一讚既係服務好好，職員好主動幫我們影相，好友善👍🏻總體cp值偏低，品質一般，價錢卻唔平最後附上menu…查看更多

呢間chef‘s stage kitchen食過好多次，整體食物質素都唔錯但亦唔平，性價比算ok既，環境有室內外座位，帶住動物黎坐室外亦ok👍🏻呢個係weekend lunch個burger都幾大個，份量十足，洋蔥圈亦脆脆呢個salmon egg benedict亦唔錯除左個包底麻麻地其他野都okcoffee就普通…查看更多

Starter龍蝦湯伴迷你牛角酥蟹肉他他紅菜頭沙律伴迷你牛角酥個龍蝦湯同蟹肉他他都ok，但個迷你牛角酥就有d失望，平時佢d牛角酥係店既招牌係幾好食，但變左迷你版就差左好多！完全唔係正常版既質地，唔知點解🤷🏻‍♀️Mains鮮松露鵝肝義大利飯 $208個risotto味道都可以，但松露無乜味鵝肝亦超級細塊慢煮黃油春雞 $218呢個味道幾好，亦唔會柴，係成餐飯最好味了😂份量亦好夠，一個人既話應該食唔曬個dinner set整體黎講一般，雖然價錢亦唔係好貴，但性價比都係偏低…查看更多

位置在ifc，景觀幾好，但食物質素好一般lunch set包左starter，但麻麻地娘惹阿渣老隆藥膳肉骨茶配白飯 $188 好鍾意食肉骨茶既我一飲個湯已經好失望，個湯無藥膳味，一字骨d肉亦好柴，最後只食了一半，要呢個價錢絕對不值正宗海南麻雞飯 $198樣貌比平時d海南雞飯靚，適合打卡！但味道只係中規中矩，雞唔怕太油，相對肉骨茶已經算好了所以總體真係一般，價錢與味道性價比極低最後附上lunch set menu…查看更多

位置有d難搵，門口好唔顯眼，一直係附近兜左好耐入到去發覺無得堂食有d失望但都好想試下佢個巴斯克cheese cake，唯有外賣返屋企食，買左最細件，價錢偏貴，但味道好好👍🏻好滑亦好有cheese味，食完會想再食…查看更多

商場裡面既韓式cafe要排位無得羅飛食物方面用竹藤擺盤好靚朱古力忌廉窩夫 $82 賣相好吸引，好邪惡😈但太甜了，除非真係好食得甜人士就適合，唔係真係好難食得曬，又大份又甜….濟州抹茶窩夫 $82相比朱古力窩夫呢個無咁甜，味道都可以，但整體覺得佢d窩夫都唔夠脆濟州抹茶蛋糕 $48呢個係類似tiramisu不過係抹茶味，除左太甜都可以傳統飯卷 $68呢個雖然係普通既韓式飯卷，但竟然幾好味，下次都係試下佢其他鹹食好d😂佢既甜食太甜了…查看更多

未去食前已經嬲爆，book位時唔同人講無位，到當日食飯前先打黎話無室內位，只可以坐室外，仲要態度好串道歉都無就話係得室外，你得唔得，意思係你唔得就無位了，你愛食不食！聽到佢個態度已經唔想去食了第二因為我朋友生日，book位時我已經提左佢會叫甜品到時可唔可以寫上生日快樂，佢亦話ok會幫我整定，到最後個甜品乜都無整過…..如下圖雖然service差，但食物方面就反而係okfoie gras toast with figs $96 好食tortilla de patatas $88 裡面係薯仔黎，好食slow cooked octopus leg $158tiramisu brew $148 white wine $88 杯tiramisu brew好好飲，完全就係tiramisu味，鍾意食tiramisu既實鍾意呢杯…查看更多

第一次食呢間，係v city裡面樣貌係都幾好既西餐廳，但食物係茶記牛扒質素😂超級普通.晚市特價肉眼牛扒$128 （唔包野飲）賣相都幾好，不過係薄牛扒，醃製過果種，類似茶記果種質素，配黑椒汁同薯條.巴馬火腿芝士松葉蟹飯$148 （包奶茶or檸水or檸茶，但唔包咖啡）無蟹肉味，味道算正常，不過真係好普通.整體唔算難食，西餐廳價錢但茶記質素，cp值好低，杯凍奶茶都還可以，環境還可以，不過試過一次唔會再去食果種.…查看更多

好耐無食過隆姐了，已經唔記得以前係咩味道了，所以今日再黎一試，竟然有驚喜！叫左三樣菜式，竟然每樣都好食黃咖喱豬佢呢度呢隻黃咖哩係無蛋係裡面果隻黃咖哩，唔辣，但惹味既，上台時有個煲仔煲住，煲滾左個香味撲鼻，唔錯！可惜呢度無牛食，唔係配牛應該更加好食，個汁好適合配蒜蓉包串燒雞+豬個人覺得豬好食過個雞，但整體都好食，唔怕燒到又乾又柴，個醬汁都好味！海鮮濕炒河依舊係果個味道，海鮮亦唔會太少，有蝦同魷魚，好食！…查看更多

原本覺得呢間鋪都幾專業有我鍾意既咖啡機同好多咖啡用品賣，我呢d啡友入到去緊係忙住睇呢d，兼且佢開係yoho以為都會唔錯，但試左之後都幾失望Latte $40杯latte好重啡，但個啡又唔靚唔好飲，好失望Earl gery mocha $52呢杯就還可以，有earl gery味，啡底無杯latte咁重dark chocolate muffin已經係叫左dark chocolate了，但仲係甜到不得了…完全食唔到落去…食左兩淡就無再食了….…查看更多

想試呢間人氣小店好耐了，但經常見到排大隊🥲終於有日比較得閒又見無咁多人就去試下啦😍我係閒日大概早上11點幾d時間開始排，雖然排果時見唔算好多人比起平時，但原來最後都排左一個鐘有多，仲要係閒日🥲呢間係主打台灣特色小吃，只有外賣無堂食，佢最出名係刈包，有多款口味，但我今次淨係試左壓餅小山園抹茶cream cheese壓餅 $35咬開裡面有少少流心抹茶好吸引😍味道方面抹茶味都有既，但有少少酸，我覺得係cheese重左d，概括左d抹茶味芋泥肉鬆壓餅 $28呢個我覺得好食過抹茶壓餅，芋泥味好濃又無抹茶味個咁甜，加埋d肉鬆好好食…查看更多

聽說呢間老字號要結業了，老闆要榮休了，現在仲有得食炭爐燒烤的餐廳買少見少了，所以最後一次一定要黎支持下！餐廳係係條後巷入面，比較難搵，不過係後巷入口處有個鴻福燈牌，見到燈牌位行入條後巷就會見到間餐廳了裡面雖然環境一般但食物款式好多選擇，湯底款式亦多，聽講有d款式仲要得呢度先有得食！可以炭爐燒烤同時又有得打邊爐🍲一次可以滿足曬不同口味，正👍🏻 唯一係環境比較嘈雜，類似大排檔咁，但係好食既，亦好有氣氛！…查看更多

朱古力控一定要去試下！好多朱古力野揀，全部都好吸引😍72% Dark chocolate petite cake $48呢個cake好好味😍好朱古力味好smooth！又唔會太甜！裡面亦有少少脆脆，very nice！:)三重朱古力酥 $28原本對呢個都好期待，寫住三重朱古力😍可惜試後發現有點一般，外皮個朱古力皮原來係脆皮，但整得太硬了唔係脆，咬開裡面亦唔係好濃朱古力味，好一般S.O.C.（hot）$55呢個係佢地既signature chocolate drink，好濃郁朱古力味，第一淡覺得好好飲👍🏻不過都係偏甜左d，飲多兩淡就好漏，加上配搭其他都係朱古力味甜品就會覺得太heavy太甜，會飲唔到落去溫馨提示，如果叫左全部都係朱古力甜品比較適合配一杯tea而唔係呢杯😂…查看更多