SingYeahM的个人专页

早上8點05分坐低，有職員落單。 到8點20分，見到隔離枱遲過我的，早餐都到左，於是催職員，先發現個阿姐無幫我入機，無出單。 火都黎！！再過5分鐘，再催職員，先黎個米粉，飲品遲遲都未到！食個早餐，一肚氣！！…查看更多

今日下午茶時間，在富善邨搵食，無選擇下去咗大埔呢間八戶屋。 一入去，無人理，要自己搵位。 店員不嬲態度差，不過都慣咗，香港大部份食肆都係咁。 我就叫咗麻辣牛肉拉面，過左兩分鐘，好快面就到左，賣相一般。 食落去，肥牛好韌，肥膏多過肉，面底硬。 點知越食越唔對路，個面好似無煮過咁，成舊又硬又乾嘅面仲係到，唔只一舊，仲係兩舊，成個面生到咁。 好似食緊剛剛雪完再淥一淥嘅面餅咁，最基本用筷子整散都無，成碗麵硬到唔識形容。 完全唔合格！ 價錢越來越貴，質素就越來越差！無下次了！…查看更多

Book 左星期六12點，入座算快，即刻有位。 樓底高，落地玻璃，環境不錯。 因為第一次食呢間，問侍應阿姐點樣落單，佢嘅態度好唔耐煩咁的，問佢點樣拎落單紙，佢話每次要問職員拎。 幾張紙，唔洗2分鐘就揀好，諗住快快手落單，可以食快d， 食多d，點個錯L晒。 12點20分，先黎主食豚肉烏冬，伏，淡而無味！無耐，蒸蛋、飲品同另一主食牛肉野菜鍋到，鍋味道Ok，份量算大，但無乜驚喜，蛋無味，食兩啖就唔食了。 本想一邊食主食，一邊食下刺身/炸物，點知等極都未到。 由於無其他嘢食，一邊食主食，一邊飲飲品，已經食到半飽了。 到12點38分，刺身到！等左半個鐘！！之後再上埋芝麻八瓜魚！！唔通真係新鮮宰割？！？！芝麻八瓜魚都係就咁筆，點解要等成半個鐘？刺身又一般，老實講，出面放題真心好過呢間鳴門多多聲！！人地放題快靚正，鳴門慢,cheap,廢！！12點40分，再次要求比落單總，諗住再食多一兩輪。 12點53分，第一輪叫的炸物終於到了！真心吊！！炸物無特別，係少油嘅，但真係好耐好耐！之後，約1點3,4 左右，食物先開始加速上，其實我個肚已經飲飲品飲到飽，食主食食到飽，等到食唔落！！最後，要讚的是收錢準時及快，5分鐘搞掂，泊車唔過兩個鐘。(BTW無泊車優惠，不過唔係重點）。總括而言，係食無靚景嘅環境，食物質素中下，上食物速度快，服務態度一般，唯一好處是飽肚，因為一肚氣！ 我未試過食嘢要食到出咁差嘅評語，真心無下次！！…查看更多