Keroppa的个人专页

樓下新開一個月既甜品店，終於有機會試下啦～ 早前睇Facebook 既朋友仔評論係伏字一個。今晚膽粗粗落黎試下，甜品店最多數會有既紅豆沙，抱著一個冇期望既心態去試。點知...果皮紅豆沙真係有果皮味：諗住補下身就加左桃膠，但桃膠就似冰凍桂花糕仲要得一粒；紅豆沙就稀左少少但總算有紅豆香味，由於價錢比較貴所以整體而言，勉強算是可以合格，新開張快要一個月，食物味道還有好多進步空間。果皮紅豆沙 $28桃膠另加 $12…查看更多

路過觀塘道，諗住輕輕鬆鬆行去見客，點知突然落大雨，於是乎去左哩間茶餐廳食下野等停雨。由於哩排食得熱氣野多，所以炸野都係少食為妙，結果點左一個香茅豬扒食。當收到之後我真係長智識，香茅豬扒冇香茅，變左炸豬扒。餐廳既姐姐話我知，佢地既香茅豬扒就係炸豬扒，我當堂呆左，不過佢地服務態度真係好好，即時幫我換成普通豬扒，我亦都費事姐姐難做，所以都冇追究。味道一般，起碼唔難食，今次我真係長知識啦…查看更多

下雨天出門總會帶點兒不快，今天決定食一頓好的午餐。可能今天是下雨天、這兒沒太多人坐，於是我們可以選擇平日沒機會坐的高櫈。安頓好後，我們看看餐牌，價錢加了不少，以前食過的鮮茄豬扒飯亦都消失了。我們分別選擇雞扒蓮藕飯及豬扒飯。豬扒飯的豬扒過份乾，好難𡁻，沒有以前的水準雞扒蓮藕飯的雞扒沒有像以前一樣那麼趣，蓮藕沒有以前那麼重蓮藕味小插曲：在等餐期間我們要求一杯熱水，但給我們的是暖水，給我們道歉後，在我背後補聲「摺」，好差的態度。此店員的道歉態度有好大進步空間總結是價錢貴左、食物差左、服務亦差左，以後未必會再去…查看更多

平時經過商務買書都會去哩買腐皮卷食，但係次次都凍冰冰唔好食今次放假試下佢地個下午茶先，喺門口見啲炒野好平，都唔洗30蚊碟，同老婆食啦。由於平日關係，哩度人唔算多，我見冇咩人，求其坐算啦，不過侍應再三提醒如果多人就要搭枱，哩一點我稍為覺得煩左少少。:(哩度好得意既，無論餐牌或一張類似點心紙既野我地都冇準備比我地睇，但係又冇筆比我地填，要我地主動問先有，哩度佢地要改善下啦。:(黎到哩度，我除左叫炒野之外，梗係叫啲平日喺茶樓唔可以食既野啦。等左大約20分鐘到，我見人唔多，同埋隔離枱啲點心都上左啦，點解我地仲未有呢～ 同埋我地已經好肚餓啦，於是乎忍唔住問啦，如是者總共等左大約25分鐘，實在太耐啦。 由於小弟有海鮮敏感，正常茶樓根本食唔到燒賣，今次喺度下次一嚐久違既味道！哩粒燒賣如果係茶樓既燒賣既話，哩粒係大大粒燒賣。 當然唔少得魚翅海鮮餃啦干炒三絲河，炒河其實都預左多油，但係冇諗過啲油仲多過干炒牛河，個人覺得唔應該喺哩啲咁多老人家去既地方，仲放咁多油。裡紅金菰炆米哩個比干炒三絲河少油之餘，仲好味過佢，份量亦都比預期多，味道有少少似喺茶餐廳食既炆米煎南瓜餅，味道一般，需要幾大力先可以廝開。…查看更多

今日路過佐敦諗住求求其其食個快飯，點知地鐵站附近都冇野岩食。行下行下就行到黎寶哥火煱隔離既維多利茶餐廳。入到去諗住啲侍應會好似其他咁叫人坐迫啲，點知唔係，佢地話一陣安排卡位比我坐，態度一流。由於我入黎嗰陣已經揀好左，所以唔需要等太耐既時菜排骨飯，味道只可以話正常，但係排骨就好似煮耐左啲，但我就係鍾意哩個質感…查看更多

結婚週年紀念飯哩個雞年真係黑仔，但幾經辛苦終於出院啦，為左可以早啲同老婆過結婚紀念日，就一於去佢工作附近食西餐啦～ 喺OpenRice 左搵右搵，搵到哩間法國餐廳。去到門口，估唔到咁少人，心諗大獲啦，冇後備餐廳添，lunch hour 都咁少人，實唔掂啦，老婆話是但啦，食個環境都好丫，如是者我地入去叫左兩個餐。頭盆我揀左洋蔥忌廉磨菇湯，老婆就揀左雜菜沙律個湯比起我平時飲既忌廉有分別，所以對我黎講係比較新鮮，可惜我飲唔到有少少既洋蔥味喺等主菜其間，可能我地坐得近厨房啦，聽到入面好似教緊新人，不停講哩度做左點點點之後，點比客食丫～ 心諗我地啲野唔通全部都係出自新人？！如是者不知不覺等左都半個鐘啦，可能真係新人整比我地，我地見隔離都係上左菜冇幾耐，其間侍應都冇咩點招呼下大家，哩一點佢地要改善下啦。好啦～ 主角黎啦，首先係我老婆既澳洲肉眼牛扒，好鬼大件～ 味道一般如果啲薯條就仲正，可惜佢地話冇飯、冇薯條、冇意粉，大佬咩餐廳黎架乜都冇，最失望係哩點輪到我個豬扒啦首先個擺盆幾好，整到好似好多咁，啲汁亦都好夾豬扒，幾好食，但係我唔飽呢，同埋以我所知咁樣一齊炒，火力會唔均衡，味道上會打左折扣。埋單兩位$304, 哩個價錢食法國餐，算係咁啦…查看更多

每逢星期一, 個個打工仔都會患有所謂既假期症群(個名亂作架, 冇架) 又或者叫 Blue Monday, 因為放完假就又要番工嘛. 可能係因為哩排睇左ViuTV 既素食節目, 都想學人過下Green Monday 既素食生活, 但係今日星期三, 幾經爭札, 都係試下啦, 今朝既早餐已經開始食全部都係菜既通粉啦, 下晝係最難諗, 冇理由又食菜, 仲要食白飯架嘛, 於是乎捉埋同事陪我癲, 一齊去食素!! 環顧公司附近, 第一間有得食, 但係好貴 (原來食素仲貴過平時食飯架 = = ). 好彩哩個世界有Openrice 收集咁多食肆既資料,  比我搵到又平又近既素食餐廳, 於是乎我地膽粗粗第一次食個Lunch 都係食齋. 由公司過黎海防道都係5-8分鐘腳程, 非常近, 上到去喬妃齋, 望落去好似滿晒, 但係其實有7-8成滿, O係門口等左一陣就安排到2個位比我地坐, 坐低之後睇睇個餐牌, 嘩~ 連星洲炒米都有, 其實同平時Lunch 既分別唔係好大咋喎..  坐左一陣, o係哩度做既姐姐, 拎左茶壺黎, 唔通哩度要收茶錢?! 問完之後, 原來唔係, 佢地當水比我地飲既啫~!! 跟住又隔左陣, 拎左兩碗湯過黎, 飲落去唔似有味精, 又幾好飲終於我地既野黎到啦~ 分別係.. 福建炒飯 葡汁四蔬飯作為為食既我, 我梗係用個碗仔強槍同事既仔野食啦XDD 兩個飯完全同茶餐廳食既分別不大, 只係茶廳係有肉, 哩度既肉, 用菇代替! 咁樣加強左我對素食既信心! 結論哩度除左加強左我同埋同事仔對食齋意欲之外, 亦都可以享受久違既無味精湯, 價錢兩個埋單仲唔收茶錢, 都係92 蚊, 仲平過O係公司樓下食, O係尖沙咀食飯, 哩個價錢算係咁啦~ …查看更多

是日星期二, 平時極少機會可以Lunch Hours 過黎佐敦同老婆撐下枱腳,  原先諗住帶佢去食牛扒, 點知佢想食泰國野... 心諗天時暑熱, Lunch 食泰國野, 實出汗, 唔好啦掛... 因為泰國野一定冇得揀走辣架啦~!! 於是乎, 抱住陪食既心態食.. 每一間泰國餐廳都會放泰式神像O係度, 但係哩一間只係放左兩個餐牌比人睇, 又開O係佐敦, 應該都唔係正宗既泰國菜架啦 (今次應該唔洗食辣啦)當打開個門口之後, 都係見到個女神像O係度, 咁即係話, 牆身都有泰式擺設, 似乎餐廳應該都會幾"辣", 但係又聞唔到好強烈既辣味, 好奇怪. 由於樓下坐滿晒, 侍應叫我地行上去坐, 點知上到去都位坐, 又要行番落黎, 之後仲問我地仲乜落番黎, 有啲安排失當, 於是乎我地O係門外等左15分鐘先可以同人搭檯坐 (冇計, 鬼叫係PEAK Hour 黎)時間無多, 仲要趕番公司快啲叫野食先~ !! 我地就叫左兩個餐, 一個係普通既海南雞飯, 一個係咖哩文咖哩豬頸肉飯由於我貪心, 所以我同老婆share 個飯黎食, 可以一邊食黃色既薑飯嘛XD海南雞飯, 啲雞肉肥美, 竟然食唔到雪藏味, 啲飯我食唔出有薑既味道, 唔通啲黃色飯唔係黃薑飯?! 由於時間既關係, 我冇咁多時間搵餐廳考究輪到文咖哩豬頸肉飯啦, 一啲都唔辣, 岩晒我唔好辣既人食, 啲豬頸肉煎過, 所以啲汁會有少少油總結埋單兩個人都唔洗$110, 又有驚喜 (快得黎又有水準)…查看更多

今日星期六接老婆放工, 原先諗住打邊爐大刷一番, 點知見到佢先知.. 原來仲未收得工, 唯有O係附近食餐快飯啦 今次黎到大家食.. 環境同其他分店一樣.. 分別不大.. 唔知係唔係因為人手關係, 清潔程度比較好.. 但係座位略嫌迫左少少老婆選左酸菜生滾牛肉麵+炸雞翼連一杯凍豆漿炸雞翼相對好味, 而且油量較少..豆漿黃豆味唔重正正常常既牛肉, 但係略嫌滾得耐左, 令到肉質鮮味冇左輪到我既村村住家鍋麵, 見到咁大個鍋, 咁大個仔都係第一次用鍋食, 都叫做特色食物, 份量唔多, 刀削麵有質感, 但係味精太重.. 試唔到味道埋單兩個人84蚊.. 可能我食唔飽, 所以覺得貴左少少…查看更多

今日假期梗係瞓到好晏啦，但係又唔想0係屋企煮，於是乎我地就決定出街食brunch !!黎到大約1:15pm，諗住兩個人等會快啲，點知等左差唔多半個鐘先有位，仲慢過人地等4人位坐低後我地點左4碟野，就好快有得食。食物質素肉眼扒略為生左少少Pizza 可能係口味問題，覺得芝士重手左意粉配蜆，係今餐最好食既一碟價錢包埋飲品經濟實惠…查看更多