Hellos_everyone的个人专页

好耐冇嚟過新都會，發現開咗好多新舖頭，呢間門面一睇落去就覺得好有文青feel，店員都喺門口招徠，一眼望去有幾個吉位。由於我哋已經食飽飯，所以入去只係食個甜品，圖片上見到呢個榴槤甜品好吸引，就叫咗兩份。🥄榴槤甘露果凍碗呢個碗唔係好企得穩，搖搖晃晃好似一駕船咁，上面嘅裝飾係細個喺酒樓見到嘅遮仔☔️，小朋友見到應該幾鍾意。呢碗甜品充滿左榴槤嘅香味，但係見唔到榴槤果肉，裏面有好大舊啫喱，食半碗已經有啲飽。如果有榴槤果肉食到就好啦。😂…查看更多

講起壽司郎，一定會諗起「排隊」，而且係排好耐，仲要唔可以食飯時間排，唔係就一定食唔切，但係，今次只係排咗半個鐘！實在太感動！呢間位於新都會嘅壽司郎，門口都有足夠位置俾你企喺度等。我哋拎左飛之後周圍行吓街，半個鐘頭後返去，就到我哋啦！唔知係咪太耐冇食，唔記得咗Menu有咩選擇，發現可以選擇嘅項目有啲少，不過百幾蚊又食飽，都可以嘅😁…查看更多

呢間越南餐廳已經喺荃灣開咗好耐，就喺千色匯一樓，一上電梯就到啦。好肚餓，求其叫咗一碗生牛肉湯粉呢碗粉賣相唔錯嘅，味道都好夠，有啲味精味，牛肉份量可以，下午茶嚟講，係夠食既，不過啲牛肉稍為韌咗啲，咁啱我食呢碗每一塊有筋，唔建議冇牙嘅人食啦。另外，價錢相宜，一碗粉，份量足夠，仲送一杯熱飲，都係講緊$53。下次試吓其他餸…查看更多

每日要諗食乜，真係好煩呀😂😂去到銅鑼灣，有一間舖頭我會encore ，就係呢間三田製麵所。叫咗個魚介沾麵+好鹹超重口味就係我要食沾麵嘅精髓溏心蛋又香又滑叉燒夠嫩炸雞就係純雞味😂😂炸粉好薄可能係佢唯一優點😂呢間係我暫時覺得最好食嘅沾麵，去銅鑼灣我一定會食今次帶埋同事一齊黎，佢第一次食都覺得唔錯，可能佢都係重口味人士😂沾麵大中細份量係同價，唔洗浪費食物 有加一🤔算係正常拉麵價錢？齋食麵都夠飽下次黎再試下其他味道先～…查看更多

一人燒肉，顧名思義就係一條友都可以食嘅燒肉，不過你都可以帶埋一家大細過嚟一齊食。呢間位於綠楊坊2樓嘅一人燒肉地方算係好寬敞，工作人員都多，所以上菜速度都快。今晚同左老公嚟食，佢話未試過一人燒肉，食完佢都舉起兩隻手指公👍👍我哋叫咗個二人套餐，三百幾蚊，份量夠晒，我嗰份仲食唔晒添強烈推薦嘅醬汁有兩個： BBQ醬汁+蒜味醬汁記得個火🔥唔好開太大，啲油脂滴落去會有火花。雖然佢有限時食一個鐘，但其實呢個份量，我哋食完都唔使一個鐘，仲可以坐一陣消化下再走。…查看更多

荃灣真係好多好嘢食，行去路德圍或者海壩街，都要揀好耐餐廳。今晚就揀咗食台灣嘢，成個月冇食過。❣️芝士肉鬆蛋餅餅皮係用手抓餅，好重芝士味，好好味呀🫶🫶❣️麻油雞套餐，湯底偏鹹，夠晒重口味，啱晒我😂啲肉已經煮到爛晒，就嚟到入口即化嘅地步，阿婆冇牙都食到👍❣️藥膳排骨湯麵湯底偏甜，我覺得好食過麻油雞，可能係口味問題😂肉都係煮到爛，無牙都食得。仲有一個腐乳醬，唔太理解點解咁配😂♦️整體來講份量足✔️味道唔錯✔️價錢合理✔️…查看更多

食開米線或拉麵既我，今日突然戚起條筋想食西餐！上Openrice點指兵兵，就呢間啦！呢個係龍蝦湯蟹肉蟹籽墨汁意粉，龍蝦汁好濃郁，呢個份量男仔可能會唔夠食。呢個係牛油果雞肉沙律，清新既感覺，食完上面濃味既野，再食呢個，好似幫你「朗口」咁不過D青菜唔係咁啱我口味重頭戲！提拉米蘇Pancake！超鐘意食pancake既我，都算係食過唔少餐廳既pancake，呢個中規中矩，冇閃失，食得下三樣嘢Total 💰47X如果兩個人食，建議叫多個主食，一個意粉真係唔多夠飽。…查看更多

早排喺另一間分店食左lunch set，今次都係因為貪方便食左佢既下午茶。大概下午5:30食既，仲係下午茶時段，抵過lunch set，但都係偏貴架相對其他下午茶黎講！乾炒牛河💰60送熱飲呢個乾炒牛河都算大碟，而且牛肉都多，所以食完可以當dinner咁，而且用下午茶既價錢，如果鍾意呢間餐廳既話，真係可以呢個時段黎食飲品方面，叫左熱既薏米水，一黎唔洗加錢，二黎懶係養生咁阿嘛。佢杯薏米水有薑絲，其實係幾好味，不過冇影相。挑剔小小講句：有D唔夠鑊氣，牛肉偏韌。…查看更多

一嚟到深水埗，就好想喺啲細舖頭食碗雲吞麵+炸兩，再加多碟混醬腸粉！不過今日既路程第一間見到既係川味，而我本人都好鍾意食呢類米線，諗都冇諗就衝左入去試下味啦！餐牌上好多秘制XX，講到咁一定要試下啦！就黎個秘制撈米線！我叫左小辣，D辣醬就喺碗邊，如果唔撈，就唔辣。我發現其實小小已經好夠D炸醬好夠味，有鹹有辣，雞絲唔會太韌吞唔落，D墨魚丸亦唔會太粉，整體評價唔算太高，但係都食得下！…查看更多

錦麗系我鍾意既越南餐廳之一，每個月都會食一兩次，唔知點解，有種說不出的原因。但奈何荷包有D承受唔住，唔係既話可能每個星期都會食一次一個人食就食簡單D啦，如果多人食就會叫埋炒通菜、小食之類。呢個係蝦+扎肉既撈檬，我每次係出面食撈檬，返到屋企就會肚痾，但係呢間唔會，我估係因為D汁係同碟嘢一齊上，而肚痾果D係一早放係張枱度好耐既….呢個檬粉係凍食，大熱天時真係啱曬。蝦🦐係爽口既。最後兩個字：好味😋完。…查看更多

得一個鐘頭食lunch既時候一定要搵間快靚正，最好唔洗等位，一隻手就可以食完既飯。仲唔係你！門口見到餐牌大大隻寫住午餐優惠，裏面環境靚，座位寬敞舒適，真係考慮多一秒就係對時間唔尊重。食完先黎睇食評，見到D人食🦀️架Wo，但係我地得一個鐘，又窮既打工仔，真係食lunchset就算啦，所以我叫左個炸雞排炒飯。真係就呢個飯而言，我想比負評既，因為得幾塊肉，食完係好冇充實感，但係又咁講，呢個餐廳應該都貴貴地，而呢個飯先收你幾十蚊，仲想點雕花？拿拿聲食完開工啦不如…查看更多

呢間餐廳座落於鐵路站連接既奧海城商場，並且大家想去巴士站時都必經呢間餐廳落去，就喺連接天橋既轉彎位。地理位置十分優良。今日係同幾個朋友一齊黎食lunch，我搭鐵，佢地搭巴士，咁呢間舖自然就係中間位啦。入去係完全唔洗等位架，因為地方都夠大，而且冇乜人等。我叫左一個鰻魚炒飯，作為一個重口味人士，個人認為係偏淡既，唔係好食得出有鹹味，同埋肉唔太多，食完都唔係太充實既感覺。飲品方面，叫左熱既薏米水，諗住大熱天時去下濕，覺得都唔錯，料都多，但係要加10蚊。整體黎講，呢間餐廳都偏貴。…查看更多

本人熱愛雲南米線的程度不亞於吃拉麵，每天基本上不是在吃米線，就是在吃拉麵的路上。今次來到TST工作，路過一間雲南米線，門口有數人排隊，心想這一定是一間很好吃的米線！等了一會兒，終於可以入座，先說地板黏答答的，不是很大問題，畢竟人流量很大，工作人員也忙不過來可以理解的。主要說這個米線，可能是很有店舖特色，味道跟我在荃灣/旺角/天水圍吃的雲南米線很不一樣，不是太合我個人口味，偏鹹。我和朋友叫了兩個相似的湯底，不同辣度。賣相是和其他店舖的大同小異，看上去很有食慾的，但是味道不太合我口味。…查看更多

今時今日，好難搵到一間平嘅日本菜，點知今日就搵到啦呢間舖頭位於油麻地地鐵站附近，都算容易搵！雖然鋪面唔算好大呀，但真係好彩唔洗等位，拿拿聲醫肚先！🫣賣相係幾好架，不過我影得一般，同埋太香啦！令到我食左少少先記得影一坐低就叫左佢既招牌卡邦尼烏冬，七十幾蚊咋，D烏冬上面應該仲用火槍燒香左，好特別我仲叫左炸軟殼蟹，食落脆卜卜架，都只係五十幾蚊，係市區來講真係好平民價㗎！總括黎講，呢餐都好滿意，雖然唔貴，但係有水準…查看更多

我有一個食盡香港拉麵舖嘅夢想行過北角匯見到呢間拉麵店，就入咗去試吓。叫咗一個叉燒拉麵同一個沾麵。如圖所示，份量係少既，但係細食嘅女仔應該係夠飽，而我係大食嘅女仔，就唔夠飽啦。呢兩款面湯底都10分濃郁，即係好鹹，但係我食拉麵就係要重口味，唔係既話我不如去食湯米粉，所以佢係啱我口味㗎我覺得佢個特色係嗰條好長嘅腸仔，呢條腸仔我建議大家要分幾次食，千祈唔好喺店入邊表演吞劍。🫡🫡突然想講吓個糖心蛋，拉麵嗰半隻出色過沾麵嗰半隻總括而言，都唔錯…查看更多