anna119的个人专页

難得入嚟元朗，前一日已經係咁搵元朗有咩好食，屋企人話想食呢間五星級燒味，雖然口講同意，但內心深處諗燒味可以有幾巴閉姐。。。去到嗌咗食神叉燒飯，雙拼飯叉燒跟滷鴨，要一碗湯同埋嘢飲，湯係冬瓜薏米淡菜湯，好飲嘅，但係份量好少，一個碗裝得半碗湯🥲 滷鴨非常嫩口，邊食邊諗點解可以入味得來咁嫩滑，但最緊要都係叉燒。原來叉燒真係可以咁好食，周星馳講嘅黯然銷魂飯原來係真的，肥瘦適中，燶邊位好味到冇計，食得出肉質係好嘅肉，口感脆嫩，覺得活咗咁耐第一次真正認識叉燒🥺。…查看更多

食一間賣意粉嘅餐廳，要試佢嘅功夫，我覺得一定要試卡邦尼意粉，唔好味嘅話下次都唔使嚟。嚟到個賣相都幾靚，唔乾，會掛汁 (呢點好緊要) 唯一係有少少淡，餐枱上冇鹽同埋胡椒。如果有配埋沙律同埋湯嘅話，一餐會均衡少少同埋再滿足啲。呢個價錢性價比都算幾好，食完女仔會飽肚，同埋佢都算早開，11點就有意粉食，街坊街里可以一試，之前下逆市開舖嘅小店。…查看更多

作為街坊，平時行經過都見到呢間係好少人，之前都覺得佢有啲慘，以為真係疫情搞到咁，但原來真係大伏。wfh快快手近近地終於食第一次，兩個人叫咗牛肉石頭鍋飯，同埋豆腐海鮮辣湯麵。其實石頭鍋飯真係好易整，係有少少工序，就係將啲嘢切晒佢，逐樣菜用麻油調味料炒炒佢，但係佢啲菜(冬菇，豆芽，菠菜)一係用水烚，一係沙律咁樣生落(紅蘿蔔)，牛肉得三大件鞋口到吞唔落。成碗飯嘅調味料就係靠韓國辣椒醬。大佬呀，咁樣我喺屋企自己整都得啦，專登落嚟食頹食，連埋嘢飲成為$61。豆腐海鮮辣湯麵，公道說話佢都有啲蝦，青口同埋蜆，咁我都冇預過佢嘅味道會似正宗韓國食到嘅海鮮辣麵咁，但係佢浸味仲差過自己係屋企煮辛辣麵，凄凄慘慘戚戚，冇嘢飲都要$56。因為為咗健康，依家一日得一餐係正常主餐，為咗呢啲咁嘅嘢食，浪費我一日嘅quota，講真真係好嬲。誠心建議外面風大雨大，老闆留返兩個錢宅袋。…查看更多

作為一個韓國菜既話 佢唔好食 作為一個香港菜 佢都一樣好難食😷 完全俾d好評呃左去 d好評既同學其實可以搭遠小小車出城去食下野 或者會明白多d咩叫做"好 食"。我諗我屋企煮都好食d 辣豆腐湯唔辣 剩用味精同辣椒油調味 飲完要狂灌水 仲要overpriced 最好食既我諗就係紫菜卷(我六歲第一道料理都係紫菜包飯卷卷多謝)  我諗唯一尼間野做到生意係因為屯門冇競爭對手 各位想創業既諗諗佢 ps: 平時係openrice做開cd-rom 但今次真係食得好傷心 我未試過俾錢食d咁難食既野😓…查看更多