han11960的个人专页

之前試過甜味嘅，揀左Nutella。口感似冷糕與格餅之間，個底幾脆，外脆內軟，但要快食，好快腍。今次試咸味雞肉，個皮係油炸，食到一半有啲膩。見食評話有醬點，我今次買就冇。入面個餡好家常味，肉加蛋加蔥咁。建議食甜味多啲。…查看更多

仙草紫米三色芋圓 $42第一次食，味道一般。openrice食評吹奏得太勁，而且睇返menu加價加得好快。42蚊又吾係大碗，覺得份量吾多。可能要試下特色茶味芋圓，三色比較普通。糖水食過一次就夠。唯一讚係店員細心，會抹返碗邊，吾洗你整污糟手。…查看更多

下午茶吉列豬扒蕃茄米線 $50凍柚子蜜 +$3出嚟做野之後就冇再食過啦，蕃滿門係讀書時嘅回憶。因為好耐冇食，又見只剩返1間分店，所以襯仲係度就過黎食下。 以前都係揀炒蛋，今次就試下雙重芝士。個湯底仲係同以前一樣味，因為揀左芝士，食到一半比芝士奶味中和左啲蕃茄酸。個人中意酸多啲，有下次會揀返炒蛋。btw真係勁多芝士😂 好啱中意食芝士嘅人。（件豬係自己切嘅）吉列豬排就正常，炸得吾錯，啲肉質啱啱好吾會乾。有啲菜同沙律醬墊底，有菜食下都幾好。睇返個menu都係下午茶最抵食，吉列豬排size下午茶嚟講算適中，碗米線都算大碗。食完個餐真係好夠飽！同埋值得贊嘅係出餐同抹枱職員係分開嘅，比人感覺到衛生👍下再有機會會再食！…查看更多

$30 焦糖伯爵奶茶味 雞蛋仔之前都幫襯過，味道係唔差嘅而且外脆內軟，所以經過再幫襯，想試下其他味。有位長頭髮，手指有紋身嘅女店員，本來係負責整雞蛋仔，我排隊比錢佢就收錢。原本以為佢會抹下手或者戴返手套，點知乜都冇做轉頭就整雞蛋仔。 其實整都冇問題，問題係包裝雞蛋仔個部份，佢伸隻手入個包裝袋，整返漲個袋再放雞蛋仔。其實見到佢收完錢嘅時候都已經覺得污漕，之後仲見到佢用枱布抹台。🤮🤮見雞蛋仔整好左攞得嘅時候，都唔知食好定吾食好。完全係食埋細菌落肚，點知佢張紙幣有冇跌過落地下或者其他地方，張檯布係咪乾淨。我見其他職員都有帶手套，唯獨係呢位女職員沒有。唔知佢職員定老闆娘啦，再好食以後都唔會再幫襯！😡…查看更多

Oreo青檸 $12冇影到相，賣相唔錯，上面有Oreo碎。中間夾左青檸味嘅cream，微微酸味，吾太甜。食嘅時候啲cream會爆漿咁流出黎，有流心效果。雖然oreo同檸味吾算夾，但整體吾錯。玫瑰青檸蛋糕 $34.2 個日買有9折，原價38呢個都有影到相，上面4粒大青提加咀喱，中間係似cream cheese咁嘅味，底下蛋糕都算軟熟。整體不過不失，味道都吾錯，但價錢太貴。岩燒芝士？ 牛角包 $12呢個味道就一般，但勝在賣相ok。總括而言，呢間麵包店質素不錯。食過南瓜酥同紫薯酥，仲有凍櫃入面嘅布丁燒同牛奶布丁都ok。…查看更多

叫左咖哩撈烏冬配魚蛋同燒賣，味道係唔錯嘅，咖哩汁辣辣地，最後食到啲甜味，不過就麻麻地咖哩有甜味。魚旦就係一般嘅陳皮魚蛋，反而個燒賣好好味，真係食到有魚肉嘅味，質地都彈牙，好好味。撈麵轉烏冬30蚊，烏冬嘅質地都幾彈牙，但成個餐就30蚊有啲貴而且細份，細食嘅女仔都吾名夠飽。加左串魷魚，15蚊。成個餐45，性價比一般。建議加啲錢食個正餐。…查看更多

諗住富亨冇咩野好食，樣樣都食過哂。咁啱見到有新menu，3款炒烏冬，諗住未食過，都可以試下。本來抱住試伏心態，點知都吾算太伏，35蚊都算係咁。 味道方面，咸左啲。可能我平時食得清淡，第一啖已經咸，應該係用冇調過味嘅一般咸豉油去炒。同埋有啲油，不過都明白烏冬係要多油少先吾痴住。好彩落左好多椰菜，可以中和返少少咸，雞絲都吾算少。不過對我黎講實在咸左啲，下次未必會再食，可能會揀返xo醬。建議啲豉油可以調下味，或者落少啲，因為食完個底仲有好多汁。…查看更多

有日見到原來有布丁燒，12蚊。外表平平無期，但食落有驚喜，好抵食，而且味道不錯。見到仲有啲幾靚幾蛋糕，每逢節日仲有應節食品，以後會繼續支持！ 平時有買開牛角包，都吾錯…查看更多

啱啱開張果時有幫襯過，啲燒豬肋骨好好味，燒到啲肉喺離骨嘅。但最近兩次幫襯，明顯差左好多，啲肉吾離骨，仲有啲難咬，連肉質都冇之前咁好。有啲失望，想食返以前嘅水準。…查看更多

今日試咗個古法肉燥雞翼拌台式麵，失望至極，豬肉好肥，而且個醬汁好少完全唔夠撈成個麵，令到成個味道好淡，要返去自己加料，而且個醬汁嘅味道係甜嘅，顏色係橙色，同幅圖既賣相完全差好遠，唔係我預期嘅味道。而且成盒麵裏面得兩隻雞翼，雞翼嘅調味唔夠，剩係得表皮個炸皮有味，雞翼入邊啲肉唔係好夠入味， 雞翼應該唔係好新鮮，咬開入面有好多黑色瘀血。個麵就中規中矩，粗麵黎，個麵煮得夠係好熱。整體而言，真係不可一不可再。…查看更多

2點個陣買左下午茶外賣，海南雞飯加碗仔翅，盛為40蚊。等左成半個鐘先有個餐，本來等都吾喺問題，食個陣發現個餐吾夠熱，懷疑畢起左有一段時間。講返食物質素，個海南雞飯令人勁失望。好耐之前食過係油飯黎，今次竟然係白飯！！個雞係咁易淋左啲甜豉油，成個根本係白切雞飯，吾係海南雞，啲肉好難！！！ 吾知係冇油飯定點，用白飯同切雞扮海南雞飯。碗仔翅一般，仲要得3分2碗，份量少得可憐。40蚊一啲都吾值。平時都有幫襯開，今次好失望兼趕客。…查看更多

巨蜂波波冰 $38內有寒天同蘆薈粒粒，上面一層係巨蜂口味嘅沙冰，味道略甜，應該係巨蜂口味嘅甜水，沒有新鮮生果嘅味道，整體一般。店舖主打應該係茶底嘅野飲，下次有機會會試埋。同埋，女店員幾有禮貌…查看更多

買左三樣炸物，椒鹽雞粒，酥炸魷魚圈，忌廉蟹肉薯餅。椒鹽雞粒 大 $48買左大份嘅椒鹽雞粒，但係份量好少，大約15粒左右。個size都係偏細粒，有幾粒好多肥肉，炸漿算正常。調味係OK嘅，啲雞肉吾會太乾，但唔似係台式椒鹽嘅感覺。呢個價錢黎講吾太抵，中意啖啖肉嘅，食返豪大大香香雞好過。酥炸魷魚圈 $25 有6件，但係麻麻地，因為炸得太燶，個粉漿有苦味。可能因為當時店員教緊一位新人所以炸燶左。忌廉蟹肉薯餅 $25有3件，隻味一般，但裡面個餡幾滑嘅。可能呢間係茶飲店，炸物好似係聯承個間360炸雞？ 啲炸物一般，都吾怪得佢嘅。有機會下次會試埋啲野飲。…查看更多

晚餐就叫左外賣，蔥油豬排飯同中式牛柳併白飯。蔥油猪排飯就一直有食開，每次上面比左好多蔥，啲蔥好好味同好脆，連一向吾太中意食蔥嘅我都覺得啲蔥好好食啊，係豬排飯嘅靈魂。今次第一次試中式牛柳，啲汁就正常發揮，一般都係酸酸甜甜，值得讚嘅係啲牛柳熟得啱啱好，夠冧。而重點係第一次見中式牛柳配蕃薯？ 通常食開係配三色椒，但佢係配炸左嘅蕃薯條，估吾到沾滿中式牛柳汁嘅炸蕃薯條配飯係咁夾！！！可能平時都仲意食炸蕃薯條，今次晚餐好有驚喜。 …查看更多

買左焗飯外賣，感覺店員衛生意識麻麻，open kitchen真係咩都睇到哂，做下樣都要啦。 焗飯上面嘅芝士，店員冇帶手套直接攞都算，但有位肥肥地嘅店員用紙巾抹汗同抹鼻之後，冇洗手就拎飯盒蓋包盒飯，睇到都吾想食。 冇特別咩應該都未必再光顧。…查看更多