carollamyf的个人专页

九龍城新發現，原來除咗食泰國菜之外仲有其他選擇⋯⋯韓國菜。哩間只做外賣不設堂食嘅韓國舖頭叫Mami cook by Kim’s Korean Food Store。舖頭唔係好大，直入店內放置個雪櫃擺放店主自己醃製嘅韓國前菜（類似韓國街買緊嗰啲）有泡菜，蘿蔔粒，蘿蔔絲，菠菜，小薯仔，炒蘑菇，堅果魚仔，辣青瓜粒，生醃八爪魚，生醃魷魚，芽菜，蛋捲......。雪櫃旁邊擺放紫菜飯卷。我第一次試唔敢買好多，只係買咗泡菜，蘿蔔絲，蛋捲，兩條紫菜飯卷，泡菜豆腐湯，泡菜煎餅，甜辣炸雞。由於好多外賣，落單後都要等30分鐘（好食都值得等👍🏻）由於佢係自家製，食物唔會太過濃味，我食過韓國街啲泡菜，太濃味，食完都會覺得好口渴，哩度吾會，我覺得好好味。甜辣炸雞好入味，一盒有15件，我都忍唔住一個人食咗五件😋。價錢唔貴👍🏻下次可以試其他嘢食…查看更多

今日假期同阿媽去試哩間新開既素食店，11:30開始午市自助餐第一輪。我11:15已經到門口見到有十幾個人等緊，諗住一定有水準，點知……錯晒！！入到食店，店員話自己喜歡坐邊都得，我當然坐食物前排既枱，方便老人家攞食物。當攞飲品時水機未開，攞雪榚時，雪榚未整，蒸飽和燒賣凍既，甜品暖既，沙律吧未開保鮮紙，食完六七隻碟無人收。如果人手吾夠我仲可以理解，但我見到阿姐係我枱前行來行去都吾收碟……。希望佢哋如果午市要做兩場，頭埸叫D職員早D準備啦！…查看更多

做咗咁耐會員，今次都係第一次寫食評，全因哩間食店"金潮軒"。昨晚一行十人去大圍哩間新店"金潮軒"做節，我到達時見到店內已經滿坐，好在我已經一早訂咗枱，到步吾使等就可以入坐。新店雖然吾係好大，全店十多張枱，都坐得好舒適，食物亦有水準(如相片一樣，有水準的 正宗潮洲菜，尤其是鹵水鵝)，服務人員友善友禮，最值班一讚。我已經約咗屋企人今個星期試吓D潮洲點心，試完再同大家分享。…查看更多