or#tm68120624的个人专页

放學突然想食麻辣燙，發現呢間之前冇留意過決定一試，首先入到去完全唔知點餐紙喺邊，原來用風水擺設壓住咗，都唔知掂唔掂得。全店只有一個講普通話嘅姨姨，完全不知所謂，錢唔識收，又計錯哂啲數，客人糾正仲要俾佢大聲鬧返轉頭，明明係佢自己錯😓如果處理唔到咁多選擇嘅菜單，不如堂食轉用手機落單？ 價錢一般，貴過食譚仔。。。店舖衛生都好令人懷疑，個姨姨竟然可以徒手拎住我一陣要食嘅牛丸，令一隻手同我收錢，成件事好raw完全接受唔到。最後講返味道，真係好一般，同普通煮個出前一丁差唔多，仲要一路食一路聽個姨姨同之後每一個客人鬧交，唔知講咩好😅😅神奇體驗…查看更多

平時好忙，難得有時間出嚟同朋友食飯，喺尖沙咀鬧市見到呢間居酒屋，見佢裝修比較日本風，就入咗去食嘢。要咗兩個lunch set，叫完野食d 野食漏哂單，跟餐d 小食又漏上，賣晒唔講是但擺低第二d野要再問先知，年輕女店員仲要唔知d野食係邊枱嗌，拎到過嚟先求其拎一兜問係咪我嘅。最慘係唔計服務態度，野食都係好差。牛舌冇牛味，口感與其話似牛舌比較似牛腩。個飯無啦啦加d中華沙律喺上面，啲汁多到成個飯變咗綠色，食慾都冇埋，應該一世都唔會再黎。…查看更多