早輪响fb見d人狂po隻太陽蛋，話係份子甜品，無幾耐新假期都出埋！見佢幾得意咁，果日出開九龍城咪試吓。間野叫「笑甜甜」，响南角道，我地一行4人，嗌左4樣野share: 早晨全餐就係果個份子太陽蛋、拉麵蛋糕、情迷焦糖、同心太軟。個太陽蛋一出，我地全部忍唔住嗌左出黎！真係真嘅一樣，好鬼馬！個蛋黃一切落去竟然會爆醬
，係芒果汁！個蛋白就係意式奶凍，一酸一甜配得幾好味。
佢地另一個鬼馬甜品係拉麵蛋糕，梗係要試啦。一樣做到超似！拉麵其實係栗子蛋糕，下面仲有層吉士，個湯係檸茶凍，仲有三粒泡芙扮章魚小丸子。做型非常抵死，不過味道偏甜，好在有個檸茶凍中和吓。。
驚佢地淨係得個樣，點知另外個窩夫同心太軟都好穩陣！ 窩夫外脆內軟，好香蛋味！心太軟呢，好食過好多餐廳，衰在太細，如果大件d仲正！今次冇中計！會再返黎試吓其他野。:)…查看更多
，係芒果汁！個蛋白就係意式奶凍，一酸一甜配得幾好味。佢地另一個鬼馬甜品係拉麵蛋糕，梗係要試啦。一樣做到超似！拉麵其實係栗子蛋糕，下面仲有層吉士，個湯係檸茶凍，仲有三粒泡芙扮章魚小丸子。做型非常抵死，不過味道偏甜，好在有個檸茶凍中和吓。。驚佢地淨係得個樣，點知另外個窩夫同心太軟都好穩陣！ 窩夫外脆內軟，好香蛋味！心太軟呢，好食過好多餐廳，衰在太細，如果大件d仲正！今次冇中計！會再返黎試吓其他野。:)…查看更多
