fv01的个人专页

第一次去幫襯係食下午茶，叫左豬扒飽+熱奶茶，豬扒飽唔錯，見到塊豬扒都好juicy，飽入面加左d自己調較過既千島醬，雖然我唔鍾意食千島醬，但幾覺得幾有心思。另外同屋企人去師傅仔食晚飯，叫左三個小菜。第一個係啫啫通菜，原本係淨通菜，但伙計話加牛肉或者鮮魷都係一樣價錢，我地就點左鮮魷。上菜時用煲仔，好有穫氣，通菜都保持翠綠。第二個係咸檸蒸烏頭，我自己鍾意食烏頭，所以覺得條魚好好味最後係茄子牛仔骨，同樣用煲仔上，上菜時又係好大煙，但都係好好味。仲有我地係呢度食過一次早餐，轉埋凍飲都係$24，幾抵食。總括黎講呢間餐廳如果保持水準，係願意再去幫襯！…查看更多

之前係某團購網站用$12就可以買到共$40的coupon，好抵呀，有日出到旺角就買左幾個返屋企食，分別有原味吉士泡芙、綠茶泡芙同可可曲奇泡芙。吉士泡芙既吉士入面可以見到一粒粒既雲呢拿籽，食落都幾滑，但就唔算好香。可可曲奇泡芙裡其實都係吉士餡，另外有cream係入面。比較鍾意既係綠茶泡芙，裡面係普通既忌廉餡，但外面既綠茶粉有少少苦味，反而幾鍾意。…查看更多

N年冇黎過食pizza hut喇，因為下午茶都幾貴，今次就破例黎食一次。冇叫到套餐，散叫左一個普通批，另外可以用半價叫多兩款小食。我地叫左超級至尊芝心批，材料有意式香腸、火腿、辣肉腸、五香肉粒、免治牛肉、蘑菇、洋蔥、青椒、菠蘿、黑橄欖。整體味道唔錯，不過食到意式香腸就會覺得鹹左少少。第一款小食係煙肉菠蘿芝士酥，望落其實就係屋企都整得到既小食，比較特別就係佢有兩種芝士，不過係邊兩種我就唔係好識。下次如果搞派對，呢款小食可以列入考慮之列。另外一款就係芝士白汁焗西蘭花，旁邊圍左薯蓉，入面除左白汁西蘭花，仲加入切細粒既烚蛋，其實幾好味，怪就怪在西蘭花既texture，唔似爽脆，唔似腍身，而係介乎兩者之間，唔知係個西蘭花唔新鮮定係有特別處理方法！？食一次pizza hut已經覺得好滯好溜，有排都唔會再食住lu......…查看更多

差唔多下午三點幾時餓餓地，於是去就近既大家樂買下午茶想食豬扒包，就order左豬扒包+熱奶茶少奶($19)。餐牌上寫住話要等5-8分鐘，但等左幾分鐘就有。豬扒包係用豬仔包，入面得豬扒同洋蔥，塊豬扒當然唔會厚得去邊，但味道都唔錯呀。平時飲熱奶茶都係少奶同唔落糖，但呢杯少奶既，茶味都幾澀下，加左奶都唔覺有奶味雖然係咁，因為個豬扒包幾好食，我都比個:)佢喇。…查看更多

而家返工，日日都要出街食，今次就跟同事一齊到始創既和民。去到店方話煤氣爐壞左，所以唔可以點鐵板餐，就只可以點冷麵、魚生飯等等。我就點左炸豬扒定食($52)，會跟麵豉湯、沙律。特別既地方就係會有個小型gas爐熱住份豬扒，而且要自己打蛋。味道食起來唔係話太好味，中規中矩喇~最搞笑係同事點既冷麵，係遲豬扒定食十幾分鐘先送上。最後埋單仲要加一，差唔多$60，好貴下，希望同事之後都唔好揀呢間食lunch喇:(…查看更多

夏天梗係飲番杯冰凍飲品，係又一城行到攰攰地，諗緊去Pacific Coffee定Starebucks，今次就去Starbucks喇。見到有人飲抹茶忌廉星冰樂，望落幾吸引喎。少少苦味既抹茶，不過加埋cream就好滑，可能有碎冰既關係，飲到底有少少淡味，但整體唔錯!!…查看更多

mummy有coupon，3個人7折，睇過佢集團下咁多間，呢間濠餐廳既評價似乎唔錯，所以就試下。去到沙田火車站下既小巴站就有接駁巴士，good!12點鐘去到，我地係最早個批，環境比較靜，但都唔錯。我地安排左係向樓個邊既枱，如果下次再黎會試下訂向河個邊，雖然只係城門河，但視野會廣闊d嘛!價錢唔太貴既buffet，食物當然唔會太多元化，但都有基本既魚生壽司、印度咖哩、燒烤、車仔麵、熱食等等。三文魚，都唔差整pizza既，不過係佢整好切好哂一件件，個批底係薄既，但味道唔錯。呢個counter旁邊有一個迷你蝦肉/雞肉漢堡，就真係唔錯呀，我覺得蝦堡好味d~燒烤物，呢個麻麻地，唔多夠味，其中有一個燒羊脾，唔知係咪食中舊脂肪，勁騷，如果再食羊脾我會識得先切走舊脂肪就冇咁騷喇!食下沙律菜清一清有咖哩牛、雞(?)同薯仔，唔錯。右下角就係件pizza!甜品都唔算太多款，不過都有blueberry cheese cake、tiramisu、麵包布丁等，仲有一個甜品櫃，有木糠布甸、芒果布甸、椰汁糕等等，淨係試左木糠布甸，唔會一味得個甜，合格!最正就有movenpick雪糕，個日有6款口味: 朱古力、tiramisu、士多啤梨、士多啤梨奶酪、焦糖、榛子，每隻味都好正，我最鍾意朱古力同tiramusi(好香酒味)原價$238未加一，有70% coupon黎食都食得過架!…查看更多

今次係第一次食froyo，聽得多d人話好好味，行過加連威老道見到有Crumbs喎，擇日不如撞日，試下佢~星期六買$32/杯裝有crumbs送，加埋oreo碎同綠茶糯米滋，咁我覺得佢隻froyo酸酸地都ok，不過就冇想像中咁好味，如果$32的話我會選擇食雪糕。…查看更多

因為西菁街個邊比較遠，好少去個頭食野，原來個度都開左好多餐廳，其中一間就係CK Legend。12點半左右去到，有張窗口位既枱，nice! set lunch大約都係$45-60，還可以吧。order左兩set同媽媽一齊食。首先上既係南瓜忌廉湯，個度每次都係得一款湯供應，我唔係太好忌廉湯，不過佢既款湯南瓜味ok濃，不錯。媽媽order既係白菌汁雞脾仔配薯菜，佢個度好多汁都係忌廉汁黎既，見到有頗多既菌，雞脾仔都幾入味，薯角就好好味。我既係香橙忌廉汁龍脷柳配意粉，個汁幾重香橙味，少少甜唔會酸，龍脷柳都唔錯，媽媽話白菌汁配意粉好食d。個度d食物唔會好大份，熱飲細細杯，不過見到隔離枱既凍飲就幾大杯下，加多$12可以有豆腐mousse cake，不過冇試到。埋單走人個陣差唔多1點半，見到都有唔少人等位，睇黎都有班捧場客。…查看更多

上個月見到有promotion，唔係太貴就買盒試下，買呢款係因為見佢味道唔會太古靈精怪。有五款味道，首先係柚子乳酪，食到少少柚子皮(?)，味道幾清。蘋果乳酪，同柚子味差唔多，都係清清地。薰衣草藍莓，不嬲覺得薰衣草味麻麻地，所以覺得呢款係5款之中最麻麻。蛋黃白荳蓉，傳統味道都唔會差得去邊，最穩陣既味道。最後係黑芝麻松子，個人覺得最好味，可能我自己鍾意食芝麻味既野，黑芝麻同松子都幾香。…查看更多

第一次係度寫食評，多多指教。因為屋企冇人煮飯，就同細妹出街食，本身諗住去Oliva，不過見呢間未食過就試下，仲近屋企添~我地七點未到就入去，燈光都未較暗，我地坐左最入面個張枱。我地order左兩個set dinner，首先有餐包，佢d牛油自己加左野，應該係蒜蓉同香草:)餐湯都不錯。主菜黎喇，我個份係豬扒拼吉列帶子意粉配什菌汁($56)，豬扒好味，不過韌左少少，不過意粉加埋個汁就好好味。細妹既豬仔骨拼吉列魚柳配什菌汁+法式焗薯($62)，呢份黎到個陣就覺得好正，豬仔骨好香bbq味，魚柳都好脆。焗薯creamy，仲有一粒粒應該係煙肉。餐茶夠大杯，不過我杯檸茶唔夠茶味。下次有機會會試埋lunch，睇落都唔錯，又唔算太貴。…查看更多