魚柳Bell Chan的个人专页

朋友話係日本試過幾好食 所以就特登係香港食多次環境唔錯 坐位算闊 坐得幾舒服 lunch time 時間竟然只係坐左1/3人左右 冇乜客 所以都唔洗點等位雖然冇乜客 但係啲如果要落單等等搵侍應既話都要等一陣 唔知佢地聽唔到定點拉麵價錢唔係話特別平或貴 係可接受既價錢加$1x或者$2x就可以有款小食同野飲但加替玉都只係要加$2 比出面平另外 味道略鹹 無論係赤定係白 都係鹹左少少 要瘋狂飲水先沖得淡個鹹味餐廳有茶供應 雖然茶冇乜茶味但其實冇乜所謂…查看更多

有一日經過葵涌廣場 見都幾多人排隊上網search 完又好似幾出名咁 就排隊買左碗黎試下芋圓就不過不失啦 同其他舖頭唔係話有好大既分別 係幾有咬口咁另外個椰汁西米露(好似係?)幾好食30幾蚊咁大碗都抵食既有樣幾體貼既野 雖然聽落好普通如果你地想食暖或者熱既芋圓佢地係唔會介意幫你整熱or整暖佢但係可能就要等一陣另外 餐具係自己拎既 幾方便食客 如果想試下就要早啲 因為宜間舖頭係定量供應 買哂就會關舖 所以去到買哂自己想食既就唔好話店主啦…查看更多

叫左個鰻魚飯，拉麵，炒雜菜同一件cheesecake 黎食對我黎講 成餐飯最好食既係件cheesecake 其次係炒雜菜-.-首先講下碗飯 幾多錢就唔太記得啦但價錢同分量就一定一定唔成正比碗飯細到一個大人四五啖就食得哂 而且仲要勁乾 汁好少 好難入口可能係因為冇乜汁調味 所以味道都好一般其次再講下碗麵 碗麵食落無乜特別 但係味道好鹹 雖然未鹹到放唔到落口 但係食得太多你會開始唔想食宜間餐廳有檸檬水供應 如果係menu揀唔落飲咩既話 飲檸檬水都係一個好好既選擇…查看更多

本身食吉野家宜類連鎖食肆就唔需要特登寫個食評既 但係宜間吉野家水準真係同其他分店相差好多 所以要寫一寫如果係荃灣想食吉野家不如行遠少少去荃灣地鐵站隔離個間食 雖然人會多少少 但係食物水平比起愉景宜間就好多我食既係邊爐 啲食物唔好味 同其他分店係有少少分別 佢唔係難食 但你係會食得出同平時食開既係有少少分別而且環境好焗好熱 當成間舖頭既人都打緊邊爐個陣 你會feel到好似抖唔到氣咁 唯一優點可能係佢用電磁爐唔係用火去打邊爐相對上啲湯會快滾好多 唔洗等咁耐 有小朋友都會安全啲…查看更多

叫左個麻辣手撕雞冷刀削麵轉紅薯粉黎食 $49無野飲 價錢就不過不失啦但係味道方面就真係好普通首先 麻辣係唔辣既 味道好普通第二 碗麵好濟 你食完之後你會feel到你係濟而唔係飽 可能係佢落得太多醬第三 碗麵好油 食到最後啲油多到 要用筷子將匙羹啲餸痴住既油壓返出黎第四 啲枱其實都幾污糟唔知啲員工有冇特別去抹過 第五 野食等左好耐 唔知係咪冷刀削麵要整耐啲 我同朋友等左四五個字先有野食 第六 唔知算唔算缺點如果想食手削既刀削麵可以唔洗黎試因為佢係用機削既…查看更多

記得中學個陣放lunch宜間舖一定大排長龍見grad左咁耐就特登返黎試下我就叫左碟咖哩煎雞排同茉香奶茶(好似係)野食同飲品好明顯同之前有分別唯一唔變既可能係飲品走冰都係唔滿首先 我去食個陣大約係7pm 個意粉係凍既 好明顯係煮定放左好耐第二 成碟野好好好油 唔知點解第三 味道好普通 已經冇幾年前既水準 又或者咁講 冇宜家啲人講到咁好食佢有樣幾好既就係 飲品方面有好多唔同既選擇 唔係只係得奶茶檸水檸茶宜啲大路野但係 印象中有啲飲品都係麻麻既 中學中過幾次伏😂…查看更多

普通珍珠奶茶奶綠大約20蚊一杯其實就唔貴但係就真係唔值我叫左杯碧璽白玉奶綠 落order個陣叫走冰 佢話唔得 只可以微冰 咁冇所謂既微冰都ok點知杯野出到黎啲冰仲多過我個fd個杯全冰 咁都算 可能佢忙唔記得左姐到味道 真係好好好普通 只係有少少少既綠茶味 第一啖已經feel到好水同好淡行左5-10分鐘左右 就已經變左飲水咁款 飲到頂唔順 飲淨一半就掉左仲有舖頭個到 真係好焗 好似冇乜空氣咁企左係門口等奶茶等左5分鐘左右已經feel到好焗 如果真係有興趣試 買左行開少少等會舒服好多…查看更多

好多食評都話好好食 見有時間就去試下味道冇啲人講到咁好 而且好多人排隊 尤其係繁忙時間 入面冇得坐 堂食要立食 宜個都係其中一個特色黎但去到繁忙時間 有啲人就要拎住碗等有枱既人食完 成間舖就好多人而且lunch time 好多人 夏天排隊已經排到出哂汗好處就係價錢夠平同埋粉既量有得揀粉既量有大中細揀 有分別唔同價錢 食少啲就比少啲 唔似某啲連鎖舖頭咁 少啲粉都只係減$1一個細粉加2個餸都係29蚊 性價比高普通一個女仔細粉加2-3個餸已經好飽…查看更多

前排朋友生日 佢係facebook見到雅軒推薦宜間之後 我同佢就走左去試 點知發現係伏中之伏 雖然生日正日有八八折但係一啲都唔抵入到去坐底 張枱唔單止好污糟 仲要係痴粒粒到野食方面 選擇已經少 有幾款仲要無得供應 而且質素仲好差刺身黎講三文魚同蝦係最正常 鮑魚片偏咸但可入口立魚象拔蚌鮮柱貝簡直係唔知想點 口感同味道都奇奇怪怪尤其係鮮柱貝 佢地口感就好似食緊熟既瑤柱 完全冇入口即溶既感覺仲有 送刺身過黎個陣 啲冰已經溶緊 食到一半啲冰已經溶得7788壽司平平無奇 冇乜味小食方面 我地叫左螺肉同八爪魚 佢地竟然將2個小食放埋係同一隻碗到...我都唔知係咪正常 最少其他放題唔會咁條片個雅軒仲講到好正好好味 不試不可咁 真係信一成都唔得結論 真係無下次…查看更多

午市放題$188一位 另收加一 可以由12點食到3點 但無論幾點去都係食到3點完一入到去 雖然已經大約2點 但係依然坐滿人一坐低就叫左啲刺身炸物等等黎食刺身黎講 三文魚，劍魚腩同北海道帶子好新鮮好正 值得叫多幾次 其他刺身就比較普通 同埋宜間舖頭係冇吞拿魚刺身既 吞拿魚愛好者黎食既話可能要失望了壽司軍艦等等味道不過不失 同埋佢個size頗大 所以唔建議一開始就叫宜類食物燒物黎講 帆立貝同鰻魚唔錯 但雞翼麻麻 好硬去到炸物 得芝麻雞翼叫得過 一口芝士太膩 吉列炸蠔唔似食緊蠔另外 可能唔夠人手 所以會有錯單同漏單既情況出現…查看更多

間舖頭既位置係商場一個好入好入既位置 唔熟德福真係都幾難搵到舖面唔大但坐得幾舒服 成間舖好似得兩個定唔知三個員工 執野整野送野好似都係得佢地 所以等野食等得有啲耐mos burger一向都好好味 今次都唔例外 keep到水準 成個包都整得好好味唯一有少少唔滿意既係 塊肉新鮮煎所以仲有餘溫 熱唔緊要 但佢上面塊蕃茄係有啲凍 唔係室溫個種 一層熱一層凍就令我覺得有啲奇怪但整體黎講 無論係味道定係食材新唔新鮮，宜個質素完全對得住個價錢…查看更多

餐廳環境唔係太好 可能本身人手唔多 再加上多左個送餐服務 所以有好多空枱都有上手食完既盤係到 無人執 另外 唔知係咪啲員工太忙 所以啲枱抹得唔乾淨 有少少痴笠笠 宜間麥當勞有幾部自助點餐機 係繁忙時間係幾幫到手 好快就點到餐 但係去到拎餐個到都係要等一段時間 可能啲員工忙中有錯 所以送錯左野飲比我地 當我要求換個陣佢都冇黑面或者拒絕 反而同送餐黎個陣一樣微微笑同好有禮貌 仲好快幫我換左薯條既份量比較少 比起平時非繁忙時間去食係少左啲…查看更多

好日都唔落一次荃灣西 咁岩去開 就去食以前中學成日食既紅薯粉仲記得第一次食個陣只係$16,$17一碗粉(未加餸) 宜家已有升到去$22,$23一碗 雖然價錢就升左 但都仲係咁抵食 而味道都仲keep到水準 中午入去食 一入到去 有一半位都係附近中學既學生 本身啲位已經有啲窄 因為繁忙時間去食 所以就更加逼 而且因爲天氣熱 所以店主就將個冷氣開到好大 好凍 最唔滿意既就係 個冷氣係咁滴水 滴到我個袋濕哂 但係又全場滿座 無得轉位 唯有食快少少快啲走…查看更多

同好耐無見既朋友見面 唔知食咩好就揀左吉野家價錢平 只係$67一鍋 食夠$120仲有得免費加大汽水 兩人一齊食既話係幾抵 但係就有少少地方唔係幾滿意晚餐時間去所以排隊耐要等位就一早預左但係除左我份牛肉好似擺左係室溫好耐咁之外 佢地仲比少左一份肥牛出去counter追 佢地又話冇貨 話遲啲比 但等到食完走個陣都未見過份肥牛既出現但整體黎講 味道係唔差既 尤其係濃湯湯底 真係好正 啲菜吸哂啲濃湯真係好好味 另外個份量都夠 就算我朋友少左份肥牛佢都夠飽 唯一美中不足就真係甩左份牛…查看更多