lonenan的個人專頁

粉嶺都食到永年嘅車仔麵，仲要係喺聯和市場入邊，連啲裝修同打卡位都好襯呢個以前嘅街市！我最鍾意就係食招牌麵，唔使諗，全部餸都啱我口味，大推白蘿蔔，煮得入味又冇渣！佢哋嘅豬紅都係Juicy又嫩滑～大家嗌咖喱嘅時候都要小心，中辣咖喱都幾勁，好彩我嗌咗杯紅豆奶茶冰，超多紅豆，奶茶香滑。佢嘅自選面都有好多料可以揀，朋友仔大贊冬菇夠腍又夠味，魷魚鬚爽口彈牙，魚腐牛丸等都係唔錯！我通常都嗌河粉，因為佢哋嘅河粉係又薄又順滑，口感非常好～加多碟蠔油生菜，食到超滿足…查看更多

見到Oliver's Super Sandwiches有「Eat to Fit」健康餐單💡🥗，好吸引～ 我哋試咗兩款： 🍋 希臘式檸檬薑黃燒雞低碳米炒飯 味道微酸😋，幾開胃，炒飯唔會太油✨，燒雞肉質唔錯🐔👌 小朋友都肯食🍚，仲食咗大半碟👶～ 🍄 香濃草飼牛骨四重蘑菇濃湯 蘑菇味突出🍄，湯入面有唔少蘑菇粒，飲落有口感😍 一碗份量夠飽🥣，飲完都飽飽哋💕 見到餐廳同「酮福堂」合作🤝，有個角落賣健康小食🍪🍬 ，曲奇、太妃糖同雪花酥，仲有兩款生酮麵包，隨時可以醫肚⏰☕ 今次試嘅「Eat to Fit」健康餐都幾有驚喜🎉！原來健康嘢都可以咁好味😋，唔會淡茂茂💦，大人＆小朋友食得幾開心👶💖 …查看更多

去啟德體育園附近玩，梗係要搵啲嘢食，飽飽先返屋企～～我哋就去咗零售館嘅 🛑 Red House 🛑 度食中菜，幾啱一家大細食！幾度我哋最鍾意嘅菜式係⋯小朋友最鍾意就係「鮮鳳梨生炒骨」🍍，生炒骨炸到外脆內Juicy，酸酸甜甜最開胃。必食「紅樓脆腩仔」🐷，聽聞好快就會賣晒，夠腩仔燒到個皮超脆，食到卜卜聲！又半肥瘦嘅肉就又香口，一人一件真係唔夠喉🥹「北京烤片皮鴨」🦆都係必食之選，片得好靚，包住哈密瓜、青瓜等配菜，可以解去片皮鴨嘅油膩感，我哋每人都食咗幾件啦～如果你鍾意食小籠包，可以試埋「鮮拆蟹粉小籠包」🦀，蟹粉味濃郁，一咬爆汁好有驚喜😍其他嘢食都唔錯，下次再去啟德玩嘅話，可以再食！…查看更多

原隻龍蝦天婦羅蓋飯🦞，中賣相一流😍，仲外脆內嫩，龍蝦肉彈牙鮮味，配搭多款蔬菜天婦羅🥦🍆，色彩繽紛，口感好，每一口都係享受！再嚟就係［特上三文魚蓋飯］ 🐟，加咗極上北海道海膽同松葉蟹肉🦀，真係海鮮盛宴！吞拿魚腩經過炙燒，香氣四溢口感滑嫩，令人一試難忘😋～有多款食法，我鍾意加上熱騰騰嘅鯛魚湯🤍配上柚子皮🍊，味道更加升華，清新感~［宮崎五A5和牛鐵板燒定食］都係心水選擇😋😋😋 和牛雪花勻稱，入口溶化，滿滿幸福感🥰🥰🥰。…查看更多

新店好闊落，牆壁上仲有各式糖水嘅畫，好有文青風格～🤎桑寄生蓮子蛋茶每年春天我都飲，因為有祛濕功效。源記呢碗桑寄生蓮子茶，甜而不漏，隻雞蛋超入味，蓮子完全冇苦澀，口感綿綿，唔會好實。💛清蛋糕傳統以懷舊嘅做法，只用雞蛋、糖及麵粉，無家人組織素，食落清香，記得趁熱食🤍自家製蘿蔔糕厚切香煎，有臘腸及蝦米，仲可以食到一粒粒嘅白蘿蔔，口感不錯🧡炸雞全翼鍾意食小食嘅必食！炸到皮脆肉嫩，內裏Juicy，用咗秘方醃製好夠味！…查看更多

周圍都係熊貓🐼🐼，連下午茶都有🐼陪伴！前幾日同好朋友就嘆咗二人下午茶「新春熊貓 茶韻套餐」，有精緻嘅茶點🫖，菜式名夠意頭❣️又有得意可愛嘅熊貓襯托🐼，過咗悠閒滿足嘅時光！🩷 養生桂圓紅棗茶非常甜蜜蜜＆滋潤，見到好多桂圓＆紅棗，煲咗好耐，好夠味🥰 仲好大壺，每人都可以添飲～小食有🧡 鮑您發財 - 鮑魚酥💛 合家平安 - 合桃酥❤️ 鴻運當頭 - 紅棗糕💛 傳統茶樓點心（蝦餃＆燒賣）🧡 經典炸鮮奶鮑魚酥酥皮tart酥脆，配埋多汁鮑魚口味豐富。合桃酥酥脆可口，唔會好油膩。紅棗糕煙煙韌韌，有淡淡紅棗香甜～炸鮮奶炸得不錯，外面金黃色，夠脆，內裡牛奶香滑軟嫩，口感豐富！…查看更多

一圈9️⃣款牛肉上枱，4️⃣人份量，小朋友都嘩嘩聲🤣，好有氣派，圍住個爐，燒都方便啲～各款牛牛🐄部位，由偏淡味嘅牛舌芯到濃郁味嘅壺漬牛助條排列，記得跟次序食，愈食愈正🤤！小朋友比較鍾意和牛赤身，肉質較柔軟。我就最鍾意極黑和牛，色澤好靚，肉質紮實，牛味濃郁！另外壺漬牛助條都好入味，仲好彈牙😋。令到小朋友嘩嘩聲嘅，仲有 #和牛壽喜燒🔥，店員用火槍即燒，睇住和牛又生變熟，小朋友食會燒啲，大人果份就生啲，配埋黑松露蛋醬汁，超級 juicy ，撈飯一流！紫菜月見飯💜 非常大碗，滿瀉嘅紫菜又咸又脆，撈埋金黃色嘅生蛋黃，滿口香滑～蔥香月見飯💚都好特別，蔥 + 洋蔥粒舖滿飯，少少辛辣，但好清新，可以減去牛脂嘅油膩感。除咗牛，柚子漬雞肉山🧡都唔錯，淡淡柚子味，雞肉嫩滑又大件，可以剪開燒就比較易知熟透未～食燒肉點少得飲品🥤！水果茶、香水檸檬百香果梳打🍋等等，都大大杯，好 fresh 😍…查看更多

點了主食＆甜品分享，🧡 All Day Breakfast，好豐富，滿滿一碟。蛋可以選擇炒蛋、太陽蛋或玉子！玉子好好食，鬆軟又香甜，陣陣蛋香。竹炭包鬆軟，煙肉夠脆，仲有磨菇🍄、蕃茄仔🍅、香腸等等。乳酪偏杰夠酸，正好中和煎炸物嘅油膩感。沙律菜新鮮，用酸醋調味好開胃。🩵 富士山小蛋糕真心靚，有外表有內涵，乳酪奶凍做雪，抹茶慕絲做山，朱古力海綿蛋糕做底，有不同口感＆味道，要細味品嚐。伴碟有白玉、蕨餅＆紅豆，加添和風味。🧡 抹茶柚子梳打，上枱時兩層色好靚，飲落好 fresh，抹茶會慢慢沉澱，好靚😍。濃郁抹茶香之中有淡淡柚子酸甜，估唔到兩者咁夾，非常好飲🤭…查看更多

買 3 送 1 原味鮮奶油炸三文治，梗係即試～有甜有咸，當正餐或甜品都可以😋。全部都係三角型口袋，即炸嘅三文治🥪金黃酥脆，包住滿滿材料，好可愛～❤️ 士多啤梨果醬：鮮奶油香甜幼滑，忌廉輕盈得來又保留口感，士多啤梨微酸，配酥脆三文治袋，口感＆味道都好豐富🧡 日式照燒：有漢堡扒＆煎蛋＆生菜，醬汁濃郁惹味，做午餐 perfect～💛 激辛！芝士咖啡肉醬：滿到漏嘅肉醬，香噴噴！濃郁又有微辣，仲有陣陣炙燒過嘅芝士香氣，做晚餐非常飽肚＆滿足…查看更多

第一次食日式撈麵，原來咁好食😋～ 覺得啲麵條好食，煙韌有咬口，但小朋友都食到，好有質感，又掛到汁！食撈麵掛汁好重要😉。DINO Kids套餐有兩款：炸雞件🐔外脆內嫩，豚肉厚切美味～ 好多紫菜碎、蔥碎，好香！隻蛋又好靚😍 全部撈勻食，兩兄弟一人 KO 一碗😋😋仲有甜品海鹽雪糕🍧，咸咸甜甜又有濃郁奶香，啱晒夏天降溫😌。我就食招牌 #原味東京撈麵 ，一個麵有4重食法，おいしい～ 辣肉碎 + 溫泉蛋 + 大量蔥＆紫菜，仲有生蒜＆魚粉，先戳蛋撈勻食，麵條變得香滑，由於配料都係味重味，所以整碗都偏濃味，鍾意清淡嘅要注意😉，食落有層次感，好多味道都慢慢出黎。食咗1/3就加黑胡椒，提升香氣。最後1/3就加秘制香醋，酸酸地好醒胃，好鐘意呢種清新。最後仲可以問侍應拎白飯，撈埋啲醬汁清碗，味道豐富😋😋！配杯 #伊勢宇治抹茶🍵，減退飽飽的感覺😆！ …查看更多

點估到，行家電＆家俱店，入面竟然有間 #隱世餐廳，可以真正親身試下指定煮食用具🔥就係📍德國寶 Fashion Walk 旗艦店入面嘅 Happy Kitchen Café & Bar🍽️，雖然遲咗，但仲食到父親節餐《食肉獸「爸」皇餐》😆！係一個四人韓燒套餐，超豐富😋。有多款靚牛肉🐮、豬腩肉🐷等，仲有生菜🥬可以包肉食；最特別係可以 DIY 炒飯＆梳乎厘🥞，邊食邊玩，小朋友都食多咗嘢🤭…查看更多

已經食過好多次 t-cafe 早餐，今次專登影啲相分享😋。牛扒勁大件！煎到剛剛好，咬到又唔會太熟，調味唔錯，濃郁牛味。配菜多選擇，腸仔都有兩款選，我今日配紐倫堡腸。牛油多士唔求其，烘過所以香脆。太陽蛋都煎得好靚。農家米粉係勁好食，今日轉通粉底，可以索埋啲湯😆。非常足料嘅農家，冬菇🍄‍🟫、大粒蝦米🦐、木耳絲、炸菜，全部份量都多，好香，口感又豐富，仲比較健康。😀😀熱奶茶☕都好飲，奶滑茶香，有回甘。…查看更多

好抵玩🥹！只要每人嗌個餐，就可以玩全，係勁抵嘅親子餐廳😍～小朋友自行盡情放電，大人就傾下計、食下嘢😌，美好嘅一日❣️ 兒童餐都幾款選擇，小朋友食waffle + 乳酪，澄兄就有肉醬意粉 + 魚手指 + 粟米 + 啫喱，好豐富，佢話好味道😋～魚手指都炸得香脆，入面唔會好乾，粟米太多牛油，但就好香。大人就食西冷牛扒配薯菜🥩＆法式燒汁西班牙豬鞍排，兩樣都煎得幾好，好 juicy 唔會太乾，好食！ 個人覺得豬鞍排比牛扒更高性價比場內有親子洗手間＆育嬰室，衛生乾淨。…查看更多

試咗幾間餐廳😋，寫幾間鍾意嘅🩷 Chicken Chiko個 Chiko Combo Box 好抵食，係韓式三餸飯😆 ，可隨心選擇烤豬肉炒飯、泡菜炒飯、韓式炒粉絲，韓式炸雞、年糕、煎餅、豬扒等。推薦韓式炸雞🐔，外脆內 juicy，個酸甜醬汁好惹味～～想健康啲就食辣炒雞肉拌飯 (542 Kcal)，烤雞肉質鮮嫩多汁，配多款蔬菜，低卡又滋味～仲可自由加上韓式祕製辣椒醬🌶️，更開胃😋💛 八彩銅鍋米線Food Court 都有酸菜魚，真心正！生魚片又厚又鮮味，金湯湯底酸而不辣，加上酸菜等配料，口感＆味道都好豐富！🩵 沖繩二段料理甜品首選沖繩海鹽焦糖雪糕冬甩🍩，即叫即炸嘅招牌冬甩麻糬外脆內軟，配上雲尼拿雪糕🍦，一冰一熱，非常過癮！記得沾啲自家製沖繩海鹽焦糖醬，濃厚焦糖香甜中淡淡海鹽微鹹，絕對要獨食一份嘅甜品！唔可以同人分享😝佢嘅溫泉蛋柚子肉味噌蒸飯 (420 Kcal) 有驚喜！一試難忘😍！溫泉蛋半熟黏稠嘅口感 + 清新柚子香 + 咸味噌肉粒，一碗飯有相當豐富嘅味道，柚子仲可以中和味噌肉粒嘅油膩感。下次一定會再嗌❣️…查看更多

一班朋友入馬灣玩，喺沙灘旁搵到間餐廳，小朋友可以玩沙，大人可以食嘢，唔錯小朋友有兒童餐，幾款都唔錯，我試咗呀仔嘅雞肉漢堡包，係雞胸肉，唔會太乾，有啲肉汁，配埋蕃茄＆菠蘿，係幾好食。小朋友＆大人 pizza 都好食，餅底好香脆！兒童餐個雜菜湯好好飲！好足料，酸酸地，有啲菜嘅甜，唔似罐頭湯😆。大人飲咗啲 mocktail，好靚好啱打卡。 嗌咗啲小食，炸生蠔＆炸雞都炸得幾好，脆卜卜唔會好油。下次黎馬灣會再選擇呢間餐廳…查看更多