JAries的个人专页

喺Poly自己一個放lunch唔知食乜好，行下行下揾到呢間日本野。反正諗唔到食乜，見價錢唔貴就行入去試吓🤔原本想叫鹽燒油甘魚鮫定食，可惜我1點半先落到去，已經賣晒，唯有叫過第二樣😢最後叫咗個豚肉生薑燒定食，都係$88又有沙律，又有前菜，份量又唔算太細🍱佢前菜係一個蒜嘅漬物，唔食蒜嘅我都試一粒，唔重蒜味，爽爽地幾好食好鍾意食油揚嘅我，一打開個味噌湯就見到布滿油揚😍超開心🤤見到好多串燒嘅款式又有酒，十足日本居酒屋嘅feel，I miss 日本🇯🇵😭可以搵晚放工嚟試吓🍢🍶…查看更多

訂咗枱，嚟到話未有位要等等，等咗15分鐘見到有人walk in入座又有位，咁我book嚟做乜。打算問幾時有位，望到我又擰轉面走，真係無下次。大家睇路啦！！！事後仲要一個電話都無！！！…查看更多

住附近就諗住俾多次機會la，佢第一日就d雞係生嘅，都算la，話晒都係第一日，未熟手。第二次就食米線，唔會話特別好食囉今日先過份，叫條豉汁倉魚姐，叫完行去威記ok，再行翻去，都用左10分鐘。翻到去見到另一個客都叫倉魚，我就繼續等啦。後尾個侍應就同佢講無倉魚，我就梗係問佢啦，仲話我有倉魚，最後果條。再等多15分鐘，另一個客都攞得，我都未有，就梗係嘈，一嘈就話我無倉魚。叫我轉黃花魚，明明黃花平過倉魚，佢後尾俾2條我條氣先順d，下次寧願行遠d，行過去d時間都喺度…查看更多

雖然路程好遠，但係好似世外桃源咁，好寧靜，好舒服店員介紹墨魚刺身，開頭我都驚好易肚痛，不過又幾好食，又鮮甜畢竟都係新鮮即叫即剖不過我都係中意食佢個景多過佢個墨魚刺身…查看更多

正宗希臘沙律，明明就偏咸，一食落出…曄~好酸囉唔係真事呀，仲話正宗希臘沙律，仲要收我55蚊細細盒？我去對面ok便利食唔好？仲平添，又差唔多咁大份我當佢沙律係遷就港人口味，所以偏酸。啲串燒肉…唔知點整，唔洗2分鐘燒好，但係豬肉就乾過澳門豬肉乾，牛肉就韌到以為食緊橡根，雞肉就爛晒咁。佢地到底之前係咪已經煮熟左，燒2下扮即燒？杯野飲就收20蚊，不過又多冰又細杯，我去隔離歇腳亭買珍珠奶茶唔好？最大鑊係大個着背心嘅女人嚟煩，唔靚果下先想死唉，我有生之年都應該唔會再去…查看更多