eflourhand的个人专页

第一次幫襯…叫三餸，菜得三條..鴨血三小塊…$48咁做生意…重要我幫襯時完全唔多客，只有我一個在等，無可能係多單太亂或者唔小心…真係太差，只有粉絲一樣ok,但好似無餸咁……查看更多

荃灣大鴻輝有好多火鍋餐廳，之前分別食過兩間都係放題形式，呢間第一次試，我覺得呢間既環境係坐得最舒服，空間夠，唔會想行出去拎野都好困難。我同朋友平日夜晚食，好多人等位，好彩我地唔駛等好耐。呢間野同之前試過果兩間既最大分別係湯底，佢既選擇好多，一共十六款，我地揀左藥膳湯雖然個湯底睇落好似唔多料，但個湯底味道好足，可以話係我食過既放題火鍋裡面，個湯底係最正既間餐廳另一個特別之處係用電話掃二維碼入佢地個網度點菜，咁樣就唔駛成日都要叫人行埋黎收單，十分方便，而且重可以睇得返點左咩，方便查返有無漏叫。一開始，睇完成個菜單，以為點解無菜？原來唔係無，只係自取，而且重要超多選擇同所有菜都好新鮮好靚，我就食左三轉菜調味料都有好多選擇呢碟係每枱都有既小菜，開開胃等你食多d呢個黑松露手打墨魚滑，本身我諗住，咁樣樣加黑松露在面，一落水就散，但原來唔會的，黑松露仍然會痴住，咁就真係食到d黑松露豬肺咁冷門既野都有手打孜然雞丸，我個人喜歡孜然粉，所以呢個丸我喜歡八吋長蟹腳棒，即係超長既蟹柳，蟹柳fans必食野飲方面有幾個大雪櫃，基本試都滿足到我，但想飲啤酒既朋友就可能失望，因為啤酒係要另外收費，但都係正常收費一罐或一杯十幾至廿幾蚊左右食到最後一定要食甜品先會完滿，呢度就有大大部機比你整哈蜜瓜軟雪糕或者原味乳酪，味道唔錯總括，我會覺得如果想坐得舒服，傾到計，注重湯底同好需要食大量新鮮菜既人，黎呢度係完全正確，食物質素及選擇都對得起價錢…查看更多

同朋友在通菜街覓食，一行入巷仔就見到呢間台灣野，望上去樓梯見到有好靚既壁畫，忍唔住停低影左幾張相。既然在人地店門前影左咁耐，我地就入埋去試下佢既野食如何餐廳唔算大，但坐得都舒服，當日我地大概夜晚七點，都唔駛等位，但我地食食下，發現差不多七點半就開始full哂，平日夜晚生意都幾好。呢個滷肉飯，我地都覺得份量好足，呢個價錢有咁大碗飯同埋都足料滷肉入味同夠淋，比好多台式餐廳既滷肉飯好食同抵食蚵仔煎份量正常，煎得岩岩好，個味道都好，但略嫌蚵仔唔夠多，因為我係蚵仔控呢個麻辣拼盤有豬肚、豬耳同腎片。豬耳好爽好正，豬肚都夠淋、腎片一樣爽口，麻辣味唔算辣，我覺得少少辣咁，麻多過辣，份量好足，送啤酒一流，可惜我是日不宜飲酒總括呢間古早味台式餐廳地點方便，而且野食份量足，味道都唔錯，同朋友如果旺角行行下街想食台式野都可以黎食返餐…查看更多

韓舍有兩間分店，之前試過元朗果間覺得物有所值。今次再黎試旺角呢間。門口有好大個lego公仔，老闆應該好鐘意lego當晚我地係七點幾入座，裡面都未算多人，但佢裡面由於唔算放好多枱，一入去覺得坐得好舒服，又唔會好嘈，放題餐廳黎講，環境相當唔錯放題要點既食物大致係壽司同魚生，壽司我覺得都足料同味道唔錯，而魚生，我只食左帶子，都新鮮唔錯每晚都會送呢set牛同海鮮比頭唔知幾多張枱, 牛肉都幾肥美，而d蜆都好甜蠔都夠哂大隻我地點左個雞煲，有埋花膠，初初食雞唔算辣，但最後加湯煮菜，食菜果時就感覺到辣，本身對d雞唔太大期望，但竟然出奇地好食，好入味同滑野飲方面啤酒汽水唔少得，我食火鍋一定要飲啤酒，而呢度有四個牌子既啤酒任飲火鍋配料都好齊全，基本上你諗到既都有，豬牛羊肉亦任拎，除左生野，重有d熟食。甜品雪糕都唔少選擇，實有d係岩食，食完真係好飽好滿足整體黎講，呢間韓舍同元朗果間因爲元朗係食bbq, 呢間係食火鍋，各有各好，都係性價比高之選…查看更多

荃灣搵越南野食唔難，但價錢合理而味道唔差既就唔多。平時鍾意食越南野既我，老實說好少在荃灣食。今次同朋友食呢間，我個人覺得可以再回頭！店舖唔大，座位唔多，店主都有用心佈置過，見到有唔少可愛既越南擺設我呢杯鹹檸水ok, 大大粒鹹檸檬朋友呢杯越南咖啡都ok,朋友話就算搞左d煉奶都唔會好甜米紙蝦卷好新鮮，蝦爽口，配埋個醬，好食雞翼熱辣辣，好香口同有魚露香味油菜份量正常我呢個蟹膏湯檬係蕃茹湯底，我略覺得湯底可以再濃一點，但整體都好食，料足，蟹膏多，蕃茄甜，檬粉都好爽口彈牙朋友呢個香茅豬肉湯河，佢大讚香茅味好香好入味，河粉都好滑，整體好好食整體呢間小店，絕對可以再黎食…查看更多

同朋友相約油麻地食飯，朋友平日會去一間office space度自修，咁岩棟大廈有間西餐廳好似唔錯，於是佢話去試下。餐廳環境唔錯，我地果日食得早，訂左位，7:30pm 人唔算多，裡面風格有少少無印feel，簡簡單單，唔會太密集太多無謂擺設，我覺得唔錯叫野食，呢個意粉賣相得，蜆肉都算多，而且要讚既係蜆肉無沙而且算大粒，意粉口感好，唔會太硬或者太軟，白酒汁都入到意粉同蜆肉西冷七成熟，煮得岩岩好，切開都見到合格，因為好多餐廳會將七成煮成八成，八成已經係見唔到紅咁滯，七成係見紅但唔會有血汁，呢度做到牛扒好香炭燒味，肉質嫰滑好好食，呢個價錢食到咁既質素係值得搵日再食另外想提佢西冷放左個蒜頭伴碟，唔好以為得個睇字，原來好好味，我同我朋友都係咁食，而且我地都覺得個蒜頭咁整法好有特色呢杯係朋友飲既，佢話都幾好，好勁薄荷味，好爽咁，飲完好醒神整體呢間西餐廳，食物同環境質素都唔錯，而且環境適合朋友聚會傾計，有機會會再來…查看更多

Lunch time又同朋友發掘觀塘區美食。呢間泰國餐廳之前有聽人講過，但一路無行過黎試，因為位置幾僻，但試過一次，下次想食泰國野又可以黎門口裝飾幾有氣氛餐廳環境都唔錯，適合傾計Lunch set 都幾多選擇有飯有面，但飯為主，如果有pad thai 更好。。我叫左呢個河粉，賣相一流蝦好大隻，成碗麵都好多料，海鮮都好新鮮，特別係蝦好多膏但如果剝埋蝦殻上會更方便我呢種懶人冬陰公唔算辣，如果再辣d會更好，因為我好辣朋友叫既紅咖哩賣相好吸引，佢話鴨好嫰滑，咖哩好香好好味我點既西柚茶，西柚味愈飲愈勁，泰式茶既味道好特別朋友點既奶茶，佢話奶泡好香滑，都好好飲…查看更多

荃灣路德圍既台式飲品店愈開愈多，數埋都四五間，競爭非常激烈，要突圍成而出真係要平同真材實料！呢間李奧四郎，講真，我從來未聽過，之後查返先知原來係香港原創，但用材來自台灣，都算係有誠意啦，值得試下既，唔好比連鎖店壟斷左個市場Menu選擇唔算好多，但其實我又覺得只要好飲，唔需要太多選擇，專心做好招牌杯品就夠殺，價錢方面都算合理想讚下間店既design, 其實做得唔錯我試左呢杯，飲落其實好似檸檬茶，朋友話，咁佢係檸檬茶呀又係，只不過係多左雜果同玫瑰味真係成個玫瑰茶包，落足料但少少建議係杯野既甜味其實蓋過左玫瑰味，但整體都ok好飲芝士蜜香紅玉係朋友叫既，我就無飲，但佢就話芝士奶蓋唔夠香，但蜜桃茶好香，整體都好飲，而且價錢同份量黎講都值得再幫襯…查看更多

今次同家姐試荃灣呢間新開既火鍋燒烤放題，其實同我之前葵芳元朗食既放題差不多，但呢間就好多選擇，同餐廳好大，位坐得幾舒服。餐廳既裝修令人舒服，燈光配合得幾好，所有食物都擺放得好企理整齊。呢個係令我最高興既啤酒櫃，好少見放題係有呢幾隻日本啤酒，除左啤酒，重有水果酒，同埋都有自家製既梅酒同清酒！真心比個like軟雪糕，我就無試，但家姐試左覺得ok!雪櫃有雪條同雪糕，我食左條榴槤雪條，好食打邊爐唔少得既醬料，呢度都有齊無論火鍋定燒烤既食材都好多選擇，直頭多到眼花繚亂，有種眼闊肚窄既感覺甜品區雖然選擇唔多，但我食左粒類似菓子咁既甜點都幾好食火鍋有三款湯底任你選，麻辣唔係好辣，如果再辣會更好，但豬骨湯都幾香濃:)呢三樣，每台都會有一份,蝦，牛同豬。蝦我燒左黎食，都好新鮮彈牙，牛都係燒，我覺得比預期好，好有牛肉既鮮味，正！豬我都係燒，肥瘦比例岩岩好另外，呢度設有魚生區，每人每次限拎一份，有職員會切比你，呢度既魚生，真係唔錯，呢個價錢，只食魚生同飲酒都抵最後，我真心想讚係沙律，有好新鮮既菜同好多沙律醬同醋選擇，好少平價放題會做到，比個讚佢總括，呢間放題，性價比係無可挑剔了，而且真心想讚間野既服務員，有禮貌同都會留意到你需要換燒烤爐上面張紙有機會可再來！…查看更多

I think this restaurant probably has the best view on lamma island? Nice view and nice coffee with alcohol, next time i would definitely try the food here! …查看更多

同朋友相約食好野，今次黎到大坑試西班牙餐廳。第一次黎呢頭食野，附近都有好幾間餐廳。我地book左位，七點半，人唔算多。餐廳細細，但格局好優雅，周圍有畫同酒瓶來裝飾。環境都岩情侶或者朋友黎傾心事。一來上了香草軟包，好軟熟，有濃濃香草味，好食無花果沙律，無花果好甜，唔錯白啤煮蜆，蜆肉都幾大粒同入味，無沙，新鮮同好食虎蝦好大隻同新鮮爽口，天使麵彈牙，加上好多芝士，岩哂我乳豬，聽講係呢度既招牌菜，乳豬皮超脆，好多肉，配埋佢個汁食一流食到好飽好滿足，有機會會再來試其他野…查看更多

之前試過銅鑼灣間HeSheEat,食物非常不錯。所以之前見荃灣開分店，已經想帶媽媽黎食。今次就同媽媽來食好野荃灣HeSheEat開在對正地鐵站出口的綠楊，位置十分方便顯眼，店內裝修都係行少女風，粉紅色既設計，好岩女仔或者d情侶黎食野打卡我地平日夜晚七點幾黎食，唔算多人呢杯紅茶味道岩岩好，唔會太甜，有茶味又有果味，雪葩都好重莓味沙律份量夠，用料都新鮮，但唯一是牛油果多點更好魷魚圈炸得岩岩好，配埋個醬食好正Bb豬肋骨煮得好淋，好滑好入味，調味酸酸甜甜好開胃，配埋個香橙醬一流。意大利飯足料，上面既炸洋蔥配搭得好好，帶子新鮮，好多菇，飯既軟硬度岩岩好，調味都岩岩好，帶芝士味得來又唔會好餾，重帶啖啖黑松露味呢個甜品不得了，鬆餅焗得好鬆軟，甜度岩岩好，軟綿綿既口感，配埋拖肥蜜糖同焦糖雪糕一齊一口食，真係好正，焦糖雪糕帶焦糖脆脆都好好味焦糖香蕉上面層焦糖都岩岩好，唔會太厚太甜餐廳既野食同飲品選擇算多，以後荃灣食靚既西式野又有好地方了…查看更多

想食泰國菜，之前聽人講呢間餐廳既生蝦好正，想試好耐，結果今次終於試到一入餐廳就聽到泰文歌，好有去左泰國既感覺餐廳唔算大，但地方都坐得舒服，我地兩個人，靠窗邊坐。飲品選擇都算係咁，我飲cocktail，朋友叫左杯特飲朋友話呢杯似mojito 咁既味，但多左荔枝，味道好清新我呢杯cocktail,有好多士多啤梨，好足料，唔錯醬料係精髓，有辣有唔辣，甜酸醬，用來分別點海鮮或肉食生蝦好好食，好新鮮，配埋佢既酸辣海鮮汁食，真係超正而且個蝦頭都重有肉食下青木瓜沙律，好開胃金邊粉，我最愛既泰菜，賣相一流，味道都好好，蝦都好新鮮彈牙呢個芒果糯米飯好得意，糯米飯加蛋，煎到好似年糕咁，食落口感似鹼水種咁，芒果好甜，加埋椰汁好好食呢度價錢算中價，但食物質素高，尤其係生蝦，絕對唔會令人失望…查看更多

同朋友想食日式串燒，於是揀左呢度，因為朋友之前食過話唔錯。食串燒當然要飲返杯，我就揀左杯梅酒，清清地，梅既香味都幾出，唔會好重酒味海膽好新鮮，無苦味，配青瓜一齊食，成件事好爽，好正燒牛串，燒得岩岩好，牛肉有少少筋，但都好林，而且好香牛肉味燒雞翼，甜甜地，呢度既串燒真係燒得好香口，好正墨魚棒，食落粒粒脆脆地咁，少少似雞軟骨棒，好得意既口感，加埋上面既海膽食，又係另一重風味燒龍蝦，上面塗滿左味噌，好香，龍蝦一起出黎成塊肉，好好食好爽口又好新鮮呢個牛舌，好厚切，又燒得岩岩好，唔會好生但又唔會太熟，所以好有咬口，好好食必食露筍好爽甜，配埋豬肉食口感好正，又香又爽又甜呢個雞棒，有雞皮、雞肉同冬菇加埋洋蔥碎，好嫰滑，配埋個蛋汁食一流甜品都好出色，雖然賣相少少奇怪，但味道好好，好香蘋果味呢串燒湯圓不得了，好好食，要襯熱食，煙煙韌韌咁好好味店內環境都好日式居酒屋feel,如果想感受下日式居酒屋食野飲野feel,可以黎呢度，絕對係好地方…查看更多

旺角砵蘭街係一條我好少去搵食店既街，因為感覺果頭比較雜同唔似會有好餐廳，但上網搵旺角西餐又見到呢間，好似環境同食物都唔錯，所以同朋友黎試下我地被安排坐近門口，餐廳唔算大，但都坐得舒服，因為佢唔係好多枱，所以有足夠空間而且裡面，氣氛都幾浪漫，黑黑地，每枱都有蠟燭有好多巴黎既相關擺設我同朋友兩個人揀左呢個二人餐，都幾豐富先來兩杯白酒，本來以為跟餐都唔會好飲，但又唔係喎，都幾好飲，係偏甜既白酒，不帶苦澀，易入口餐湯係雜菜湯，都幾多料，我鍾意，甜甜地頭盤巴拿馬火腿好香，蜜瓜夠甜，配合起來好好食。而鵝肝青蘋果都好清新既感覺帶子配檸檬汁同醋汁酸酸地好開胃沙律新鮮，有唔同汁可以配，我地揀配蜜糖芥末汁好開胃呢個意大利飯，飯比較粒粒分明同硬身少少，唔會太creamy，同有時食既意大利飯有少少分別，但其實各有各好，呢碟飯比較有口感，但有口感得來，又有返少少creamy同滑，加埋鵝肝香味，同雜菌，好味肉眼扒五成熟入口香嫰，肉汁重保留到奶凍好香濃奶味好滑，配埋上面既少少果醬都唔會太甜最後重有杯餐茶跟，咖啡都不錯，濃郁香醇總括，估唔到砵蘭街都有有水準既西餐…查看更多