兩隻為食貓的个人专页

最近去咗銅鑼灣嘅虎鐵鐵板燒食飯，真係好正！餐廳環境好有氣氛，裝修走日式風格，特別係佢哋嘅吧位設計，坐喺度可以近距離睇到師傅表演鐵板燒技術，擺盤同烹調手法好似一場精彩嘅live show，食飯同時又有種享受表演嘅感覺，真係值回票價！菜單選擇好豐富，新鮮食材多到令人驚喜，仲有好多高級空運食材選擇，例如虎蝦、黑鮑魚同A5和牛，質素一流！我試咗A5和牛薄切，肉質鮮嫩多汁，入口即融，配上師傅即席烹調嘅醬汁，味道層次感超強，絕對係一個highlight！仲有日式蒸蛋滑溜香濃，配上其他鐵板燒菜式例如雜菜鐵板燒同蟹肉炒飯，份量夠晒，味道同樣出色。最後嘅舒芙蕾配雪糕甜到心，完完美味！每兩位消費滿$1500仲送龍蝦，實在太抵食！服務員態度友善，落單同埋送菜效率高，食飯體驗滿分。…查看更多

今日同朋友入銅鑼灣搵食，牛惣居酎屋主打日本串燒同內臟料理，見到OpenRice啲相已經流晒口水！好耐之前黎過一次，宜家依然座無虛席，仲要發現個超抵食優惠——$34就有兩串串燒，仲要係高質嗰隻，即刻同朋友瘋狂下單！車厘茄煙肉卷：煙肉嘅鹹香包住爆汁車厘茄，一啖咬落去個汁爆出嚟，正！秋葵豚肉卷：豚肉嘅油脂滲入秋葵，爽滑得嚟又夠香口牛肋條：燒到外脆內嫩，肉質軟淋得嚟又有咬口，牛味超濃郁，肉汁鎖得好好，朋友食到豎起大拇指！重點推介佢哋嘅牛內臟系列！平時好少見串燒店有咁多款揀，牛心燒到外脆內嫩，咬落去超有嚼勁，師傅火候控制得超好，完全唔會韌。牛肝真係一試難忘！表面微焦，入面竟然keep到嫩滑口感，仲有淡淡奶香。牛骨髓係邪惡之最，膏狀質地入口即化，油香爆燈，款款都處理得乾淨冇異味，內臟控真係會瘋狂！其他小食都唔輸蝕，叫咗個明太子飯糰外層燒到脆卜卜，裡面塞滿鹹香明太子，一啖咬落去，明太子嘅鮮味同飯香完美融合，正到爆！兩個人食到捧住肚都係$500左右，以銅鑼灣地段同食物質素嚟講真心抵。侍應姐姐服務好好，成餐飯食得好開心。下次一定會再留肚encore多幾份個牛內臟，仲要試埋佢哋嘅酎酒！…查看更多

中意食秋刀魚嘅朋友有福了，黎到秋刀魚嘅旺季，尖沙咀鮨燐推出秋刀魚套餐，仲做埋75折優惠，食物都超級豐盛，中意食秋刀魚嘅唔可以錯過套餐包含前菜、刺身、炸物、燒物、壽司、釜飯、湯及甜品，我自問都算大食，完餐之後都覺得好滿足。本身都擔心秋刀魚難處理，因為如果内臟處理唔好會有苦澀味，但今次整餐下來都沒有苦澀味，令人滿意。開頭嘅秋刀魚刺身擺得好靚，打卡一流，入口肉質緊實，好正。秋刀魚他他搭配葱，味道清新。秋刀魚天婦羅真係令人印象深刻，首先整個魚肉好厚身，而炸粉又唔會厚，一啖入口就是香，我個人認為秋刀魚係一款生食或者熟食都係好有特色嘅魚類，天婦羅搭配少少梅醬，恰到好處咁避免油膩感。之後嘅照燒秋刀魚、秋刀魚壽司同卷物當然唔會少，真係盡情演繹秋刀魚呢款魚類嘅做法。雖然套餐主題係秋刀魚，但都包含其他食材，用料同味道都毫不馬虎，例如仙鳳趾刺身，非常creamy飽滿，搭配柚子啫喱，味道好清新。仲有唔少得大家最愛嘅中拖刺身及大拖手卷。北海道紫針海膽軍艦好足料，上面海膽堆到滿瀉。去到最後仲有個釜飯，上面依然唔少得今餐嘅主角秋刀魚，將魚肉撈碎去拌飯，真係超級香口好食。食埋甜品飲埋湯，真係好飽肚啊！整餐都令人非常滿意，食曬唔同做法嘅秋刀魚，仲有各種靚食材，最緊要係好飽肚好爽。…查看更多

呢間餐廳就算我之前未食過，都聽過佢個名，算係出名嘅餐廳。最近終於約埋班fd一齊食，始終蟹大大隻，再叫幾個餸，一齊食爽好多黎到門口見到原黎咁多明星幫襯過，唔怪得咁出名啦清酒鮑魚好爽口，淡淡嘅酒香味乾鍋花菜好惹味，食到熱辣辣爆香咗嘅味道椒鹽雙拼一次過滿足我地嘅願望，又有鮮魷又有九肚魚👏豉椒炒青口啖啖肉啊黎到呢度主角炒蟹必點啦，賣相超級吸引，超多炸蒜相當吸引。食蟹最怕剝殼，喺呢度完全唔洗擔心，因為服務員超專業迅速幫大家處理埋，一大隻蟹鉗一啖肉食曬，真係超級爽咁多炸蒜唔好嘥，即刻點返個招牌蟹油炒麵，本身已經好香，食到一半加入炸蒜撈一撈，即刻解鎖隱藏食法，諗返起都流口水總結：如果想好舒服咁食蟹，黎呢間冇錯，大大隻蟹仲要有人剝埋殼，良好體驗，其他各款小菜都唔錯，三五知己一齊黎食都係一個好選擇…查看更多

呢間餐廳係我好中意嘅浜燒餐廳，今次我同fd約埋一齊嚟食佢哋嘅Deluxe Set，果真令人滿足首先，三款刺身夠肥美厚切，味道鮮甜，一如以往用手磨青葵，味道清新！再來嘅蟹黃蒸蛋，滑得嚟又香，蟹黃同蛋香完美結合，食一口真係好幸福。接住就係龍蝦刺身同兜甲羅燒，一款兩食，滿足兩個願望，龍蝦肉質鮮美，啖啖都彈牙，兜甲燒得啱啱好，整個味道超級濃鬱。鮑魚浜燒配柚子鹽，鮑魚嘅鮮味配上柚子鹽嘅清香，係我最中意嘅配搭！清酒燒貝類都唔錯，貝類吸咗清酒嘅香味，口感滑嫩，食得好開心。燒白鱔外焦內嫩，而且爽口彈牙，搭配特製醬汁，味道濃厚，真係好正！白蜆湯清淡又鮮甜。最後海膽炒飯，米飯粒粒分明，海膽香氣貫穿整碗飯。最後嘅甜品係兩種口味嘅雪糕窩夫。總結嚟講，漁獲浜燒一如以往的高質，環境又舒適，絕對值得再嚟！…查看更多

無意間碌到朋友社交平臺po咗款皮蛋醬拌麵，我對呢種勁邪惡嘅食物係0抵抗力，一問之下原黎係臺北棧嘅新出品，二話不説第二日即刻放工走去食。個人必須畀皮蛋醬拌麵100分，完全沒有辜負我對佢嘅期待。各方面都好滿意：我揀嘅係冷麵，麵條夠彈，唔會黏成一團，醬料調得好好，非常掛麵，但又唔會太傑身拌不開。味道好香，搭上少少紅油、芫茜，超級香濃惹味。兩隻鮑魚仔都夠嫩滑。成個麵就係令人回味無窮。炒台灣腸超級熱辣辣，落蒜片炒係幾香嘅，味道就偏甜啦。三色鹽酥雞都非常出色，雞件真係好嫩，而且係出乎意料嘅大舊，之前食過好多都係雞粒，呢款個人感覺好似韓式無骨炸雞咁大大件三款醬汁都各有特色，個人好中意佢地嘅柚子醬，有d似蜜糖芥末咁，隻甜味與炸鷄好夾。甜品叫咗花生麻薯，服務員好好，知道我地之前未食過，特等示範一次去教我地點樣食，原黎要用筷子有技巧咁將麻薯分割開。我一直以為係熱食，原黎係凍嘅，長知識了。佢配料分量好多，包極都包唔曬，好香好甜好滿足。總結：我心心念嘅皮蛋拌面果然冇令人失望，大大力推薦。另外其他食物都有水準，環境熱鬧好氣氛，服務員熱情有禮，好滿意…查看更多

餐廳環境好靚，bar枱擺滿曬酒之後加埋燈光，五光十色咁，好華麗。係咁嘅環境下飲下就食下串燒，都幾chill。不得不提我order的Empress，實物靚過menu多多聲，用個花盒裝住，仲俾埋燈光，畫面一流，個人認為就幾girlish，呢個的確有d意想不到，但我覺得女士會幾中意。入口唔會澀，入口酸甜之後再有gin酒味aftertaste。食物方面都滿意，炸蠔飽滿熱辣辣。帶子海膽幾出色，帶子大大粒好飽滿挺身，經燒烤之後嘅海膽味都好濃鬱，兩者係夾嘅。呢度嘅免治鷄肉棒入面含有雞軟骨，係我中意嘅口感同配搭。豚肉秋葵經典組合，薄薄嘅肥豚肉包裹住菜蔬，油香味恰到好處。另外不得不提松葉蟹明太子冷烏冬，烏冬好煙靭，重點係呢個醬真係十分邪惡，食落就係好creamy奶香咁，價錢都係78only，個人必點之選。總結：餐廳環境靚，食物都唔錯，價錢都affordable，係酒嘅價錢相對高d，但presentation又畀到足。如果想輕鬆咁飲下酒食下串燒傾下計，呢度算係一個唔錯嘅選擇。…查看更多

燈光同埋牆上嘅燈牌令到環境好有feel。咁嘅環境配上酒精零捨有格調，我地點咗馬格利生米酒，飲落非常甜口，唔會有種酒精轟鼻嘅感覺，非常順口食物方面賣相吸引，味道都唔錯。醬油海鮮配紫菜拌飯呢d經典配搭走唔甩，蟹身都算多肉，如果味道淡少少會更佳。鮑魚唔會韌，蝦肉彈牙中帶點黏滑，撈飯一流。呢個五花肉超級邪惡，油香十足，佢唔係脆口嘅口感，而係淋身嘅，咬落去脂肪化開，用生菜包可以平衡到個油膩感，如果佢可以鹹d就更好。接下來芝士玉子燒好正，芝士味好足，奶香味更為突出，鍾意芝士必點海鮮煎餅足料，加上魚露增味提鮮甜辣炸雞味幾濃，好甜好辣，炸得幾好唔會太乾身，兩個人share啱啱好總結：幾好氛圍嘅一間餐廳，環境食物都唔錯，食物款式又多，總有啱心水嘅菜式…查看更多

2024年目前為止最有驚喜嘅餐廳，去過都忍唔住share畀身邊嘅朋友。Mamaday呢間餐廳我諗對好多人都唔算陌生，餐廳由個名開始已經話畀大家聼佢地走玩味嘅主題，周圍佈置同埋菜式名都好盞鬼。而今次更有趣嘅係佢地引入咗vsing唱歌系統，出面有一整個舞臺可以畀大家手機點歌曲之後出去唱K，呢個系統聽聞係東南亞、新加坡好出名，臺下聽衆又可以用個系統畀打賞同feedback表演者。大家輪住上去唱歌錄影，真係玩到唔捨得走，氣氛超級好！印象中到咗差唔多10點，全場燈光會tune暗，每人枱上會多盞燈，感覺就係話畀大家知要進入bar模式咁，氣氛一流。當然一間餐廳最關鍵都係食物質素，而呢度嘅食物都絕不馬虎，非常正。我地當晚叫咗半打生蠔，蠔肉係超級非美飽滿，口感又creamy，蠔味又足，質素係完全可以媲美蠔吧。另外呢度嘅意粉真係唔會令人失望，今次嘅蟹肉蟹膏意粉個人大大力推薦，香味好出，撇除所有因素，只係專程過黎order呢道意粉都唔會過分。另外大推薦呢度嘅pizza，中意鹹香芝士嘅一定要食，餅底脆薄，芝士鹹香味好出，一啖食落去芝士漏曬出黎，邪惡到不能抗拒。總結：真係如我標題所說，2024年目前為止最有驚喜嘅餐廳，勁好玩，勁好食，氣氛又好，超級適合聚會，每個人黎到都可以找到屬於佢嘅樂趣。…查看更多

值得再去嘅一次鐵板燒餐廳，食材靚，調味都好啱我心水。我同朋友都揀咗set D，可以食到佢地最掂嘅菜式貝類轉咗做南非孔雀鮑，個人覺得仲正，鮑魚肉好厚身緊實，鮑魚鮮甜。講到鐵板燒，龍蝦都算係重點項目，今次西澳龍蝦配海膽汁又係令人難忘，煎到超級香，我同fd都一致認為整道菜油香好足，配埋蝦膏海膽汁，諗返都令人口水流。肉類我特登揀豬，根據過去經驗，鐵板燒嘅豬往往可以帶畀人驚喜，果然冇令我失望，原黎呢度用嘅豬肉都係大有來頭，係匈牙利攣毛豬，油花分佈均匀，肉味濃。師父推薦7成熟，真係好嫩口。基本上唔需要點調味已經好正，中意嘅都可以沾碟旁邊嘅竹炭鹽調味。清酒煮蜆蜆肉飽滿，個湯又鮮甜，食完肉味濃嘅食物之後有呢道菜真係非常合適。炒飯都冇馬虎，加入海膽，炒到粒粒分明，食完滿足曬。甜品玄米茶雪糕。總結：呢間都算係我幾鍾意嘅一間鐵板燒餐廳，食物正，適合約會慶祝，咁啱當日隔離枱有情侶就係慶生，佢地整個用餐都十分歡樂。…查看更多

餐廳係朋友介紹嘅，一試之下冇介紹錯，當日食物令人滿意。用得oyster做餐廳名，一定要試試呢度嘅生蠔，經餐廳老闆介紹後，order咗南非蠔、castle black及Gillardeau。每款蠔肉都非常飽滿，但不得不重點推薦castle black，蠔肉味非常突出，我個人最鍾意呢款。呢度老闆都對飲食幾有心得，強調佢地儲蠔嘅蠔櫃溫度係維持0.2-0.4度，確保入口舒適嘅冰涼感當日點嘅羊架唔係menu上嗰款，而係當日廚師推介嘅bb羊架，呢個我畀滿分🤘真係超級嫩，羊味恰到好處，食到羊香但又唔會過騷。佢陪上芥末同埋薄荷醬，可以混合一齊食，但個人覺得淨係靠佢灑上嘅鹽巴，已經非常好食，一路食一路讚，友人都笑我好耐未試過講咁多次「好味」😂甜品叫咗兩款，分別係芝士蛋糕同埋奶凍雪糕。奶凍雪糕幾解膩。芝士蛋糕係有d特別，餅底係出奇鹹香，推薦👍餐廳位於炮台山與天後之間，雖然位置有d偏僻，但個人覺得值得專程前往，一黎嘢食真係唔差，睇得出老闆有落心機烹飪同埋對飲食係有心得，二黎就係服務恰到好處，老闆會好清晰咁present到餸菜，話埋畀我地知有咩特色，服務令人舒服。最後就係環境唔錯，幽暗恬靜帶d浪漫，適合約會或者約埋三五知己飲酒聚餐…查看更多

呢間餐廳真係神奇嘅存在，我印象中疫情之前食過一次，估唔到經歷疫情之後，飲食業叫苦連天之際，佢仍然屹立不倒，當日我去食嘅時候，餐廳都keep住有客。我個人認為呢個就係認清市場定位嘅好示範，餐廳主打嘅就係一個性價比，晚市200蚊有找全包，有曬燒肉、刺身、壽司、點心、熱盤、一人火鍋、內地好興嘅冰粉、啤酒燒酒任飲。我都可以話除咗呢間，都好難揾到另一間做到咁（韓X燒都係，不過聽聞好似係同一個老闆，哈哈）。燒肉主要都係腌製凍肉為主，但款式唔少，任攞唔嬲，刺身竟然有赤蝦，雖然每次限量攞，但人唔多嘅時候可以問服務員一次過攞多隻。味道方面對得住價錢，基本上都幾似去BBQ場咁，個分別只係呢度用鐵板煎香而BBQ場係用火燒，刺身就個人推薦赤蝦，都幾大隻有蝦味。多款啤酒任飲，如果想放工啤啤佢嘅，又同時想食下肉醫肚，講真呢度都可以考慮。總結都係嗰句，餐廳定位好鮮明，呢度唔係主打食到有幾premium，而係主打包羅萬有，一次過滿足曬全部需要，飲下啤酒燒下野食又唔洗擔心價錢嘅好地方。…查看更多

餐廳主打性價比高嘅路線，以前喺附近返工嘅時候間唔中口痕都會過嚟食個午餐價錢又唔貴，又可以食嚇燒肉不知幾爽。估唔到咁耐冇嚟，佢仲有keep住做優惠，本身價錢已經唔算貴落order嗰陣竟然見到惠顧一個套餐仲可以送多50 gram嘅肉。$100都唔使食到兩份肉又有飯又有湯又有前菜，呢個價錢都唔係好多間餐廳做得到。個人覺得黎到呢度，必點嘅係厚切五花肉，因為真係超級大塊，燒完之後爽口彈牙肉味又濃。另外嗰日另外印象深刻嘅係牛仔骨，又係一兜大大件，個份量係認真驚人。原條嘅鯖魚都有手臂咁長鋪滿曬成個爐。當日嘅炸物都合格，脆卜卜熱辣辣。每張枱嘅旁邊都有四款嘅調味料分別係麻醬、黑椒、巖鹽、同埋燒汁。我覺得基本上撒少少黑椒同埋巖鹽已經非常足夠。雖則佢每舊肉睇落去都好似雪住，但擺咗一陣解凍咗之後燒返起佢肉味都係非常之濃郁。總結：性價比非常高， $100有找仲要做埋promotion，無論喺附近返工定係住開嘅，得閒口痕想食嚇燒肉，過嚟呢度真係不二之選。可能餐廳選址比較偏僻，我個人覺得呢間餐廳值得更多人流。…查看更多

呢幾年好多做飲食業嘅都感嘆生意難做，但呢間餐廳係意外地受歡迎，去親都幾乎full house，成個場坐滿曬食客，非常熱鬧。（我係趁換枱時段先可以捕捉到餐廳環境，當日真係人頭湧湧）餐廳除咗主打豬串燒，仲包括其他種類嘅燒物同刺身，深受食客歡迎。當日唔係點咗好多款，都係旨在過下口癮。當日食咗款芫茜卷，好出色，中意食芫茜嘅應該明白芫茜太熟會影響香味，呢度用豚肉包裹住芫茜去燒，既可以確保入面芫茜唔會過熟，又可以balance返個油香同清新感。豚肉鵪鶉蛋都好邪惡，燒香嘅豚肉加埋鵪鶉蛋獨特嘅蛋黃香，成個味道升一層次。豬肝串個人覺得可以嫩身多少少，但味道係出色嘅。總結：出色嘅食物自然有人識欣賞，呢度就做到好好嘅示範，中意食日式串燒嘅可以黎呢度飲下酒食下串燒，推薦…查看更多

懷石料理作為日本嘅fine dining，畀到食客嘅唔單止係味覺嘅享受，其獨特同精緻嘅擺盤都唔少得。最近去嘅呢間“夢”就將呢種特色演繹得非常好。擺盤非常吸引，唔少fd見到我社交平台嘅相片，都表示驚艷，仲主動問餐廳嘅資料。用杯仔裝住嘅係燒粟米海草沙律，原黎上面嘅泡泡都別具心思，係同草莓打發成嘅泡泡，入口就係好自然嘅草莓香氣。入面仲有提子同埋番茄仔，整體感覺就係酸酸甜甜好開胃。呢度其中一個擺盤特色就係師傅會按照四季做主題做擺盤，由於都踏入春季，因此師傅用咗好多花做擺盤。睇落真係打卡感一流，都唔捨得整散佢。由淡味食到濃味。果凍用咗粟米水整，淡淡嘅粟米香，左上角好似餃子嘅其實係蘆筍，嫩口嘅，右上角煙熏八爪魚好淋，炸物係櫻花蝦蝦芋。裝飾刺身擺盤嘅原黎係總廚自己畫嘅第六幅畫，真係有d藝術家嘅DNA。刺身分別係帶子、鮫鲽魚（右口魚）同埋平政魚，帶子口感比較實，師傅特登用竹炭鹽調味，因為豉油會太濃味；鮫鲽魚永酸汁調味，不油不膩，平政魚肉質緊實，魚味重。素麵上面嘅係炸松葉蟹肉，不過就唔係蟹棒，係似蟹肉忌廉薯餅咁。面上再有櫻花蝦釣味。目光魚煎香好正，肉質緊實，加上本身全條軟骨，可以放心進食。下面嘅係紫菜包明太子魚肉，肉質彈牙，似菱魚球嘅口感。北海道糯米risotto我好鍾意，因為改用糯米之後口感好好多，唔會有傳統risotto米粒好生嘅感覺，上面加上黑松露片，即刻高級曬升華曬。最後嘅甜品又係好靚，主題係櫻花樹下嘅戀人，一次過食曬燒丸子、果凍、牛奶布丁、雪糕，一次過滿足曬甜品嘅欲望總結：食物水平高，賣相又靚，打卡一流。服務唔錯，店員好好禮貌，全部菜式都會詳細介紹，離開仲會提醒客人小心梯級。師傅都好nice幾健談，一次好好嘅用餐體驗。大事大時大節想揾間好睇又好食嘅餐廳，呢間真係諗得過…查看更多