zagat的个人专页

昨天銅鑼灣辦完事，想不到吃什麼，上網周圍睇，見到個大平台都賣廣告這間餐廳，就同阿女去試。又話咩米芝蓮師傅，以後見到呢啲字真係要三思。裝修裝飾係唔錯，股息故鄉，中國風，環境幾好，但係一望天花板，污糟求其，再望清楚就知其實所有裝飾擺設都係淘寶貨。午餐時段，小貓幾隻，星期六咁嘅情況，已經感覺中咗伏。侍應服務一般，嗌咗幾個點心，有燒賣，蟹粉包，蒸飯，菠蘿Mochi，叉燒包等等，都唔得閒所有影相，因為真係好難食。仲衰過超級市場買嘅淘大點心。…查看更多

為了慶祝我家孩子生日，我花費了近$800，網上訂購買了一個這間酒店所謂很出名的士多啤梨蛋糕。昨天20分鐘的路程，雖然給了冰袋，回到家的時候，蛋糕的四分一忌廉已經溶化，八粒士多啤梨全部掉在盒子旁邊。一家人吃的時候，我要先抹掉溶化的忌廉，再把士多啤梨梨重新放上蛋糕上。蛋糕質地口感完全很硬很乾，口感質地味道比美心更差。唯獨感覺士多啤梨是新鮮的。我買這蛋糕為了慶祝我家孩子生日，他吃的時候很失望，說蛋糕很難吃。上年買尖沙咀帝苑酒店的士多啤梨蛋糕，比這個butterfly room 好10,000倍。…查看更多

當天有兩位黑口黑面的女侍應，落單黑面，問攞餐具又黑面，我忍唔住同一位男士應應該係餐廳經理反映。當日叫左兩個午餐，一個前菜，兩杯嘢飲加一個甜品。生蝦okay; 牛肉青瓜沙律飯，牛肉硬到黐線; 咖喱雞飯得兩粒雞，兩杯泰式凍檸茶得一塊檸檬，埋單$300。其實我上次嚟過食晚餐，已經完全唔明白點解可以座無虛席，環境係幾優雅，食物真係好普通嘅泰國菜，出邊通街都係。今日諗住喺附近行街，俾機會食多次，午餐質素仲衰過晚餐。…查看更多

食物地道，叫左臭豆腐、鴨血、蛋餅、梅子薯條、紅豆綠茶和草莓奶蓋，好正好味。環境靚，裝修特別，坐得舒服，又播放我至愛國語歌曲，如周杰倫、五月天、光良。下次再帶朋友光臨！…查看更多

琴日去咗時代廣場，玩完planet J, 打算搵餐廳醫肚，經過呢間crostini , 以前食過佢嘅西餅和餅乾，覺得好好味。呢間見到有午餐食，決定一試。一個餐才$88 ，有咖啡，有沙律，有主菜，加少少先仲有蛋糕，非常抵食，最驚喜係，竟然佢嘅Pizza，意大利粉，同三文治，出乎意料外地好食，又熱辣辣，大人細路食得好開心，環境清靜衛生，服務員好好，下次去時代廣場，一定會再嚟。…查看更多

呢間素食餐廳，衛生程度極之差。門口由早到晚，都放一堆垃圾和發泡膠箱，無公德心，阻住行人，見到都想嘔。完全不明白，斜對面都有間翠河茶餐廳，人哋乜嘢食物都有，都冇「冇肉食」咁污糟，唔會將一堆垃圾發泡膠箱放喺門口。…查看更多

我是台灣粉絲，但是在hk 台灣食品大都不正宗。終於被我遇到這間！暫時食過鹵肉飯、炸花支丸、花生朱血糕、蛋餅、香腸、大腸蚵仔米線和飲品，好好味！都好接近台灣的味道。在台灣，朱血糕琳上花生粉和汁是我的至愛，居然這裡🈶️！香腸加香蒜才是正宗，這裡也有。蛋餅熱辣辣，好正！ 綜合米缐味道和台灣夜市超級近似！飲品好多花款，都好好飲。開張不久，我已經吃了超過五次。美中不足是鹽酥雞，冇加辣粉，口感也不太像台灣味道。樓面不太大，但是感覺這是誠意小店！…查看更多

雖然此餐廳晚餐食物幾好吃好味，叫左幾個主菜頭盤，份量細細，扮相不錯，室內環境不錯，設計不錯，入到去昏昏暗暗，景觀也非常好，但是最恐佈的部分就是全部伙記服務九流，所有伙記行為是全部茶餐廳feel and style，服務態度非常兇狠，笑容和禮貌欠奉，惡到不得了，講每句說話都完全無尾音. 黑口黑面，落單時好鬼惡，惡劣過d茶記粥粉麵老伙記，仲要規定必須8:30 交枱，我仲以為自己去左中式酒樓。銅鑼灣咁多選擇，這間可以black list.…查看更多

這裡餐廳環境惡劣，又好嘈吵，非常逼，d枱椅地下chi lup lup. 成個餐廳核突又灰灰暗暗，嬁光吾夠，食品非常極之難食，例湯飲落似洗碗水，食品選擇非常之少，收費極度非常之貴，牛舌非常極度難食，牛肉牛扒落左十斤梳單粉，白飯又硬又涷，面屎湯好難飲，真是十分之食吾落。啲伙記成班服務極度之差，黑口黑面，呼呼喝喝，千祈咪去食。環境差又污糟，太子咁多選擇，千祈不要受苦。畀錢買難受，吾駛錢都吾會再食，點解仲吾執笠！…查看更多