Pandapatata 的个人专页

想係銅鑼灣搵新加坡菜？一定要試下A.T.A.S！主打麵食，不過佢啲傳統菜都做得幾有水準。餐廳用白色設計，再加啲木材、綠色植物圍住，望落超舒服，好啱傾偈。食物方面，首推鹹蛋軟殼蝦，師傳好有誠意，啲蝦炸得外皮脆卜卜，鹹蛋味又唔會咁膩，啱晒香港人嘅重口味。海南雞都幾好，肉質滑到唔使咬，配埋特制醬汁好入味。沙爹雞串一出場已經聞到肉香，雞肉夠juicy，食完真係有新加坡feel。飲品我地叫佐凍柑桔水，酸酸甜甜又爽口。另外「美䘵爆炸」個名冇呃你，超爆多美䘵，濃郁又滿足！…查看更多

早幾日又去咗大埔WM Café & Bar，真係幾有驚喜！最近有$1優惠，堂食加一蚊就有杯生啤或者水果茶，超抵！佢哋個蟹膏海鮮墨魚意粉好足料，意粉好有口感，蟹膏又夠香，啱晒我口味。慢煮BBQ烤豬肋骨又係一大亮點，啖啖肉，唔使同骨頭搏鬥，啲醬汁夠入味，食到停唔到口。我哋仲升級咗套餐，沙律新鮮爽口，龍蝦湯飲落好creamy，吉列炸蠔外脆內juicy，真係好抵！飲品方面我就揀咗熱檸茶，暖笠笠夠地道，另外當然加佐$1生啤！環境ok, 啲嘢食有水準，價錢又合理，啱晒大埔朋友間中去聚下。…查看更多

早幾日又去咗大埔嘅OX Steak Lounge撐枱腳！🤣我哋叫咗兩個set dinner，頭盤有煙三文魚沙律配蜜糖芥末醬，三文魚夠新鮮，個醬又唔會搶味，幾fresh。凱撒沙律加咗雞肉，啖啖肉都幾滿足。牛肝菌野菌忌廉湯好creamy，唔會太咸。最正係自家製牛骨髓牛油包，個包軟硬適中，牛骨髓都好香。主菜我地揀咗美國Prime肉眼扒，七成熟啱啱好，入面仲keep到肉汁，外面香脆，咬落juicy唔鞋口。另外再嗌咗西京燒比目魚，魚肉滑滑哋，個醬都幾特別。甜品揀佐特濃開心果麻糬杯，開心果味好濃郁，麻糬煙煙韌韌，幾有驚喜。飲品推介熱檸茶同Cappuccino，好有誠意同驚喜。呢到價錢合理，啲嘢食有水準，環境又靚，下次一定會再嚟！…查看更多

早幾日放工去左觀塘呢間「一杯鐵板燒居酒屋」，裝修幾有日本居酒屋感覺，唔會太嘈，啱晒幾個friend下班後坐低傾下講下嘢。我哋叫咗特選四人前料理，份量夠，啱啱好夠四個人share。豚肉沙律，唔會肥膩，配埋啲醬都幾清新。刺身四品有三文魚、鮑魚同其他海鮮，都幾新鮮。海膽卷口感幾滑，唔會過份油膩。牛舌串燒做到外面燒香，裏面都算嫩淋，雞肉串燒唔會太乾，正常水準。鯛魚野菜石鍋湯出奇地清甜，飲落幾舒服。至遲鐵板A4和牛薄燒，薄切但都多肉香，配埋鐵板蟹肉炒飯一齊食都幾夾，蟹肉都算有份量。套餐最後仲有個甜品。至於酒，叫咗佢個善之水特別純米，飲落清爽，唔會太辛口。呢到氣氛舒服，唔會令人太拘謹，下次都可以再嚟。…查看更多

Starter叫咗個無花果配巴馬火腿沙律，太好賣冇晒無花果，轉佐配哈蜜瓜，但都好清甜，配埋巴馬火腿、巴馬臣芝士，食落層次感好豐富，黑醋橄欖油汁又唔會太搶味。另外吞拿魚牛油果泡沫他他都唔錯，牛油果好滑，羅勒油帶少少草本香，好fresh。Pasta係和風醬油大蝦煙肉扁意粉，意粉煮得啱啱好，煙肉鹹香同大蝦彈牙，和風醬油味道幾特別。主菜嗌咗香煎牛風門柳，牛味濃郁，煎到岩岩好，肉汁鎖得好好。飲品方面，Pearadise呢杯cocktail有梨香，酒精味唔重，好易入口，女仔應該會鍾意。至於Mocktail Passionate Night，酸酸甜甜，提子味好突出，顏色又靚，影相一流。…查看更多

最近係尖沙咀發現咗間好正既串燒店。成間鋪黑色主調，好型，好岩同幾個朋友放工後傾下計食串燒。店員話啲串燒用日本直送香草雞肉同本地新鮮食材。必試一定係雞上脾肉，燒到皮脆肉嫩，啲肉汁勁香，食完忍唔住想encore。雞下心都好正，煙韌得嚟又唔腥，配埋啲粗米雞肉棒，真係夠晒滋味蘆荀就清新爽口，燒得岩岩好，幫你解膩。醬油燒飯團都唔錯，外層微焦，咬落有啲脆，啲醬油香味好突出。甜品推介抹茶厥餅，啲抹茶味夠濃，口感煙韌。…查看更多

成間餐廳藍白金色，好有地中海feel，chill到好似去咗旅行咁。一開始既餐前麵包，烘到外脆內軟。吞拿魚他他新鮮得嚟，食落好開胃👍🏻主菜熟成西冷牛排，肉味濃郁，啖啖juicy，切落去都有啲肉汁流出嚟，真係正。松露蘑菇麻花捲意大利麵，香噴噴，有口感，食到停唔到口。Red Wine Sangria同Sparkling Sangria都好refreshing，啱晒傾偈慢慢歎。呢到環境靚，食物同酒都好有驚喜，絕對值得再去！…查看更多

每次經過呢間餐廳都見到門口有人排隊，呢度嘅燒味價錢合理，質素高，好多街坊直頭當正飯堂。早幾日下午茶時間，同屋企人叫咗兩個餐，分別係＂燒鵝、燒腩仔轉鵝汁撈粗＂，鵝汁撈粗香濃惹味，燒鵝皮脆肉嫩，燒腩仔肥瘦適中，真係一流。另一碟燒鵝五寶飯都值得推介，五款燒味一次過滿足晒，每一樣都好好味，配埋飽滿既白飯，食到停唔到口。飲品方面，我哋揀咗凍奶茶少冰少甜同凍檸七。奶茶茶香濃郁，唔會過甜，凍檸七清新解膩，配燒味啱晒。…查看更多

呢間日式燒肉店真係好正，價錢相宜，質素高，喺香港都可以食到正宗日本A5黑毛和牛。我哋首先叫咗大判燒黑毛和牛西冷，店員好好服務，會幫你燒埋，香到不得了，油脂分布靚到流口水。黑毛和牛腹前小排同上肋骨中肉都係必試，入口即溶，唔使點醬油都已經好味。火炙黑毛和牛壽司都好正，牛香配埋壽司飯一流。唔食牛都唔怕，佢哋啲雞胸柳都好嫩滑。另外仲有啲麵同飯都唔錯。飲品方面，熱麥茶任飲，三得利啤酒同柚子酒都正。整體來講，呢到環境闊落坐得舒服，啱晒一家大細或者成班朋友聚會。…查看更多

呢間餐廳係附近街坊必食，入到去，環境舒服到爆，坐得闊落👍🏻我哋開波叫咗蒜香烤魚，條魚外皮脆卜卜，魚肉又滑又多汁。食完烤魚，仲可以轉打邊爐啦！我哋揀咗皮蛋芫茜湯底，一個價錢兩種食飯，好抵 。至於配料，真係多到你揀到花多眼亂，海鮮、牛肉、豬肉、丸類、蔬菜，任你揀任你夾。等緊野食o個陣，仲有熟食同雪糕。飲品櫃都唔輸蝕，自家制手搖飲品、罐裝汽水啤酒、紙包飲品等咩都有，推介佢自己整o既手搖檸檬茶，通常好快就會比人拎晒。兩個鐘任食任飲都係$208，旺場都唔加價，真心抵。…查看更多

同朋友去將軍澳南食飯，入到去見到接近全場滿座，氣氛熱鬧得不得了！見到仲有房可以好似好正咁😎現時有優惠，逢星期一三五日既壽司買一送一；逢二、四、六嘅串燒買一送一。我地食飯當日係星期四，叫左幾款串燒，黑豚肉萵筍、蒲燒白鱔、小甜薯、美國牛柳串，打孖上咁都係幾抵食！😍 推介黑豚肉萵筍，出面通常都係用蘆筍，呢間餐廳用萵筍又幾特別😋另外叫左幾款燒物，燒三文魚鮫同燒三文魚骨腩，口感好鮮嫩，可以配埋特製柚子醬汁，味道更上一層樓呀😉松葉蟹肉日式蒸蛋都唔好錯過，蟹肉鮮甜，加上滑滑嘅蒸蛋，係完美搭配😋而鹿兒島黑豚豬鍋物，肉質係鮮嫩嘅，仲有好多配菜添而安格斯牛肉烏冬，牛肉都係好嫩滑，食完都好飽肚🫶最後，佢哋仲有日本帆立貝海膽盛盒有優惠，視覺同味覺嘅雙重享受，樣樣都超新鮮，真係唔可以唔點！❤️食完發現仲有盛夏抽獎活動，晚市消費每滿$300可以玩輪盤一次，有得食又有得贏獎品😆😆…查看更多

細個好鍾意睇老夫子，估唔到有餐廳同老夫子crossover，將香港經典菜式完美結合，食物既好味又高質😋首先叫左蒜蓉炒蕃薯苗，蕃薯苗鮮嫩爽口，蒜蓉味道好香好惹味，份量又大，健康又抵食👍跟住就係鹹魚蒸馬友，馬友好大條呀，鹹魚嘅香味融合咗馬友嘅鮮甜，蒸得岩岩好，口感滑嫩🫶蜜椒蕃薯牛柳粒亦都相當出色，牛肉粒外層微微焦香，蜜椒嘅甜味同牛肉嘅鮮味相得益彰，蕃薯亦都係好甜，送飯一流😍最後仲叫左碟京都骨，腍度適中，醬汁濃郁香甜，再配埋菠蘿酸酸甜甜，食到好滿足😃餐廳仲有好多老夫子嘅裝飾擺設，岩晒老夫子fans懷舊一番…查看更多

首先試咗佢哋嘅巴馬火腿卡邦尼意大利粉，個意粉煮得啱啱好，唔會太硬亦唔會太淋，巴馬火腿嘅鹹香味同卡邦尼醬嘅濃郁完美融合😋至於烤穀飼安格斯皇后牛排，牛排煎得剛好，肉質嫩滑，配上時令蔬菜、薯蓉布丁同紅酒牛肉汁，呢個組合真係冇得彈。紅酒牛肉汁嘅香濃提升咗整個菜式嘅層次👍🏻飲品方面，揀佐凍檸檬蜜，清新解渴，仲有少少甜味，非常適合配搭重口味嘅主菜。另外，見到呢度嘅二人套餐都好抵，包埋餐湯同甜品，CP值好高，下次一定試下！…查看更多

前幾晚去咗銅鑼灣嘅「帝樂德國餐廳」，試咗佢哋嘅春日2人套餐，原價$1200，但做咗會員就可以低過半價，真係抵到笑，我地即場做埋會員。頭盤係迷你黑森林火腿德式薄餅，啖啖香脆，火腿鹹香十足另外仲有沙律，配料有挪威煙三文魚，柑桔、西柚、橙同藜麥，清新開胃，食得開心。主菜方面，紅酒燴澳洲羊膝真係冇得輸，羊肉嫩滑入味，配埋波菜、薯蓉同珍珠洋蒽，完美嘅組合另一道係帆立貝、海蝦、車打芝士鍋牛通心粉，海鮮鮮甜，芝士香濃，食到停唔到口。最後甜品嚟個特濃朱古力蛋糕配燴雜莓，朱古力濃郁得嚟唔會太甜，完美收尾。飲品仲可以兩小時無限添飲(包括紅白酒)，真係可以飲到回本，而我哋就揀咗凍檸茶同白酒。…查看更多

早幾日去左大埔，encore OX Steak Lounge鋸扒。呢間餐廳嘅裝修好有特色，金牛角裝飾加上英倫風情，真係好有feel。我地叫左兩個唔同嘅dinner set。本身SET包左茶或咖啡，我地都叫左Cappuccino。第一個set有煙三文魚沙律配蜜糖芥末醬，個醬好特別，酸酸甜甜好開胃。接住嚟係牛肝菌野菌忌廉湯，濃郁得嚟又唔會太膩。自家制牛骨髓牛油包一上枱就聞到香味，真係唔可以唔試。主菜揀左美國頂級Prime肉眼扒，個人鐘意七成熟，肉質嫩滑仲有啲肉汁流出嚟，真係一流。第二個set就係雞肉凱撒沙律，夠哂新鮮，雞肉嫩滑。牛肝菌野菌忌廉湯同埋牛骨髓牛油包依然係咁正。主菜係香煎澳洲PR級草飼肉眼五成熟，肉味濃郁，口感都唔錯。最後嘅Tiramisu甜而不膩，為完美既一餐畫上句號。…查看更多