WingShuenNg的个人专页

難得過海行街，又想食中菜，見到依間好似幾抵食，環境又不錯，所以決定入食。餐廳位置非常方便，上環E3出口直行2分鐘就到。餐廳侍應都非常好，會留意幾時食完幫你收野，所以張枱嘅空間都夠用🤭而且燈光好柔和，環境清靜，同另一半可以慢慢撐枱腳。Menu入面有四個套餐，揀咗個最抵食嘅D餐，入面包咗前菜、主食同甜品。個茶有得揀我最鍾意嘅白桃烏龍茶，好香甜，飲落亦有茶嘅澀味。💚宮廷酒爵暖胃湯開始食之前每人會有一杯暖胃湯，係花生眉豆湯。花生味濃郁，而且亦有碎碎既花生同眉豆，真係好開胃。💚魚躍龍味館一品頭拼分別有青芥末海蜇頭、香橙白玉蝴蝶同桂花蜜餞冬菇。個人覺得海蜇頭最好食，芥末味唔會太過強烈，易入口，海蜇頭爽脆。💚夏威夷果露筍炒鮮菌夏威夷果粒粒都大大粒同脆口，而且配有不同既菜，個筍亦都好脆口，啲菇亦都炒到好入味💚黑松露和牛崧炒飯上菜既時候已經聞到好香既黑松露味，望落啲飯一粒粒金黃色，食落夠乾，仲有好多和牛，食完一碗又一碗。💚紅粉玉露最有驚喜嘅甜品，開頭見到嘅時候估緊係咩黎。食落十分清甜，原來係番石榴，用嚟做甜品，令成餐飯都感覺到好fresh 😋…查看更多

係葵廣行街行到肚餓，發現原來葵廣都好多野食😋。尋覓美食期間見到依間舖既餐牌燈箱，啲相好吸引，依啲涼涼地既天氣好岩食辣野。本來以為分量細細地，點知一款都有好多，所以都要外賣啲返屋企食，返到屋企啲涼拌更入味。❤️‍🔥香辣青瓜黄瓜切成条状，搭配花生和芝麻，增添了豐富既口感，而且青瓜清脆講，調味料亦有辣油同香料，令依道菜既清爽又有層次感。適合鍾意清新和微辣口味既人。❤️‍🔥香辣腐竹依道腐竹非常美味，腐竹好入味，平時食青瓜涼拌多，好少見到腐竹，整體開胃，腐竹唔會太淋或太硬，而且唔會比辣味掩蓋咗腐竹原有嘅香味，鍾意食腐竹嘅唔可以錯過。❤️‍🔥麻辣藕片藕片望落色香味俱佳。藕片亦切得均匀，每一啖都好香脆，有別於平時食開粉粉地既藕片。味道濃郁，當中嘅辣油同蒜蓉帶出藕片既鮮甜。❤️‍🔥涼皮+慢煮雞腿肉（招牌辣）依個係食川菜必食既，個招牌辣汁同涼皮十分配搭，而且涼皮彈牙同唔會好大塊，岩岩好適合每一啖。今次亦都加咗慢煮雞腿肉，雞肉軟硬適中，滲入左不少辣汁係當中，十分配合。❤️‍🔥拌米線（招牌辣）另外嗌咗個拌米線，同平時既辣汁撈米線差唔多，每條米線亦都好彈牙，鍾意食嘅都可以試吓。…查看更多

成日行過旺角都見到好多人喺出邊排隊，今次夜晚8點幾見到好似唔係好多人排，於是就排黎試下，估唔到係咁驚喜。佢可以散叫亦都可以有套餐叫，今次嗌咗兩個一人套餐嚟試吓，因為二人餐好似真係好多野食🤭。💜大邱辣牛肉蔬菜湯飯+豬肉餃子豬肉餃子大大舊，入面充滿着豬肉同肉汁，外皮煙靭，大細比想像中大。個湯飯一上枱，傳出香香嘅味，已經令人流哂口水，份量亦好充足，唔會話太辣，食落好開胃，牛肉味濃郁。💜蜆湯麵+豬肉餃子個蜆湯麵有大量既蜆，食極都有，而且啲蜆好鮮甜同飽滿，鍾意食蜆嘅一定唔可以錯過。如果嗌麵餐嘅話會跟一個薏米飯，睇返枱面嘅介紹先知原來食麵之前食，有助降低血糖。個飯咬落好有口感，而且包含泡菜、紫菜同麻油。個麵係彈牙既刀削麵，配上鮮甜嘅湯底。💜迷你紫菜包飯同一般韓國餐廳食嘅紫菜包飯差唔多，每一件嘅大細適中，可以一啖食晒。上面亦灑有芝麻，入面包有基本嘅蟹柳同酸瓜。…查看更多

一間充滿熱情staff既阿根廷餐廳，風格復古，牆身配上紅磚，好有格調。啲職員會好熱心向我哋推介食物，而且好好笑容，如果係生日，仲會一齊唱生日歌，甜品有得寫名。🩵Hanger封門柳 🥩個肉份量夠哂大，熟度但個人覺得偏靭咗少少，但大致都可以。牛味超濃郁，再配搭六種唔同嘅醬汁，各有各嘅風味。🩵Empanada阿根廷鹹味餃子-烤雞🍗一個特別的菜式，好似放大咗嘅餃子。外皮金黃酥脆，今次嗌咗烤雞嘅餡料，雞肉嫩滑，而且配合其他配料，香味十足，好味！🩵Rigatoni 辣茄醬長通心粉 🍝彈牙既長通粉，配上淡淡嘅茄醬，互相配合唔會俾蕃茄醬搶咗通粉既味，不過對於食得濃味嘅人嚟講，依個菜色較淡，辣味嘢都唔係好出。🩵Provoleta 烤焗波芙隆芝士🧀超級邪惡既芝士配搭，做前菜一流，熱辣辣溶咗嘅芝士，配上酥脆嘅麵包，能夠突出味道濃郁嘅芝士，而且拉絲效果一流，鍾意食芝士嘅一定唔可以錯過。…查看更多

好有特色嘅韓國餐廳，入到去側邊放咗好多舊式嘅玩具，而且成個佈置做到大排檔咁，係有冷氣嘅大排檔🤭🩷街頭魚糕串串依煲嘢入邊有好多串魚糕，每一啖咬落去啲魚肉鮮味多汁，個湯有少少胡椒粉味，飲落辣辣地，好正，飲完又飲🥣🩷紫菜飯卷紫菜飯卷足料，基本既青瓜、雞蛋、酸瓜都有，而且飯卷咬落有少少麻油味，好香口。份量亦好充足。🩷泡菜煎餅食咗一半先記得要影相，因為真係好吸引，表面煎到少少燶，再配合大量泡菜，每一啖都酸酸辣辣咁，而且唔會好重麵粉，十分脆口。🩷菠蘿梳打普通的菠蘿梳打，夠凍，分量唔怕太大杯飲唔哂。…查看更多

炎炎夏日，行街行到攰，一定要叫返一杯小樹飲品爽一爽。今次揀咗依間Happy lemon 🍋，唔會淨係得珍珠奶茶或者手打檸檬茶，而係有個款好fresh嘅飲品可以揀。👍🏻今次試咗分別叫咗招牌檸檬菠蘿對對碰同甜蜜草莓檸檬對對碰。因為平時嗌開少甜少冰，今次都唔例外，但之前未飲過，所以叫左少甜，個人覺得有點酸，不過可以接受🤭 等啲冰融左就差唔多啦🤭兩杯飲品感覺都好fresh，草莓唔會有一種藥水味，配埋檸檬真係解渴一流。…查看更多

夜晚9點返到南昌，好似都無乜餐廳仲有得食，但又想打邊爐，經過吉野家，諗起以前成日打，一於回憶一下🤭。叫咗個火鍋套餐，有飯有烏冬揀，份量同以前一樣充足，有菜、有肉、有餃子，最重要個芝士獅子狗仲係到。不過個肉可能喺雪櫃攞出嚟，仲係硬既，分唔開，不過放咗陣就可以啦。個濃湯好濃郁，味道較哂味，食到最後淥埋個烏冬，入哂味，好好味！除咗好味，個份量夠哂飽😆。如果唔夠食，仲可以自己額外加唔同既餸，就算幾大食都一定夠哂食。…查看更多

今次揀咗依間泰國菜，三個人叫咗三份Weekend Lunch set，每個set $258 ，有湯、一個頭盤、一個main，有埋野飲，仲可以加錢要個甜品，真係好抵啊！！😍STARTER 頭盤🩶CRAB CAKE WITH CHILLI CRAB SAUCE比想像中大嚿嘅蟹肉餅，每一啖都有濃濃嘅蟹肉，再配埋蟹醬，個配搭令人食完仲想食。🩶VIET-STYLE CLAMS WITH LEMONGRASS COCONUT SAUCE每一個殼入邊都充滿住肉，而且啲肉都大大粒，個汁仲好Creamy，每一啖都要飲埋啲汁。🩶GRILLED PORK CHEEK ORANGE SALAD WITH THAI DRESSING雖然佢係前菜，但係個份量都好充足，有好多豬頸肉，再配埋啲菜同個酸味味嘅汁，真係好開胃。MAIN COURSE 主菜🩶FOIE GRAS BEEF BURGER個包皮烘咗，咬落軟腍腍得黎仲有啲脆口。個肉唔會太熟，啲肉汁好入味。因為個frd唔鍾意要醬，仲可以叫佢分醬，自己落幾多都得。配料有沙律菜同薯條，好豐富🥰。🩶GRILLED PRIME RIBEYE STEAK (10 OZ) (+$138)個牛份量夠大大份，表面煎到焦香，啲肉汁鎖咗係塊牛到，咬落去每啖都充滿肉汁，肉質超嫩滑，好惹味，唔會太韌，唔使落汁都非常juicy。🩶SAMBAL SAUCE SQUID INK PASTA WITH SCALLOP AND TIGER PRAWN今次叫咗個帶子大蝦意粉，帶子大細適中，煎得幾香口，口感唔會太韌，外向內嫩。個蝦雖然唔係大大嚿，但煎到啱啱好，食落好香口。而且配咗個墨汁意粉，夠晒彈牙，再配埋個辣辣地嘅汁，十分惹味，好有泰國嘅風味。…查看更多

今次食咗個午市套餐，個人比較鍾意間餐廳成set上，望落整整齊齊，又唔怕漏嘢。今次嗌咗兩個套餐，都配有兩小份既前菜，個青瓜酸酸甜甜，唔會太辣，都算入味。整體份量都充足，食完飽飽的🤭！🤍台式蚵仔肉碎泡飯個泡飯分開咗個湯同埋個飯，唔怕啲飯耐咗會發脹哂。個湯都好足料，有蚵仔、肉碎、冬菇同翠玉瓜，味道唔算太鹹，清清地。🤍香酥雞扒刀削麵個刀削麵都有好充足嘅配料，有蘿蔔同菜。而個雞扒都好香脆，都叫做鎖住到啲肉汁喺入邊，唔會太乾身，味道唔會太鹹，配埋個刀削麵啱啱好。最後仲嗌咗個招牌四季珍波椰，大半杯都係珍珠同椰果，口感煙靭，配埋個茶就唔怕太甜🤭…查看更多

餐廳面積夠晒大，枱同枱之間亦都有充足嘅位置，環境清幽，好適合一大班朋友去聚會。而且裝修用咗木系嘅風格，令到人好舒服同放鬆。💛是日餐湯是日餐湯係忌廉湯，入邊配有兩粒多士粒，因為浸咗湯，咬落去又脆又淋，口感十足。💛芝士澳洲和牛漢堡伴焦糖洋蔥個漢堡中間嘅配料有好多，令到個漢堡包脹卜卜，當中嘅和牛漢堡十分多汁，上面仲配有半溶嘅芝士同甜甜嘅洋蔥，十分配搭，唔會太膩。而且仲配有田園沙律同甜蕃薯條，配料十足。💛黑毛安格斯榖飼牛肉眼個肉眼夠晒厚身，唔會過熟，而且肉汁豐富，煎得好好，配埋少量嘅醬汁，醬汁唔會蓋過肉嘅味道。再配埋炒椰菜同薯蓉，個薯蓉好細滑，入口即溶。💛紫菜芝士甜番薯條配黑松露醬好少餐廳會有甜番薯條，難得呢度有梗係要叫啦！番薯條粗度適中，炸到外脆內軟，表面配有鹹鹹既芝士分，蘸埋黑松露醬，咬落去又有黑松露嘅味道，亦都有番薯嘅甜味。💛65% Iced Chocolate 朱古力濃度充足，唔會話好甜，不過飲嘅時候冇攪勻，飲到底充滿着朱古力。…查看更多

一間好正既餐廳，員工既服務同態度都好好。餐廳除咗一啲恆常既食物外，仲有個特別餐單，會定期更新唔同既食物，今次食到既下次未必有得食😋。🩷潮式生魚片肥美既鱆紅生魚片同爽甜海生蝦薄切，魚片甜美甘香，蝦肉Q彈，整體酸酸甜甜，好特別既菜式。🩷牛油煎澳洲M5和牛牛柳和牛牛柳肉汁鮮甜，肉質鬆軟，加埋忌廉汁，同牛肉十分配合，再配有惹味開胃蒜蓉醋香櫻花蝦椰菜仔，新鮮香口。🩷清蒸高山娃娃菜，迷你干貝金茹忌廉汁及油封法國鴨肶肉忌廉汁中充滿干貝同金菇，加埋啲娃娃菜，啖啖汁。鴨肶肉好有口感，唔會太硬。🩷芝麻花生湯圓好有特色既Cocktail，面層有濃厚既花生cream，入面係芝麻味既whisky，攪勻咗黎飲好似食緊花生，芝麻湯圓。…查看更多

具復古感既扒房，入面以燈黃色既配色為主，枱櫈既設計都有一種懷舊感，食物既種類都算多。🧡安格斯Prime西冷配烤大蒜塊牛都好大塊，熟度適中，能夠鎖住肉汁，肉質鬆軟，啖啖既牛肉味。烤大蒜大大粒，入面有好多蒜粒，香口。🧡滿滿蜆肉蝴蝶粉蜆肉分量勁多，今次淨係嗌咗普通分量，仲有得揀雙倍蜆肉。蜆肉隻隻都好鮮甜無沙，蝴蝶粉軟硬適中，配埋個醬汁，完全適合鍾意重口味既人。🧡水牛芝士番茄羅勒闊條麵水牛芝士加上番茄肉醬，酸酸甜甜既番茄同奶味十足既芝士，互相配搭，而且麵條軟硬適中，每條麵都有醬汁。🧡黑松露和帕瑪森起司薯條薯條新鮮即炸，面上灑滿芝士，令半溶既芝士流入薯條當中，再配上香濃既黑松露醬，口感豐富。🧡朱古力布朗尼配雪糕切成細小一粒粒既布朗尼，方便入口。口感唔會太硬，外脆內軟，每啖都充滿朱古力，再加上朱古力雪糕，鍾意朱古力既要試下。🧡西班牙油炸鬼配雪糕係少見既甜品，炸好既油炸鬼條脆卜卜，面上灑有滿滿既肉桂糖，再配埋雪糕，凍熱交替。🧡玉桂青蘋果綠茶面上灑有玉桂粉，令青甜既蘋果綠茶充滿淡淡既玉桂味。…查看更多

依間型格暗黑Cafe位於旺角，行過會俾佢黑蚊蚊既裝修吸引住，望多眼。入到去不輪係食物定碗碟都配合主題，用咗黑色。雖然黑蚊蚊嘅食物，但食物質素令人眼前一亮。🖤手打牛肉及原隻蘑菇漢堡配薯條包身用咗竹炭包，令個包配合店舖主題，一樣黑黑的。手打牛肉夠大，能夠鎖住肉汁，而且原隻蘑菇咬落好juicy，另外可以選擇醬汁另上。薯條都好爭鮮，上枱個熱辣辣既。🖤朱古力麻糬窩夫配朱古力雪糕窩夫入邊嘅有充足嘅麻糬，趁熱食感到煙煙韌韌，好有口感，而且上面配有好多朱古力碎，咬落啖啖朱古力味。如果加埋凍冰冰既雪糕，十分吸引，食完一啖又一啖。🖤髒髒提拉米蘇表面配有濃濃的朱古力醬和曲奇碎，入面既蛋糕充滿住酒香，再加上濃郁既Cream，凸顯出提拉米蘇既味道。…查看更多

位於旺角鬧市中的泰國菜，食物充滿特色。🪑可以揀坐室內定室外，室外環境清幽，不過夜晚有少少黑，冬天店舖於室外位置亦會放有暖爐唔怕太凍。室內燈光充足，同食物一齊打卡一流。📸💚藍蝶花蟹肉菠蘿炒飯個飯加入咗蝶豆花，令成個顏色變咗藍色，不過蝶豆花嘅味唔會遮過咗成個飯，容易入口。而且飯上面嘅蟹肉豐富，亦有好多配料，例如：肉鬆、腰果等。最好食就係側邊嘅菠蘿，美味燒過嘅菠蘿，入口好多汁。🍍💚炭燒牛肉串燒沙嗲（6串）每一串嘅肉粒都好大粒，每一啖既肉都好多汁好juicy，如果配埋沙嗲醬，味道更加濃郁，適合重口味人士。💚大蝦冬陰功(小)泰國菜必嗌冬陰功湯，有大量餡料，飲落酸酸的，辣味唔算太辣，就算唔係好食到辣嘅小編都可以飲到。仲配有大蝦，蝦肉亦都好大嚿。💚豬腩生菜包有別於日常食嘅生菜包，佢有粒粒分明嘅豬腩肉，每粒肉粒都肥美多汁，每次用生菜包住佢嘅時候，都會多到飛晒出嚟，份量亦很充足。💚龍鬚三色冰奶蓋超級特色飲品，俾佢面層唔同顏色嘅鬚鬚吸引到，食落去甜甜的，好有龍鬚糖嘅感覺，再配埋底下嘅三色冰，甜而不膩👍🏻。💚楊枝甘露奶蓋豐富嘅餡料，啖啖都充滿住果肉，係可以飲既甜品😋💚另外飲品推介：泰國奶茶…查看更多

🎂生日飯必選，勁有氣氛既餐廳🩵因為book時交代係為朋友慶祝生日，會幫手佈置同有生日氣球，嗌完甜品之後會幫手寫名，而且送上嚟嘅時候配有員工演奏唱出生日歌，十分有氣氛。最後，店舖免費為我哋影咗張即影即有留念，仲幫你打埋燈💡！🤎乾式熟成有骨肉眼扒賣相不錯，份量夠大，肉味十足，就算我哋嗌咗七成熟都唔會話過熟難入口，配上不同的醬汁，令人每一口都好似食緊唔同既餸。烤蒜頭都非常好味，一粒粒方便夾起，而且仲有不同嘅配料，十分豐富。🤎大蝦香料燴飯燴飯表面放有大蝦，大蝦感覺爽口，具有蒜蓉味。大蝦下既燴飯以鮮茄醬為醬汁，滲入每一粒飯當中，🤎BBQ味手撕豬柳絲漢堡兩塊漢堡包夾有大量豬肉，肉味十足，而且配料充足，真係要大大啖先咬得晒！落單時可以叫醬汁另上，方便自己調節醬汁份量，滿足不同人嘅需要。🤎煙燻拖肥香蕉香蕉面層有一層焦糖，十分脆口，再配埋雲呢拿雪糕，一熱一凍，口感獨特。只要book位時交代慶祝生日同寫咩名，送上嚟嘅時候就會包埋蠟燭。員工十分熱情，會主動過嚟了解食物嘅質素👍🏻仲送咗幾杯shot俾比我哋🥃…查看更多