waiwai20的个人专页

久久未嚐試到, 今次終於跟朋友黎到tong wong 既餐廳食tea. 見到有tea set, 一人一份~碟子確實精美. 但畢竟食物味道最緊要. 三盤由底至高品嚐, 但又有時間限制, 我們只好快快食過...咸味甜點十分普通, 三文治也可以上場實在驚訝!甜味甜點, 生果好酸, 最頂層的不知明芒果泡泡, 真心不知道是什麼只嘆自己唔識食...…查看更多

今日去到尖東做野, 下午食飯時間, 發現原來尖東得番d 貴價茶餐廳~行下行下,見到呢間落左樓下的小cafe~好多位, 馬上試一試~!叫左個香草汁香腸意大利粉, 中意多汁既我, 當然有叫侍應幫忙加多d 汁啦~香草汁好香, 帶有少少酸甜, 幾開胃估唔到兩條香腸咁大條, 香腸唔係平時食開既雞肉味~ 香腸唔會太咸, 加入香草汁後, 味道剛好. 意粉煮得唔夠林. 有點生生的感覺~  需要改善~…查看更多

應該差不多有一年時間沒有去板長. 沒有特別原因~剛好今次再食板長, 同樣地, 沒有特別原因~ 只是朋友提議~ 於是起行. 收工後, 兩人一起出發~等了15分鐘就有位. 不知是否叫做幸運?! 越來越覺得在香港搵一個地方食飯, 真的很難...........既要限時, 又要等位, 食得不舒服..所有事都要快, 快,快.....回正題~點了些壽司軍艦做得不錯~! 海膽鮮甜, 食過拖羅後, 口內仲帶有淡淡餘香. 三文魚子粒粒皆珍貴~三文魚肥美. 不肥的三文魚, 不吃也罷~ 總係有要帶點肥才可以帶出魚香~!額外叫了一個冷烏冬, 估唔到有驚喜~ 原來係手打鳥冬, 配上冰冷的豉油~ 很好~!最後要推介金目鯛, 因為十分甜美，油甘魚既甜又帶香，加上少少柚子醬更能帶出魚的鮮甜同開胃, 讚!…查看更多

同朋友食完飯, 跟手就去食番個甜品~好耐冇食過滿記了往時都係去西貢燒野食, 跟住就會好自然去滿記食甜品~相反自從佢地開到成行成市之後, 自己真的好少再去了. 昨天朋友話好耐冇食過, 因此陪佢一試朋友介紹我食白雪黑珍珠~這款甜品賣相沒有特別~ 眼見一碗滿滿的, 真係未食巳經感到好滿足以款甜品以雲尼拿雪糕打底，上面舖滿香蕉粒，芒果粒，龍眼乾，椰果和黑珍珠...用料的確豐富，每一口也有不同的滋味龍眼乾十分甜, 搶去不少味道~芒果粒有點帶酸, 正好中和所有甜味~細細粒的黑珍珠令整個甜品都充滿口感~的確不錯~!…查看更多

朋友介紹黎到九龍城既金蘭花~黎到沒有太多人等候~只得等左幾分鐘就有位~一行三人只係點了幾道菜式~生蝦 - 有點失望的生蝦, 因為生蝦的雪味太濃, 尚未完全解凍. 入口即有濃烈的雪味, 大大減低食物質素:(冬陰功湯 - 功力十足~! 香濃的冬陰功味, 入口不會太酸辣, 飲完幾口, 口中慢慢滲出辣味. 但辣味剛好~! 加上一直以火爐保溫, 減少了湯變冷而變得失去味道~糯米雞翼 - 雞翼釀入糯米, 廚師剛好將雞翼分成三件, 每件都釀入糯米, 香煎雞翼釀入糯米, 厚厚的一件雞, 十分有口感~!不得不吃的咖哩炒蟹 - 好香的咖哩味, 咖哩味剛好. 不會蓋過蟹的味道. 最好配以白飯, 真的一流~! …查看更多

去年媽媽生日, 特意帶媽媽黎試意大利菜. 媽媽呢一年都成日提住, 但又成日覺得出街食冇益又貴, 所以唔肯黎等到今年媽媽節, 終於帶到媽媽再黎Otto 食~雖然遲左成個星期, 但媽媽一樣十分滿意格局依舊. 環境寧靜,燈光柔和, 好有情懷~今次去到, menu巳轉, 依然打正意大利旗號.加入好多新元素~ 驚喜不少~! 一行3人, 點了幾道菜式~前菜: 意式生牛肉薄切 + 巴馬火腿配蜜瓜上次係媽媽第一次食生牛肉, 估唔到一次就愛上~ 今次特意再叫多一次, 媽媽依然讚不絕口. 雖說是薄切, 但每片牛肉都有適當的厚度, 絕不欺場. 雖然生牛肉唔係好似日本和牛咁一入口即溶, 但係薄薄的一片, 入口慢慢溶化.味道一流. 巴馬火腿配蜜瓜更是有用心地擺設, 廚師們把每片火腿都捲上再切成井字. 十分精緻!新鮮加上鮮甜的蜜瓜配以一片鹹味火腿, 絕對是不可缺少的頭盤.餐湯: 松露菌油什菌濃湯又是一道必叫菜式~ 香濃的什菌加上松露菌油, 入口香醇.陣陣松露油香味, 絕對值得推介~Pasta: 意大利蕃茄汁芝士雲吞, 美國大蜆白酒汁意粉兩道都是媽媽超級喜歡的茶式~芝士雲吞有點流,畢竟有濃厚的芝士, 食多兩件巳覺得好飽. 幸好配上開胃的蕃茄汁, 帶點酸酸, 中和番濃厚的芝士味, 菜式顏色鮮艷. 十分搶眼.廚師們的心思, 在此略見一班.大蜆白酒汁意粉, 不錯喔~ 新鮮的大蜆以白酒煮熟, 既有海鮮的鮮甜, 又有酒香. Main Course: 炭燒原隻波士頓龍蝦配黑松露意大利飯, 燒NZ 鹿柳配芥末汁媽媽喜歡食龍蝦, 因此幫佢點左呢一道龍蝦, 原隻炭燒龍蝦, 真係好有驚喜~龍蝦的烹調時間掌握得很好!! 蝦肉爽口彈牙, 鮮味十足~意大利飯上的黑松露，被波士頓龍蝦身蓋著，帶有少少龍蝦的香味。意大利飯軟硬度適中，一啖肉一啖飯，十分美味, 媽媽又再一次食到停唔到口~不得不提的就是牛油薯蓉,香濃的牛油,吃起來十分可口~燒NZ 鹿柳配芥末汁係媽媽未食過的菜式, 一聽到係鹿肉, 媽媽都有D 抗拒~ 但試完一小口, 佢就馬上愛上~!鹿肉不似得豬肉會好"鞋", 但又比起牛肉來得健康一點~ 口感有點像牛~ 軟林林的~ 絕對值得一試~!…查看更多

希望太大, 失望更大~ 真係無錯~黎到白熊咖哩, 叫左一個牛, 一個豚肉咖哩飯~咖喱味加上芝士, 好流呢由於有咖喱味.豚肉同牛肉....食落好似都係一樣咁~慶幸牛肉味比較重, 因此唔會俾咖喱味蓋過~至於咖喱汁, 其實又唔係真係好濃香. 唔知係因為加左芝士定點. ...整件事不太配~個汁本身又不夠濃, 但又蓋過晒肉既味道~廚師們或許要再調較一下個汁喇~…查看更多

在台灣食過很多次, 今次係第一次在香港食大名鼎鼎的鼎泰豐~~等的人..多到呢~~ 7:30pm 去到巳經好多人...慶幸等到8 點就有位...一行2 人~前菜是四喜烤夫, 軟綿綿, 但咸左少少~食左最出名既小籠包~肉汁鮮甜, 濃濃的肉汁, 入口的確不得了~ 但皮太厚~ 總店台灣o係呢方面就 做得好好多了~~~再黎一個豬扒炒飯同埋紅油炒手~炒手太多油同太辣, 蓋過了食物本身的味道~ :(豬扒炒飯都好出色~ 飯夠香, 唔會太乾又唔會太濕~整體黎講都幾好環境係惡劣~ 因為比較嘈吵~有很多大陸人...除晒鞋咁食飯...唔多開胃~除此之外~ 不錯~…查看更多

去沙田行ikea~ 行完搵野食見到呢間泰菜, 試下~都算唔錯生蝦十分新鮮, 配上佢地提供既汁, 十分酸辣!!之後叫左個青木瓜沙律, 同o係泰國食既就差得遠~ 得個辣字, 冇左生果既新鮮味道~炒左個咖哩大蝦~ 正~!咖哩好香, 唔辣~ 有少少椰香既味道, 大蝦三條, 開邊上~ 一共有6 隻~ 好新鮮~ d 肉唔會因為煮得太耐而變un~ 食到都幾新鮮~ 咖哩再用黎配上蒜蓉包~一絕~!不過食完呢餐後, 要狂飲水...相信...食物加左唔少味精~:(…查看更多

三人行~ 行到攰, 黎到呢間caffe habitu, 有位唔駛等累到死既我地, 馬上衝入去啦一人一杯, 朋友叫左杯Earl Grey Latte, 好香~ 但係茶蓋過咖啡味. 而且糖又少, 令到成杯咖啡變得苦澀~自己飲左杯焦糖咖啡( 唔記得全名) , 焦糖燒得太焦, 再加上咖啡, 好苦, 自己要再加上糖先可以入口~另一位朋友叫左玫瑰奶茶~ 呢杯反而係最好. 淡淡既玫瑰味加上茶香, 無得頂~!…查看更多

同友人黎食~真係冇時冇刻都係咁多人~等左15分鐘, 終於等到~!一黎到就狂食~ 哈~叫左一個海南雞飯~ 雞十分滑, 而且又有雞味~ 好香~ 配上佢地既三種唔同既醬汁, 一流~!個飯有跟湯, 反而呢個失色好多~跟住叫左6 個串燒: 雞, 牛, 羊各2~ 其實串燒反而唔太好味. 因為三隻味都差唔多反而係俾佢個汁吸引到~ 加左好多, 好香口~再叫左個馬拉盞炒通菜~ 好咸呢.........最後再叫左個炒蘿蔔糕, 有少少辣, 十分香口~ 不過食左幾件就好飽~ 如果下次再去, 睇黎要捨棄個飯先可以食到呢碟送~!…查看更多

朋友帶我黎食~ 好耐冇黎大圍, 估唔到開左咁多唔同種類既食店呢間餐廳既位置, 真係比較偏僻~ 如果唔係朋友帶, 真係唔會自己搵到黎~叫左個dinner set~是日餐湯係南瓜湯, 都有南瓜味, 但稀左d~! 如果可以濃味d 就更好餐包只係普通白包..失望~ 而且又唔夠暖~ 失色~main course 叫左個紅酒膾羊架~ 講真, 完全食唔到紅酒味.. 到底有冇落到, 我都唔清楚~羊架肉質唔滑, 唔知係咪因為煮得太耐, 變到好un~ 要咬好耐先食到~配上既汁似係蕃茄汁多過紅酒, 又或者係蕃茄味蓋過紅酒, 但點都好. 廚師應該要掌握得好才對~餐廳細細, 好似仲有上層, 食煙既朋友可以坐在出面~ 雖然只得一個侍應,但可能當晚我地比較遲~ 冇乜食客, 所以服務ok~!但食物上真係有大大的改善好間~ 加油吧~!…查看更多

一直都係crumbs 既支持者黎到太子, 當然都要再去支持下~!叫左個大杯 - 藍梅, 士多啤梨, 椰果同埋蜜糖香蕉~兩種生果都新鮮又鮮甜~乳酪入口好香滑, 加上蜜糖後, 更覺得岩晒而家秋天超dry既天氣～！香蕉係比較飽肚, 建議食少少就算~!可惜既係呢間鋪既位置, 如果有多d 位, 可以俾人入座就好否則總要企o係小巴站旁 / 後巷附近, 感覺比較唔衛生~…查看更多

同朋友黎食. 好耐冇食過, 發現水準下降~蟹子沙律既分量比想像中多好多~! 青瓜線配上蟹柳及沙律, 真係停唔到口~叫左個蜆湯, 哇~唔得～！　完全唔得～　十分咸~ 又冇味, 好似係普通水加左好多鹽!!! d 蜆又有沙..飲左幾啖就放棄左~!壽司有算可以~ 魚生新鮮,鮮甜~海膽手卷既紫菜, 上到黎時巳經林左........:(最後仲叫左條鯖魚~ 煎完即上, 加上檸檬汁, 入口鮮甜~ 相信廚師們掌握到煎魚既技巧同時間, 因此魚帶有煎出黎既香口又保持到自己既甜味~ 唔錯~!…查看更多

同朋友黎食放題好耐之前都黎過, 記得d 野好好味, 因此先再黎點知...今次既水準真係差左落完單, 好多野食都冇黎第2 次再追, 又追唔到去到第3次, 竟然話冇晒.....而且放題變左主打係炸物咁...樣樣都炸.... 之前都有好多熟食....飲左一個洋蔥湯, 偏咸但好重洋蔥味~ 不錯.叫左幾款沙律, 幾款都唔錯~ 最出色都係因為佢地個沙律汁做得好~ 比較好味既係以下呢個沙律~ 好新鮮~ 配上蛋, 攪埋一齊後好好味~三文魚都幾鮮甜呢個炸物, 好失望~唔記得左個名．．　總之同ｍｅｎｕ　放出黎既相, 完全唔同...中間係炸火腿....外層太林, 唔脆~壽司都係好普通.... 魚生都係新鮮既~但壽司一夾就散~ 炸雞好脆, 但唔香. 冇雞味. 而且仲要係雞胸肉, 十分鞋~串燒都算ok~ 加左少少咖哩同青黃椒, 上菜時係熱辣辣, 都幾好味侍應對我地又愛理不理..叫佢地幫手追d 野食..次次都冇回頭我都決定對呢間餐廳冇回頭..…查看更多