Cynthiaaaa Tang的个人专页

老公生日，咁啱係星期一blue Monday，又唔想去太遠食，之前食早餐經過門口都幾企理，所以揀咗呢間餐廳慶祝，2000幾蚊兩個人晚餐，有新鮮澳洲龍蝦，食到有鮮甜味，有鮑魚，有和牛，有鵝肝，有鱈魚，有帆立貝，尤其係鱈魚做到好香脆，個人幾鍾意，仲要好多免費車位，絕對係抵食之選。因為我哋曾經去過山林道食鐵板燒，兩個人仲要比5000先埋到單，只有波士頓細龍蝦，泊車係街邊咪錶代客泊車都要100蚊tips，以後唔會再去尖沙嘴食鐵板燒，去錦田呢間性價比高太多。…查看更多

中環想搵一間似樣啲既韓國餐廳，真係好有難度，尤其係一人餐，好多都好大份，一定要一大班人去食先得。之前都睇過Chimac ，但未有機會食。最近又想食韓國菜，所以終於的起心肝去試，岀餐都幾快，而且成個包裝幾靚♥️放得都幾整齊。雖然炸雞啲粉多咗少少，但真係幾脆，味道不錯，我點咗蒜香醬油味，好香，剛剛炸起，肉質都ok，仲有薯條同酸蘿蔔。再加18蚊跟餐，炒年糕，普普通通，有6,7粒年糕，暖，不過我外賣無所謂，可以返公司叮熱。飲品我揀蘆薈樂，幾好，唔會太甜。整體都好，所以自己會再幫襯。…查看更多

第一次叫咗拉麵，感覺一般，所以今次第二次黎想食佢個招牌極上蟹皇沾麵，可能因為期望太高，湯底感覺唔太濃蟹味，豬骨味濃啲，唔知係唔係因為蟹太貴。另外佢個軟腳蟹，炸粉略嫌厚咗啲，整體係實脆，唔係鬆脆，所以我都未必再去食。不過好值得一讚係所有員工都好貼心又有禮貌，我一入去被安排個位好大風，我就問咗一個Part Time 職員我想調位，佢就話：可以啊，隨便，不過佢應該無通知其他職員，到後來食物到咗先知我調咗位，我就同一位黑衫女經理（我估）講：唔好意思，因嗰邊太大風我先想坐呢度，佢就話：唔緊要，唔好意思，因嗰邊有其他客人坐，所以唔知佢哋想唔想熄咗個冷氣，如果呢邊你想熄我可以幫你熄咗佢？我當然話：好啊，唔該晒，個女經理仲問而家有冇好啲？👍🏻 到之後枱面無匙羹，我問一位白衫男職員，佢見櫃桶無晒，仲入廚房拎咗一隻剛剛洗乾淨，熱辣辣既比我，仲好有禮貌講：唔好意思，啱啱先有新一批洗乾淨，服務好讚！到最後埋單，另外一個白衫女職員見我想拎起杯飲茶，比完錢仲會問我一句：需唔需要多一杯茶？所以整體服務真係好好，可惜食物真係唔吸引我，我唔會再食😹😹…查看更多

之前有一日lunch time 想食麵，但唔想又食米線或拉麵，就OpenRice 揾到呢間麵食，就叫咗個慢煮吉列豬扒擔擔麵食，一食就覺得有好濃花生香，豬扒夠脆，就覺得唔錯，介紹咗比家人同同事，有一排係鍾意食到晚上食飯都堂食幫襯，大大話話都試過晒好幾款麵食，不過最岀色都係擔擔麵。一直個女職員/老闆都好有禮貌，仲好醒目，見到我係岀面等，外賣一預備好，就直接遞出嚟比我。但隔咗一排，再叫外賣既時候，一如以往，我企係門口岀面等外賣，我見入面都有幾枱客，心諗唔好催人，我等一等。點知外賣ready 好，佢好似睇我唔到咁，但當時得我一個係度等，就咁放外面，咁我拎咗就算。到最近再叫外賣，見個女職員/老闆見我係岀面企都無乜反應，同黃師傅兩個傾偈，我以為仲等緊啲麵煮熟，我又再係岀面等，等咗幾分鐘，好似唔對路，我就直接走入去問一問，唔該想請問外賣xxx號係唔係未ready？個女職員一副不屑樣，唔岀聲遞咗份外賣比我。開頭第一次我以為佢當日心情唔好，之後原來都一樣，我自己就決定唔再幫襯，況且最好食都只係擔擔麵，但又未到非吃不可，中環亦有唔少小店選擇。…查看更多

之前男朋友話未食過葡國菜，所以上網搵餐廳，意外發現呢間餐廳原來係我以前大學同學做行政總廚，所以去試吓味🤣今日係母親節正日，所以一早訂咗位，7點都未有太多人，好彩，上菜都好快，之後就越嚟越多人，餐廳乾淨企理，而且服務都ok。之後我哋點咗八爪魚沙律，食得岀用料新鮮然後就係海鮮飯，海鮮仲多過risotto 🤣，雖然顏色不太吸引，但入口係好濃郁海鮮湯味👍🏻最後就係脆皮豬，但略嫌有豬騷味，不過驚喜係做到皮脆之餘，仲係入口溶化種口感叫咗一杯橙汁，一枝水，埋單都係600蚊有找，我哋兩個都覺得物超所值👍🏻👍🏻…查看更多

事關之前有一排好熱氣，加上又濕熱，走去另外有間連鎖涼茶飲品舖買咗支竹蔗茅根飲下，見好似解決我晒我有既問題，而且聲稱無添加糖，但一飲個甜味好濃，覺得佢應該係落咗冰糖片糖之類，但飲咗都感覺無咁熱氣，不過我太怕肥，所以飲咗1,2次無再買。咁啱經過見到海天堂，見到又有竹蔗茅根，又係無添加糖，即刻買支試吓，一飲真係淡味好多，種甜味係完全來自竹蔗糖，而且都幾快見效，多咗小便，而且當晚仲有濕熱💩💩。由於我太鍾意食熱氣野，加上可以放2星期左右，所以我周不時每個月都買2,3枝看下門口。真係好過飲五花茶嗰啲。…查看更多

同男朋友補祝情人節，呢間餐廳我一直想試好耐，終於有機會，期待已久🥰地點好方便，泊車可以係正隔離大廈。我哋一上到餐廳，服務員每位都好有禮貌，又唔會無人理，而且雖然最後無安排窗邊位，但都係窗附近睇到夜景，環境係好浪漫🌹。點完菜，先上洋蔥包熱辣辣，係唔錯，但未到必食，個cream/butter應該係餐廳自制，亦無話特別香。跟住就到海鮮熱盤：好彩有叫呢個海鮮熱盤，否則今晚會好失望🥲蟹餅可以的，啖啖蟹肉，帶子算爽，我本身麻麻地蠔，因為我怕仲腥味，但佢無既，因為佢個蒜味都濃，整體對我黎講可以的。之後就上牛扒，我哋叫咗Dry aged Rib eye beef，一上台真心已經一陣「蘇」味，佢仲有我自己最唔鍾意既Parma ham 種肉「蘇」味，佢個汁係紅酒煮，我唔知係佢個sauce 調校唔好定枝紅酒唔靚，我哋兩個真係食到一大半都頂唔順，都無食晒塊扒，真係超臭食完諗住試埋佢個signature chocolate cake，心太軟，真心都好失望，成件cake都係太甜，佢入面流心朱古力，其實唔洗用milk chocolate ，應用dark chocolate ，原因件蛋糕外面已經偏甜，令到成舊cake 好膩/漏其間都有待應兩次問我哋嘢食如何，我哋無反映比佢哋聽，因為我覺得講完都係無乜用，感覺唔會因為我一句說話而唔再用澳洲牛扒。亦有可能有客人鍾意食「蘇」牛扒。不過我自己就唔會再食Morton’s ，因為另一間有名American steak house 比佢更好食，又比佢平，更值，只係唔係正正對住夜景。…查看更多

之前因為屋企人嗌外賣，所以我都一齊試吓，點知一食就上癮，一直我係叫開豬頸肉酸辣米線，湯底超濃郁，再加上熱華田，又係好夠味，唔會淨係多奶無華田粉，所以成日都好掛住呢個米線💕今日放工，諗住試吓堂食，再試下佢哋嘅香茅豬扒，一樣係配酸辣米線，同埋我最愛嘅熱華田，點知一食，我發覺外賣湯底濃郁好多，而且杯熱華田都不及外賣咁濃味，但整體都係好食。堂食最值得讚係d姐姐好有禮貌，有個姐姐仲識得上米線時，將個碗放入d我個位，唔會好似平時餐廳啲侍應就咁放低就走開，呢個行為非常之讚👍🏻👏🏻，希望一路保持水準！…查看更多

之前睇食評，見到有人話佢哋有個女職員態度差，又係背後評論個客，原來係真，我估計今日遇個職員係同一個人，話說whatsapp 落Order ，跟住上去拎，到比錢時，佢話$78，但我order 咗2份，好心提佢，點知個短短地頭髮個女職員講咗句：係喎，益咗你添，仲要講咗2次，真係不知所謂，會叫埋同事唔會再幫襯，話晒中環地區，擺個咁低質素既員工係做侍應同收錢，簡直係倒自己米。講返食物，叫咗個酥皮三文魚鮮茄忌廉汁配焗薯，雖然個酥皮算焗得酥，但份量偏少，而且有d焗薯唔林，有d係爽，整體食物質素唔算令人去到要回頭，所以同同事都唔會再返去幫襯，咁既價錢可以食得好d，仲唔洗比人話。…查看更多

好耐無去幫襯，咁啱行開上環，所以就上去食lunch，點知原來轉左新餐牌，應該係話成個路線都唔同，主力做中餐，花膠湯依然都有，而家仲更加入味，而且d花膠感覺靚左同大塊左！😮 我問職員，個湯可以單獨做外賣，佢哋仲打算做湯券，好期待，啱晒中環上班族，工作太忙有d滋補湯飲下♥️今日我揀咗馬友梅菜蒸肉餅，叫完等左無耐就上菜，好快！賣相好吸引，加埋d豉油，撈飯真係超正🤤👍🏻絕對有酒樓中菜味道！下次會試埋牛腩飯😋…查看更多

疫症之後，好經常有習慣周圍試下外賣，今次已經係第四次幫襯，最愛食佢地個butter chicken 同chicken tikka masala，我一定會揀butter roti，貪佢係全麥麵包，我比較過其他中環印度餐廳，佢哋真係做得比較啱我心水，凍左都無其他餐廳既roti 咁乾同硬。今次上到餐廳，見佢哋未預備好，就諗住坐係門口等下，點知個老闆突然叫我坐低，比左碟捲餅我，外面好脆，好香，入面有d薯仔，又有d sauce，好好食，普遍食物水準真係好好，會繼續幫襯，仲會介紹比同事。…查看更多

好耐無岀去食飯，諗住試下唔同餐廳，之前見過好多次呢間餐廳廣告牌，又見係北京道一號，有靚影就決定去試，點知完全伏晒🤮。叫左個燒肉盛合，救命，有d肉有”叔”味，又無解凍，又再叫左一個醬汁牛肋骨，呢碟就得一，兩舊有返d肉味，仲有一碟五花腩，好在無”蘇”味，但都稱唔上好食兩個字，成間餐廳真係得個景，由於太難食退既關係，都無影過食物相，因為一睇d肉質已經唔靚。唯一服務唔錯，職員普遍都好有禮貌，但真係唔會再幫襯，實在太難食。…查看更多

平日晚餐，都見好多人排隊，心諗應該都係好食，所以今晚決定去試。一早知道90分鐘後要交枱，咁我地坐低就好快叫野食，當時時間尚早，6:30pm，都未坐滿，d侍應都可以當睇你唔到，叫左幾次先過來，黎到我地想食飯卷，話今晚無飯卷，最後order 左3樣野，魚糕湯鍋，牛肉炒粉絲，泡菜煎餅，d野都好快到，可以話一落單就上菜，食左20分鐘，見佢咁快就上到菜，想加多個三文魚飯，一樣d侍應當睇你唔到，好難得有個面青口唇白既男侍應走過來，叫佢加單，點知一開口d態度衰格到一個點咁答我:「無三文魚啦！」然後我成本Menu 比返佢，食完埋單，2個女仔，3樣野食，450埋單，一毫子tips 都唔會比！食物質素，牛肉炒粉絲叫做好d，但魚糕湯偏淡，泡菜煎餅唔香，質素只係叫做好過韓國街d韓食少少（近年韓國街真係好難揾到比較好食既餐廳）但味道真係唔會好過school food。個人感覺，真係唔試都唔會覺得可惜。…查看更多