ngheion9的个人专页

今次專程拜訪呢間貓貓Cafe，喺兆萬中心上面，餐廳空間十足，坐得舒適，仲可以一路食一路玩貓貓！Cafe入面有好多唔同品種嘅貓貓，佢哋都有自己嘅名牌，又唔怕陌生人摸，真係超級可愛！Cafe平日有晚市套餐，餐點選擇多，除咗主菜、意粉、小食同漢堡，仲有好多甜品，係醫肚同時吸喵嘅好地方！-——————————————🍽️— ᴍᴀɪɴ —🍝/菲力牛柳配黑松露燒汁 $118牛柳軟嫩無筋，牛味濃郁鮮甜，配上黑松露燒汁夠晒惹味，值得一讚🐖/美國豬胺扒伴檸檬蘋果醬 $118一大塊厚切，油脂較低，但唔會太乾柴，配上檸檬蘋果醬，甜甜的特別解膩！— ᴅᴇꜱꜱᴇʀᴛ —🍰/自家製鮮果伯爵茶窩夫配雪糕 $118 窩夫煙靭鬆脆，帶有淡香伯爵茶，滿頭鋪滿粒粒新鮮芒果，夠晒果香味同伯爵茶味，整體配合得好好🍰/日本北海道煉乳草莓芝士蛋糕配雪糕 $48士多啤梨同芝士味夠出，甜度適中，配埋曲奇味雪糕非常之滿足！— ᴅʀɪɴᴋ —🫖/蘋果玫瑰普洱茶 $68普洱濃郁，帶有玫瑰花同蘋果味，推介俾鍾意飲濃茶既人~🍋/抹茶拿鐵 $48可以揀走甜，有濃郁嘅抹茶味，記得攪勻先飲呀～🌟 Encore指數：9/10…查看更多

一打開𨋢，已經見到星空佈置，燈光偏昏暗，播住柔和嘅音樂，份外有格調！餐廳食材用了高質，有個巨型魚缸養住大大隻龍蝦，客人即點即煮，夠晒新鮮！主打牛扒、手工意粉同手工薄餅，仲有多款打卡甜品，食物質素淨係都唔錯～平日晚試嚟都好爆場，想嚟嘅朋友仔記得book定位！------------------------------🦞◖鮮拆龍蝦手工闊條麵（半隻）◗ $338半隻龍蝦已經夠大隻，輕微煎過更鮮更香，食落啖啖肉；用上手工製闊條麵，麵條頗有咬口，索曬龍蝦嘅鮮味，加上蕃茄醬，味道有層次！🥩◖炭燒安格斯牛側腹扒◗ $308安格斯牛側腹扒大塊軟腍，炭燒味好香，咬落去肉汁爆發，牛味濃郁，超正！配上法式手工薯蓉，好香牛油味，食落奶香奶香咁～🍰◖My Sign Cake◗ $148慶祝必備嘅蛋糕，可以畫碟，慶祝生日/周年紀念日啱晒！月球裏面收埋咗件星空蛋糕，點上蠟燭，好靚！裏面係朱古力蛋糕，唔會太甜膩，好好味濃郁，唔止好睇仲好好食！🍋◖檸檬雪葩◗ $78原個檸檬裝住雪葩，酸酸甜甜幾清新🌔◖Apollo◗ $98成杯嘢好得意，用個太空人杯座送上嚟，飲品用熱情果、芒果、檸檬調配，飲落甜度啱啱好，幾fresh🍸◖Cat Planet◗ $98用上洋甘菊茶底，加入士多啤梨、橙、芒果果汁，有少少果茶嘅感覺🌟 Encore指數：9/10…查看更多

燒美國Prime級牛扒Dry-aged牛扒 $248每款牛扒都可以+$50轉Dry-aged牛扒，呢款牛扒有8oz，經過乾式熟成風乾，食材水份濃縮，肉質更軟腍肉味更濃郁，咬落去啖啖肉汁💦，正嘅！北京烤鴨Pizza $186Pizza 有12吋大大個，舖上芝士同烤鴨，批底好脆口比較乾身，有啲似食緊餅乾😂，但可能烤鴨醬唔夠嘅緣故，感覺冇乜北京烤鴨嘅風味～德國香腸拼盤 $148一次過試晒四款腸：慕尼黑腸、維也納腸、紐倫堡腸同芝士腸，吱上茄汁，仲配兩件薯餅，份量都唔少！費倫天拿式菠菜焗生蠔及薯皮 $78一份有兩件，芝士生蠔🦪肥美厚肉，中間嗰層有菠菜，底層係焗薯皮，帶少許薯仔肉，外皮焗得香口意式奶凍配芒果甘露 $50意式奶creamy凍軟滑微甜，上面加上芒果醬酸酸地，甜度啱啱好中和返傳統意大利芝士蘋果撻 $68即叫即焗嘅蘋果，食落暖笠笠，酥皮蘋果撻裏面係蘋果蓉，上面就係芝士蓉，外面酥脆裏面軟綿，好食！Coke Zero$24已經嚟過呢間西餐廳幾次，佢啲菜式幾高質，性價比高！而家搬咗新舖，環境更大更闊落，更加入Dry-aged牛扒呢個選項，一定要試一試！…查看更多

平時口痕想食泰國嘢都會去九龍城搵食，抵食夾大份！呢間泰菜館成日搭巴士會經過，今次去試一試佢，估唔到幾有驚喜！菜式選擇特別多，除咗傳統嘅泰菜，仲有超多款泰式串燒，晚市時段仲有機會有live music，夠晒熱鬧！💕泰皇咖喱青口 $38每日有至筍優惠，星期一同二就係呢個咖喱青口，有六隻青口，份量都唔惹少，超抵食！咖喱加咗滑蛋，口感更加順滑，味道偏甜口，青口肉質彈牙，好食！💕燒安格斯西冷牛扒 $268見到好多枱都有點，啲店員拎過飄住一股炭燒香氣，有兩大嚿西冷牛扒，揀咗六成熟，肉味濃郁肉質豐富，邊位仲有少少脆口，好食！💕泰式串燒散叫咗啲串燒，有雞、牛、豬、雞腎、珍寶腸，價錢$22起，炭燒香氣十足，配上秘製沙嗲醬，有粒粒花生碎，食落椰香同花生味都好出！💕曼谷夜市火山骨 $198有六大枝排骨，淋上秘製酸辣汁，酸酸地特別開胃，每條都啖啖肉，份量十足！💕泰式乾炒海鮮米粉 $108炒米粉配料好多，有魷魚、大蝦、帶子、芥蘭，好香有鑊氣！米粉乾爽夠香，但調味偏淡，自己攞佢點咖喱食，另有一番風味！🤣💕椰皇沙冰 $42💕青檸菠蘿沙冰 $42…查看更多

今次嚟到佐敦呢間流水蝦海鮮放題，有好多款唔同嘅海鮮，$348就可以有2.5小時任拎任燒，仲有串燒類，好豐富、款式超級多！而家五點前離座，仲可享有八折優惠，咁抵食即刻去試吓！💗海鮮每個座位隔離都可以夾到生猛嘅大頭蝦，隻隻都游得勁快，要快快脆脆夾起佢，放入冰水度凍暈佢，然後拎去燒，唔係會彈到成身都係！其他海鮮嘅款式都唔少，竟然有原條鮮魚可以拎，超有驚喜，仲有生蠔、帆立貝、鮑魚呢啲都係任拎，食落去都幾鮮甜彈牙，品質都唔錯，都encore咗幾次！💗串燒除咗海鮮檔可以任拎，仲有串燒類都係！佢擺滿三個凍櫃，有蔬菜類亦都有普通嘅雞牛豬串燒，連羊架都有！拎返去燒，可以用枱面嘅各種調味粉作簡單調味，好玩又好食～💗熱食仲有啲熱食比顧客食用，初初嚟到肚餓可以食住當前菜等～💗甜品甜品選擇唔算太多，全部都係雪糕雪條，但勝在口味夠數多，過吓口癮都唔錯～⭐️整體分數：9/10…查看更多

呢個咩蕃茄芝士餅 比啲普通餅乾我地就收成舊水 真係智商稅嚟但原本以為好差 但原來低處未算低 一切陸續有嚟北海道帶子唔知咩鬼飯 真係難食過狗飯 完全冇味冇到 唔知仲以為去左幫襯素食餐廳鵝肝羊排 呢個仲衰多兩前重 以後兩樣係分開架啦 點知合埋一切 個肝似係樓下超市啲急凍貨 個羊排喊左七成熟 依然都仲硬過我啲牙重頭戲嚟啦 食到6.58pm 上甜品啦等左成半個鐘 以為有咩大搞作 原來得咁架咋？？ 又唔係特別好食 擺盤又唔靚 搞成半個鐘？ 仲耐過啲主菜 都唔知係無心做好菜品 定其實你地心在甜品然後埋單話過左7.30pm 現時已經7.32pm 連個85折都冇埋 事前確實冇睇要730前離座 但我地7點正已經食完 正正常常你地唔特登拖住時間 慢慢食都準時走到啦 正常甜品店整呢兩樣野15分鐘都搞掂啦等到un 哂腳 催左兩次 搞成半個鐘 出啲咁既貨 真係唔會再嚟！…查看更多

好耐冇同朋友聚舊，就約左嚟燒魂食野☺ 我地喊左308$ 下午6點到8點的時段，包4款飲品（+c、可樂、荔枝紅茶、烏龍茶）本menu幾厚，款式都幾多，我地每款都喊左少少野嚟試🤤三文魚刺身幾新鮮，甜蝦夠哂爽口，泰式生蝦又係另有一番滋味到主菜牛肉上場既時間啦牛肉質量很好，睇到牛既紋理都覺得吸引。淡淡既牛香點上醬汁，讓人回味無窮，我個人中意點泰式魚汁，又開胃又唔會太膩呢一刻其實已經好飽，但係見到菠蘿炒咁吸引，就覺得一定要埋。炒飯粒粒鮮明，菠蘿夠哂鮮甜，食落去認真開胃，食完2 round 依然忍不住一口一口放在嘴裡，直到碟裡空空如也😋整體來說，令人滿足的一晚🥰…查看更多

行過見到一間門面裝飾得幾好既小店，有好多唔同種類既三文治，大大份咁，就買左一份嚟試😍😍出爐啦🤩真係同張相一樣，夠哂料夠巨型，味道都唔錯架👍👍👍下次想試下沙嗲牛肉果個，不過餐肉蛋先係我永遠既最好~~🤗炸燒賣都夠哂溫度，食落去熱辣辣，都係我最中意既小食之一❤❤我仲叫左薯條，不過薯條拎到番去肯定會有少少淋🥀 但係又唔算差，正正常常，醬料都幾有款揀😋😋 下次試下其他款先~如果樓下有間咁既三文治店，我可以日日去買早餐…查看更多

壽司嚟講 元氣未必最好食，但絕對係最抵食之一。成日都有8折優惠，操作上電子落單，自助送到，全程三個字「效率高」!!!我通常會叫三文魚同灸燒類型既壽司，感覺比較穩陣，拖羅同埋玉子壽司都係我中意食既。元氣既甜品都唔錯，特別係果個灸燒檸檬蛋糕(名字忘了) 朱古力蛋糕個味都好濃，每次去都會喊點品。炸野方面就唔太抵食，同埋比較普通。個薯條，炸雞，章魚燒，幾十蚊一份，味道雖然不過不失，但份量少，寧願喊多幾碟壽司。…查看更多

服務超好，豬頸肉超正，唔洗點汁都夠哂味，啖啖~肉！ 當然點埋汁最好啦！冬陰功蝦飯都唔錯，幾開胃，我同朋友猛咁猛咁食，我好少食得哂成個飯中，朋友都話正🤣🤣埋連連加一都係300有找 之後放lunch終於去試埋個船河，五十幾蚊幾多餸，但同車仔麵差唔多，同泰國正宗既船河有一定距離，不過都ok既，幾豐富，再喊多個小食，已經係一種享受👍👍好食既泰國野我一直都好中意，附近有一間認真唔錯，唔洗去到冇雷公咁遠😋…查看更多

5 6年前幫襯過，覺得很普通。前幾年再幫襯，發現有進步wo猪頸肉、牛小排👍👍，如果講抵既話，喊猪排、雞排四十幾蚊算大塊，加18蚊有埋前菜、甜品、飲料。我通常會加隻糖心蛋，好似都係十幾蚊。仲有章魚燒、口式炸雞可以選擇。壽司方面呢間都算可以，而且價錢不貴。一百蚊左右，已經食到個翅身拼盤，真係好抵架!外賣方面個雙拼飯都好平，我成日點猪排搭雞肉，56蚊左右，份量好多，仲要連埋麵士湯。去日式餐廳我一定會試下個麵士湯得唔得先🤭…查看更多

檸茶方面，韓樂真係好有心得！！！唔洗自己篤檸檬，味道又岩岩好夠哂味道，又夠哂凍好cool阿！但係有時真係為左杯檸茶先幫襯韓樂，因為款式確實越嚟越少記得新開既時候多好多款架，慢慢好似冇咩岩食、冇咩選擇咁，次次嚟都淨係叫果2 3味。另外個扒餐都唔錯既，百零蚊嚟講算係幾高質、幾抵。有段時候日日都叫，不過係日日喊都會厭既😂其他食物真係一般般，係下午茶個意粉唔錯，另外有d小食唔配飲品，要單喊，令到選擇好似更少咁。…查看更多

係屋企附近，所以成日幾捧場，個人感覺都ok。地方幾大，菜單款式好多，比一般茶記多選擇。成日點炸雞比煎蛋飯、餐肉蛋飯、炸雞奕多士，夜晚叫餸食飯，牛肉、椒鹽鮮魷呢d都幾好，係有一次叫胡椒雞煲冇咩味。服務方面真係見人見智，整體都冇咩問題，最大問題係成日出錯餐，都5 6次左右。記得有一次我叫左炸雞比薯條，我朋友叫左炸雞奕麵，然後拎左雞比薯條，同佢講換番，佢就將雞奕拎入去扮新既出餐比我朋友，沾住少少薯條既配菜，所以我就發現左😂出餐方面要繼續加油…查看更多

一直對印度菜幾有好感，因為佢有好多唔同既姿態，一種食材佢餐牌上有廿幾種做法，根本唔會發挖得完😂餐廳既服務員好熱情，一嚟就會免費送一塊薄餅，有兩種醬料選擇。我嚟過3次，三次都有點雞，白汁果種幾好味，肉幾鮮嫩，另一款雞味道就比較濃郁。羊肉餅唔點汁都好食，咸乳酪同印度香料炒飯幾新奇。值得一題既係服務員好貼心，我要打包食物，佢會嚟主動幫我搞得好好睇睇，個羊肉餅幫我用錫紙包住，保持溫度。仲有好多款既羊、雞、炒飯料理，其實我都好想全部試哂，不過要慢慢嚟，下次再嚟😂😂…查看更多

已經嚟過3次，好中意食佢呢個全日早餐價錢100+左右，連埋湯同飲品。講下環境先，都算幾乾淨企理，地方唔算大但舒適，出餐快服務都幾好。至於呢個早餐點解我咁中意，係因為有哂我中意食既野🥰 有牛肉腸、三文魚、焦糖香蕉、黑松露炒蛋、仲有流心牛角包！！ 牛肉腸一咬，油同肉也爆出來的感覺，很nice。流心牛角包也很脆，喜歡芝士流心😋 三文魚都好正，炒蛋呢d我早餐必不可少，都做得唔錯，仲有條蕉食。真係好豐富，飲埋個湯真係好飽，經過就想入嚟幫襯❤…查看更多