Leungchunhin的个人专页

又去試下另一間冠軍港式奶茶先！聽朋友講天后開左一間冠軍茶王師傅主理的茶餐廳，嚴格嚟講係奶茶店，食品係輔助角色。主打冠軍港式奶茶，金牌鴛鴦。店內食物選擇唔多，不過，已經夠，加上主打唔係茶餐廳嘛！一個人嚟探下店，又係食得唔多的我。只係點沙爹牛肉滑蛋三文治加熱冠軍奶茶！奶茶質素好，滑加澀味低！食品質素唔錯，有誠意，起碼有牛肉夾係三文治入面嘛，唔係得d肉碎。室內坐位都坐得好舒服！值得再嚟！下次再嚟可以試多啲嘢先！…查看更多

朋友介紹，話奶茶勁好飲！所以，就來試一下。位置大約20左右，只有一張3,4人台，所以人多便不用考慮了！客人唔多的情況下，都要等10幾分鐘先出三文治，有少少慢！人客多的時候，應該要等得好耐先得。一個人嚟，能試的嘢也不多，只點了一份沙爹牛滑蛋治和一杯熱奶茶，無套餐下的價錢略貴。沙爹牛滑蛋治，沙爹牛份量不多，試唔出沙爹牛味，蛋味蓋左牛味！奶茶係好質素的奶茶，少澀，夠滑！套餐選擇太少，建議可考慮改善一下！…查看更多

繼上次中學同學聚會，事隔一週，又嚟幫襯！事源原來朋友想去的地方，朋友本來早去到攞位，點知臨時有事去唔到。我就話改地方囉。好彩轉得快，我又到得快，我嚟遲5分鐘，應該又無位囉！一如既往的出品，出品幾好，沒令我和我朋友失望，我2位朋友第一次嚟，都覺得唔錯！咕嚕肉夠脆口！今日的一口蠔挽回上次我的不快，脆口，香口加上粉薄！另外個娃娃菜煲，同上次一樣，合格！今次另試左個油浸水花蚧，我無記錯的話！都係水準之作。我有一位朋友好like椒鹽類食品，不過呢種系列係呢到真係比較少選擇！另一個可惜係當日無蠔餅囉！…查看更多

全靠之前一次的大gathering，20年無見的高中同學見了一次，呢次就係小圈子飯聚，當年呢幾位都係比較熟的同學仔！成晚邊飲，邊飲，邊傾計，時間過很太快！食物質素幾好，最好係咕嚕肉，煮很好脆口，首選必食！不過，影漏左相！一口蠔反而比我期望的有落差，，不過尚算合格！蠔餅都不俗，不會少蠔肉，也不會太多粉！蠔仔粥料很足，唔洗落胡椒粉都夠味，清晒！豬手都好香口，送酒一流！其實係第二次食，不過上次無影相，便沒寫評語！…查看更多

朋友話試下呢間，佢食過幾次都唔錯，可惜今次體驗一般！訂了位，早了15分鐘到，等都無所謂，店員都話一有台就俾我，等等下，等到7點半我訂位的時間又俾另一台遲過我到，人數相約的進場先。當然我唔知佢係咪有book早過我的時間。我問帶佢進去的店員，佢堅持那位客人先！但由頭到尾都係另一個跟帶位你，安排混亂！坐低點菜，之後的服務，還可以！食物質素一般，唔係大驚喜，一般普通大排擋的水平，比起我心目中的有水準大排檔，仲有距離！坦白講，我唔會再嚟，也唔推薦！…查看更多

環境很不俗，冷氣真係好勁，等緊朋友嚟之剪，真心係寒寒地。服務細心，提我幾次可以先點飲品。食品也很好，海鮮都幾新鮮，牛肉豬肉的質素也好。唯一感覺青菜，茹類的選擇不多。酒精，cocktails 類飲品好正！朋友試的沙冰系列都幾好。當晚後來無左原來的白酒，原來的house wine 都好的，轉左另一隻就差左好多。星期四晚都唔多酒，呢點係要改善一下的。老友聚會的話，一定係我top 5 之內，不過，缺係太難訂位了，尤其是星期五晚！…查看更多

環境不錯，服務態度超好，還會提醒你可以煮食前喝喝湯，都幾細心。食物質素都唔錯，個花膠冬瓜煲都幾足料，湯一煮沸就可以先飲一飲！只是剛好坐在電視機前，會有一點小吵。…查看更多