魚餌的个人专页

無影相諗住板長有信心保證平時去開銅鑼灣, 次次都食到皆大歡喜呢次因為要等家姐o係poly放學, 去o左呢一間咁就出事大家都係板長, 唔知點解可以差咁遠唔睇舖頭名, 淨係食佢d 壽司, 真係估唔到係板長出品最想提o既係個燒鵝肝, 完全唔ok, 同銅鑼灣o個個差離天萬丈遠...d 魚生又好似唔新鮮咁賣相又唔好, d壽司散收收咁... d飯又大舊... 下次唔會再去呢間食…查看更多

已經係六月o既事....o係銅鑼灣食完飯, 時間尚早... 行o左一陣之後去o左新開o既聰嫂私房甜品...舖頭超細, 要坐門口... 好o野間舖o係酒店商場入面, 有冷氣...本來想食榴槤o野, 但係遭某人極力反對, 最後屈服o左...叫o左呢三樣o野...杏汁芒果豆腐花紅豆茸涼粉Q果芒果椰果冰杏汁芒果豆腐花 – 我唔食杏汁o野o既, 所以無試到紅豆茸涼粉 – 呢個ok, 不嬲都鍾意食紅豆... 但係好杰好實... 會好飽, 一個人要唔食飯先食得晒... Q果 – 無乜特別, 現成o野... 唔係自家製... 都ok, 煙煙un un... 芒果椰果冰 – 呢個我o既, 不過... 太甜太甜... 同埋, 好杰, 好似碗食飯咁... 好飽... 食o左三份一已經覺得好”漏”.... 食完個口甜爺爺o左好耐... 飲o左好多水.... 下次想試龍眼冰... 朋友話好食...…查看更多

原來咁多人比喊樣... 我覺得都唔係咁差o者, 可能因為有我最愛o既榴槤o卦... 尋晚國慶日, 有我同家姐最愛o既煙花今年九點先放, 夜o左少少... 唔知係咪因為星期五, 諗住好多人都唔使返工.... 不過就苦了要返工o既人(=我).... 六點幾就去o左星座冰室蕃茄麵, 食完去海傍霸位睇完煙花九點幾, 仲影o左一陣相先走走o既時候, feel到肚餓~ 決定要食多餐~~~因為去o左海港城買o野, 所以都係諗住o係o個頭食..o係海港城見到收o左舖o既滿記... 好掛住榴槤~~~ 所以去o左對面o既糖朝~~~呢間o野真係超多人... 咁夜都好似酒樓咁嘈....一入去就有位, 睇張menu睇o左好耐..因為實在太多o野食.... 其實仲好想食d 粥, 腸粉, 同埋點心... 但係諗起自己最近不斷上升o既體重, 唯有放手....最後淨係叫o左三個甜品...:(紅豆豆腐花:)楊枝金露豆腐花榴槤糯米糍(1) 紅豆豆腐花麻麻地... 好淡, 無乜味... 可能因為佢唔係用日本紅豆, d 紅豆唔甜, d 豆腐花本身又無味... 成碗o野都唔甜..(2) 楊枝金露豆腐花呢個ok.. d 芒果一d 甜一d酸.... 原來呢個楊枝金露+豆腐花呢個配搭都唔錯...(3) 榴槤糯米糍唔使問阿貴, 我o地一定會話好食.. 因為勁鍾意食榴槤... 好鍾意佢無加其他o野落去(除o左個糯米皮), 完全同食榴槤無分別~ 正!! 下次我好想試o下佢d 粥... 要晚飯+宵夜+糖水直落... …查看更多

飲過旺角中心對面o個間 (即係crocodile隔離)最後都係鍾情於呢一間佢d 茶味濃d, 奶又o岩o岩好, 珍珠又夠煙un次次都話想試o下其他舖頭比較o下, 但係次次都忍唔住o係返呢間買暫時到依家都係買親都係珍珠奶茶, 未有空間飲其他o野…查看更多

見佢o係openrice大獲好評, 去開深水埗買o野順便食o下叫o左一個豬膶麵一個牛肉麵, 其實我平時唔食豬膶, 但係佢煮得o岩o岩好, 一d都唔un, 我覺得ok...豬膶o個碗個湯好濃, 重薑味... 不過我覺得個麵太淋, 下次都係試o下米粉之後仲叫o左個咖央多士第一次食咖央味o既o野, 好奇怪, 又唔酸又唔甜... 都ok o既, 唔難食... 但係唔知點形容呢種味道.... 整體上都ok... 應該會再去..... …查看更多

家姐同朋友食完一次之後極力推介個秋刀魚刺身, 仲話淨係呢個月當造, 所以同家姐去食 不嬲都對d細細間o既舖頭仔有d 感情, 覺得佢o地自家製o既o野食會有heart d... 果然, 無令人失望 佢個廚房細細, 得兩個人, 侍應得一個, 係會耐d, 但係我覺得可以接受, 去得呢d 地方食飯都唔會想快d 食完快d 走o個隻 其實佢除o左刺身同壽司之後, 串燒亦都係佢主打, 不過, 真係燒得幾耐.... 個秋刀魚刺身, 無寫o係menu度, 要你自己問佢先有 其實我之前無同家姐講, 我不嬲對秋刀魚刺身麻麻地, 又酸又腥腥地, 同埋我覺得d 肉d 口感成日都好似霉霉地咁, 我知d 刺身本身唔係霉, 但係放到入口d感覺係.... 唔使同牙咬都已經可以”顏”爛, 又唔同拖羅咁入口即溶o既感覺... 總之, 就係麻麻地.... 但係呢度呢個, 又真係與別不同, 味道鮮甜亦有咬口, 比出面貴兩倍都抵o既..... 好難得我o地兩個”刺身壽司癡”竟然淨係叫o左秋刀魚刺身, 其他都係燒物... 再一次証實o左, 我都仲係食唔到蠔.... 咬o左一啖已經唔掂, 好彩今次無反胃.... 本身個蠔無問題, 係我自己不嬲都食唔到….. 其實仲有叫其他o野, 不過掛住食無影到相..... 題外話... 食食o下, 隔離枱坐o左個日本人.... 日本人食麵真係”o雪”得好大聲..... 如果我咁樣食麵, 比我阿媽鬧死都似..... (P.S. 舖頭細, 要等位… 預早少少時間去…)…查看更多

每隔一排就會癮起, 忍唔住走去食明知次次都要等好耐, 但係都唔忍心離棄呢個我認為係我呢世人食過最好味o既漢堡包都話鍾意去d細細間自家製o既舖頭食o野...老遠已經見到門口勁多人排隊... 但係都照等.... o個塊芝士, 真係好有童年回憶... 令我諗起我細個成日食o既卡夫芝士.....塊漢堡扒.... 勁有肉汁.... 同埋... 個邊係煎到燶燶地...脆o既.... 我真係覺得麥當勞, Triple O, 同MOS Burger都比唔上佢.... 我記得幾年前睇過一本雜誌, 訪問呢個舖頭o既老細....個記者問佢, 點解咁多年都唔加價格個老細話, 因為有好多學生放o左學之後去佢度買薯條, 漢堡包, 炸雞翼.... 佢怕d 學生唔夠零用錢買, 所以一路都唔敢加價.... 我唔知到依家佢有無加過價, 但係真係好欣賞呢d 唔係為o左賺大錢, 而係真係想帶d 好味o既o野比人o既舖頭.....…查看更多

雖然住沙田, 但係真係好耐好耐無去呢間連鎖式台灣飲/食品店因為最近上o左珍珠奶茶癮同朋友食完飯之後好想飲杯o野第一時間就諗有無珍珠奶茶飲....講真, 依家有馬鐵, 成日都係o係大圍轉車返屋企, 真係好少蒲新城市廣場好彩朋友提起有間仙跡岩雖然明知道一定唔及旺角d 貢茶, 日出茶太o個d 咁好但係因為太大癮所以二話不說走o左去買去到, 間舖頭得好少人為o左爭取時間行o下街, 所以叫外賣真係太多年無幫趁, 睇一睇個餐牌, 真係嚇親飲開旺角12蚊大大杯, 呢間o野一杯爛鬼生果味o既綠茶都要廿零蚊但係, 都係o個句, 因為太大癮, 所以都係落搭我叫o左杯珍珠奶茶, 24蚊等好耐先有第一時間飲一啖-_-“””淡到不得了, 好似飲水咁.... 仍然抱有少少希望, 可能係d 甜味沉o左底 (雖然我知道, 台灣o野飲, 用部機”chok”到暈o左先倒出o黎)搖o下佢, 又用支飲管撩o下佢再飲都係勁淡係有茶味亦有奶味但係似係用一份奶茶開五十份水咁好淡好淡d 珍珠, 都還可以... 雖然都係無旺角o個d 咁彈牙, 但係都夠煙un最後, 我都飲o左大半杯, 當飲水囉.......... 唔好意思, 我覺得如果真係仲想留住仙跡岩呢個開o左咁多年o既名真係要比返少少心機做好d..... …查看更多