bean piglet的个人专页

今日難得去開又一城就試一次食Dan Ryan啦！ 點知…..好先講麵包先， 好….硬！ 如家有長者及小孩就要小心，加上個牛油混果占的麵包醬😓😓😓😓可能食唔慣真係唔掂。。到main course!!虎蝦長通粉虎蝦？ 得2隻…仲要霉囉！而且幾渴喉第二份係 正價既黑松露雜菌意大利飯！唔難食既不過好普通囉雜菌好乾， 而且又口渴……最後由於太口渴所以叫左杯士多啤梨🍓奶昔！ 呢杯係全餐最好既一樣食品味道中規中矩 無咩特別！最後我哋2人食左435元，絕對不值！…查看更多

話說今日老母節，你地食咩呢？ 我就揀左同老母食90分鐘日式火鍋放題！ 由於新開每位都會減40元， 價錢算超值但食物質素呢？ 唔講咁多去相！首先，講下湯底！ 火鍋店沒有一人一鍋，所以我加左10元轉鴛鴦湯底番茄拼北海道昆布。 北海道昆布湯底唔算咸感覺上亦少味精，至少我食完無搏老命飲水！ 至於，番茄就咸左少少 但都可接受既！ 接下來就到， 「肉類」方面 我老母話d牛肉幾新鮮有牛肉味！ 到豚肉， 不過不失反而雞肉幾好岀奇地無雪味兼唔「鞋」值得推介！ 其他配料包括菜菇粟米等好新鮮幾好食既！ 但係有一個伏位就係d豆腐， 有酸叔味 食左一啖吐都吐唔切！ 由於太難食相都唔記得影sorrysorry!!熟食都有幾多款，我就喜歡這個冬菇蟹肉素翅味道唔算太咸 加d醋零舍醒胃甜品當然有雪糕 糖水等等！ 這間火鍋店不過不失，未算好好食！ 新張期內有優惠都值得推介既！ 小童或長者又再平d…查看更多

收工後，唔知食咩就食Coffee Art 啦！ 點知...... 1.先講講個湯先，南瓜忌廉湯 正正常常 無咩特別 好好飲咁又未到 不過不失啦。2.好啦 到主菜既黑松露野菌忌廉意粉...2個字簡直失望！ 首先，意粉唔過心已經扣左好多分。 接下來到d黑松露汁 一個字「乾」仲乾過我銀包👛又淡！ 同普通茶記既意粉質素！ 有圖有真相！圖中所見d汁？ 噢😯 d汁？ 完全失蹤！ d質素差到 自己都整到！ 黑松露意粉既精髓在於汁同香 佢呢2樣都無。。。。。。查實對上一次食既時候絕對唔差， 唔知點解今次會差成咁。。。。。 🧐😔😭 好失望！最後2個人埋單盛惠193元正！ 多謝！ 希望，佢地會改進下啦！ …查看更多

大鄉里出城之荃灣找素篇！荃灣區一向多素食舖， 林林總總有中式西式港式仲有快餐真係揀到眼花撩亂！我最後揀左～車仔麵！ 因為快靚正！黎到呢間車仔麵舖當然要點招牌椒鹽炸薯片 有3大塊咁多雖然好邪惡但係食左先算！芝士腸同素牛腩又係必叫，佢地仲有好多餸 有炆冬菇等！ 仲有例湯送！ 唔想食車仔麵可選擇3餸飯一樣例湯送 每天餸都唔同 一樣美味😋食完仲可以做善事， 詳情可問職員！！温馨提示， 店內比較陜窄加上限聚令等措施大家忍讓下…查看更多

今日去開油麻地區工作，中午當然係要找餐廳醫肚！ 當然要試下 呢間一森素食！ 羅漢齋炒節瓜味道十分好， 既清淡又食到 “家”的感覺 實屬難得！食材新鮮，即叫即炒！ 提提大家 店舖狹窄 大家要忍讓下！ 值得推介！ …查看更多

星期日同家母試新餐廳 —六小館！ 唔試由是可 一試就。。。。。。。由於假日沒有特價套餐，唯有單點 叫左以下兩款小菜1. 南乳脆雞南乳味好香， d雞件好奀！ 奀都算啦 最慘食完唔知自己食緊咩？ d雞無肉，時骨多過乜 一個字差！ 2. 粟米班塊粉唔算厚係幾好既！ 咁究竟衰d咩呢？ 答案係....... 份量少到得人驚 4.........塊丫， 仲要係薄.......既！ 幸好d “罐頭粟米汁 “救返碟餸唉。。。 真係少得可憐。。。。。我食果個時間餐廳唔算多人 但 d侍應係咁趕人走咁！ 食到一肚氣。。。。最慘仲要貴仲要唔好食！簡直華而不實的中菜!…查看更多

去完海馬公園就去左北角既villa villa 試一試意大利既晚餐並試左2款招牌食物。1. 四色芝士薄pizza批底太薄， 好似食餅乾。。 唯獨芝士味濃， 味道還可以吧！2. 萬眾期待既 帆立貝芝士意式雲呑雲呑份量少，帆立貝比相像中無咁新鮮！唯獨個汁濃香芝士味算不錯既！份量少，價錢貴 唔太值得。 3. 頭盤麵包軟熟，味道不錯👍🏻。蒜容味很濃名過於實， 這餐廳可以做得更好！ 若果份量多返d會比較好！環境尚可， 適合情侶們casual dinning !…查看更多

繼上一次外賣cheesecake後，今日正式試一次cheesecake factory 既lunch special!點知好有驚喜1. 四色芝士長通粉 十分有驚喜，一直都想食返某間美式意大利餐廳既芝士雲吞但食過好多間都食唔到唯獨今日黎到就食返呢隻味道！好感動呢😍真係想講返句<眾裏尋他千百度，那味道欲在燈火闌珊處！>2. 羅馬諾脆皮芝士雞扒點知呢碟更驚喜，雞雖然係雞胸而且經油炸過但岀奇地一點也不”孩”。加上蕃茄醬汁，十分醒胃 😋雖然價錢都有少少貴，但都尚算值得既！ 十分滿足!下一次會試多一次cheesecake 再與大家分享食評吧！…查看更多

自從Amaroni's 賣左盤後都少幫襯左， 有以下原因：1. 意大利雲吞自從賣盤後就轉左呢個樣既雲吞，講真。。真係難食左好多。 汁甜唔香，不惹味十分港式一個字 難食😭😭😭 可唔可以比返呢碟我比我呢簡直2個質素。2. 意大利海鮮飯值得一讚係呢碟海鮮飯，海鮮多 蕃茄味香濃好惹味。 真心希望Amaroni 可以做返以前既質素😢😢其實以前美式意大利菜式好好食而且服務態度亦相當好 但現在。。。就好一般，每次幫襯都會好緬懷過去。希望未來會改變吧，相信仍有很多捧場客亦有同感。…查看更多

今日終於在平日品嚐到翠華的午餐而今日的午餐是 香茅雞扒配意粉😍雞扒肉質嫩滑，香茅味濃吃起來像東南亞串燒一樣。意粉熟度岩岩好配上鮮蕃茄醬，一個字正丫！ 羅宋湯酸辣配合得十分好，唯獨今日有d 稠 扣了少少分！ 幸好餐汁開胃，材料新鮮！ 熱檸茶 茶香 配合新鮮檸檬一點也不澀。希望翠華，以後也可以保持優質的食物質素。今時今日要吃一餐有質素的茶餐廳午餐其實不容易。。。再過多50年 香港又剩下多少有質素的餐廳呢？ 很值得我們深思。值得一讚係，該分店員工友善勤力 值得加許！ 😍…查看更多

琴日去完科學館，就到對面的阿善素食品嚐門口右邊介紹的二人餐。沿樓梯行上上去就揀左張枱坐底！ 點知。。1.一坐底。。筷子一拿上手痴痴黏黏洗極都黏。2.櫈都未坐暖立即問我地食咩，我們說看看餐牌才決定。但發現全店都沒有特價二人餐的餐牌，於是，跟店員說想要一份特價二人餐，他就拎一個好細的餐牌。揀了藥膳湯 湯幾好飲，咕嚕素球 好難食 成口粉， 燒汁雜菌金錢片難食 成口粉。。。3. 店員還放低一碟前菜酸蘿蔔。我很有禮貌地跟他說，我們不要前菜點知佢兇巴巴地說，不可以不要。4.同時亦眼見有2枱客由於塭唔到特價二人餐，但又被迫吃前菜最後要為該款前菜埋單！ 好過份！ 不良的經營手法， 開齋店應該要有善心唔係亂黎的！ …查看更多

是日心血來潮 去左食梅花村叫左3樣食物 質素一般。第一道菜係滷水鵝片飯，鵝肉夠淋 頭腐好食 滷水汁惹味 幾好食既！第二道菜係滷水鵝麵，湯底唔錯菜亦新鮮 唯獨鵝肉皮厚 好肥無咩肉 好一般。第三道菜係該店的滷水併盤-細，價錢貴唔抵食完全無鵝肉，頗貴的價錢一般的食物亦不算特岀！該餐廳最差的是服務態度，店員好惡，一入到餐廳，大部分枱也是留座，我們一坐下就俾店員用好惡的態度話我們必須要坐埋一邊。。。真係當食客唔係人，呼呼渴渴。。。唉！ 該店食物好食 但都唔洗這樣的態度丫，我們一邊責怪大企業趕絕小店，但又有沒有人可以講下小店怎樣的服務態度呢？ 如果我們只埋怨大企業價錢貴市民無得揀的同時而小店的服務態度又很差，受苦的仍然是我們的小市民！ 希望未來會有改善。…查看更多

今日行過見到港人最新朝聖地點The Cheesecake Factory。心思思，買左件青檸芝士蛋糕孝敬下家母！點知。。。。。兩個字失望， 味度太酸 好似食話梅咁 硬度亦唔夠而且成件都係慕絲 唉 好失望！ 好似無食過蛋糕咁。而且太多cream,好滯！同埋蛋糕款式唔多，港人最鍾意既口味 例如藍莓 佢係無既！ 總之好失望，行過見到其他人點餐的食物亦完全唔吸引。而且最重要係。。。。。。 佢根本係用本地原材料整真係好失望！ 希望，未來佢會有改善！…查看更多

第一次食outback，是為了情人節二人餐。 首先係佢既黑糖麵包配cream cheese 好食到想食多三個！ 是日餐湯，蘑菇湯 好飲得黎味精唔重 好飲！ 到小食 爆谷蝦 望了餐牌一篇都沒有，應該是精人節獨有 好好食！炸粉唔厚 蝦新鮮爽口！正 Main Course係白汁雞肉寬條麵！白汁香口帶點辣，非常醒胃。唯獨雞肉不夠嫩滑 美國安格斯肉眼牛排，好夠味新鮮！連雜菜也很好吃 到甜品，美式雜果芝士餅！好食到唔捨得請！十分好味完美的一餐 …查看更多

琴日中午，幫襯下丼丼屋叫左個咖哩豬扒飯同鰻魚三色丼點知........1.價錢好貴 每人120元結賬2.汁唔夠 問侍應拎汁 原來餐廳規定份量就係唔夠咖哩汁等於食白飯3.咖哩豬排飯d粉好厚4.鰻魚三色丼，好奇怪咁有一壺似湯既物體侍應小姐叫我地可以加落d飯到食！點知...個湯好似揾木魚煲既水！好難飲順帶一提鰻魚飯又係無汁 搞到要撈豬扒汁！呢間野只食一次就夠！…查看更多