ArashiYip5705's Profile

同朋友去Mega box食飯後想飲杯野，路過見到呢間吧就入左去。唔知原來係Karaoke 歌廳，我哋比較夜去到就岩岩過左happy hour，要飲正價（$98加一）。Staff 好nice，有鼓勵我同朋友上台唱歌，不過我地無預計有呢個機會，所以都無上去獻醜。估唔到Megabox有呢個場地，平日晚上唔算多人，如果想玩下唱歌嘅，去呢度都幾好。Staff話lunch time 係正常餐廳形式，好似下午茶開始到夜晚先有得唱K。…Read More

喺open rice book位，準時7點到，一行3人晚餐。點左雙拼炸雞（甜辣+蒜味蜂蜜），芝士蛋卷同泡菜煎餅。野飲點左薰衣草soda, 檸檬soda同士多啤梨soda。全部野都係比較多汁同重味，好膩。而啲soda就超甜，應該係無得揀少甜的。第一次食炸雞係食唔曬，要打包（每個盒另收$1）。整體感覺一般，有個大叔講嘢都係粗聲粗氣咁，可以客氣啲。而星期四晚同有幾張空枱加外面無人等位黎講，都要90分鐘就叫我地即刻埋單起身，感覺係差嘅。唔會推介。…Read More

去過幾次荷蘭並即將往荷蘭居住嘅我，今次帶朋友黎試下香港嘅荷蘭菜，好彩有預先訂位，因為星期四夜晚去到都基本上full曬，無計枱應該有排等。我點左小食拼盤+Harring+erwtensoep+羊肉maincourse，另外有點酒精飲品。小食拼盤同erwtensoep 都非常之荷蘭地道感，而羊肉係碎羊(我以為係一片片的，不過佢嘅配菜闊身薯條炸得勁好食)，成個experience都好Dutch。要改善嘅地方係有一個女待應幫我地落單，兩次都錯，分別黎左一個錯嘅湯(店長free左比我地)同埋我點half pint beer 佢黎左full，比多左錢事少，食唔曬飲唔曬事大。希望睇到cm，餐廳會有所改善。btw, 所有員工都nice, 所以都食得好開心!overall, 價錢平返少少會係完美。…Read More

一行四人，本身用左open rice book左位，去到係晚市第一枱客，以為佢無開，冷氣超熱，好似入左間温室咁(食完即走，全程食到流晒汗)。點左燒雞(全份配4款配菜)+海鱸魚他他+海鱸魚薯蓉+海鮮餡餅同啤酒和粟米汁。燒雞好食，餡餅都幾好，不過他他不是預想中的他他塔present，比較似沙律一堆咁，而薯蓉係幾特別但本人唔鐘意其中深紅色嘅醬。粟米汁係幾特別，有飲到香料味，但唔會太strong，比想像中fresh，值得一試。…Read More

住官塘區，去過呢區大大小小酒樓，第一次黎呢間，見佢較少人，唔洗等太耐位。不過當中一位負責我地坐嗰個區域嘅男員工真係乞人憎都爆。坐低之後洗完野，家父「唔該，唔該」咁叫嗰位男員工4-5次收走啲水兜，嗰個男員工望都唔望就行左去。期間有個女員工負責點餐各樣都做得到位，不過問題又黎，去到尾段有碟野食等左成40分鐘都未到。咁岩嗰位男員工又行過，家父問佢「爭碟茄子(想睇下有無入單，無就取消)」，家父講完頭四個字，嗰個男員工完全無回應又掉頭走。我望住呢個人佢究竟有無追單，而佢只係走入茶水嗰到拎其他茶杯岀黎，對我地個追單完全無視。之後，我叫女員工叫嗰個人過黎，又叫左四次個男員工終於行返過黎，我即刻問佢咩態度，佢即刻話「追茄子呀嗎～」，我咪話「咁你有無覆我地呀？你係調頭走喎，咁唔情願你咪唔好做囉。」。而家呢啲時勢大把人無野做，其實啲咁差嘅員工真係應該淘汰，唔尊重我啲後生我真係無乜所謂最多叫第二個人，唔尊重我屋企人，我真係同你玩過。附上呢位官塘區最惡劣餐飲業員工照片，同等左40分鐘都等唔到嘅茄子單一張。…Read More