aphaydenv3v的个人专页

蛋包虎蝦炒金邊粉薄煎蛋皮包住金邊粉，面頭仲有大大隻炸虎蝦，好香脆！金邊粉酸酸甜甜，幾有鑊氣，最重要係上碟嘅時候夠熱，份量又多。見到有幾枱都有叫呢個金邊粉，應該算係招牌菜！香葉肉碎煎蛋飯肉碎有得選擇微辣或者辣啲。肉碎配上香葉炒，炒得好香，配埋煎蛋送飯一流！串燒(雞、牛、豬)(菠蘿)(雞髀菇)串燒燒得好香炭燒味，沙嗲醬好正宗！比較推薦豬肉串。燒菠蘿同雞髀菇都好Juicy！珍多冰 泰青檸茶珍多冰好重椰奶味，入邊嘅斑斕粉條好滑溜溜。泰青檬茶酸酸甜甜，好開胃。…查看更多

無花果脆皮雞煲呢度招牌嘅脆皮雞一定要試下！雞件分左一碟碟咁上，淥30秒就食得。蔥粒醃好咗嘅雞肉肉質好鮮嫩，雞皮爽身彈牙！雞肉淥左30秒岩岩好熟透，唔會令啲雞乾柴。湯底好足料，無花果同粟米令到個湯好鮮甜！因為個湯好好飲，所以叫埋個娃娃菜就可以令啲菜吸晒湯入邊啲精華！海鮮拼盤海鮮拼盤有鮑魚、生蠔同大蝦。每樣都各有四件。可以同朋友一齊share食。鮑魚好彈牙，生蠔大大隻，而大蝦都幾新鮮！臘味煲仔飯煲仔飯入邊有臘味亦都有芋頭粒，熱辣辣嘅煲仔飯淋上甜豉油，食落去好滿足！芋頭粒煮到好軟綿，而飯焦香脆焦香。桃膠椰子凍椰子凍質地好似布丁咁，椰子味極濃！鍾意食椰子甜品嘅朋友仔一定要試下！…查看更多

尖沙咀嘅日本居酒屋有好多，不過沃川係一間令我念念不忘嘅高質日本居酒屋。最近想食正宗嘅日本菜，所以今次一於再到訪！自選刺身拼盤今次點左油甘魚腩、牡丹蝦、廣島蠔、鯛魚同八爪魚。厚切嘅油甘魚油香十足！牡丹蝦好鮮甜。最正係廣島蠔大大隻，好肥美！呢度嘅魚生份量都好足！價錢亦算公道。自選串燒串燒簡左雞腎串、雞腳筋串、牛舌串同鴨心串。燒牛舌同鴨心係我最愛。牛舌質感柔軟，調味鹹香惹味。燒鴨心出邊唔係成日都有得食到，味道好香濃。鹽燒鵪鶉髀今次喺第一次食鵪鶉髀，鵪鶉髀細細件，燒得外皮微微有炭燒嘅焦香，肉質仲保持到嫩滑！非常適合配啤酒或者清酒。燒牛小排牛小排肉質鮮嫩，控制火候燒得啱啱好。濃湯蝦烏冬烏冬彈牙，蝦湯好濃郁鮮味！配料除咗有蝦隻仲有櫻花蝦增加口感。龍蝦沙律龍蝦肉質紮實，面頭蟹籽都幾多，口感層次豐富！…查看更多

每次黎西貢，都幾鐘意係m square食個lunch或者tea。呢度個環境好寬敞，坐得舒服。每次黎到都有種遠離繁囂嘅感覺。Lobster Mac & Cheese龍蝦好鮮味，肉質好彈牙。每粒通心粉都掛滿香濃嘅芝士醬。面頭仲鋪滿拉絲芝士，芝士愛好者必叫！Le Foie Gras Burger充滿油香嘅鵝肝、juicy嘅漢堡扒。呢個漢堡包滿足晒2個願望。Burger入面有搽果醬做點綴，做到解膩嘅作用之外，亦都令味道更加有層次。而伴碟嘅薯條充滿薯蓉，炸到脆卜卜。Coco PB Milkshake & Chocolate Milkshake 呢到嘅milkshake係我每次黎都要飲的！一杯叫左夏日限定嘅花生醬朱古力奶昔，第二杯係朱古力奶昔。第一次飲有花生醬嘅奶昔，比想像中好飲！花生醬令奶昔嘅質地更加香滑！不過就有少少遮蓋咗朱古力嘅味道。而朱古力奶昔就明顯更重朱古力味。…查看更多

台灣人氣茶飲店UG TEA登陸左旺角朗豪坊啦！今次就係想去飲佢地新登場既兩款哈密瓜飲品。聽講係好似香水咁有分前調、中調同後調都感覺到唔同味道。哈瓜奶茶🍈前味:哈密瓜甜香 中味:濃郁奶香 後味:茉莉花清香傻瓜奶茶🍈前味:哈密瓜甜香 中味:濃郁奶香 後味:芋香哈瓜奶茶以經典三窨茉莉花茶做茶底，而傻瓜奶茶就以糯米香做茶底。兩杯都飲到清甜既哈密瓜味。而我自己就比較鐘意哈瓜奶茶，茉莉花茶既清香令到整體更加有層次感。而傻瓜奶茶覺得更加適合鍾意奶香味既朋友。指定優惠內容：即日起至8月31日，1️⃣購買任何哈瓜 UG 奶茶系列飲品加$10 多一杯同系列飲品🥤2️⃣於Google評分留言優惠 免費加料📍旺角亞皆老街8號朗豪坊1樓18B號舖📍藍田匯景道8號匯景商場4樓2A1號舖…查看更多

今次係大坑發現間日式小店，店舖雖然細細間，但係樓底高，采光度幾好，所以都坐得幾舒服。今次嚟到見到午市套餐幾吸引，所以我哋嗌咗兩set試下。可以揀主菜再拼小食連沙律同飲品，價錢都幾相宜。呢度主打拉麵、烏冬同日式小食。日式炸雞稻庭冷烏冬配芝麻雞翼炸雞大大粒有三件，熱辣辣炸起都幾juicy。鰹魚汁冷烏冬真係岩曬呢個咁熱既天氣食！烏冬配有蟹柳絲、青瓜絲、紫菜同糖心蛋，撈埋一齊食口感好豐富同埋烏冬夠彈牙。而芝麻雞翼炸到外皮脆卜卜。辣豚骨湯拉麵配章魚小丸子拉麵有2塊燒叉燒，叉燒肉質幼嫩。湯底香辣濃厚，個辣度都唔惹少。拉麵係幼身既麵，食落去有口感嘅麵質。而小丸子外皮炸得脆脆的，香口好食。燒三文魚腩串三文魚腩油脂會多小小，所以做到入口有少少溶化嘅感覺。水蜜桃梳打 白桃烏龍茶水蜜桃梳打偏甜，夏天飲梳打就是爽！白桃烏龍茶相對地就冇咁甜，比較清香。…查看更多

饑餓館2.0位於係九龍城廣場地庫food Court入面。前舖位於鴨脷洲，係一間幾多好評嘅小店。今次轉左新舖位，決定過去試吓！食物質素睇得出係老闆好用心製作！價錢都好相宜，希望大家都多啲支持本地小店！肥牛炒蛋卷餅呢個配搭幾新穎，但係意外地卷餅包住炒蛋都幾夾！餡料好豐富，入邊嘅蔬菜足料又新鮮！外皮有彈性唔會乾身。主角肥牛肉炒蛋，蛋炒得香滑。而肥牛片更加增加到整體口感。仲有卷餅入邊包左巨量嘅芝士！香辣蕃茄肉丸烏冬烏冬面頭鋪滿勁多芝士，完全可以拉絲出嚟。肉丸索滿蕃茄汁嘅味道，而烏冬掛汁又彈牙。香濃嘅蕃茄汁好開胃又鮮味。仲可以揀辣或者唔辣。墨西哥雞翼雞翼新鮮炸起，外皮好香脆，墨西哥風味好咸香。係一款食完都繼續想食嘅小食！鮮炸薯條呢度嘅薯條比較粗身，入邊薯肉比較多！係我鍾意嘅一款！田園沙律沙律包含幾款新鮮蔬菜配上醋汁，幾清爽同開胃。呢款醋汁微微酸帶有小小甜幾特別。樽仔奶茶/檸檬茶奶茶奶味較重，唔會太甜，都幾香滑。檸檬茶酸味較突出，一樣都係微甜的，有解膩作用。…查看更多

冒喜係間專食冒菜，四川菜既餐廳。餐廳提供多款秘製湯底選擇，有辣都有吾辣。宜家係香港已經有5間分店嚕。呢間係我有時想食川菜既好選擇。我哋叫左2個可以選擇6個配料既吉祥套餐既冒菜，第一碗叫左升級版香辣湯配上土豆粉，配料揀左潮汕手搥牛肉丸、墨魚丸、蟹籽蟹粉丸、貴州丁家脆哨、豬大腸同油麥菜。香辣湯惹味香濃，土豆粉吸滿香辣既湯汁！第二碗叫咗生椰蕃茄湯配白飯，配料揀左潮汕手搥牛肉丸、墨魚丸、滑牛肉、鴨血、海帶結同娃娃菜。生椰同蕃茄嘅結合，新穎得來估唔到有幾清新同埋幾夾！配料方面特別推介手搥牛肉丸、鴨血同丁家脆哨。牛肉丸彈牙鮮味，仲幾juicy。鴨血好嫩滑，而丁家脆哨食落去有少少似豬油渣，其實係由切成丁既豬肉經過醬油、鹽、醋同甜酒醃製後熬炸而成。食落脆卜卜，浸埋湯一齊食都幾增加口感！小食-秘製藤椒魚皮魚皮好有彈性，加埋藤椒涼拌好惹味！小食-惹味杏鮑菇杏鮑菇切左細片，所以食落去香辣味吸收晒係菇入面，好入味。飲品-洛神花山楂蘋果/酸梅青檸鳥龍茶呢2枝特飲都係酸酸甜甜，幾開胃同解膩。不過偏向有少少甜。…查看更多

星期日放假嚟到灣仔嘅Odelice食個brunch。呢度嘅brunch set都幾多選擇。仲可以自己配搭唔同嘅甜品同飲品。頭盤(餐湯 炸辣蟹肉球)個日餐湯係翠玉瓜薯蓉湯，飲落去好Creamy！翠玉瓜做嘅餐湯比較少見，飲落去都幾有驚喜。而炸辣蟹肉球，食落有少少似炸薯波，外皮好脆！不過食落又唔覺得佢係辣。法國鴨肝鴨肉漢堡鴨肝都幾厚身，煎得幾香口。鴨肉切碎咗夾喺漢堡入邊，呢個配搭都幾夾！生菜同蕃茄中和到油膩嘅感覺。烤龍蝦燴飯龍蝦好大隻，加咗海量嘅芝士係面頭，好邪惡！Risotto個汁都幾香濃，蕃茄汁做底，酸酸地食落幾開胃！地中海大蜆鍋蜆肉大大粒，肉質幾鮮嫩！不過略嫌係有少少沙。榛子朱古力醬香蕉可麗餅可麗餅整得幾薄身，搽上滿滿嘅榛子醬，加埋煎香咗嘅香蕉。絕對係傳統又好味嘅法式甜品！飲品(抹茶青蘋果特飲 凍鮮奶咖啡)抹茶青蘋果特飲飲落去幾fresh，青蘋果配上抹茶味都幾特別。而latte都幾香滑，鮮奶比例較多。…查看更多

今次嚟到呢間位於佐敦既情懷小店，係一間有糖水、小食同粥品供應既舖頭。絕對係夜晚想食宵夜既好地方。XO醬炒燒賣第一次食炒燒賣，食落都幾有驚喜。燒賣索滿XO醬，配上芽菜同埋椰菜一齊食，又幾有咬口！不過建議食得辣既朋友仔先好叫，因為會越食越辣。XO醬炒麵炒麵配上香濃XO醬，絕對夾！炒麵唔會炒到太乾身，微微香辣既感覺。香辣牛粒牛肉粒共有七粒，牛粒沾上香辣粉，都幾惹味！牛肉質地鬆軟，有小小肉汁。芒果大滿足幾推介呢碗芒果大滿足，因為都幾足料，而且芒果都好甜！有芒果、芋圓、椰果、仙草同丸子。鍾意食煙韌嘢既朋友仔必點！鮮奶小麻薯5號呢個絕對係養顏之選。牛奶配上桃膠、芋圓、丸子同小麻糬。有凍亦都有熱選擇。…查看更多

花膠雲耳雞湯麵好足料既麵，雞湯底幾鮮甜。雞件新鮮，肉質都幾嫩滑。而花膠厚實，雲吞皮薄餡多。上海排骨菜飯炸排骨大大份，排骨肉質鬆化，點埋泰式辣醬食更加好味。上海小籠包小籠包肉汁好多，肉餡鮮嫩，建議趁熱食。土匪雞翼雞翼新鮮炸起，皮好脆身，有啲辣椒粉灑係面頭，更加惹味！如果喺觀塘區返工嘅朋友仔，好建議可以午餐或者晚餐過嚟食，因為價錢唔貴之餘，環境空間感較大，都幾好坐，亦都有卡位。我就覺得上海排骨同土匪雞翼特別出色！…查看更多

生牛肉船麵船麵牛肉既份量都幾多，肉質幼嫩。而湯底都幾濃郁，啲金邊粉索滿濃濃的湯汁。船麵配有既炸豬皮，就算浸咗湯，都保持到脆身。肉碎生菜包肉碎有得選擇微辣或者辣啲。我地就簡左辣啲，肉碎炒得好香，又辣又惹味！就咁撈飯食都得！豬頸肉炒飯炒飯炒得粒粒分明，豬頸肉薄切唔會太肥，整體炒飯調味係偏甜的。雞、牛、豬串燒串燒燒出炭燒香味，點埋沙嗲汁一齊食，更加好味！西瓜沙冰 泰青檸茶西瓜沙冰好清涼，吾會太甜，好解膩。泰青檬茶，酸酸甜甜，開胃之選。…查看更多

新開張嘅拉麵店，喺正尖東站附近，味吉長龍就係石亭同沃川兩間位於尖沙咀既老字號居酒屋嘅老闆開既。拉麵以清湯路線為主，佢哋嘅湯底可以選揀海鹽、醬油或者味噌。俾鍾意唔同湯底嘅朋友選擇。辛辣香肉慢煮叉燒濃清湯拉麵呢碗辛辣拉麵揀咗味噌作底，湯底配埋辛辣肉粒好濃郁。辛辣嘅感覺越食越濃烈。叉燒份量偏多，薄切令到吾會太滯。特別欣賞佢配有炸牛磅，浸埋湯一齊食，特別好食！白松露慢煮叉燒濃清湯拉麵呢碗白松露拉麵揀咗海鹽作底，松露味配上鹽湯底感覺幾夾，兩者取得平衡，唔會遮蓋到松露嘅香味。如果唔食得辣嘅朋友，就可以試吓呢款拉麵。自家製魷魚豚肉餃子出邊應該好少可以食到有魷魚嘅餃子，所以即刻試吓。雪花餃子外皮煎得香脆，入邊嘅魷魚粒令到口感更加豐富，同埋令到餃子冇咁單調！鮮蟹肉忌廉薯餅面頭鋪滿蟹籽同沙律醬，薯餅新鮮炸起，外脆內軟 ！入面食到一絲絲蟹肉，不錯的小食。呢到飲品除咗有汽水都有果汁或者啤酒提供。今次叫左靜罔綠茶可樂同富士柚子汽水。兩款都幾好飲。食辛辣湯拉麵一定要配支汽水啦 ！…查看更多

有日夜晚收工時間去左呢間幾出名嘅Wingman試吓佢哋嘅雞翼放題。放題嘅時間有90分鐘，價錢包埋汽水任嗌。嗰日我哋試晒佢地10款雞翼，每款雞翼都各有特色！鍾意食雞翼嘅朋友仔一定要約埋朋友嚟試吓！水牛城醬: 呢間餐廳煮嘅水牛城醬同傳統嘅一樣，落咗白醋，酸酸辣辣，好開胃！紐奧良香粉: 新鮮炸起嘅雞翼灑上異式風情十足既紐奧良香料，加上幾滴新鮮青檸汁，香氣十足！加州風情: 呢款雞翼配咗大蒜粒同番茜，再刨上一層新鮮巴馬臣芝士，雞翼嘅熱力令芝士呈現半溶狀態，鐘意食芝士嘅朋友必試！死神醬: 注意⚠️呢款雞翼係堅辣，辣味嘅後勁非常之強！唔食得辣嘅朋友仔呢款就未必啱你啦。咖啡燒烤醬: 呢款雞翼一送到枱我哋就聞到咖啡香氣，但食落去完全冇咖啡嘅苦澀味。融合埋微甜嘅燒烤醬，非常有特色！中式海鮮醬: 呢款雞翼有少少似片皮鴨嘅味道，雞翼表面灑上芝麻，香香甜甜！黑椒檸檬: 呢款雞翼加咗檸檬鹽調味，再加上現磨黑椒，雖然調味看似簡單，但味道都唔錯！蒙古燒烤: 呢款雞翼係用自家製嘅孜然粉調味，仲有四川花椒辣味，又香又辣！田園風味: 呢款雞翼用咗酸忌廉粉調味，味道酸甜清新，仲keep到外皮香脆！愛sour cream嘅朋友要食！泰式甜酸醬: 最後呢款泰式甜酸醬雞翼，包住甜酸醬汁，上面有炸蒜粒，香口又過癮！…查看更多

燒帶骨豬扒配香茅芥末籽忌廉汁厚切既燒豬扒，燒既火喉岩岩好，肉質保持到幼嫩同時都食到燒烤既惹味。豬扒沾上特調既芥末籽忌廉汁更加好食。牛肝菌蘑菇意大利飯好creamy同好香濃忌廉既意大利飯，煎香左既牛肝菌同蘑菇令到個飯提升左啲鮮味，香而不膩。78%黑朱古力心太軟焗既時間拿捏得好，所以做到好流心既效果。心太軟配合曲奇雪糕，好perfect！Mocktail - Velvet Lover酸酸甜甜的飲品，果味比較重，唔啱飲酒精飲品既朋友都可以叫杯mocktail試下。…查看更多